<font color='#000000'>احم احم اول شي اعرفكم على نفسي مؤدب بن على نياته ال اخلاق (تقدرون تنادوني مؤدب ) انا من يوم ما فتحت عيوني على هالدنيا وانا مؤدب ماالف ولا ادور اطلع من البيت للمدرسه ومن المدرسه للبيت (تصدقون اني مره رحت للبقاله وماقلت لامي) ومرت السنون وبعدها السنين وبعدها كبرت وكبرت معي احلامي وافكاري ومره من المرات وانا قاعد في حضن امي سالتها
مؤدب: امي امي الحين انا كملت 18 صح
امي : صح ياحبيبي ( جحش شكبره ومنسدح في حضن امه)
مؤدب: طيب ياامي هذا اللي في وجهي شنب ولا لاء
امي : الا ياحبيبي شنب ونص
مؤدب: طيب ليه ماتسمحين لي يصير عندي اصدقاء زي العالم والناس يعني انا موكبير
وبعد هالتحجيره قررت امي تدور لي على عريس اقصد صديق وقامت تدور وتفر على صديقاتها لما لقت لي صديق حبوووووووب اسمه ( بو عتب) انا ماصدقت على الله على طول شبكت مع الولد وصرنا نسولف مع بعض وتوطدت العلاقه بيننا وصرنا جبن على خبز توست وفي يوم ( الله لايعيدنا علينا) من الايام
مؤدب: ههههههههه الله يقطع سوالفك يابو عتب
بو عتب: ايييييه فااااتك امس رحنا المجمع ولقينا بناااات وحركااااات
مؤدب: ايش المجمع هذا ؟ ياويلي على الادب ياناس
بو عتب : ادوب( يدلعني ادوب) انت تستهبل ولا تستهبل
مؤدب : لا من جد ايش المجمع هذا ؟ دايما اسمع امي تقول انها بتروح المجمع هذا واذا سالتها تقول حقت الكبار ( امه خايفه لايضيع تعب تربيتها هباء منثورا)
بو عتب : هع هع هع والله انك تحفه خلاص بكره الساعه 9 امرك ونروح لها
مؤدب : طيب ليه ماتقول لي الحين
بو عتب: ماينفع لازم تشوف بنفسك بس اسسسسمع ابغاك تكشخ اخر كشخان ( كشخان المصدر المؤول من كشخه رسمي) ولا ترى ماتحلم تشوف المجمع
مؤدب : لا واللي يرحم والديك هلاص والله لألبس احسن لبس بس لا تضحك علي
بو عتب: افا عليك ياللا باي ايييييييه تذكرت جهز معاك ورقه وقلم بكره ومن غير ليه بكره بتشوف
مؤدب: طيب
انا بغيت اموت بالسكته الصدريه من الفرحه اخيييييرا باروح المجمع واو كيف بيكون شكله مربع ولا مثلث لونه بينفيجي ولا كوحلي طيب وش لونه بنفسجي ولا كوحلي طيب وش هو من الاساس ملاهي ولا مطعم ومن زود الفرحه طلعت ملابس العيد ونمت فيها
وفي اليوم التالي
انا مرسم ومضبط شكلي ومجهز قلم ودفتر واينفلوبز ( مستحي اقول ظروف تضحكون علي) على بالي بنكتب رسايل انا وبو عتب ولا وش لازم القلم والاوراق مؤدب اسم وفعل وقاعد اناظر الساعه
تربتتيت تربتتيت هرن سياره بو عتب هو ماامداه يضغط على الهرن الا وانا راكب جنبه اوقول له : يله عتبتب خلينا نروح للمجمع
يو عتب : جهزت كل شي
مؤدب : ايه هذي الاوراق والقلم والظروف
بو عتب: ظروف وش بنسوي فيها ذي
مؤدب : انت ماتبغى تكتب رسايل عيل وش بنسوي بالاوراق والقلم طالع على ابوه على نياته
بو عتب: نرقم يالكمخه كم رقمك بسررررعه قربنا نوصل
مؤدب: 555 الخ الخ ( اخسسس يامميز انت ) بلا اهله مايدرون وش بنسوي فيه
بو عتب : زيز زين يله ترانا وصلنا
مؤدب: هييييئ ( شهقه) واااو هذا هو المجمع والله حلو ( بلا في شكلي على ذوقي الخايس) تصدق يابوعتب اني حبيته من اول نظره ( حبني برص مدعوس على طريق الشمال )
بو عتب : ايه ايه يلا خلصنا الحين ابيك تسمعني زيييييييين اول مانلقى عائله بتدخل ندخل وراها على طول فاااهم
مؤدب: طيب ليييييييييه
دردوووووب( صفقته على جبهته)
بو عتب: اسمع الكلام وانت ساكت اصلا ممنوع دخول الشباب
مؤدب: ليه يمنعون الشباب يعني حنا وش بنسوي ( هذا وش معيشه عندنا بذي الدنيا)
ستااااااح ( سطره كف لخبط له وجهه )
بو عتب: وش قلناااا
مؤدب: طيب طيب خلاااص باسكت
يو عتب:يله يله هذي عائله خلينا نذخل وراها
اول مادخلت ( ياليتني مادخلت ) حسيت جاني شلل
وش ذا
هذا عندنا هني
دخلنا المجمع
ومن اولها استفتحت ببنتين كل وحده استر من الثانيه ما شاء الله عليهم الاولى لابسه عبايه سترتش ومغطيه وجهها كللللله الا فتحه زعنطوطه مطلعه منه خشمها ( مافيه شي حلو الا خشمها )
والثانيه مسكينه تقول عميا مغطيه كل وجهها وجسمها من فوق لتحت ( مافيها اي شي حلو الا ثلاث شعرات مطلعتهم من فوق تقول ارايل لااا وكل وحده ملونتها بلون
بو عتب: طيب طيب طيب اسمعني الحين كل واحد يروح في طريق ويدور على رزقه اوكي وبنجتمع بعد ساعتين
مؤدب: ايش على اخر عمري تبغاني اطر ووين بالمجمع
بو عتب : لااا يالعبيط انا اقصد ترقم بنات خلاص نتقابل بعد ساعتين باااي
بعد ما تفرقنا انا وبو عتب قعدت افكر وش اسويييي وش اسوييي فكر يامؤدب فكرررر قلت ياولد ما بدهاااش روح اشرب لك شي وروق عشان تعرف تركز حشى صارت مذاكره مو مغازله
قلت في نفسي المساله سهله اول مااشوف عبايه تمشي قدامي على طوووول وبحركه خاطفه اصمخها بالرقم ( اذب الرقم عليها)
طلعت معزم النيه على اول عبايه تتحرك قدامي ماسك البيبسي بيدي اليمين ( ركزوا على البيبسي لانه هو البطل في المشهد القادم) وماسك الرقم بيدي اليسار
فجاه
مر قدامي شي اسود هيييييييييييه بنت واجهز الرقم واستعد ......و ....... طلع واحد لابس اسود يستهبل ذا
وانا ماشي متحطم واشوف قدامي بنت بنت بنت
مؤدب : اصبري اصبري لاتتحركين بيصيدها ذا
انا من زود الحماسه والربشه رميت اللي بيدي باقوى ماعندي على البنت( وانا مغمض)
و
طررررقاااااااع
اييييش ؟ طررقااع ؟ وش طرررقعه والتفت ( ياليتني ماالتفت ) لقيتها متغرقه بيبسي من اولها لاخرها ( اثري بذكائي المعهود ومن زود الحماس رميت البيبسي وخليت الرقم معي) <img src="http://oasis.bindubai.com/emoticons/lookaround.gif" border="0" valign="absmiddle" alt=':look:'>
النهايه</font>
