ما شاء الله أنامل حضرتي البارحه، مشكلتي اتثيقل اطلع بعد التراويح
و وقت المحاضرات و المكان مخليني اتردد جان اسير و الا
عرض للطباعة
ما شاء الله أنامل حضرتي البارحه، مشكلتي اتثيقل اطلع بعد التراويح
و وقت المحاضرات و المكان مخليني اتردد جان اسير و الا
^ المراكز ابـ رمضان نفس الزحمه !
وبعدين متى يسكرون ابـ رمضان ؟
انا يوم سرت مب زحمه، لأنه عندي شغله كنت ابغي آخذها وما تأخرت هناك، بس ما انتبهت متى يسكرون
لكن اظن على الوحده ...
على فكره مزن طريتي على بالي من دخلت القاعه ،
تميت أقول بخاطري أتخيلها موجوده لول
من جي أمس سألت بهالموضوع إذا في أحد يعني حضر المحاضره =)
لا انا الوقت احسه وايد اوك ، نخلص التراويح قريب العشر ، جي عشر الا خمس او الا عشر ،
فسيده من المسيد اسير للمحاضره ، وبعدين انا لأن الوالد يويديني وإييبني ، فيمكن أسهل علي ،
+ ربيعتي تكون هناك / فشوفي لو يروم أحد إيي معاج ، عشان لا تكونين بروحج ..
,
أخوي المزوحي ، اها ، اظني المفروض جي ، أو عالأقل عالـ 12 ..!
لأنه في نهاية السبوع على الــ 12
أنامل قلب
اهو المكان مقابل مستشفى دبي و الا ؟
و عن الوقت كم تاخذ المحاضره؟، لأن زي ما انتِ عارفه الاهل
يهولون الموضوع بعد الـ 11:30 و انا برع البيت !
ربي يقدرني و احضر، عندي وقت بعد التراويح
خاصه انه اقضيه مجابله التلفزيون "مكرهه"
أخوي المزوحي ، امبلا أدري إن بالويك اند يسكرون عالـ 12 ^^ ..
,
مزن ، اي صح مجابل مستشفى دبي ، وووووو اممممم احم ، هو بيني وبينج جنه أمس تأخر ^^"
بس تراه يعتمد عالمحاضر والمحاضره ، بدينا عشر وشي ، واتصلت بالوالد اظن بحدود الـ 12 إلا ربع ،
مو متأكده لأني ماجيكت عالساعه وقتها ..
وبعدين لو نويتي تحضرين خبريني قبل ، أبشوفج تراني =]
اممم 12 الا ربع احم، هاذي يبيلها شوي قلب قوي
بكلم الوالده و بشوف ان شاء الله خير.
و عن اني اجيب أحد معاي ماحب اجبر أحد خاصه في هذي
الامور، أنا أعطيهم خبر اني رايحه و اللي يريد حياه الله
أكيد راح اعلمج بإذن الله تعالى
يالله ، خير ان شاء الله ..
مسـآكم ورد
~ آسـنـآني تـعورني ، كلـت ككـآو وآيد ، وآصلـني هديـه من [ بلجيكـا ]
والحين اتـويـع !
أنامل قلب ~ الوقت مناسب حقـكم ... يعني ضمن هالدورة في محاضرات تقام في أكاديمية الشرطة وغرفة التجارة ، لكن بـ نفس الوقت 10 .. نحن أهل الشارجة ما نلحق ، إلا نصلي فـ دبي ..
أنا ناوي إن شاء الله أحضر للشيخ محمود المصري والشيخ محمد حسان .. في الأاكاديمية وغرفة التجارة .. بإذن لله ...
وطبـعا نحن يالسين على أحر من الجمر ، نتريا الملتقى الرمضاني في الطوار ....
أتريا الجدول ينزل ، بنشوف منو المحاضرين إلي بييبونهم ...
^ انزين صلي بدبي ، شو المانع !
اظني اهل دبي يصلون بالشارجه والعكس صحيح ،
مثلا أخوي وربعه أظني متعودين يسيرون المسيد اللي يصلي فيه أخونا صلاح بو خاطر ..
وعن محاضلارات الطوار ، فللمره الثانيه لا تذكروني ^^"
ما يتفيجون يدوني هناك ، اونه زحمه وايد ..
مهابه ، مساج طيب =)
تــسحرتو ولا بـعدكم ؟!
بعدنا ، بس عني ماكله وايد بعد ما رديت من التراويح /
قطعتين كندر [البيوض الاصغيره] + بسكوته + عصير برتقال + تفاحه + كورن فليكس وحليب ،
مور مره وحده طبعا / فـ كالعاده ، من بيقطون السفره بقولهم شو ها شبعانه لول ^^"
صباح الخيــــــر
حد اهنه ..^^
باجر وراي تدريب سواقه :fa36: ..
,
توها الزغطوطه يايه عندي اونها بتقص علي ،
قابضه اوراق الاونو ، وسوتلي هاللعبه اللي يخلونك تختار كرت ،
وعقب الشخص الثاني يقولوكم شو الكرت اللي اخترتوه !
احليلها ، سايرتها اوني ماعرف شلون تنلعب ،
واهي مصدقه عمرها تقولي شفتي كيف أعرف بالسحر ،
وتسويلي حركات اونها يعني تعرف شي جايد وانا الهبله اللي ماعرف شي =)
صدق الصغارية كيف ، ماصدق إني كنت مثلها بيوم من الأيام ..!
حركات اليهال ، تفكيرهم ، أسلوبهم بالتعبير ، صفاتهم المتقلبه أحيانا ،
شلون يستانسون على أشيا ، وشلون يزعلون على أشيا ، وكل شي !
~
^
موفقــــه إن شاءالله ^ـ^
انامل
شدي حيلج ... ^_^
بشرك الله بالجنه، راسي افتر و أنا أسأل ان كان شياقتباس:
المشاركة الأصلية كتبت بواسطة خــّطاب
ملتقى في طوار السنه. من ينزل الجدول حط لنا اياه بارك الله فيه
السلام عليكم و رحمة الله و بركاته
اليوم كانت شي زحمه :fa55: و أنا ما غير استغفر خايفه اجرح صيامي :Oo:
ما تسحرت اليوم الا بـ ماي
اول يومين تسحرت بطني تم يعورني :fa55:
مو كل شي أقدر أكله بعد الـ 12
السلام عليكم
خطّاب وايد مستناس بتوقيعك تحطه في الرد، بس شكلج نسيت السالفه !! ( هههههه )
على العموم مبروك على التوقيع ...
شو اخباركم اليوم ؟؟
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
كيف الحال يا شباب واحات بن دبي
كل عام وانتم بخير ومبارك عليكم الشهر الكريم
استغلوا هذا الشهر فى العبادة والدعاء وكل شي هو حسن
(( عَلِيُّ يا عَظيمُ، يا غَفُورُ يا رَحيمُ، اَنْتَ الرَّبُّ الْعَظيمُ الَّذي لَيْسَ كَمِثْلِهِ شَيءٌ وَهُوَ السَّميعُ الْبَصيرُ، وَهذا شَهْرٌ عَظَّمْتَهُ وَكَرَّمْتَهْ، وَشَرَّفْتَهُ وَفَضَّلْتَهُ عَلَى الشُّهُورِ، وَهُوَ الشَّهْرُ الَّذي فَرَضْتَ صِيامَهُ عَلَيَّ، وَهُوَ شَهْرُ رَمَضانَ، الَّذي اَنْزَلْتَ فيهِ الْقُرْآنَ، هُدىً لِلنّاسِ وَبَيِّنات مِنَ الْهُدى وَالْفُرْقانَ، وَجَعَلْتَ فيهِ لَيْلَةَ الْقَدْرِ، وَجَعَلْتَها خَيْراً مِنْ اَلْفِ شَهْر، فَيا ذَا الْمَنِّ وَلا يُمَنُّ عَلَيْكَ، مُنَّ عَلَيَّ بِفَكاكِ رَقَبَتي مِنَ النّارِ فيمَنْ تَمُنَّ عَلَيْهِ، وَاَدْخِلْنِى الْجَنَّةَ بِرَحْمَتِكَ يا اَرْحَمَ الرّاحِمينَ ))
والله الموفق
المفتاح
الله يبارك فيك ...
...
جماعه وين وصلتوا في قراية القرآن، مانعرف مهملين القرآن ومانقرأ، وإذا حد ثالث يوم رمضان وصل الجزء الخامس
هل بيكون يقرا بسرعه، وإلا إنه حريص يقرا بعد كل صلاه .؟
انا توني الجزء الرابع ، مب كني لازم اكثف القرايه
^
يعتــمد ع قـرايـة كــل شخــص
أنا وصلــت التاســع بس الحمدالله ما أقـرا بـسرعــه وعلى فتـرات
يوم أقوم الصبح + ع الظهـر + مرات ع العصـر + عقب ما أصلي المغرب + إذا قدرت عقب صـلاة التراويـح + عقب صلاة الفيـر
مـرات أخلص جزء كامل مره وحده ،، ومرات أوزع الجزء ع مرتين قرايـه ،، وجيه =)
ماشاء الله شي طيب ، وانا الحين دخلت الخامس
شو الامور بعد :a042:
زين مـآشالله عليج طـير ..
انا اليوم وصلت الخـآمس ^__^
وان شاء الله أكثف القرآية قبل لا أرقد .. وعقب صلآة الفجـر =)
======
شو مسوين ؟
الخيمـــه اليــوم مهجــوره :whistling:
صبـــاح الخيــــر ..
^_^
صبـــــاح النــــــور ^ـ^
شخبـــارج طيــــر.....؟!
يـــااي مب يايني رقااد.. اليوم بسير افتح ليـه ملف في المرور ...
ابــا اطلــع ليــه ليسن << عاشت أم عبوود خخخخخخ (تذكرت نكتة البدوية اللي سوّت حادث .. يوم سألها الشرطي شو سبب الحادث.. قالت له .. البرقع افتر عليه شوي).. أخاف أنا النقاب يحـتــاس شوّي بعد ههههههههه
ابا حد يشجعنـــي .. أمايــه تقول بتفنين خلق الله!! ما تعرفين تسوقين (لي محاولات فاشلة بس يالله .. كله في سبيل الليسن يهون) ..
وأنتي علومج؟! شو مخططاتج لليوم؟!
^
يحيــــج [ ظهرتـي أحســن عنيــه ما أفكـــر أظهـــر ليسن أخاف أسوق :fa52: ]
ربي يوفقــج إن شاءالله
والحمــدالله أنا بخيــر ونعمــه ،، أجوفنـي اليـوم امعديــه فـ السهــر ضاريـه أصلـي وأرقــد :fa51:
وعن مخططــات اليــــوم
اممم عندي موعد ع الظهـــر بخلصـه واحتمــال أمــر اللــولو لنيه زعلت ع جمعيتـنا كنت أبا نوع جبن ما حصلته عندهم :surrender:
وعقب صلاة التراويـح احتمــال أروح مع خواتيـه بوظبي مــول بييب لبس كان يباله تعديل + بنسوي شوبينـج ع الخفيف
وإنتــي اعلـــومج ؟!
أنـــــا بـروح أرقــــد
أجوفــــج ع خيـــر إن شاءالله :laugh:
تسلميـــن غلاااي ..
واللــــه يعين !
يحيـّـــكمـ والله.. تستوي مراات.. أنا حاطــه في بالي إن كل اللي أبااه لازم يكوون في كارفور!
بس عقب اكتشفت أن كل اللي أباه في جمعيتنـــا .. أغراض ما احصلهن في كارفور.. أحصلهن في جمعيتنا D=
علــومــي .. بفتح ملف في المرور.. بسجل في مدرسة تعليم السواقة.... وو بقدّم أوراقــي لامتحان الأيلس.. اقرب موعد تاريخ 10 اكتوبر!!! بس لازم اقدّم الامتحان.. شهادتيــه لها 4 سنين .. يعني منتهيه من سنتين.. (فشلوني يوم قدمت أوراقي في الجامعة والكلية.. قالولي منتهيه شهادتج.. ردي امتحني مره ثانية)...!
هاي علومي ^^
..
يـــلااا .. رقــــاد العااافيــــة إن شااء الله..
نتلاقـــى وقت ثاني ^^
^
مـوفقـين ان شاء الله
~ اكيد مافي حد سهران ويـايه للحين ، واخيـراً حمـاده ولد خويه رقـد ، صـدع بي والحين عـم الهدوء فـ الغرفه
الواحد يعرف يسوي شي ~ ! . ..
هـــلا هــلا مهـــابــه ..
تسلميـــن يا قلبــي .. والله يوفق اليميع إن شاء الله ..!
ههههههه عندنا وعندكم خيـــر.. هنــادي بنت أخووي بعد توها رقدت.. كانت حاشــرتنــا!
شخبارج؟!
بخيـر وسـهـالـه
آنـتي شحـآلج ؟ وآخبـآر رمضـان ويـآج ؟
عســـى دوومــ يا رب ..
الحمـــدلله.. مستانسيـــن فيـــه .. لمــّة الأهل، والأجواء الدينيــة .. ولا أروع!
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
يا هلا باخواننا واخوتنا اعضاء واحات بن دبي
شو لاخبار وشو اخبار الشهر الفضيل معاكم
نسالكم الدعاء
اَللّهُمَّ قَوِّني فيهِ عَلى اِقامَةِ اَمرِكَ ، وَ اَذِقني فيهِ حَلاوَةِ ذِكْرِكَ ، وَ اَوْزِعْني فيهِ لِأداءِ شُكْرِكَ بِكَرَمِكَ ، وَ احْفَظْني فيهِ بِحِفظِكَ و َسَتْرِكَ يا اَبصَرَ النّاظِرينَ .
والله الموفق
المفتاح
أمطــار
=)
:
المفتاح
اللهــــم آميـــــن ^ـ^