كنت نايم

كنت نايم
وبعالم الاحلام هايم
مادري في شنو كنت احلم
مره احس اني اسوق سياره
ومره كنت مضيف طياره
الجو كان بارد
وكنت متغطي وشارد
رن التليفون
وقلت ياترى من يكون
هذا المزعج هل هو صديق ولا مزيون
هل هو عاقل ولا مجنون
رديت عليه وانا كلي شك وظنون
وبرقه بعد ماكنت انسان عصبي انا انسان حنون
سمعت صوت ماتوقعته
ولا في خيالي تخيلته
ولا حتى في حلمي سمعته
بنت
قلت هلا وقالت اهلين
نوره موجوده
قلت وانا صوتي رايح فيها
لحظه شوي بناديها
ويلست اصوت واقول نوره  يامن يلاقي نوره
ورديت للسماعه وقلت مادري وين راحت الله يهديها
بس دقيقه ماعندنا نوره
وبادر البنت خوف
قالت اسفه انا غلطانه
قلت ولا يهمج عادي لا تكونين زعلانه
مايهم اذا ماعندنا فلانه بالاسم
وقالت شكلك كنت نايم
قلت لا
قالت تدرس
قلت الدراسه خلاص باح
انتي شكلج تدرسين
كيف اختباراتج عسى انكم مرتاحين
قالت باقي لنا يومين ونخلص
وخايفه والله من مادتين
قلت من الاختبارات لاتخافين
دامج الليل تذاكرين
وعلى الله تعتمدين
واللي يزرع يح مايحصد يقطين
اهم شي انج ماتنسين
تدعين الله قبل الاختبار
ومن ابليس تتعوذين
الله خلقه من نار وخلقنا من طين
ويلسنا نسولف في امور
من شو اسمج الين غلاء المهور
قالت اسمي (ود) وقلت لها انا احمد
صدفه غريبه اسماينا فيها دال
قالت تصدق كنت اتمنى يسموني نوال
تصدقين وانا كنت اتمنى يسموني جمال
ويلسنا نسولف في بحور الشعر والموال
كلام الناس والعذال وماهمنا
وفجأه خلصت السوالف ومالقينا اللي ينقال
وسكتنا
وبدلع
قالت انت تشجع الوحده
قلت في قلبي مادري بشنو اجاوبك بكف ولا بنعال
بالله عليج هذا سؤال
ومايهمي القيل والقال قلت انا شعباوي
هذا حبه طاح في القلب ولا ينشال هذا الكومندوز
والشمس مايغطيها مشخال
قالت شمعنى الشعب
قلت يابنت الشعب لعب وفن ويفوز باللي حضر
وجمهوره له كلمه وامر
يابنت لاتغريني بالكثير
لو تضربين المليون بصفر تساوي صفر
وحتشرنا وشبينا وبسرعه انطفينا
الظاهر هوينا بعضنا
قالت احمد
قلت امري ياود
قالت اوصف لي شكلك
هذا وين توهقنا
شوفي العرب لونهم واحد ولسانهم واحد واحلف بالله ولا احد غيره
اني مب طويل ولا قصير
شعري ناعم مثل الحرير
قالت والعيون
قلت شبرين في ثلاث اشبار
قالت اسد
قلت شكرا يااحلى شهد
تواعدنا
وباجر في المول موعدنا
بين خوف وامل توادعنا
وقضيت ليلتي في حيره
شو البس جنز ولا كندوره  والله حيره
شيشه وتعميره مافي غيرها يفج الحيره
ورجعت للبيت ابتسم لغدي واعاتب امسي
قعدت اتجلب وون وبصعوبه نمت
ياقلبي قولي شو من الحب اهون
غريبه هالدنيا غريبه
وراحت ليلتي وزادت بلوتي
انا والحب بنلتقي اليوم موعدي
وكشخت
لبست فوق راسي غترتي
حتى خطوتي في مكان اللقاء تغيرت
صرت ارتجف واترنح بمشيتي
كأني انساق للموت وهاذي نهايتي
هذي اكبر بطولاتي هذي مب سوالف شجاعه
بتضيع  احلى امنياتي اذا خسرت
ويلست ادور والف وحول المكان اطوف
وين هذيج العين اللي عليها قلبي ملهوف
ياليت الناس تيي وتشوف ود

وفجاءه وصلني مسج يقول

سويتها فيك يااحمد
رد بيتكم وخل عنك هالسوالف ياتعبان
روح نام تعيش وتاكل غيرها
وسويتها فيك

المرسل

الوالده

مع تحياتي
رعبوب

ههههههههههههه حلوه منك على اد سنك   ... عجيب<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

هههههههههههه لووووووووووووول..

عاش الشعباوي  تعيش  وتاخذ  غيرها

مرحبا الساع

رعبوبه .......مشكوره على المرور
عاشقه فزاع.......... لووووووووولز شكرا على المرور
حسين بن تميم العامري................ عاشت ايامك حبيبي
رعبوب

ههههههههههههههههه ههههههههههههههههههه
حلووووووووووووووووووووووو وووووووووووووووووه
يستاهل..
<img src="http://oasis.bindubai.com/emoticons/tounge.gif" border="0" valign="absmiddle" alt=':p'>

ههههههههههههههههه هههههه
تسلمين