-
<font color='#000000'>حبيت أنقل لكم هذه القصه الخياليه وإن شاء الله تعجبكم مثل ما عيبتني:
الشخصيات وهم:
ناصر:وهو البطل الرئيسي...شاب في مقتبل العمر23 سنه..
خوله البطله الرئيسيه..عمرها 18 سنه...ثانويه عامه وماشاء لله شطورة...وخجوووووووله
محمد:إربيع محمد من يوم هم صغار
هنادي:إربيعة خوله الروح بالروح خطيبة محمد..طبعها مرح جدا..
حارب: أخو خوله الكبير..وهو الولي عليها عقب وفاة امه وابوه...
أسما:زوجة حارب...وهي إخت سارة الكبيره
خلود إخت حارب الصغيره...عمرها 7 سنوات ووايد تشبه خوله...
ضاعن :ولد عم حارب وخوله...وقبل هدايته كان عدو ناصروما يحبه...لكن بيصير فيه شي عقب..
سيف:إربيع ناصر ومحمد وولد خالة سارة وأسماء
حصه:إخت سيف
الجزء الأول:
يوم الخميس اللي كان يمثل يوم عام لزيارة القريه العالميه..دخل ناصر وأصدقائه القريه فقال سيف:أقولكم تراني ماأروم أمشي من اليوع...مشو بسرعه طوفوا جدامي خلونا ناكل لقمه..
يرد ناصر وهو مبقق عيونه:ماشاء الله عليك ماتشبع إنت دومك يوعان...وعلى قولتك أسوي رجيم..
محمد وهو يضحك: أي رجيم...خل يحمد ربه انه رام يلبس الجينز(طبعا الشباب متجنزين عشان بيركبون الألعاب)
في القريه المصريه:
ساره:أمي بسرعه عاد تراني مليت ..
الأم:صبري...شوفي الجلاليب شو حلاتهن..
سارة وهي تتأفف:امايه..انتي ماتشبعين من الجلاليب...عيل هذيل اللي بالترولي حق منو شارتنهم؟؟حشى مب درزن نحن..
الأم:حسبي الله على إبليسج...لي أنا ولكم انتوا ولبنات خالوتج وحليلهم...شوفي شوفي شحلات الجلاليب اللي بها المحل..
سارة:لاحوووووووول...وسارت الأم صوب المل وخلت سارة تتحرطم...
أسماء:هه هه هه ساروه أمي وينها؟؟؟
سارة:دوج دوج الماي عن تطيحين علينا..
حصه:وحليلها ها كله من السوري...أقولج ماشفتيها وهي تكاسر الريال خسرته 50 درهم هههههههههههه...
أسماء عيل أخليه يقص عليي...المهم أمي وينها؟؟
سارة:أمج طايحه في هالجلاليب...الناس يتطورون ونحن بعدنا على الجلابيه..
حصه:صدقج الكل قام يلبس قمصان نوم ونحن على نياتنا..
أسماء(طبعا هي معرسه):عيب عليكن خلو هالقمصان حق ريايلكم مب أحين تلبسونهن..
سارة:سيري سيري عند امايه تراج معرسه وخالصه..
أسماء وحصه يضحكون على رمست سارة..
ـــــــــــــــــــــــــ ـــــــــــــــــــــــــ
ـــــــــــــــــــــ
محمد:هاه سيف ترست كرشتك ولا لأ؟
سيف:الحمد لله أخوي ...آه الحين إرتحت..
محمد:صدق الله يعين اللي بتأخذها..
ناصر:لاياحمود حلات سيف وهو مدبب جي..
ويلسون يتضحكون وياهم الجرسون وخذ منهم الحساب ونشوا الشباب يتحوطون..
وهو ماشين طاحت عين سيف على الكنافه وقال لهم :شرايكم نحلي؟
محمد:اف منك محد يروم يظهر وياك....حشى درام مب بطن..
سيف (وهو مغيظ):الله وأكبر...مب يالس اكل على حسابك أنا...
ناصر:حووووو... انتوا بس عاد فضحتونا..بعدين ترى كله ولا سيف..مع انه اسمه مايليق عليه ههههههههه...طوفوا يلسوا على الطاوله وانا عازمنكم..
سيف وهو شاق الحلج:هيه هذيل الربع ولا بلاش والنعم بونويصر..
وسار ناصر عسب يطلب..
ـــــــــــــــــــــــــ ـــــــــــــــــــــــــ
ــــــــــــ
في الجهة الثانيه:
الأم:أقول بنيات خل نيلس مكان تراني تعبت..
سارة:هيه أنا بقولكم...سارة الحلوة عازمتنكم على صحن كنافه(إنما إييييييه)
أسماء وهي ميوده بطنها:كنافه يالزطيه يلاماعليه مقبوله..
سارة:بس بس مب الحين العشا عقب عقب..
الأم:سيري امايه سيري اطلبي..
سارت سارة وأسماء تفكر انه الناس يحلون عقب العشا مب قبله..
المهم سارت سارة وكان ناصر موجود هناك فوقفت بعيد شوي عن ناصر...
ناصر شاف سارة وقام رد ورا عسب تتجدم هي...ففهمت ساره وتجدمت وقالت في نفسها(صدق انه ولد أصول)...
البايع:أهلين تورتي بطلتك..آمريني
سارة:لوسمحت بغيت 3 كنافه وصحن بسبوسه...
البايع:ايه علة راسي ...تفضلي لملك وراح أجيب لك أحلى صحن كنافه...
سارة:والحساب:
البايع:40 وكرمال عيونك35...
سارة وهي تتطلع البيزات جان يطيح شي من بوكها ما انتبهت...عطته البيزات وردت مكانها..
ناصر وهو يطلب تذكر...شاف شي طاح من شنطتها...نزل ولقطه...وأول مايشوف اللي بيده...يتيبس مكانه من اللي شافه...ويهه ولا ويهه القمر...عيون ولا عيون المها..تم مبحلق في الصورة...
البايع:خيو...بتآمر على شي تاني؟؟؟
ناصر:لاسلامتك...ويعطيه البيزات ويشل الصحن...وهو يمشي يفكر في الصوره يردها ولا لأ؟؟؟
حط الصحن على الطاوله وسأل محمد :عيل وينه الدب؟؟
محمد:سار يسلم على قوم خالته...وما إنه يصد ناصر صوب الطاوله اللي كان عندها سيف..إلا ويلمح البنت المتغشيه...
وقال في نفسه:أوووووووه زين اني ماسرت ولا وين بدي ويهي من سيف!..
قطع حبل أفكاره محمد:نصور بلاك ماتاكل مممممم وايد لذيذة الكنافه..
ناصر:لابس أتريا سيف....ويضحك محمد ويقول له:ماعندك سالفه..
رد سيف وتم محمد يغايظه...وناصر يضحك بس مو من قلبه لأنه باله ويا الغزال اللي شافها..
خلونا نظهر من القريه..
في بيت حارب..
حارب:حطي حواطه اليوم أسماء ونسيتي ريلج؟
أسماء:ماعاش اللي ينساك...في وحده تنسى ريلها الغالي..
خوله:بس بس بعدين تغزلو...هاه أسماء خبريني طبعتوا صورتي على الميداليه؟
أسماء وهي خايفة ومرتبكه:منو؟؟
خوله:سارة أختج عطيتها صورتي اليوم في المدرسه وقلت لها خل تطبع لي إياها على الميداليه..
أسماء:ما أدري بها بس ماعليه باجر ان شاء الله بتصل بها..
وتنش أسماء...وتسير الحجرة وتتصل في سارة..
أسماء:حسبي الله عليج يا سارووووه...ألحين شو أقول حق خوله أنا؟
سارة:واللي يسلمج لا تزيديني هم...روحي مب ناقصه ما أعرف شو أقول لها يوم السبت..
أسماء: عيل أنا شو أقول اللي أخوها ريلي؟!!!
سارة: لا تحاتين...عندج صورتها؟عطيني إياها وبسير باجر ويا أبويه القرية وبطبع لها هناك..
أسماء:لا بعد تبين صورتها عسب تضيعينها!! المهم خلاص وانتي سايره باجر مري عليي وبعطيج إياها..
سارة:فديت إختي اللي وياي على الخط..
أسماء:بس جب ...يلا سيري ذاكري..وسلمي على أمايه..
وتسكر أسماء عن سارة..
ـــــــــــــــــــــــــ ــــــــــــــــــــ
في حجرة ناصر:
ناصر وهو منسدح على بطنه ...ويطالع الصوره ويجرب الصوره من عيونه أكثر وينجلب على ظهره..وقول :آآآآآآآآآه بس لو أعرف منو إنتي؟؟
وتم على هالحال أسبوع كامل...حس انه بدأ يحس بمشاعر حلوة..بمشاعر أول مره يحس فيها...تم يفكر شو يسوي..كيف بيتعرف عليها ...بس فجأة ترن رتن...رن موبايله
محمد:مرحبا
ناصر:يامرحبا الساع...هلا والله ببوجاسم..
محمد شحااااالك يالقااااااااااطع؟؟
ناصر:حالي...آآآآآآآآآه من حالي أنا...
محمد:لالالالالالا من متى يا الكتوم؟؟
ناصر:محمد دخيلك ساعدني تراني تعبان..
محمد(حس انه السالفه صدق وخطيره بعد):انت تامر يالغالي..
ناصر قال له السالفه كلها..
محمد:والله شو أقولك...بس يمكن أنته إنعجبت فيها..
ناصر:إلا قول إنجذبت لها وتعلقت فيها....ياريال أباها...
محمد:متأكد من اللي تقوله...بعدين تعال انت ما تعرف اسم البنت ولا منو هي؟؟
ناصر:هي بنت خالة سيف..
محمد:منو قالك...نحن شدرانا انه البنات اللي كانوا ويا سيف هن بنات خالته...ولاتنسى انه حاط عينه على بنت من بنات خالته...
ناصر:خلاص أتصل بسيف وتأكد..
محمد:لالالالا...انت شو تقول...اصبر ويصير خير خلنا نتأكد أول...
ناصر: أنا مليت من الصبر إلا الصبر مل مني...
فجأة...ناصر:حمووووووووووووو وووووووووود
محمد: شوي شوي ...صمختني...
ناصر وهو مستانس: حموووووووو دد دد اسمها.. خولة بنت فلان الفلاني...
محمد وهو فاج حلجه:صدق انه عصر لسرعه...ولا جاسك شي اللهم سكنهم في مساكنهم...
ناصر:جب هو أصلا مكتوب ورا الصوره...
محمد:عاد إسبوع ما أدري أكثر الصورة عندك وتوك تعرف انه اسمها مكتوب ورا الصوره..
ناصر وهو ينسدح والصوره في إيده:من حلاتها ما يا في بالي أجلب الصوره..
محمد: هههههههههههههه وحليلك بديت تحب...
ناصر:إلا أموووووووت بها...حمود لو إني غالي عليك إسأل حرمتك عنها..
محمد:خلاص تم ...كم من نصور عندنا...يلا في أمان الله...
ناصر:ولي يسلمك لاتبطي..
ـــــــــــــــــــــــــ ـــــــــــــــــــــــــ
ــــــ
يتصل محمد في هنادي اللي مالج عليها...
هنادي وهي ناشه من الرقاد: ألو...غصب طلعت منها...
محمد: السلام عليكم
هنادي وهي تحج عيونها وتتثاوب: وعليكم السلام...
محمد:وايد عليج...المهم هذا وأنا قايل لج لا ترقدين لأني بتصل...
هنادي:حبيبي لأني كنت تعبانه تعرف المدرسه وبلاويها...
محمد:مسموحه حبي وسلامتج من التعب...المهم فتحي وياي عدل لأني بقولج شي خطييييييييييييييييييير...
تفز هنادي من مكانها: كلي آذان صاغيه..
محمد خبرها كل السالفه...طار النوم من عينها:إنت متأكد من الإسم؟؟؟
محمد:هيه متأكد..
هنادي وهي متضايجه: انزين ماقال لك شقايل شكل البنت؟
محمد:أممممممممم اللي أعرف إنها سحرته من أول نظرة...هيه وصفها لي بس نسيت..
هنادي وهي تتأفف:أسميييييييييك...أنا بوداي وانت بوادي بس إصبر شوي...
ويابت صوره عندها وتمت توصف له...
محمد:هيه هذي مواصفاتها...هنوده تعرفينها؟؟؟
هنادي وهي متردده:أأ...ما أعرف...ماأعرفها...لا لا لا ما أعرفها...
محمد وهو رافع حياته: هنوده حبيبتي بلاج؟؟؟
هنادي:لا لا ما بلاني شي بس...
محمد:بس شو ؟؟ رمسي مابآكلج!!
هنادي: هي إربيعتي روح بالروح..
محمد وهو مو مصدق: صدق فديتج أنا...
هنادي: حماده بس قول له مايسوي شي بالصوره خله يعطيك إياها واللي يسلمك..
محمد:لاتحاتين حياتي..أدري بج خايفه عليها..بس صدقيني ناصر ما عنده هالسوالف...ريال ويعرف الأصول...
هنادي:الحمد لله ريحتني...
سكر محمد عن هنادي وعلى طول اتصل في ناصر...
ناصر:وينك ياريال..
محمد: ماشي كنت أخبرها السالفه..وبعدين لا تنسى يعني خذتنا السوالف شوي..
ناصر : شوي!!! المهم بطوفها لك...هاه بشرني شو تعرفها ولا لأ؟؟
محمد:لا
ناصر: إحلف؟
محمد: هيه
ناصر:حموووووووود لاتلعب بأعصابي قول الصدق..
محمد بخبرك بس بتعزمني باجر على العشا في ميركاتو..
ناصر: موافق...حتى لو ببرج العرب..إنت بس ريحني...
محمد: البنت الله يسلمك إسمها خوله بنت فلان الفلاني...وهي بثالث ثانوي يعني 18 سنه..وهي عايشه عند أخوها العود ...لا والأحلى من جي انها إربيعة حرمتي روح بالروح...ولا مب محيره لحد...وإحمد ربك إنك ما اتصلت بسيف ولا جان صدق طحت من عينه..
ناصر وهو يحس انه بيوصل السما السابعه من الوناسه...مو مصدق اللي يالس يسمعه عرف كل شي عن الغزاله اللي شافها...ومب باجي إلا إنه يصيدها...
ناصر:بو جاسم إسمعني...أنا من باجر ان شاء الله بسير عند إخوها وبخطبها...بتيي وياي حياك الله...
محمد:ههههههههه اثقل ياريال...فكر بالموضوع وشاور أهلك..والخطبه لاحقين عليها...وبعدين تعال عزيمتي؟!
ناصركصدقني لو بيدي جان عشيتك في كل المطاعم اللي بالعالم يالغالي...والنعم فيك...
وخذتهم السوالف شوي...وبعدين سكر ناصر عن محمد وقام ناصر وصلى لربه ركعتين شكر لربه...
انتهى الجزء الأول أتمنى يعجبكم وانتظروا التكمله
اختكم
ماوحشتك</font>
-
<font color='#728FCE'>مشكوره ...... القصه غاويه ... بس معيوده ... قبل كانت في المنتدى ..
السموحه</font>
-
<font color='#000000'>خخخخخخ
ترى انا من فتره ما داشه عالمنتدى فمالحقت اقرى القصص ..
وبعدها .. بكم يوم حذفوا القصص ..
<img src="http://oasis.bindubai.com/emoticons/suspect.gif" border="0" valign="absmiddle" alt=':sus:'> <img src="http://oasis.bindubai.com/emoticons/rock.gif" border="0" valign="absmiddle" alt='???'> شو يعني ما اكملهاااا .... <img src="http://oasis.bindubai.com/emoticons/down.gif" border="0" valign="absmiddle" alt=':dd:'></font>
-
<font color='#000000'>في ميركاتو...
محمد وناصر يتحوطون في ميركاتو...وخوله واسماء وهنادي وخلود كانوا هناك بعد...
هنادي: ياويلي بنذبح اليوم...خولوه خشيني وراج..
خوله:بلاج منو اللي بيذبحج؟؟
خوله أول ما صدت...صارت عيونها جي@____@...شافت واحد لابس كندوره بنيه( اوبيج)...ونافخ صدره ومثبت رقبته عدل عسب عسب الغتره ماتخترب والعقال منسدل بطربوشه...وعليه ذاك الطول المسكت...والكتف المعضل...والعيون ياعيني على العيون العسليه...خوله ما رامت تشل عينها من هالمنظر الحلو اللي شافته وطبعا هنادي وحليلها تتحرطم...وخوله بالها مكان ثاني..إلا مره وحده تقولها هنادي:هاه خولوه...طلعيني من هالورطه...
خوله وهي ما تعرف بشو ترد عليها مو منها من اللي شافته...جان تعق عليها هالرمسه وهي ما تعرف شو السالفه:لا تحطين ببالج...
هنادي تتحرى انه خوله وياها على الخط:شقايل ما أحط في بالي وهو لو عرف اني هني بدون ما أخبره بيجلع رقبتي...
خوله توها تفهم السالفه:اها زين انا بقولج...سيري عنده وقولي له سربرااااااااااااايز
هنادي: احلفي...بس انتي احلفي...وجدام اربيعه يا سلاااااام بيدفني وانا حيه..
خوله: اوه حشرتينا تراج...يابوي اتصلي به وخبريه انج هني منو قالج ما تخبرينه؟
هنادي وودها تعطي خوله بوكس على حلجها عسب تعدل رمستها...
خلود: خوالي أنا يوعانه...
خوله: يحليلج يلا الحين بنسير بس صبري خليني أخبر أسماء
خبرت أسماء...وساروا هم الثلاث خوله وخلود وهنادي صوب المطاعم...وهم سايرين الحبايب محمد وناصر كانوا هذاك الصوب ولمح محمد هنادي وعلى طووووول اتصل بها...
محمد: هنوده حبيبتي وين انتي؟
هنادي أونها عاد:الناس يسلمون قبل.
محمد: خلصينا وقولي لي وين انتي؟
هنادي: أأ...أأنا حزرررر فزررر
محمد: ميركاتو صح؟
هنادي: عليك نور..
محمد: انزين يابنت امج وابوج...وما تخبلايني ولا جني ريلج...
هنادي: لابس ترى....
محمد: بس شو...المهم سيري هناك...(ويأشر لها) وأنا بييج وبنتفاهم...ويسكر عنها...
هنادي: خولوه ما أوصيج على امي وابوي وخواتي زوريهم لا تقطعين وأغراضي كلها لج انتي...أشهد ان لا إاله إلا الله...
خوله وهي ناقعه من الضحك على هنادي: في أمان الله...
وتمت خوله يالسه على الطاوبه عند إختها خلود اللي كانت تتعشى...طبعا هي ماتروم تتعشى لأنها متغشيه..
ناصر شاف ربيعه محمد ساير صوب وحده وعرف انها حرمته...وهو يالس يشوف الطاوله اللي كانت هناك..بنت صغيره تشبه خوله...ظهر صورة خوله من بوكه وتم يطالع الصوره والبنت الصغيره وشافهم يتشابهون...وشاف البنت المتغشيه...وفز من مكانه لأنه حس انه قلبه عرف محبوبته...ونش بغى يسير لها لكنه تذكر انه في سنتر وعيب عليه هالحركات ويمكن ما تكون هي...ورد مكانه مع انه مب مقتنع..وتم يتريا محمد على نار عسب يتخبر منه.....المهم خوله كانت تفكر في اللي شافته وحست شي بقلبها...شعور أول مره تحس فيه..معقوله انعجبت أو انجذبت له؟المهم يتها هنادي وهي محرررررررجه:إف حشى شو ها ما رمت أرمس..
خوله وهي تضحك: هههههههه ليش شو قالج؟
هنادي: هيه ضحكي شو وراج انتي؟
خوله: لا حبيبتي صدقيني مب قاصدة؟
هنادي: يالله...شنازل عليج تقولين لي حبيبتي؟
خوله: اوهو ما عرفنالج يالقوطي..
هنادي: ماعليه بطوفها لج...لأنه اليوم يوم الهزاب العالمي..أقولج..
خوله: آمري
هنادي: ما يآمر عليج قطو..شرايج باللي ويا حمود؟!وتغمز لها..
خوله تيبست أول ما شافته وقالت لها: ما شاء الله عليه جمال على وسامه على هيبه..بعدين تعالي ليش السؤال؟!
هنادي: يييييييسسسسسسس...زين ألحين تطمنت المهم سمعيني عدل..وقالت لها السالفه كلها...
خوله وهي مصدومه...تسمعها ترمس بس جنها ما تسمع..هي مركزه وياها لكنها مشوشه...
هنادي: هاه خوله شرايج؟
خوله وهي معصبه: هنادي انتي يالسه تخورطين من عندج ولا شو سالفتج؟
هنادي: والله العظيم...قسسسسسسسسسسم...اني ما أخورط وانه السالفه صدق في صدق...وإف يو دونت بايف مي إتصلي بحماده حبيبي وإسأليه...
خوله:......................................
هنادي: أونه هذي رنه من الدريول شفتي التطور عاد ...المهم أمي هازبتني لأني تأخرت وايد والحين اسمحي لي حبوبه( وهي تطبطب على ظهرها)عاد ما أوصيج بحلقي فيه عدل....شاااااااو
خوله....لو نطق الحجر يمكن ...يمكن هي تنطق!!!</font>
-
<font color='#000000'>رد محمد مكانه وشاف ناصر يطالع خوله..فحس انه يمكن عرفها((طبعا محمد مسوي الطبخه كلها..أصلا هنادي نزلت مب عسب الدريول..لا نزلت تتريا محمد))
محمد:نصور عندي لك خبر يسوى ملايين..
ناصر وهو حاس: قول واللي يسلمك قول..
محمد:سم بسم الله
ناصر:أووف حمود..بتقول ولا لأ؟لا تلعب بأعصابي..
محمد: انزين انزين...تعرف البنت اللي يالس تبحلق فيها..هاي الله يسلمك محبوبتك..
ناصر من الوناسه خص بالكباتشينو وقام محمد دحاه على ظهره...
محمد: حلال حلال
ناصر نش من مكانه لكن محمد زخاه:اثقل ياريال شوف الناس اللي هني..
ناصر :والله وصدق إحساسي انا ماعليه من الناس..بسير لها..عيل أخلي الفرصه تضيع مني
محمد: وغلاتها عندك ماتسير...شو تبا تفضح عمرك انته؟
وتم محمد يحاول يقنعه انه ما يسير لها...لين ما حلفاه انه مايقرب منها..
محمد: المهم ...قم الحين خلنا نسير؟
ناصر: والله ماني هاد الكرسي لين تشبع عيوني منها..
محمد: نصور ...اعقل..انا ما أروم أتم ..ناس يتريوني تحت..
ناصر: في أمان الله أخوي..
محمد: لا يالهرم...مو منك مني انا الخديه اللي ماأفتهم وخبرتك..
ناصر وهو يضحك: ترا ناس يتريونك تحت..
محمد وهو ماشي: عن تنسى عمرك تراك في ميركاتو...
ناصر: وأحلى ميركاتو..
ناصر يفكر ويفكر فيها..لين ما نشت من مكانها...ناصر ما عطى الوقت فرصه وسار وراها بدون ماتحس..خوله اتصلت بأسماء تتخبرها عن مكانها..على طول ظهر موبايله وسحب رقم موبايلها((هاي التقنيه اليديده اللي ظهرت الحين))...وما هداها الين ما ظهرت من ميركاتو...
في حجرة خوله:
يلست تتذكر كل كلمه قالتها هنادي ...وهي مب مصدقه....شقايل صورتها عند واحد...انزين يمكن مب هي ..يمكن وحده ثانيه..بس هنادي كانت متأكده من اللي تقوله..تمت تصيح..ماتعرف شو تسوي تتصل بها ولا لأ..لين ما ثبتت على رأي واحد وهو انها تتصل بهنادي وتتأكد أكثر...لكن رن موبايلها قبل لا تتصل..الرقم غريب..من الفضول اللي فيها ردت:ألو(وهي خايفه)؟
ناصر:خوله؟!
خوله وهي تتنافض:منو إنت؟
ناصر:دخليج خوله لا تسكرين..انا ناصر اللي رمستج اربيعتج عني..
لا إراديا سكرت تيلفونها..وعلى طوووووول اتصلت بهنادي..
هنادي: يامرح.....
خوله: جـــــــــــــب...افا ياهنود انا اربيعتج تسوين فيه جي..وتصيح..
هنادي وهي منصدمه:خوله حبيبتي لا تعورين قلبج الله يخليج لا تصيحين..
خوله: جب جب جب وتصيح..
هنادي: انزين انتي خبريني السالفه وانا بنجب وبسكت..
خوله: ولج ويه تسألين عن السالفه...ياحسافة الايام اللي كانت وياج..
هنادي والدموع اربع أربع: خوالي حبيبتي شوي شوي عليي...فديتج أنا والله..ما أعرف شو السالفه بلاج انتي..قولي لي عسب نتفاهم..
خوله وهدت شوي:هنادي...لولا معزتج بقلبي جان حلفت ما أرمسج..بس سمعي هو سؤال واحد بس..وأباج تردين بهيه أو لا؟
هنادي: حاااااااضر
خوله: هب انتي اللي عطيتي رقمي لناصر؟
هنادي وهي تعتدل في يلستها وبكل ثقه:لا وألف لا..
خوله: عيل من وين ياب الرقم؟
هنادي: هيه
خوله: شو هيه يالهبله...بلاج؟
هنادي: لا أتحرى مب مسموح لي إلا بها الكلمتين..
خوله: انتي ماتيوزيين من حركاتج ...المهم قولي..
هنادي: خوله انا بخبرج السالفه وانتي إحكمي.....وخبرتها عن الطبخه اللي طبختها هي ومحمد...
خوله وهي تصيح: ياربي ..انا بنتحر...رقمي عند واحد يعرفني والأحلى انه صورتي عنده..
هنادي هدتها شوي وخبرتها انها بتتصل في محمد وبتتخبر منه السالفه..
خوله: وراس حمود لا تبطين لأني بين...
ترن ترن(موبايل محمد):
محمد:ياهلا بالزين كله...هاه بشري بالأخبار الحلوة مثلج..
هنادي وهي متضايجه:وأحلى من الحلوة...الله لا يبشر عدوك بخير..
وقالت له كل اللي صار ويا خوله..وانها منهارة لانه صورتها ورقمها عند واحد..
محمد: ويت ويت...الصوره عنده...لكن الرقم!!يديده..
هنادي طلبت منه انه يتصل به ويتخبره من وين ياب الرقم..وطلبت منه انه مايسوي شي بالصورة..
هالمرة ترن ترن(موبايل ناصر):
محمد سأله عن الرقم وانه من وين لقاه..ناصر تردد بالأول..بس ويا زنه محمد خبراه بالسالفه..
محمد: اها الحين فهمت..ناصر شوي شوي على البنت..
ناصر: موبيدي...قلبي ما يرحمني...صدقني أحبها...
محمد: انزين انته ماتعرفها...يمكن ويمكن؟!
ناصر: محمد ماسمح لم...كفايه انه حرمتك تعرفها...وأنا سألت عنها وهن أهلها وظهروا ناس مزايين وما عليهم رمسه..
محمد: برايك...بس يمكن هي حاطه في بالها واحد ثاني؟
ناصر: فال الله ولا فالك..لا بوجاسم البنات يحبون العيناويين وانا بو الدم البنفسجي.
محمد: أسمييييك...منو ياب طاري العين الحين(ترى هو نصراوي)...المهم جيه ما تخطبها؟
ناصر: ودي اليوم قبل باجر بس أول أتأكد من مشاعرها..
محمد: انته سر إخطبها...وبتتأكد من مشاعرها..اثبت لها انك تباها ونيتك صافيه..
ناصر وهو متردد: ممممم ...شورك وهداية الله..
سكر ناصر عن محمد ..وسار الصاله شاف امه يالسه..رمسها عن السالفه..
الام وهي ماخذه السالفه غشمره: صدق...كم الرقم عسب أخطبها الحين؟
ناصر: فديت أمي أنا...(وحبها على راسها)
الأم: ههههههه...فديتك انت نسيت انك توك متوظف؟والبنت وحليلها بعدها ماتخرجت..بعدين بنات أهلك أولى..
ناصر وهو محرج: البيزات مب مشكله الحمد لله عندنا خير...وانا بسير أخطبها عسب ما تطير مني...وبنات أهلى الله يرزقهم..
الأم شافت انه ناصر جاد بكلامه..نشت وخبرت بوناصر اللي طار من الوناسه..وأول ما سمع الخبر سار عنده..وقال له انه بيزورونهم على آخر الأسبوع في الليل...يلس ناصر وما ياه رقاد..وتم ميود الصوره وحاطنها على قلبه...لين ما فكر انه يطرش لها مسج...وكتب لها((لقيت روحي بعد ما أنا لقيتك..بعد اللقاء أرجوك لا لا تغيبي))
واتصل بمحمد اربيعه وخبره السالفه...محمد بارك له مقدما وتم يلعوزه شوي..ومحمد بدوره اتصل بهنادي وخبرها..وهنادي من كثر ما هي استانست عطته بوسه في التيلفون وتفدته لين ما قال بس وسكرت عنه يعني ماعطته فرصه..والمسكين الريال رايح فيها...
خوله تعبت من كثر التفكير وتعبت من كثر ما إنها تحاتي صورتها...ياويلها من شباب هالزمن...وتمت تصيح..فجأة سكتت..وفكرت في انه شقايل لقى صورتها..وتمت تفكر في انه صورها ما تعطيهم حق حد...لكن رن موبايلها..وهي تتنافض يودت الموبايل وشافت الرقم: اوه الحمد لله هاي هنادي..
خوله:الحمد لله انج اتصلتي يا هنادي..
هنادي: خواااااالي...بصوت عالي...
خوله:لا اختي مغلطه بالرقم مب الطواري هني..
هنادي: جب عندي لج خبر يسوى ملاييييين..
خوله:صدق...أكيد الصوره عندج..
هنادي: أي صورة وأي خرابيط...خولوه استعدي لتلقي الخبر واحد اثنين ثلاث: مبروووووووووووووووووووووو وك...
خوله وهي مبعده الموبايل عن اذنها: حسبي الله عليج صمختيني..
هنادي: خولوه والله اني أحبج...هههههه...سمعي السالفه ...ناصر وأهله بيون يخطبونج يااااااي...
خوله وهي مصدومه على مستحيه على مب مصدقه..
هنادي: بلاج يالعروس ساكته..اونج تستحين..ههههه
خوله: هنادي لا يكون انتي مسويه هالرمسه من وراي..
هنادي: انا ما يخصني..حمود فديته داق علي وخبرني...شفتي...يوم أقولج انه الريال شهم وما عنده هالحركات..وأحلى شي انه عيناوي..
خوله: هنود اني وصلاويه ودمي أصفر..المهم الحين عرفت قصده من المسج..
هنادي: أوب اوب مسجات ومن ورانا لا يكون؟
خوله: جب ياللي ماتستحين كلن يرى الناس بعين طبعه..
وتمت هنادي تلعوزها لين ما...:هنادو...جلبي ويهج..
هنادي: طاع طاع ماتبا ترمسني..ترا صرنا مال أول..
خوله: جلبي فيسج..
هنادي:بجلب فيسي..بس ها لا تفكرين وايد...تراج بتعيزين..
خوله : ان شاء الله عموه بس فارجي..
هنادي: ها ما خطبها وتسويلنا جي..عيل لو خطبها أكيد بتسوي لنا بلوك..
وسكرت خوله عن هنادي...وناصر يطرش لها مسجات بالهبل..طول الأيام وهي تبا اطرش بس كبريائها..واخر مسج طرش لها قبل لاييونهم بيتهم((نامت عيون الناس إلا عيوني...تنشدني عن اللي أحبهم ليتهم يذكروني))</font>
