هوم ديزاين

شوق، واحد قال إنه الرخام العماني يتفلم، وغيره قال: إنه زين وللحين مب عارفين !

خلال هالأيام باخذ لي جوله على السيراميك ...

وبصراحة مادري شو السبب إني مابغي ادور واااااايد

فكرت للحين في 5 محلات سنتكس، الدرويش، نازو، فريدوني، الشامسي ..

جرب شوف الارضيات اللي عند الشايع.. صح غالين.. بس حلويــــــن...

أدري بهم قوم بالغلا، لكن بسير بما إنج تقولين حلوين ...

هي احنا حاطين عندهم للصاله.. جي شي لونه شوي غريب..

و للغرف حاطين من عند لوتــاه..

المزوحي .. عند سيراميك الخليج وكليوباترا اعتقد جيه اسمهم في الشارجه ..
يبيعون الجرانيت الصناعي ..Artificial granite
بس ما اتذكر كم سعره .. ولا تاخذ اللي بو 60 * 60 لأنه في التركيب ما يظبط .. خذ الأصغر ..

اللي في الصورة .. البيج اللي فوق غاوي

http://img.diytrade.com/cdimg/582972...al_Granite.jpg

مايهزك ريح هيه كيلوباترا موجود في شارع صلاد الدين بعد ..

تصدق قبل كنت اقووول بلف كل مكان وبدور وبنبش، لكن وقت الجد ويوم بدينا في الساس .. ابغي احذف محلات

قد ما اقدر، يعني بدال ما اسير 10 محلات اسير 5 او اشوف رايكم بشكل عام واعرف عند من اسير ...

اكيد الواحد لازم يقتنع ... بس مافيّه على السيرو والرده ..

المهم .. عطيتني فكره الحين .. مشكور

العفو يا خويه ..

مايد..

بالعكس.. اللي ايي قياس 60*60 واايد أحلى..!! اللي 40*40 موول مب شي.. احس كل مايت القطعه أكبر كل ما عطت مساحه أكبر للغرفه ..

صح المزوحي..

جان سرت الشايع.. ادخل المتحده اللي عنداله.. احيد عندهم سوالف حلوه.. كان اللي يعيبنا عندهم كله امخلص.. حق المشاريع اليديده..

مرحبا شوق القلوب .. اعرف انه 60 * 60 أحلى بس المشكله مب اي واحد يقدر يضبطه في التركيب ..
واحد من هلنا كان شاري منه لوشفتي كيف ركبوه بتصيحين على البيزات اللي دفعتيهن ..
لازم ما يكون بينهن " جراونتنغ ".. لازم يكون.. " زيرو جوينت " بس منو يعرفله !!!!

يقدر يشتري 40 * 40 ويكون زيرو جوينت بيستوي جنه قطعه وحده وما بينعرف .. 40* 40 ولا 60*60
مادري اذافهمتوا عليه ولا لأ..

هلا مايد..

هيه فاهمه عليــــك.. بس ما عليك بعد يفرق..

واللي ركب حق واحد من اهلك.. شكله بروووحه ما يعرف يركب.. يعني المقاول تعبان..

بس عاده اللي يعرفون يركبون الرخام و يضبطونه لازم بيعرفون يركبون باجي الانواع.. لانه الرخام لازم يكون زيرو جوينت

شوق القلوب الرضيعة بعد تقول عن المتحده، واليوم احتمال اسير الدرويش ...

سرت عند الدرويش، وعطانا الكتالوج، دخلت الموقع عسب ارويكم، لكن مافتح لي، المهم انا صورت من على

الكتالوج، ويمكن ماتكون الصور واضحة ..

http://www.up-00.com/uploads/cm330097.jpg

انا بغيت احط عند الشاور نفس الطريقة، ومب شرط بالكامل، يعني مب هالعرض كله، يوم شرحت حق الموظف

عقب ياب هالكتالوج ورواني إياه ..


http://www.up-00.com/uploads/8Jc30232.jpg

حتى هذا فكرته حلوة، بس شو رايكم انتوا ؟؟

http://www.up-00.com/uploads/Jyj30273.jpg

هذا مب شرط اسويه نفس الشي، حتى لو اخليه اللون الغامج بالطول ومب وااايد ..

http://www.up-00.com/uploads/tBf30377.jpg

هذا المورد طبعا بالحبة مب بالمتر، لكن ماعيبتني الوردة، حصلت فكرة ورد لكن مب موجود في الكتالوج، لكن الطلبية

توصل عقب 6 شهور

http://www.up-00.com/uploads/x1D30476.jpg



لي عودة وبكمل الصور بعدين

http://www.up-00.com/uploads/XLJ48496.jpg

شوفوا الحركة اللي وراء الشاور، مب شرط يكون بـــ هالعرض ..

http://www.up-00.com/uploads/GaX48547.jpg

http://www.up-00.com/uploads/rQl48579.jpg


http://www.up-00.com/uploads/fJY48636.jpg

http://www.up-00.com/uploads/8XK48679.jpg

هالمغاسل مفكرين نركب منهم حق الميلس، شو رايكم .. وإلا اللون مب حلو ؟؟