مسابقة واحات بن دبي للرسم

السلام عليكم ورحمة الله وبركاته

.
.
.
.
.
.
.
.
.
.
.


أخواني وأخواتي ألاعضاء

تحية طيبه مني لكم وبعد

في بداية موضوع المسابقه اتقدم بخالص الشكر لأختي وزميلتي الفنانه

عمة العيم التي تمثل احد اعضاء لجنة التحكيم الراعية للمسابقه

وأشكر أختي الفنانة المبدعة المصممة قرموشه على مساهمتها الطيبه

في الاعلان بتصميمها الجميل للمسابقه

كما اتقدم بجزيل الشكر لجميع الاعضاء الذين ساهموا بدورهم للوصول

إلى موضوع مسابقة اليوم وذلك من افكار قيمة بناءه لنصل لبداية مسابقة رائعه

بإذن الله تعالى.

===============

===============

طبعاً مسابقتنا بتكون كالتالي :-

1- نقل صورة من الواقع هي من أختيار الفنانه عمة العيم ( بتشوفونها عقب إن شالله )

2- المواد المطلوب استخدامها في المسابقه : ( قلم رصاص ، ورقة A4، مساحه ، برايه )

3- ( الفترة الزمنية ) ما بحدد تاريخ المسابقه من اليوم لكن بيكون التاريخ الرسمي المقرر
للمسابقه من 10/5/2007م إلى تاريخ 24/5/2007م ، وبعد هذا التاريخ سيتم التوقف
عن استلام الاعمال المتأخرة ( محد يزعل مني عقب ).

4- بعد جمع الرسمات من الاعضاء سيتم تقييمها من قبل الاعضاء وبعدها تعرض على
لجنة التحكيم لترشيح الفائز بالجائزة .

5- الجائزة عبارة عن ادوات فنية ( أدوات رسم قيمة وكراسات غاويه وزيادات أخرى + هديه
معنويه وليست ماديه خفيه بين الاغراض بيكتشفها الفائز بنفسه ) ما بقول انها حلوة ولا لا
ولكن هي بمثابة شي رمزي (مابحرق الفلم عليكم ) إلي يباها يفوز ويكتشف المستخبا .

6- طريقة توصيل الهدايا بطرق آمنه فلا تحاتون .

ملاحظه:-

يرجى من الاعضاء إلي سجلو اسماءهم المشاركه وعدم الهروب من ساحة ( المعركة )
أقصد المسابقة وإلي يشرد دواه عندي:vertag: .

ويلا

بسم الله

نبتدي المسابقة :thumbup1:


الصورة المرفقه الخاصة بالمسابقه

http://www.q1mr.com/upload/naw3emcom_ZrCxfRiH0l.JPG

ههههههههه

انا بعدني اضحك عالرسمه يا محاقنا

اونه ملبسني صروال مخطط مال الخباز ههههههههههههههههههههه

وانت لابس وزار ليش البس صروال بعد مسوي عمرك مواطن ههههههههههههه

شوفوا عموووه كيف طيرت المحاق فوق عشان يوصل فوق القزم هههههه

..........................

لك جزيل الشكر محاقنا على جهودك في طرح موضوع المسابقه

و ايضاً على رسمة الكريكاتير الرائعه هههههه

و انا في انتظار الجمهووووووووور

(^_^)
...

السلام عليكم ورحمة الله وبركاته

مرحبابكم اخواني المحاق و عمة العيم

تسلمون ع المسابقة الغاويه

و إن شاء الله تنجح و أكون أنا الفايز خخخخخ (ولا بشم ريحة الفوز)

بس بغيت اعرف شو نرسم الكوب اللي موجود في الصوره بس؟

عديم الشوق

الله يسلمك.......

هي ترسمون مضمون الصوره هذه الكوب و يا الخلفيه

(^_^)
...

سلاااااااااام ..

ههههههه اسميه صروال الخباز مسوي شغل يا عموووه .. وألا صبعك العود يالمحاق سكرووب هههه !

مشكورين ع المسابقه
وعيبني وجود المساحه والبرايه في الشروط لوووول

والصور حلواه ..

اممم .. حاليا ماعرف بشو أرد .. !!

بس بنفس الوقت أبا أرد ..
بس مب قادره أرد .. !

مادري ليش .. !

فهمتو شي !!

#_# >>> مجرد تسجيل مرور .. وردي بيكون بوقت لاحق ..

.......................:: ربي يحفظكم ..
والسموحة .. ^_^ ..

هههههههههههه

الصروال لايق عليج عمو استانستي عليه اشوف هههههه

لا هي مجرد رسمه لا اكثر :whistling:

وشو يعني لو لبست وزار ... يااني انا مافي موااتن :k_icon28:

لا لا لا لا :m_m6awa3:

هدا كلام مافي جييييين انا يسوي تاااااااااه وتاااااخ تيييييييخ بتييييخ

( ماعليج عمو تحت الوزار في شورت صروال خباز لا تخافين ههههههه )

شكر وتقدير من الاعماق على جهودج الجباره في الموضوع :fa42:

وننتظرلا المشاركين بإذن الله :fa42:

عديم الشوق

هلا فيك الحبيب

يلا شد الهمة وماتعرف بعد شو مضمون المسابقه

بس فالح اتقول المحاق الوالع :k_harhar1:

يلا رونا شطارتك :vertag:

:k_smile2:

الياه

هلا فيج أختي

اصبع الاسكروب بداويكم فيه يوم ما بترسمون حق المسابقه :k_harhar1:

وصدقج احلى شرطين المساحه والبرايه :crazy:

بس يوم بترسمين اتذكري هاييله الشطرين عدل يمكن بيفيدونج :vertag: :k_harhar1:

يلا اختي ننتظر مشاركتج الطيبه بفارغ الصبر :k_smile2:

واهم شي ما تزعلين من مزاحي السخيف :thumbup1:

موفقه ان شالله وننتظر رسمتج بفارغ الصبر:thumbup1:

محاق

احم .. شكلي من الحين بشرد O_o

رووووووووعه الكاريكاتير يضحك ..


ان شاء الله أرباب .. بنحاول انشد الهمـــــه ونرسم (:

أحس صعبه الصورة O_o الله يعييين

انامل

يالمسطله يلا ننتظر ردج اكيد مب راقده

لكن ما شي شرده

:sleepy:

:k_smile2: :k_harhar1:

شهوووودة الامورة

لا ليش؟؟؟

لهاي الدرجه صعبه ؟؟

بالعكس هاي سهله بس ارسمي الكوب لا ترسمين إلي حوله

وهاي صورة عمة العيم أسهل عن الصورة إلي انا بغيت احطها

انا اخترتها لأنها اسهل عن رسمتي

:fa54:

اقتباس:

---

المشاركة الأصلية كتبت بواسطة المحاق المشتعل

( ماعليج عمو تحت الوزار في شورت صروال خباز لا تخافين ههههههه )

:fa42:

---

:birgits_giggle: اسميك الا سوالف
وايد حبيت الكاريكاتير :fa41:

تسلمون عالجهد الي تبذلونه
بس عندي سؤال صغيروني

وين نعرض الرسمه ؟
هنه ولا عالرسايل الخاصه ؟

وبس :bye2:

يعني ارسم الكووب بس.. ؟؟ بدوون الخلفيه ؟؟

يا حي الله الرسامات

انتوا ارسمووووووا اللي تقرون عليه

الكوووب بروووحه

الخلفيه بروحها خخخخخخ (بذبحكم)

اهم شي ترسمون الكوب يعني

و الخلفيه لو لكم خاطر ارسموها


ولا استخدموا خيالكم....... شورايك المحاق المشتعل؟

(^_^)
...

:

وعليكم السلام ورحمة الله وبركاته

:

:hysterical: :hysterical: :hysterical: :hysterical: :a068: :a068: :a068: :a068:

لووووووووووووول

شو هالكاريكاتير الغاوي !

لوووووووول

وايد حبيته !!

كيووووووووووووت !

أحلى شي صروال عموه :vertag:

:

أنا مضغوطه وايد هاليومين << الاخت سي دي :hysterical:

بس ان شاءالله ان شاءالله إذا حصلت فرصه برسم .. وبشارك وياكم ..

<< طمعانه في الهديه :vertag: هع هع

<< اللي يسمع بتفوزين الحين لوووووول

:
يعطيكم ألف ألف عافيه عالمسابقه الحلوه

وألف شكر لقرموشتنا المبدعه على التصميم الغاوي .. :thumbup1:

وبنحطه في التوقـــــــــــيع :a049:

:

تحياتي لكم :a054:

السلام عليكم ..

مجهود طيب منكم والظاهر المنافسه بتكون كبيرة بين المتسابقين
وأتمنى يكون لنا جزء من التصويت وترانا
متابعين والسموحه
:yes:

الاســـطـــوري
أخوكم

(( يالمسطله يلا ننتظر ردج اكيد مب راقده )) >> !!

أفـــــــــــــــــــــــ ــا ..
شو هالرمسة بعد .. شو مسطله .. !! >>> أوني معصبة :h_negab: ..
بس صدقت .. ماكنت راقده العصر عشان خاطر امتحان الكيمياء ..
واليوم بعد اذا شفتو بردي أي هذرة وخرط عرفو اني مب راقده .. وهذي المره عشان عنون الاحياء .. >> الله يرج ابليسه : (
فعذروني يعني .. !

:

امممم أول شي الكاريكاتير ..
صدق صدق صدق لك أفكار عجيــــــــــــــــــــــ ــبة ..
وطريقة رسمك جدا جدا جدا متقنه .. كالعاده .. نفس الرمسة نعيدها ..
لكن شو نسو يعجز الكلام وصف طيب ما نبصر هنا من بديع فنك .. وطيب طرحك ..
صدقا .. من الخاطر عيبني الكاريكاتير ..
وقعدت " ولازلت " أبحلق بتفاصيلها الصغيرة ..
ما شاء الله ما شاء الله ما شاء الله عليك .. >> عقبــــــــــال ما نصير مثلكم واحسن بعد لول : )

وعموه أحلى ما بالرسمه >>> مدحوها عن تسو فينا شرات ماسوت بالريال .. طار احليله خخخ ..

^_^ ..

:

وووو بالنسبة للصورة .. !
بصراحة .. أحسها ملائمة .. ولو إن ادائي لها بيعتبر ركيك :fa36: .. بس حلو ان الصورة اللي تطرح تحمل نوع من الصعوبة .. كبداية ..
ولو كانت الرسمه مول سهله جان ظهرت المسابقه مب ذاك الزود ..
يعني نحن يايين نتعلم .. وشي طبيعي اهني ان مابيكون اداءنا لها بيرفيكت .. ^_^ ..
فعادي .. عني أنا بحاول أرسمها الخميس .. بس أقولكم من الحين مابحط مساهمتي علنا .. فشيله أقفط خخخ ..
بدزها عالخاص .. ! >> :3:

اممم .. ووو بعد بغيت أطلب .. >> ياخي انتِ ماتينا الا بمطالب .. !
لاحظت من ضمن الامور المطلوبة ان يكون تطبيقنا عورق A4 ..
بس بغيت أستفسر اذا ينفع نرسم بورق الرسم العادي .. احليلي ماعرف شو يسمونه .. :blush: ..
عموه تعالي بهمس بذونج .. >> هذا المخصص للألوان المائية أظني وملمسة مب ناعم ذاك الزود وبمقاس كبير تقريبا وسميك شوي خخ .. سكتي عني لول ..
بس لأني أحب آخذ راحتي بالرسم .. وورق الـ A4 أحسه صغير وضيق .. ومب شي الرسم عليه .. !
اممم .. فيعني بس حبيت أتأكد اذا هذا يعتبر شرط ولا اقتراح :crazy: ..

:

احم وايد رمست .. وأخرتوني بعد لول >> صدق عيوز تتحرطم .. @_@ ..

وأكرر شكري لمجهودكم الطيب وحرصكم الجميل عـ الافادة ..
لا حرمكم ربي المثوبة ..

وسلمتم .. ^_^ ..

هههههههه :fa56:

واايد حلو الكاريكـتر :woot: ماشاء الله عليك مبدعنا :fa35: ؛؛

الصوره المختاره أجوفها جداً مناسبه :fa51: وان شااء الله بنبدى الشغل اليوم :h_6abakhah:


عموتنا ومحاق الإبداع ؛؛ تسلموووون والله ع الجهوود المبذولـه ماشاء الله عليكم ربي يحفظكم ويوفقكم :fa41:

بنت الدلع

هلا فيج فنانتنا

جداً مستانس على مرورج الطيب

والحمدلله زين انج نبهتيني حق هاي النقطة

يا جماعة الخير

إلي يخلص من رسمته ان شالله يرسلها لي او لعمة العيم

ولا تعرضون رسماتكم في الموضوع عشان

نقدر انسوي تصويت للرسمات من غير الاسامي

فطرشوهن لنا ان شالله :k_smile2:

بنت الدلع

شاكر لج حضورج الطيب

محاق

ملاك الرووووح

هلا فيج أختي في موضوعج :k_harhar1:

زييييين ان الرسمه عيبتج بعض الناس :h_negab: محتجين عالصروال ههههه :a049:

حاضرين أختي الطيبه عندج اسبوعين خذي راحتج

وانا بنبه عالاعضاء ان شالله اذا كنا جريب بنخلص مسابقتنا

بس اهم شي ما تتكاسلون عن مسابقتنا

لأنه لو انسحبوا الناس بكميات كبيره

يمكن تنلغي المسابقه فشدو الهمه ان شالله :thumbup1:

ان شالله اتفوزين بالمركز الأول بإذن الله تعالى :thumbup1:

موفقه دائماً


عمووووووووو

سامحيني نسيت ارد عليج

كلامج صح عمو

إلي شاف ان الرسمه وايد وايد صعبه عليه

يحاول انه يتخيل القلاص ويرسمه :k_smile2:

وان شالله ما تكون الرسمه صعبه عليكم فشدوا حيلكم

موفقين بإذن الله

وسامحينا عمووو مرة ثانيه :shutup:

محاق

الاسطوري

هلا فيك أخي الكريم

وجودك نور الموضوع كله :k_smile2:

اشكر لك حضورك واهتمامك بمسابقتنا

وان شالله اتكون مسابقه ناجحه بإذن الله بوجودك الطيب

واطمن يا خويه نحن مالنا غنى عن صوتكم في الموضوع :fa42:

امتناني الشديد واحترامي

محاق

السلام عليكم

خخخخخخخخخخخخخخخخخخ
شو هالكركاتير العجيب .. حليلها عموووو مغربله المحاق خخخخخخخخ

شكرا لكم على هالمسابقه الرااائعه ..

وان شاء الله .. بنرسم وتعيبكم اللوحه ^_^

السموحه

مااروم ع مقبض الشاي
يا ناس احس عندي صعوبه في رسم الكوب
الله يعيني ؟؟ رغم سهووولة الكوب في الصوره
لكن الرسمه فيها تعقيدات

ههههه

الشوووق ركزي عدل و خليج ريلااااكس

ارسمي اللي تشوفه عينج

صدقي عيونج دوووم و خليج واثقه من عيونج

اللي تشوفينه ارسمييه و لا تتفلسفين على عينج

و دوم خليج ريلاكس بترسمين يعني بترسمين

مافي شي صعب

ان شاء الله

الله يوفقكم

(^_^)
...

نجمة دبي

شكراً لج عالاضافه

وان شالله انشوف مشاركتج عن قريب

موفقه بإذن الله :fa42:


الشوق

شوفي عموو شو اتقول :k_smile2:

كلامها يكفي اج ترسمين احسن رسمه

بس اشويه يبغيلج اتقاومين نفسج عشان تكسبينها القوة وعدم التخوف

وعدم الاستسلام لهاي الصورة او اي صورة غير :b050:

قاومي احساسج الغريب هذا وشوفي النتيجه كيف بتكون :thumbup1:

ربي يوفقج ان شالله

:thumbup1:

صباحكم إبداع :k_smartass:

الصراحة كيفت على الصورة (أقصد شعار المسابقة :a034:)


بالتوفيج للجميع .. و أنا الحين بديت أرسم .. باسم الله :fa32:




تحية للجميع

. . . صبــــاحكم ودّ . . .

صــراحــة الكاريكاتير .. رووووووعـــــــة !!
:a068:
وبإذن الله بـ نبتدي الرسم الليــلـة إذا الله اعطانا عمر ..
ويعطيكم العافيــة عمووه ومحاقنا الفنان على المسابقة . . .!

كنا بالفعل محتاجين لشوية نشاط ..!
:inlove:

كل الــــودّ لقلوبكم..
أمطار

خلصت :glare:

جاري الإرسال !

قطرة ندى

شكراً جزيلاً عالحضور والمشاركه :a070:

ولحد الآن 2 خلصو :14:

يلا شدو الهمة وننتظر ابداعاتكم

:thumbup1:



امطار

زيارتج شرف لنا ووناسه :2:

وسعدت كثير ان الرسمه والموضوع

نالو اعجابج ... ان شالله دوم :k_smile2:

وشدي حيلج نبغي انشوف فنانتنا إلي عهدناها من زمان :thumbup1:

موفقه بإذن الله

شكراً جزيلاً على اضافتج الطيبه

محاق

عشاااان ما أرد فـ كلمتــي ..


بشــــارك وياكم بمحاولات فاشلــة .. أتمنى تعيبكم :woot:

.

.

.

http://upload.bindubai.com/download/m23m/try.gif


هيــك أكووون خـارج المسابقة

:mf_leia:

شو رايكم بطريقتي في الانسحـاب !

ههههه ...


واااايد روعه الكاريكاتير ...

:
"
"
عادي ورقه ثانيه ؟؟؟ كانسون او لمسات او.......
"
"
"
موفقين ..

فكـــره يــديــده ! حبيــتهاا

:inlove:

هههههه الصــراحه ابدعـــت فـ الكاريكاتير يــالمحــاق :fa56: وكله ولاا عمــووووه !! خخخخ
مـانرووم لها .. لــول !

:whistling:

يالله شــدوو الهمــٌه وخلـونا انشــوف رســومــاتكم :fa51:

تسلمـــون ع المـسـابقه الحلــوه وان شالله الجميــع راح يتفــاعل ..

..

العجيـــبه : احلفي انتـــي بس !! :k_puppyeyes: يالله مـاشي شــرده وحـاولي ترسميـــن وبتطلع الرسمــه حلــوه صدقيـــني .. ضبطـــي تـراج الكــوب .. يالله كمــلي !!

:vertag:

شــررده .. خخ

كشششششخة الكاريكاتير ^_^

العجيبه صدق انج عجيبه:icecream: جربي مره ثانيه
وطرشي رسمتج ع الخاص .. :a054:
.
.
.
وعلى قولة قطرة ندي ..
جاري الارسال .. :10:
.
.
حتى رسمتي انا مش ولا بد بس يلا ..
شو علينـــــــــــا المهم النهايه :fa32: كيف راح اتكون ..
ودان ان عطينا كلمتنا لاخونا المحاق وعموتنا .. المفروض ما انرد هالكلمه
.
.
يلا الياه عطوج قلم الرصاص وين رسمتج ؟؟
بنترياها:d014:

امممم ..
تم بحمد الله .. !

:

بس متردده ادزها عالخاص .. أحس من زود ماتجاهلت تفاصيل واضحة ويهي قافط ..
وكنت مستعيلة بالرسم بس همي متى بخلصها لول .. >> بالنهاية ظهرت بعيني مادري كيف مب مرتبه .. >_< ..

امممم ..
يمكن أدزها باجر باذن الرحمن .. أو اليوم اذا دق براسي .. !

:

ويالله يا جماعه شدو الهمه .. نبي نشوف الابداعات ونستفيد ..

وربي يحفظ الجميع بفضله .. ^_^ ..

..........:: احترامي .. والسموحة ..

العجيبه :eek: :m_ma9dom:

لاااا

والله اوكيه محاولتج لا تنسحبين عشان خاطر ام صروال بس لا تنسحبين :h_waa:

جد العجيبه

عندي ثلاث مشاركات لحد الآن

ومشاركة انامل في الدرب ان شالله

وإلي سوت مفاجأه الصراحه عضوة بخبركم عنها عقب بإذن الله :smile:

ما توقعت انها ترسم لكنها بدعت والله ماشالله عليها عيني عليها بارده :smile:

من جي العجيبه لا تبردين ( اتمنى انج ما تنسحبين اتمنى من الاعماق )

وايدين انسحبو واذا زادت نسبة الانسحاب يمكن تنلغي المسابقه

فإن شالله محد ينسحب بعد عشان خاطر شيبتكم المحاق :glare: :k_wheelchair:

يلا العجيبه ابغي همه ابغي شي يشق حلج ام صروال :tongue:

الدافيه


شاكر لج مرورج واضافتج الطيبه

سعدت بهذا الوجود كثيراً :smile:


حبوبة دبي

هلا فيج أختي وحيالله من يا :g_aloof:

شو رياج في عمتنا وصروالها هههههههههه :tounge:

مسكينه شكلها اتسبني سب عالرسمه وحليييلها هههههههه :icecream:

حبوبة دبي

كلماتج التشجيعية لها شكر خاص مني وبالنيابه ايضاً عن عمة العيم

واقولج عاد :eek: ... العجيبه كانت متحمسه وأحينه فرت رسمتها وشردت ههههههه

يستوي جيييه ماشي شرده عندي :d014: :d014: :d014:

:m_ma9dom:

:m_mar7ba:

الدلوووعه

اشكر فنج بس افتقدنا وجود رسمتج في المسابقه ههههه :a033:



الشوق

الياه شاطره وسلمت رسمتها وأنا اوقف من خاطري اشجعلها بهاي الطريقه ( :11: )

لكن بعض الناس ما رسمو :tounge:

يلا الشوق والعجيبه والبقية الباقيه المختفين وينهم

شكلي باستخدم سلاحي الخفي :d014:

وين ألم ترى خله يستلمهم في واحة الاصدقاء

ترا ظهره قوي مرابع خباز ايراني بدوي مال راس الخيمه :a018:

شكلي بتصفع اليوم :a058:

:tounge:



انامل قلب

ليش التردد سويلها بس

جــــــــــــــــاري الارســــــــــــــــــــ ال

وانتهى الموضوع شو يباله

وجداً اشكرج على مشاركتج ووايد فخور فيج والله :smile:

موفقه وان شالله تعجبنا رسمتج بإذن الله تعالى :icecream: