مــجـــلـــس الـــســـيــارات

بس في الرمول شي كراجات وايده وتقدر تشوف اللي تباه، بس إذا مب مستعيل وبتوديه الوكاله زين

ندور على موتر يديد من الوكالة ( مايهم اي شركة ) المهم في حدود 30 ألف مادري لو الطلب ماصخ شويه

لأني قلت 30 ألف أو 35 ألف مب أكثر .. من المواتر الميني .....

اي شي كيا -- هايونداي -- دهاتسو ... المهم مايكون غالي ولو الاسعار اكثر عن جيه خلاص بنصرف النظر عن الموتر

تحصل ديهاتسو او شفرليه وكالة على 30

عندك الصور لو سمحت

امس سرت وكاله الرستماني اتخبر عن النيسان 2009


اللي قهرني الشاشه اللي حاطينها فالسياره جنه مركبينها فالروله لوول


نيسان سوبر سفاري فل اوبشن 199 الـف
نيسان سوبر سفاري بدون جلد 193 الف

نيسان سفاري فل اوبشن 166 الف


و بنسبه للفطيم

الاستيشن السته اب 194 الف
الثمانيه ابـ 245 الف




محتاار شو اخذ لول
:7:

في رايي إنها أسعار مبالغ فيها نوعا ما على مكاين ضعيفه ومواصفات
محدوده، ليش ماتفكر في الامريكي مثل
باقي الشبيبه؟

صريح .... شوف اللاند 6 سلندر

اتوقع تقصد الدينالي صح ..
بس المواتر الامريكية بشكل عام ما تدخل راسي خصوصا البيكبات
الموتر الامريكي بس مكينه 8 سلندر و قويه بس ما ينفع للبر و تقطيع ( ثجييل و نازل وايد )
سعره يطيح بسرعه + في حاله البييع اييلس دورلك شراي

بعكس النيسان ولا الاستيشن من تعرضه للبيع
التلفون ما يسكت من اللي يبغون يشترونه و السعر دوم ثابت

و حتى التصليح متوفر كل مكان


بس الموتر اللي باخذه اهم شي عندي يكون قير عادي و ينفع حق البر
:6:



مزهب الدوا قبل الفلعه .. التوربو زاهب و الموتر ما خترته بعدني
:4:



بعدنا ما رسينا ع شي و البحث مستمر

حق البر امسات اخويه شاري موتر فوق اللي عنده..(الدينالي )
نيسان موديل 98 حصله عند عيوز .. ما اتسير به مكان وايد ..
ونظيف ..
عطته اياه بعشرين ألف .. خخخخخخخ

وهو مثلك مرتب التوربو .. وكل التظبيط جاهز .. !
امسات ساير وياه امودي الموتر عند السويدي .. عشان يركب السامان .. !
كان عنده واحد اجدم بس مقرقع .. عاد الحين يبا ايغير خخخخخخخخ

ما يهزك رييييح

هالكلااام جااان بعض الناااس يسمعووونه وما ياخذووون مواااتر منتهيه
خذلك موووتر من عيوووز احسن


صريييح
دام السالفه فيها برر
خذ نيسان بلدون جلد
احسن عسب ما اتحيييس يوووم تلف ولا تقطع

إذا تبغي موتر حق البر ليش تاخذ موتر يديد،، خذ لك راف باب واحد موديل جديم احسن عن اي موتر ....

وإلا تبغي تركب الاهل وإلا ربعك خذ لم نيسان استعمال نظيف

خذلك دينالي ، وحط الياباني في السدة وانت والخير رباعه ..

عيل بذمتك هاي أسعار في هالموااتر .. ! والله ما تسوى ..

اووه .. السموحة ما شفنا الردود إلي عقب ..


عيل دام جي ما يصلحلك إلا الياباني ...
واستخير وتوكل على الله ..

بس خذلك استيشن أخيير .. لأنه توه شكله متغير ،، والنيسان ما تدريبه متى بيغيرون شكله ..

الاستيشن الـ 6 واايد حاكر .. و انا راعي خطوط فبضطر اخذ الثمانيه بس واايد غالي 245 الف


النيسان بيتغير في 2010 ( ياا اول 2010 ولا اخر 2010 ) حسب كلام اللي فالوكالة

بينزل ابمكينه 8 سلندر و الشكل بيتغير كامل .. بس ما فيه اتريا سنه و نص

فان شاء الله باخذ نيسان و بسير احجزلي واحد هالاسبوع لانه يباله شهر و نص لين ما يوصل
الفل اوبشن قير عادي ايي ابطلبيه و كل اللي عندهم الحين تيبترونك

مبروك مقدما أخوي صريح
توقعت بترسي عـ النيسان :fa34:

ختيه الصغيره بتستلم النيسان شهر 11
اول ما خذنا الليسن انا و خواتي
ختيه العوده كان عدها نيسان 97
انا 2006
و الحين الصغيره 2009

مادري شو جاينه عـ النيسان

النيسان في رايي مابينافس الكبار إلا إذا نزلوه بمكينة الارمادا ومواصفاتها
من المصنع مب شغل شارع الزينة وبسعر
معقول مب يزيدونه
:smile2:

الاسطوري بينزل بالثمانيه سلندر .. مب مكينه الارمادا ... نفس المكينه 5.6 بس يابانية بتكون
اعطيك قرنتي بيكون بحدود ال 250 الف


عسب جيه ما فكرت اتريا لين 2010


:k_wheelchair:

مبروك مقدمااا عيل .. والله يعطيك خيرها ويكفيك شرها ..

صريح .. النيسان سعره فيه ؟؟؟؟؟

غير بدل

شوف مكثر النياسين اللي احترقن فالبداير و عوافي

اذا تبا نيسان يكون مشاي من الخاطر .. خذلك بدي نيسان .. و ركب lsX و ستروكر و برمجه زوينه .. 500 حصان و انت فالسليم

شوف النيسان كيف ياكل اللكزس http://www.youtube.com/watch?v=9JLl5...eature=related
النيسان مو مزود .. بس مكينة اللومينا ls1

شرجااوي

يوم قولت سعره فيه ما اقصد سعره يوم الشراا ..
لانه مباالغين واايد على موتر 280 حصان و ياباني

بس اللي قصدته انه في حالت البيع ممكن ايبلك سعر حلو ع البرااد


و ماخذله t78 .. و الموتر بيكون استعمال يومي فالبوست ما بيكون عالي .. و كلج مكلاود
يعني حق وناسه بس مب ريسات فما بلعنه




بنسبه لـ ls ... عندي نيسان 98
في بالي بروجكت انه اركب عليه هالمكينه ..
بس المشكله ماشي وقت اراكضله

قصدي اللي تقصده .. النيسان سعره اول 3 سنوات يطيح وايد .. بعدين ينزل عالخفيف

يبالك انجكترات .. انتيك .. بساتن النيسان ما اتفور دله .. الكرنك ما بيتحمل .. دبل فيول بمب .. و كمبيوتر ..

اقل شي ممكن اتخسر عالنيسان 40 - 60 الف .. بالسامان اللي خبرتك عنه والله ما بتخسر وايد و بتحصل مشي حلو

المكينه و يالتركيب المضبوط 25 الف تقريباً .. ستروكر 427 يمكن 12 - 17 الف .. كام ب 2000 ( من تكساس سبيد ) .. انتيك 4000 ... برمجه عند واحد فنان 2000 - 3000

500 حصان و تورك عالي ..

قبل فتره واحد ياي الكراج عنده فتك مطلع 800 حصان على 1 بار .. يعني المكينه شغل عدل و مخسر فوق ال150 الف .. موتره احترق .. يقول كان يتمشى عالراحات بس طرمبة حل البريك سخنت و احترقت و حرقت الموتر بكبره .. ب حكم مكان التوربو على مكينة الفتك ... نصيحه مني لك .. ابعد عن التوربو .. تراه مشاكل و بتتعب وياه وايد

شرجاوي

المشكله هاي هيه النقطه اللي ملعوزتني .. انه بتم اتالي فالجراج ع طول لو ركبت تيربو
عسب جيه قلت البوست ما بيكون عالي ...
عسب جيه يمكن اركب T70 بدال T78 خصوصا انه مابا اطلع اكثر من 400 ولا 500 حصان بالكثير
يصير خير لين ما يوصل الموتر

طلبته و بيوصل عقب شهر و نص شهرين .. يعني في ديسمبر
سوبر سفاري فل اوبشن بدون ABS - قير عادي طلع علية ابـ 183 الـف


و التوفيج من الله
:thumbup1:

"شرجاوي"

مشكلة المكينة انك ماتروم تجدد فلازم تنزلها وتفحص وترد تركبها مره ثانيه يعني شغلانه اما بالنسبه لصريح فهو بيكون مرتاح سنتين مادري سووها الحين يمكن 3 سنوات مايفحص يعني يركب مره وحده لكم سنه جدام وهو مرتاح بشرط محد يوقفه ولا بياكلها خاصه في دبي احيد يت فترة حتى سيارات مرسدس AMG يقولون لهم انتوا مزودين هاتوا مواتركم للحجز، الحلو في الامريكي ان التزويد موجود في الوكاله ومرخص (حسب اللي سمعته) والاحلى ان المكاين جباره يعني بصراحه دوج رام 10 سنلدر وحش خطير يمشي في الشارع

3 سنوات ف ابوظبي بس و مب كل السيارات

صريح .. صدقني مشي موترك ما بيكون اوكي اذا ما بتعدل المكينه بس توربو و بوست 7 اعتقد .. صوت عالفاضي

خل موترك وكاله و ترايس ويا تيدا و يارس اخير لك عن عوار الراس ويالتوربو .. و الشارجه الحين وااااااااااايد مشددين على هالسوالف

ههههههه .. الشرجاوي عليه تعليقاات حلووة ..

نريد قلص, منين ناخذ

من محطات البترول

ما شي أسرع من أجوبة شرجاوي ع الاستفسارات .. كل عام وانت بخير يا خي ^__^

و أنت بألف صحه و سلامه

^
مال المحطات ماينفعون إلا حق الدراجات ينطرون من أول سحبه خاصه الصفر، خذي لج واحد من
(ايه سي هاردوير) او على الاقل من كارفور + الحدايد ماله من هاييل اللي
يتحملون 7 و 9 طن يعمرون ويه الواحد ويخدمون
وقت الحاجه مايخونون
:a108:

الاسطوري زاده كل ما نسير ونشوف واحد بيخدم العرب ينقص القلص، من أول سحبه، والموتر ما يظهر .. !

الاسطوري .. على حسب اللي بيقلص .. اذا بتطلع الموتر مال دفاشه بينقص .. اي قلص بينقص

قوولوو ما شااء الله
:m_9afgah:

http://oasis.bindubai.com/bin/upload...1230891872.jpg



شرجااوي اكييد بيستانس و الباقين بينصدموون لول
:vampire:

خيانه :k_shock_1:

الله يعطيك خيره ويكفيك شره ان شاء الله :)

صح بالبركه عليك .!

أحسن شي سويته

اظني انصدمت بشكل النيسان اليديد لول

بالبركه بو جاسم، عقبال ما تشربنا كرك فيه

هو صح انصدمت من النيسان نوعا ما لووول ..
بس ما نقدر نحكم لين نشوفه فالوكاله بشكله النهائي
بس مب هذا السبب الرئيسي

انا اهم شي فكرت فييه انه سعر الاستيشن في after market sale يتم مرتفع
و انه الاستيشن شكله بيتم لين 6 سنيين جدام و ما بيتغير

و حاليا مواصفاته+ سعره مناسبيين
اذا بتقارنه بالمواتر الثانيه خصوصا الالمانيه من ناحيه الفخامه من داخل


خذته من دينا تريد ابـ 247 الف .. 8 فل اوبشن


و حاضريين امره متى ما تبا الكرك خبرنا و بنخطف عليك
:thumbup1:

بغيت أسأل الجماعه، بخصوص الأودي كيو 7

أخويه ناوي يشتريها، وداخله خاطره من متى، إلا اليوم يقولي وايدين قالوا له مب شي، وخذ رنج سبورت أحسن عنها ..

بالرغم إنه مايحب شي اسمه رنج

هاذيج عوده وعائليه ... لأنه في سيتات زياده ..!

شو رايكم .. وبعدين حصل في معارض العوير على الزيرو أرخص عن الطاير ....

بس انا قلت له يمكن ماشي ضمان ... !

ما شاء الله .. صرييح الله يعطيك خيرها ويكفيك شرها إن شاء الله ..
وبالبركة عليك ..

عاد تصدق .. أنا ما حبيت الاستيشنات اليديدة واايد
لكن هالشكل بالذات يعيبني .. وداش خااطري واحس إنه امررتب ..

VX-R فل اوبشن على مواصفات البريمي .. تخطيط [ هالشكل بالذات ] وبدوون شنب ومدعمية على لون البمبر

يعني بالمختصر ونعم الاختياار .. زين انك ما خذته من الفطيم ..