مبروووك عليكم الرحمه....الله يتقبل دعواتكم يارب
عرض للطباعة
مبروووك عليكم الرحمه....الله يتقبل دعواتكم يارب
بسم الله الرحمن الرحيم ..
الله يبارك فيك وفحايتك ..
الحمدلله رب العالمين وعساها دوم مب يوم ..
كل الود ..
طير الحب
سبقتني بالإضافه
عموماً ومبارك عليــكم الرحمه
ونسأل الله أن تكون أمطار خير ورحمــه
دمتم على الطاعه
http://www.godubai.com/images/godubaifor_rain.jpg
مبروك علينا و عليكم أمطار الرحمة
و الله يزيد و يبارك
http://www.mohammedstar.com/up/uploads/93a6a97ee6.gif
الله يبــارك فيكم . . .
في العين بس طاح نفــاف وبعد مالحقت عليه . . .
ولا بعد شــاكه في الموضووع . . لين ماقالوا إنه صدق طاح نفـــاف
الله يعني نقــض الحمـــاض . . .
http://www.mohammedstar.com/up/uploads/93a6a97ee6.gif
الله يبارك فيكم
ما شاء الله الامطار في دبي من الساعه الثانية فجرا ومستمرة حتى الان
اللهم اجعلها امطار رحمة
يقولون الشارقة واااايد...
http://www.mohammedstar.com/up/uploads/93a6a97ee6.gif
طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر من فوق .. كسر حوي بن طوق
http://www.mohammedstar.com/up/uploads/93a6a97ee6.gif
في بوظبي ما طاح واايد.. بس زين الأرض انضفت :)
الحمدلله
الله يبارك فيج وفي حياتج ..
طاح في دبي وايد .. تقريبا من الساعه 5 ونص لين 9 وشي الصبح ..
الله يزيد ان شاء الله
اللهم طيباً نافعاً ..
نجـــــــ دبي ـــــــمة
مبرووك عليكم الرحمة ,, ,,
ونحن في الشارجة من السااعه 2 حتى الضحى ,,
ونااااااااسة ,,
الحمدلله طاح وايد عندنا في الشارجــه ..
بس اول ما نشيت الصبح بغيت اسير الكليه .. ما كنت اعرف ان شي ع الرخام ماي ..
اول ما حطيت ريلي زلقت و طحت ع ظهري .. احس اني بدون ظهر هههه
يالله عساها امطار رحمه ان شاء الله
الحمد لله على الرحمة وان شاء الله الرحمة هاي دوم يارب
والله ايديم امطار الخير والبركه علينا دوم يارب
مبروك عليكم الرحمة
حتى عدنا طاح وااايد
وناااااااسه
مبروك الرحمة عليكم
الشمس أشرقت عندنا الحين :fa35:
الحمـــدلله ..
أنا يوم أقول ان ربي يحبني محد يصدقني ! ما طاح المطر الا يوم فكرت أغيب ! كششخه ..
في بوظبي ما طاح وايد مطر ، بس الحواااااااادث وااايد ! نمشي كمن كيلو ونشوف حادث ، الله يستر ..
والله يزيد ويبارك ..
الحمدلله ،،
عســاها اتكــون امطــار رحمه ان شالله ،،
وربــي يزيـدهــا
:fa35:
سلالالالام عليكم ورحمة الله وبركاته
مبروك علينا وعليكم الرحمه الحمدلله على الامطار
وام القيوين شهدت الامطار من الساعه الرابعه فجراً حتى 11 الصبح والاجواء كانت حلوووه وايد
وعساها دعواتنا دوووم وتعم المعموره آجمع والمزيد ان شاء الله من الخير
لا بس صدق كان الجو فنان اليوم والبارحه واولت البارحه .. إن شاء الله يستمر فتره اطول .. حرام اول مره ينزل هالشتا
عاد تعرفون وحده من بشاكير قوم ربيعتي كانت تشتغل في لبنان قبل .. ويوم بغت اتوعيها من رقادها قالت لها : أومي شوفي الدنيا عم بتشتي برا
أللــــــــه .. أحلى شي البشاكير الي يشتغلون في لبنان .. كلهم رقه ودلال :fa47: .. حتا النّشه فيها فيها ذوق وطعم حلو .. :fa34:
تدرون انتو ما سلمتو من طاري البشاكير .. توني حاشره ماما عشان ايبون وحده كانت تشتغل في لبنان :vampire:
مبرووووووووووووك علينا وعليكم ...
نحن جو الجاااااااااااااااامعه اليوم فنتك ... البنات يالسات ع الحشيش جنهن صراصير .. وخخخخخخ
بس صدق من ايي المطر الحوادث حدث ولا حرج ...
وانا سايره الجامعه 5 حوادث ... وآخر واحد كانت السيارة منجلبة على الي فيها هب ظاهر منه شي الا ايديه ...
الله يرحمه برحمته ان شاء الله ان كان حي والا ميت ...
السمووووووووووحه
عيناويووووووووووو
الحمــــــــــــــد الله
الحمد الله
الله انعم علينا هالامطار
الله يبارك فيكم اخواني
وابشركم ان شاؤ الله هالاسبوع الامطار يايه حسب الارصاد الجويه ..
مبروكين عالرحمه ،،،
قلوب دبي
الله يسمــع منـك يــارب
:fa41:
..
.
مبروك علينا الرحمه
اليوم بعد يطيح مطر ويا برق ورعد D:
هي احين بعد يطيح عندنا وايد حلو
مبروك عليكم الرحمة وانا قمت بس عسب اشوووف المطر :)
انا نشيت عللى صوت البشاكير في حوي بيتنا,, كان عندهم حالة طوارئ
خخخخخخخخخ
و عقب نقزت نقزه من صوت المرعد و قررت اني أنش
هههههههههه ,,, زين زين ,,
والمطر ألحييينه ينزل عدناااا في الشااارجة من الساعه 8 ونص ,, والجوووووووو رهيييب ,,
الله يديم الخير علينا وعليكم ,
أنا مصدعه والسبه هالمطر .. :devil:
ابي ارقد مب مخليني .. حشى استغفر الله مب مطر نازل .. مسوين معسكر يهال في البيت .. و إلا يقوموني انا جني اذا ما احتشرت وياهم بموت .. ( كل شوي اييوون يزقروني ويخلون الباب امبطل و يصكون المكيف وارد انا اصك الباب و افتح المكيف ) !! صراحه مب حاله الصراحه :glare:
بس عموما مبروك على الرحمه لول :blush:
علينـــا وعليكم ..
مطر خير والحمدللـــــــه،،
أم خدود ، عــاد يهــالنا ياينـــــهم بيات شتوي .. ما لهم حس (غريبة)
ياللا ؛ اللي بخــــاطركم ادعوه .. الدعوة مستجــابة بإذن الله،
والسلام
ياا سلااااااااااااام ..
أنا حتى ناشــــه من الصبح اليوم عسب المطر
يعل الفرحة دووم في ويوهـــــــــــــ:)ـــــــ ــــــكم ..
الحمدالله على هالنعمه عساها دايمه ..
المطر نعمه .. ورحمة من رب العالمين...
http://www.mohammedstar.com/up/uploads/93a6a97ee6.gif
انا زغت لووول . . زيغتني اصوات المطر يوم ينزل .. .
اللـــه يعني بنسير البر . .
:fa34: :fa47: :fa34:
http://www.mohammedstar.com/up/uploads/93a6a97ee6.gif
الحمدالله على هاي النعمة
نحن طاح عدنا من الساعة 3 الليلي لين 8 الصبح
انا نشيت اول ماسمعت الرعد وكان خاطري اسير العب فالمطر بس كان ليل وظلام وانا انسانه خوافة اخاف من البرق ومحد ويايه وايد عليه يلست فالصالة واسمع صوت المطر والبرق والرعد^_^
لا اسمعو انا واخويه شو نقول ليش المطر مايطيح الصبح عسب نلعب ويطيح الليل ونحن رقود ( والله انه نحن خبايل^_^)
الحمدالله على هذه الرحمه
من زمان ما طاح مطر و خاصة أنه الجو صار كثير حار
الحمدالله أول أمس و اليوم الجو كله مطر
الناس عندنا فرحانه و خاصه أنه السد اللي عندنا و الوديان امتلت من جديد
الحمدالله على هذه الامطار و خاصه أنها عامة على الدولة كلها
سلاااام
الله يبارك فييييييييكم ويستجيب لدعائكم
يااااي !! كشخه والله
احلى شعور يوم ارفع ويهي للسما واخلي قطرات المطر تطيح ع ويهي هيهيهي :inlove: كشخه
حسوو فيني :fa43: ابا اسييييير العين
والله الجو خبال - ابا اسير اسوق دراجه - لوول
من الصبح بنات عمي يحنن على ابوهم وانا على ابويه بس ماشي فايده ( صيانه وصيانه )
الله كريم
اي حد بيسير البر يمر علي اوكي :devil: ؟
.
.
.
كشخه الجو ^_^
وعلي انا بعد P=
كشـــخه ..يمكــن اسير صوب عــوافي بعــد شوي
بشووف الشــباب ..
و الحمدلله على النعــمه