-
<font color='#000000'>شافتني وحده من رباعتي مضايجه..
قالت لي: جني شاله هم الدنيا كله فوق راسج..
قلت لها: الله كريم..
قالت لي: ليش شفيج..
وبنقاش دار بيننا.. درت إني مضايجه من وحده من ربيعاتي..
وإني شاله بخاطري عليها لأنها ما تسأل عني.. ولا جنه في يوم كنا رباعه..
قالت لي قصه عن الريال.. بقولها مثل ما فهمتها..
الرسول كان مجتمع ويا مجموعه من الناس..
وقالهم.. فلان راح يدخل الجنه..
الجماعه استغربوا.. مع إنه الريال حاله حالهم..
فواحد من الجماعه يلس يراقبه شيسوس.. عشان يكون مثله..
شاف هالواحد أنع تصرفه عادي..
فقاله عن اللي قاله الرسول عنه..
فقاله الريال..
إنه ما يشل بقلبه على أحد..
وإنه دوم يسامح الناس..
عشان هالشي الله بيدخله الجنه..
يلست أفكر بها السالفه..
على الرغم من انه منقهره موووووت <img src="http://oasis.bindubai.com/emoticons/angry.gif" border="0" valign="absmiddle" alt=':an:'> من ربيعتي..
إلا اني من يومها أقول الله يسامحها..
الله يسامحها..</font>
-
<font color='#728FCE'>مرحبا الساع ..
أنا بعد كنت متعرفه على بنيه في مدرستنا وكنا ربع وأسلم عليها وإتسلم عليه لكن إلحينه ما إتسلم ولا كأنها تعرفني ولا كنا كنا بيوم ربع ماعليه أنا بسلم عليها عسب أكسب أجر .. .. <img src="http://oasis.bindubai.com/emoticons/glare.gif" border="0" valign="absmiddle" alt=':g:'>
والسموحه
أم هـــزاع</font>
-
<font color='#000000'>إنشاءالله تكسبين الأجر اختي..
ولا تشلين بقلبج شي على أحد..
ترى الدنيا زايله.. <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
-
<font color='#000000'>حلو الموقف اللي ذكرتيه .... بالرغم إنه نعرف هالشي .. إلا يوم يصير بنا موقف نقول بنكون أحسن عنهم ... يومين ونرد ... وياليت نسامح ...
<span style='color:Red'>نخلي قلبنا صافي ( مب هامور )</span> وثانيا جميل إنه نسامح ... بس الواحد يتكدر من يوم شخص يتجاهلك بعد ماكنتوا مع بعض .. صح انت ماتريد شي منه ...
اختي العزيزه الله يسامحها .... وخلي قلبج ملعب <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> واللي يباج حياه ...</font>
