Ydy yskar m3 aboy

<font color='#000F22'>جدّي ومااحلاه من جد يتحدى اجدادكم &#33;&#33; <------ كل تراب
كثر الحتسي في الآونة الأخيرة عن شباب الماضي == > شيبان الحاضر == > ذكريات المستقبل &#33;&#33; .. و كما جرت عليه أم حسين فأنه لابد لي من أن أدلو بدلوي و صطلي و مغرفتي في هذا الموضوع عن قولة ماهوب متضامن مع جمعية الرفق بالشواكيش &nbsp;&#33;&#33;

جدّي &#33;&#33;
الله يحفظه و يبقيه و يطول عمره و يقصر حسه شوي .. طايح .. لكن مازال يقاوم عوامل الشيخوخة بسلاح تكذيب الواقع .. ماهوب مقتـنع إنه قاضي .. مايبي يعترف إنه "عجوز" &nbsp;&#33;&#33;

أبوي &#33;&#33;
شهبندر تجار الغفلة &#33;&#33; &nbsp;.. على باله خاشقجي <------ ماهوب عاقل بن محفوظ &nbsp;&#33;&#33; ليله و نهاره لاهي بأعماله .. يحب جدّي لكن ما أشوفه يجلس معه واجد .. ماهوب مقصر معه بشي لكن مايسولف معه غير سالفة رميزان و الشريف بركات&#33;&#33; &nbsp;<-------- ماادري من وين يجيبون هالاسامي.. &nbsp;عادها عليه جدّي يمكن تسعين مرة .. و شرط إن جت مناسبة و إلتفينا على جدّي .. أقول شرط إن يرفع أبوي عيونه يطالع النور و يقول "إلا وش سالفة رميزان يبه &#33;&#33;؟؟" .. و جدّي بعد الله يهديه ما يمل .. ولا يخطي &#33;&#33; .. تقل عايد الشريط ماشاء الله عليه .. صام السالفة صم &nbsp;&#33;&#33;

أنا &#33;&#33; &nbsp;
و الله و ما قالت &#33;&#33; البحرين ماخذه كل وقتي &nbsp;(( نسأل الله الإخلاص ))<------ ماتستحي انك تقولها منب أشوف جدّي إلا إذا صدفت و طلعنا سوى من المسجد و اقعد أتناه إلين ياصل للدرجة عشان يرتكز &nbsp;(( مقتبسه من موضوع ولا انا ماادري وش معناها)) على يدي مع إنه ماكد مرة عطاني وجه .. دايم يقول &nbsp;"لا يغرك .. ما بعد صرت عجوز و أنا أبوك " و يدز يدي و ينـزل لحاله &#33;&#33; .. و إلا إذا دخلت البيت أشوفه جالس في السور متسند على الجدار و رافعن رجليه على المركى و جنبه ترمس ماء بارد&#33;&#33; &nbsp;

أول كنت أحسبه ما يحب يحاكينا و يسولف معنا على باله إن جيلنا جيل ماصلين .. كنت أحسبه يحب العزلة .. لكن بعدين لاحظت إنه لو كان فعلاً يبي العزلة كان جلس في غرفته و لا طلع .. بالعكس .. شكله ما طلع من حجرته إلا عشان يناشب الحشرات اللي عنده بالغرفة و يتهاوش معهم .. منحاش من العزلة .. هم الوحيدين إللي معطينه وجه الظاهر &#33;&#33; &nbsp;
يوم ورى يوم و الحال على ماهو عليه .. إلين جاء ذاك اليوم إللي أهلي كلهم معزومين على عشاء عائلي عند رجل أختي (( و لد عمي بعد )) &nbsp;.. عاد جدّي ماهوب يدانيه .. ماراح .. بالذات إن جدّي ماهوب يحرص على العشاء &nbsp;&#33;&#33;

عاد أنا ذاك اليوم مدري وش طرى علي مابغيت عشاهم .. نطلت أهلي و قعدت افكر وين أروح ؟؟ من الشلة سعيدة الحظ إللي بتصبر على غثاي هالليلة &nbsp;.. لكن مدري كيف طرى على بالي جدّي و طلبت لنا بروست و رحت له .. قومته من مطرحته و فرشت السماط .. طبعاً بدون تفاهم .. سحب جدّي الزرف(الظرف اللي يغلفون فيه)) &nbsp;و شقه و بدا يعفط في البروست .. و أنا بديت آكل بشراهة .. تخبرون البروست مع بطاطس و كتشب و ببس .. الله ..
يا زينه زيناه <---- تحسون انه جايع .. &nbsp;عاد بغيت أسولف مع جدّي لكن مدري وش نسولف فيه أنا و إياه .. أقول له "وش سالفة رميزان يبه" &nbsp;.. نهي هي .. ما فيه أمل حامت تسبدي من كثر ما سمعتها.. بتلنا ساكتين و أنحن ناكل تقل في مطعم فرنسي &#33;&#33; .. و في لحظة دف جدّي الصحن و قال و هو يطالع في يديه ويفركها بمنديل " ياولدي .. عشاك هذا ما تاكله إلا الحمير" &nbsp;.. طن آن آن آآآآ .. رفعت عيني في عينه و أنا ماسك فخذ وودي اكله .. &nbsp;"الحمير يبه ((هوني ما أصفخه بالصحن ألحين ))يا حلم الله على خلقه&#33;&#33; &nbsp;

المهم .. خلص جدّي و جاء بيقوم يغسل و اشوف آثار الصعوبة و الجهد في قومته على وجهه .. " اليوم و أنا أبوك حطيت السلّـم على النخلة وجيت ابرقاه و لا قويت&#33;&#33;" &nbsp;((قلت في نفسي و أنا راحمه .. وش تبي بهالنخلة يا جدّي ي ي ي .. يا حرصك طول الله عمرك )) &nbsp;<--------- واخير اعترف هالشايب

شلت العشاء ورحت لأول الحارة و حطيته عشان تاكله القطاوة .. عاد قطوة حارتـنا .. على طول قلطت .. فرشت السماط و أنا مبتسم إبتسامة كرم و حنية ماكني قبل أمس شايتها بالزبيرية من عند الباب&#33;&#33; &nbsp;
و أنا راجع للبيت تذكرت شي&#33;&#33; &nbsp;.. هذي أول مرة يشتكي فيها جدّي من عجزه .. أول مرة يعترف إنه " عجووووووووووز"&#33;&#33; و من يشتكي له؟؟ ..لي أنا &#33;&#33; .. وين أبوي؟؟ &nbsp;

رقيت لغرفتي و أنا أهوجس بوضع جدّي .. إستعرضت شريط التقصير إللي أنحن مقصرين فيه مع جدّي .. بقى ربع ساعة على الفجر و الشريط عيّـا لا يخلص &nbsp;&#33;&#33; عرفت إنه باقي ربع ساعة على الفجر لأن جدّي الله يحفظه إعتزل شي إسمه رقية درج عشان يقومنا للصلاة .. صار يطفي طبلون المكيفات&#33;&#33; &nbsp;

بعد الغداء إنفردت بأبوي و تكلمت له عن حالنا مع جدّي و قلت له كل إللي في قلبي .. يوم خلصت و جاء دور أبوي يتكلم .. حمد الله و أثنى عليه لما هو اهله و قال
"ورى ياولدي ما تروح تمثل مع كريمة مختار <---- ماهوب عاقل يذب هالشايب أحسلك &#33;&#33; " .. &nbsp;(( أمسكه مسكة منومة ذا ألحين و إلا شلون &#33;&#33;)) أنا أتكلم بحرقة و هو ابرد ما عنده &#33;&#33; .. يوم شفت الدعوى كذا .. قلت مابدهاش .. "يبه .. ما يحتاج أقول لك كما تدين تدان .. و لابد بيجيك الدور و تمر بنفس المرحلة .. بروا آبائكم تبركم أبنائكم .. إذا أنت ما أهتميت في ابوك ليش عيالك يهتمون فيك&#33;&#33; " .. يوم شاف أبوي إني جاد و إنتبه إن الوضع هذا له نتايج مستقبلية أطرق قليلا إلى الأرض ثم رفع رأسه و على محياه علامات خشوع و إدراك و قال لي " إسمع يا ولدي &#33;&#33; " .. قلت "يا لبيه يابوي" .. قال " إنقلع أنت ألحين و ما يكون إلا كل خير " &nbsp;&#33;&#33;

بعد صلاة المغرب .. دخلت البيت و اشوف أبوي عند جدّي و تمر و فناجيل و دلة قهوة .. و أوقف مكاني و أقعد أصارخ " مانيب معرس .. بتعرس أنت و إياه إعرس أنا لا " &nbsp;.. و يناديني أبوي و هو يشر لي أجي " منتب كفو عرس .. تعال بس تعال " .. فصخت كنادر الزلاجات &nbsp;

< ------ جاي من المسجد أجل&#33;&#33; &nbsp;

قال أبوي " تزهب باتسر بنروح للرياض أنا وأبوك و نبيك تخاوينا " .. قلت موافق بس على شرط ما تقولون سالفة رميزان على الخط .. ضحك أبوي بقوة " أها هاه اااه .. ***** ورح ضف عفشك يالله" &nbsp;.. (( قرارات إرتجالية حتى في سعة الصدر )) .. زهبت كلش و عبيت الموتر بأغراض يمكن نحتاجها و يمكن لا .. و آخر شي قلت لازم ناخذ معنا عصير عنب .. جدّي يموت في عصير العنب .. و أخذ ترمس جدّي و أروح لأمبراطور و أعبي الترمس عصير .. و أنا طالع إلا وحدة مع رجلها تهقهق و تقول " ياربيه وش هالطحلب " &nbsp;&#33;&#33; .. طحلب في عينـتس يا قروية مسوين لها أب قريد &#33;&#33;

و انطل الترمس في شنطة الموتر و أخمد بدري عشان مسكة الخط &#33;&#33; .. و صلناللرياض.. إستاجرنا شقة ببلاش &nbsp;(( بعذر ابوي موفر فلوس التذاكر )) .. و تمشينا في ربوع الرياض عاصمة بلادي و شرينا كنبات من حراج بن قاسم .<------- يانصبك يالشين. &nbsp;و طلعت سواليف جدّي الرايقة .. هو إستانس من هنا و شرشرح خلق الله من هنا .. طلعت عيارات و نكبات شيبان جماعتـنا كلهم .. وين هالسوالف من زمان عنها يا جدّي .. بس من جد وضحت سعة الصدر على حال جدّي .. أنور وجهه و شتر حيله وردت حالة &#33;&#33; &nbsp;

آخر يوم قلنا خل نروح للثمامة و نشوي لنا كم سيخ أوصال و من الثمامة للشرقية سيدة <---- على الطريق يانصاب &nbsp;.. طبعاً كل الكرف علي أنا لحالي .. عادي لكن المشكلة إني متـشطر عنهم و أنا اشوي .. و أبوي قام يزقلب في عفشنا عشان رحلة العودة .. و يفتح الشنطة و يلقى ترمس العصير &#33;&#33; و أنا أشوي .. و يذوقه و يجوز له .. و انا مبعدن عنهم.. و يروح به لجدّي و قعدوا يقعبون منه قـعب &nbsp;.. و أنا اللي اقرب .. يوم إلتفت عليهم و اشوف جدّي واقف و أبوي فاك الزرة و يحك في صدره بقوة .. قمت لهم و قلت لأبوي وش بلاكم &nbsp;.. و يزعق علي ابوي " وش هالحر &#33;&#33; .. من إللي مسكر الدرايش &#33;&#33;؟؟ &nbsp;" .. أي درايش ؟؟ قال "أقول لك إفتح الدرايش يا طووووط" &nbsp;.. و ألتفت علي جدّي .. "جدّي .. وش بلاه أبوي ؟؟ " و يناظرني جدّي و يدق رقبه ثلاث مرات ثم قام يقامز "آووووووووو .. وه وه .. آوووووووووو وه وه سن كولالالالالا .. آوووووووو .. وه وه .. آووووووو وه وه سن كولالالالالالالا"

و اقعد ألاحق فيهم .. و يمر علينا جمس مضلل و يوقف جنبي و تطل منه وحدة توني شايفها من كم سطر و تقول "يا ربيه وش هالطحلب " &nbsp;.. الطحلب أبوتس يابنت الكلب .. و أنا أحسبها منول تقصد الترمس &#33;&#33; &nbsp;



ملاحظة اعذرونا على الاطاله وافصل الخط الله لايهينك <-------- بعد ايش الله ياخذك &nbsp;
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; <img src="http://oasis.bindubai.com/emoticons/whoohoo.gif" border="0" valign="absmiddle" alt=':who:'> &nbsp;<img src="http://oasis.bindubai.com/emoticons/whoohoo.gif" border="0" valign="absmiddle" alt=':who:'></font>