-
<font color='#000000'>الهزيمه اسمها خالد
محمد:طيب حبيبتي متى راح اشوفك ؟
هديل : متى تبي
محمد : كويس الخميس المغرب؟
هديل : اللي تشوفه
محمد : خلاص الوعد الخميس اشوفك على خير حبي
هديل :.......مع السلامه
(اول ما انتهت مكالمتي مع محمد لفت على اختي دانه اللي كانت تسمع كل كلمة نقولها)
دانه : انتي من جد حاسبه نفسك من المخطوبات ؟
هديل : دانه مالي خلقك فضيها سيرة
دانه : ما اصدق تبلد الإحساس اللي إنتي فيه يقولك حبيبتي حبي حياتي عمري وانتي حجر طيب ما تعرفين تردين على الاقل اضحكي سوي انك مستحيه مو تسكتين كأن كلامه مو عاجبك والله طريقة معاملتك له قبل الخطبه كانت احسن
هديل: ما تعودت على فكرة انه خطيبي وزوج مستقبل
دانه : ومتى بتتعودين عمتي؟
هديل: الحين مين المخطوبه فينا ؟ ولا كانت عينك عليه وانا ما ادري ؟؟؟
دانه: من زينه ولا من زينك عشان اغار منكم
هديل: طيب طسي ادرسي بدل منتي قاعده تحللين بحياتي انا بروح البس
دانه : ليه وين رايحه ؟
هديل : رايحه عند ريم ادرس وياها
طلعت من الغرفه وانا جد معصبه من كلام دانه والله خطيبي وانا حره في تعاملي معه
..........................
(في بيت ريم)
< وانا داخله البيت كالعاده لازم يصير لي موقف سخيف مع اخوان ريم (الخمسه) !!!!! صحيح ان 3 منهم اصغر مني بس خالد و احمد( الكبار) كانو دايم يحطوني بمواقف محرجه اما ادخل الاقيهم يلعبون كورة يروحون يشوتونها بوجهي !!!
اما يكونون ناوين يطلعون يقعدون يفحطون قدامي ويستعرضون!!!!!
هذا حالهم من يوم ما كنا جيران وانا ما عمري فكرت اهتم بيهم
صحيح ايام المراهقه احمد كان يسحرني ويمثل لي قمة الجمال بس الحين ما عاد اهتم......
هاذي المره وانا داخله البيت مريت بالصاله كالعاده عشان اسلم على ام ريم وكان فيه خالد طنشت وجوده ورحت سلمت على ام ريم.....
وانا طالعه قال طيب قولي السلام عليكم قلت ببرود وعليكم السلام وطلعت من الصالة ورحت على غرفة ريم بكل لا مبالاة>
(في غرفة ريم )
هديل : قد قلت لك اني ما اطيق اخوانك ؟
ريم : كل يوم تقريبا :P
هديل : جد احكي يعصبوني متعتهم بالحياة يفشلوني
ريم : معتبرينك زي اختهم
هديل : محمد جاي لعندي بالبيت يوم الخميس
ريم : طيب ؟
هديل: مالي خلقه
ريم : هديل اذا انتي مو مقتنعه بيه قولي لاهلك من الحين
هديل: محمد ما يعيبه شيء بس هو ولد عمتي وزي اخوي وبين يوم وليلة صار خطيبي !!؟
ريم :انتي مفروض ما استعجلتي بالرد عليهم
هديل : مو هذا موضوعنا ابغاك تدبرين لي طلعه مهمه يوم الخميس عشان اقدر اعتذر منه عشان ما يجي
ريم : وانا من وين اجيب لك طلعه
هديل : اعزمي البنات
ريم : ما اقدر احمد عازم اصدقائه وبتصير خبصه ما اقدر اعزم بنات بيصير البيت كله رجال
هديل: قولي لاحمد ياجل عزيمته خليه يمرض يسافر يسوي أي شيء بس ما اقعد بالبيت يوم الخميس
ريم : صاحيه انتي ؟ له اسبوعين وهو خابصنا على ذا العزيمه ما اقدر اقوله يأجلها
هديل : اففففف يعني غصب اشوف ذا الخطيب
انا ما اقول اني ما احبه بس مدري وشو الي قاعد يصير الحين
ريم : المهم خلك من ذا السوالف انا اصلا يأست منك خلينا بدراستنا ابرك لنا
انا زهقت من ذا الموضوع
.........
( بعدها في بيت ريم )
ريم : يمه اقدر اعزم بنات يوم الخميس ؟
ام ريم : لا نسيتي الخميس عزيمة اخوك احمد وبيصير البيت كله رجال صعبه تعزمين بنات
احمد : لا يا ريم اجليها للاسبوع الجاي ما حلت تعزمين صديقاتك الا ذا الاسبوع
خالد : وشو طاري ذا العزيمه اللي جت فجاءة ؟
ريم : هديل تبيني اعزم البنات
احمد : وهديل ليش ما تعزم البنات في بيتهم؟
ريم: بس هي تبي احد يسوي عزيمه عشان ما تبي تشوف خطيبها يوم الخميس
خالد :خطيبها ؟!!!!!! ليه هي انخطبت ؟
ام ريم : هو مو انا قايله لك من اسبوعين انها انخطبت
احمد : وتخيل لمين؟............ محمدوه اللي ما يعرف يلعب
خالد : افااااااااااا ليكون محمد ولد عمتهم ذا البزق.. بس محمد صغير عليها
ريم : اكبر منها بسنتين
خالد : برضو صغير
احمد: وانت وشو عليك ان شاء الله يكون قدها............. انا صراحه مبسوط عشانها
خالد : الله يوفقها ذكروني لا شفناها ابارك لها
ام ريم : على أي اساس تبارك لها البنت كبرت وما يجوز تحاكيها وشو يقولون عنا اهلها
احمد : عادي انا باركت لها
ام ريم : لانك قليل حيا
خالد : لا لازم نبارك لها البنت زي اختنا
ام ريم : انا ما اشوف ان له داعي تبارك
ريم: اصلا هي ما تطيقك انت يا خالد بالذات وصراحه معها حق انت دايم تفشلها
خالد : والله عاد دامها تقول كذا والله لا اوريها
ريم : طيب والحين يعني ما اقدر اعزم احد ؟
ام ريم: اجليها
..............................................
صعقتني ريم بخبر انها ما تقدر تعزم احد يوم الخميس
فيعني انا تدبست ما في شيء يمنعني من شوفة محمد .
(جا اليوم الموعود يوم الخميس وانا بس قاعده اتمنى يصير أي شيء يمنعني من شوفة خطيبي ثقيل الطينه)
دانه : هديل محمد جا
هديل : افف تو ما اذن المغرب وشو جابه من الحين ؟
دانه: جايب معاه ورد ههههههههه ذكرني بافلام المصريين
هديل: افففففف طبعا الحين هو متوقع ان بنقعد بالبيت نسولف ونضحك مالي خلق
دانه : قولي له نروح كوفي شوب
هديل : تصدقين فكرة خليني استفيد منه شوي
دانه : وييييين ؟ بتنزلين على الرجال كذا حطي بوجهك شيء
هديل : خليه يشوفني على طبيعتي بكرا لا عرسنا منيب فاضيه له كل يوم اقعد اتزين خليه يتعود من الحين
( نزلت بلبس ابسط من بسيط شعري كان مرتب وعلى طبيعته وجهي كان يخلو من أي نوع من انواع المكياج
ودخلت المجلس واول شيء جات عيني عليه باقة الورد الضخمه اللي كانت محطوطه على الطاولة )
محمد : اهلييييين تور ما نور المجلس
هديل :......... شكرا على الورد
محمد : عفوا كان ودي اجيب لك شيء احلى من كذا بس ان شاء الله المره الجايه
هديل :...................(بعد فيه مره جايه............ اللهم طولك يا روح )
محمد : كيف الدراسه ؟
هديل : ماشيه ................ محمد ما ودك نطلع زهقت من قعدت البيت
محمد : نطلع ؟ ......... طيب بس وين تبين نروح ؟
هديل : قهوة.. مطعم... نتمشى... أي شيء
محمد : اللي تبينه على كيفك يلا
( بالسيارة )
محمد : هديل عمري ما راح تتغطين ؟
هديل : وليه؟ في احد تعرفه جنبنا ؟
محمد : لا بس المفروض تتغطين لا طلعتي....... ليش انتي ما تتغطين بالعاده ؟
هديل : لا انا ما اتغطي واذا كان زحمه تلثمت
محمد: بعد اليوم حبيبتي تتغطين انا اغار عليك
هديل( وهي تتغطي) : ان شاء الله .................(بدينا من الحين الله يستر من تاليتها)
محمد : حبيبتي كلها فترة وتتعودين على الغطى وبتشوفين انه اريح لك
هديل:...........(من وين اريح لي ؟)
( بعدها في المقهى )
محمد: عمري وشو راح تطلبين ؟
هديل: عصير برتقال
محمد : بس ؟
هديل: ايه بس .....( وشو تبيني اقعد آكل لين ما اسمن وانفقع وتطلقني ؟... لا حبيبي عامله حسابي)
محمد :خلاص وانا زيك حبيبتي
لحظة صمت تلاها سؤالي السخيف:
هديل: محمد وين بنسكن ؟ لا تزوجنا
محمد : اول شيء في شقة لين ما نبني الارض اللي جمب بيت امي
هديل : ما ابي اسكن بذاك الحي ....(قلتها بس كذا عناد ابي اشوف ردة فعله)
محمد : وليه ؟
هديل : اول شيء بعيد عن بيت اهلي وبعيد عن الجامعه ...( زي ما بتخليني اتغطي ما بخليك تسكن جمب امك)
محمد : هذا موضوع سابق لاوانه نشوف بعدين
هديل:.............(صرف السالفه لين ما انسى)
سكتنا مدة بعدها محمد قام يبغى يصرف سالفة السكن ويفتح موضوع ثاني ممكن نتناقش فيه
محمد:حياتي ما قلتي متى تبي نملك ؟
هديل: ما اعرف بتناقش مع امي في ذا الموضوع بعدين ارد لك خير
محمد :انا اقول على الصيف يكون زين
هديل:نشوف ........(سديت نفسي الله يسد نفسك ليه متحمس على الزواج ؟ )..... شبعت يلا نحاسب ونروح البيت
محمد: بس حبيبتي تونا بدري
هديل: انا تعبانه شوي وابي ارجع البيت
طلعنا من المطعم وركبنا سايرته والله سيارة محمد شيء وكشخه وتصدقون لاول مره بحياتي اركب قدام
شعور حلو احس اني قويه والشوارع شكلها احلى من قدام
( بعدها عند وحده من الاشارات)
في طريق رجعتنا للبيت انا ومحمد صدفت ان احمد كان واقف جنبنا بسيارته وقعد يزمر ويغمز لمحمد و يستهبل عليه انا بصراحه شكله ضحكني استغربت كيف عرفني وانا متغطيه وعرف انه هذا محمد بعدين قلت لنفسي شكله ما عرفنا بس شاف اثنين مع بعض وقام يستهبل عليهم
محمد :سخيف وحركاته اسخف
هديل: ما عليك منه
محمد: ودي انزل واضربه
هديل: لا تسوي شيء زي كذا وانا معك
محمد: بس شكله مو غريب
هديل: انا عن نفسي اول مره اشوفه.........( بالحييل اول مره اشوفه )
محمد: انا متاكد اني شايفه قبل كذا بس وين ما ادري
هديل : يلا فتحت الاشارة .....( بسرعه قبل لا تعرف مين هو ).......امشي على البيت وما عليك منه
< طبعا احمد المجنون سوا لنا زفة محترمه لين ما وصلنا البيت انواع التزمير والتفحيطد
ومحمد كل شيء يقول انه بيوقف ويضربه وانا اقعد اهدي فيه وانا ميته من الضحك بس صراحه اللي رحمني اني متغطيه ولا كان استغرب الضحك اللي ضحكته
المهم بس وصلنا البيت نزل محمد من السيارة بيضرب احمد بس احمد هرب بسيارته
انا اول ما دخلت البيت رحت ركض على التيلفون اكلم ريم حتى ما فكرت اودع محمد اللي قعد واقف بنص الصالة بروحه مع امي>
هديل : هههههههههههههههه اذا رجع احمد للبيت بوسي راسه عني
ريم : هو وش الطاري ؟
هديل : اساليه وهو يقول لك
ريم : ردينا لسوالف المتوسط انتي واحمد ؟
هديل : هههههههههههه لا اليوم واحنا راجعين انا ومحمد شافنا باصدفه وسوا لنا زفة محترمه ليييين باب البيت
<في هذا الوقت دخل خالد وسال ريم من قاعده تكلم وقالت له هديل وقال عطيني ابي ابارك لها>
ريم : هديل .....خالد يبي يبارك لك
خالد : السلام عليكم
هديل : وعليكم السلام
خالد : مبروووك ما سمعت والله يتمم لك على خير ان شاء الله
هديل : عقبال ما نفرح فيك
خالد : قريب ان شاء الله.............. يلا ما اطول عليك بس حبيت ابارك
<وطلع خالد من الغرفه>
هديل : ريم خالد ناوي يخطب ؟
ريم : ما اتوقع بس ليه السؤال ؟
هديل : لما قلت له عقبالك قال قريب ان شاء الله؟
ريم : الله يسمع منك ان شاء الله زهقنا واحنا نقنع فيه بس هو مو راضي
<دخلت دانه تنادي هديل>
دانه : هديل محمد يبي يسلم عليك قبل لا يروح
هديل : انا قاعده اكلم ريم ومشغوله قولو له نامت وهي تعبانه شوي
دانه : يا ويلك من الله حرام عليك له ساعه يستناك تنزلين
هديل : الله يخليك قولي له أي شيء
دانه : ترا بقوله الصدق انك قاعده تكلمين
هديل : قولي اللي تقولين المهم اطلعي صرفيه
.....
ريم : حرام عليك كان سكرتي ورحت سلمتي عليه
هديل: ما عليك منه بكرا يتعود المهم قولي لي مين نخطب لخالد ؟
ريم :لين شفتك ان شاء الله نقعد نتذكر البنات اللي ينفعون له الحين انا لازم اسكر امي مختبصه اليوم عزيمة احمد ولا نسيتي ؟ وبروح ابوس لك راسه زي ما وصيتيني ههههههههههه وانتي روحي سلمي على خطيبك قبل لا يروح
هديل : طيب يلا مع السلامه
( في بيت ريم )
ريم : احمدوووووووووووه
احمد : نعم
ريم (وهي تبوس راسه): هاذي من هديل ههههههههههههههههه
احمد : الله جاتني بوسه والله توقعت انها بتتوطى في بطني لا شافتني هههههههههههههه
ريم : لا والله متشققه ومبسوطه آخر انبساط
خالد : وشو القصه ؟
ريم: احمد صادف هديل وخطيبها بالشارع راح سوا لهم زفة محترمه لين باب البيت هههههههه
احمد : ههههههههههههههه والله يا ريم ليتك شايفه شكله وهو معصب
خالد : حركة سخيفه احرجت البنت
ريم : لا احرجها ولا شيء بالعكس هي متشققه انه تفشل
خالد : اذا هي تحبه المفروض ما تفرح
احمد : الا تعالي وراها كانت متغطيه ؟ انا بالصدفه عرفتهم
ريم : هديل كانت متغطيه ؟؟؟؟؟؟ غريبه ما قالت لي
خالد : يمكن ربي هداها
ريم: صديقتي واعرفها زين آخر اهتماماتها انها تتغطى اكيد هو غاصبها
خالد : عشان كذا انبسطت انه تفشل لانها مقهورة انه خلاها تتغطي
ريم : الصراحه ماله حق يغطيها
احمد : احسن خليه يأدبها ترا البنت شايفه حالها
خالد : خلو الناس بحالها ويا ريم لا تقعدين تشيشين البنت على زوجها بالعكس شجيعها انها تسمع كلامه
ريم : هالايام انت صاير حكيم على غفلة انواع النصايح
خالد: لا تخربين بين البنت وخطيبها
ريم : الا تعال هنا صدق انك ناوي تخطب خلاص
احمد : ههههههههههههههههه على البركه اخيرا بصير عم
خالد : لا مين قال ؟
ريم : لما هديل قالت لك عقابلك قلت لها قريب ان شاء الله
خالد : بس كذا حبيت اقهرها
ريم :...........( يقهرها ؟ كان انت اكبر همها يا شيخ روح والله ولا جابت خبرك)
.....................................
(بالجامعه)
ريم : هديل ما قلتي لي انك كنتي متغطيه يوم طلعتي مع محمد قبل امس
هديل: اسكتي لا تفتحين معي ذا الموضوع لاني بنفجر
ريم : طيب ما قلتي له اني ما اتغطى ولا تعودت على الغطا ؟
هديل : قلت بس قالي من اليوم ورايح حبيبتي لازم تتغطين انا اغار عليك...... يقهرني لا قال حبيبتي
ريم : ههههههههههه وش اللي يقهر في الموضوع عادي واحد يقول لخطبيته حبيبتي شيء طبيعي
هديل: انا عندي مو طبيعي تونا من كم شهر كان يناديني هديلوه ويوم انخطبنا صرت حبيبتي وينه من اول
ريم : يمكن كان يستحي يقولك انه يحبك وقال امشيها صح واجي اخطبها رسمي
هديل: انا ما ادري كيف ما انتبهت من قبل انهم ناوين يخطبوني له
ريم : عمتك ما كانت تلمح ؟
هديل : ابدا ولا كان يبان عليها شيء
ريم : غريبه يمكن هو ما قال لها الا بعدين
هديل: تقول امي انهم خاطبينك من يومك بالمتوسط بس انا ما حبيت اقولك الا لين كبرتي عشان تصير رسمي
ريم : احححححححححح من المتوسط ؟؟؟ من جد الاخ متيم كان بالثانوي يعني؟
هديل : اسكتي لا تذكريني الله يخليك انا مو قادرة استوعب كيف ما كان يبين عليه
لا كان يستحي ولا كان يمون ولا كان يبين أي شيء
ريم : صراحه محمد انسان عجيب
هديل: كل يوم اكتشف فيه شيء جديد
ريم : تعالي عندك احد يرجعك البيت ولا اوصلك ؟
هديل: لا السواق مع اختي دانه
ريم : انا احمد جاي ياخذني تجين ؟
هديل : ههههههههههههههه احمد مالي خلق طنازه بس معليش عشان نعرف منه تفاصيل سالفة بشاير
............................
(بالسيارة)
احمد : حيا الله من ركب اسفرت وانورت حيا الله حرم محمد
هديل : الله يحيك هههههههههههههههههه
ريم : استحو على وجيهكم انا موجوده
احمد : هديل تغطي اخاف نصادف محمد بالطريق هههههههههه
هديل: هاهاهاها يا خف دمك مو محمد اللي يمشيني على كيفه اصلا ذاك اليوم كنت متغطيه عشان كان فيه هيئه فقط لا غير
احمد : اهاااااااااااااااا قلتيلي كان فيه هيئه فقط لا غير ههههههههههههههههههه ما تغيرتي من يومنا صغار لازم شغل العناد ولا ما تصير هديل
هديل : عندك مانع ؟....... تعال هنا وشو سالفتك مع بشاير؟
احمد ؟ بشاير ؟؟؟ من بشاير
ريم : علينا هالحركات انا اختك وخابزت وعاجنتك بيديني
هديل : ايه وانا صديقتها وحافظين حركاتك بس سالفة بشاير ما وصلتنا كامله نبي التفاصيل الله يخليك
احمد : ول عليكم ما في شيء يفوتكم ما في سالفة ولا شيء
زيها زي أي وحده قبلها رقمتها وكلمتني بس
ريم : بس ؟؟؟؟
وسالفة امها اللي طلعت عليك بالشبشب هههههههههه
هديل : ههههههههههههههه اليوم انت محور حديث الجامعه والشبشب اللي صبخ بوجهك
احمد : صحيح لي قالو حريم وانتو وشو يفهمكم
الام فصخت شبشبها تبي تذبح الصرصور الي قدامها
ريم : لا شيييييخ هههههههههههه
احمد : عاد فصخت شبشبها ولا ما فصخته ضربتني ولا ما ضربتني
المهم اني رقمت بنت حلوة وكلمتني عندكم مانع ؟؟
هديل : لا ما عندنا مانع بس انا اعرف ان الشرع حلل اربع مو ستين ؟؟!!
احمد : وانتي وش حارق رزك ؟
ما حصلك الشرف تكونين منهم ؟
هديل : ضااااااااااقت الدنيا من الرجال اخاويك انت
اصلا انا مخطوبة لواحد ما تسوى ظفرة
احمد : لااااااااااا يا شيخه ؟
الحين حبيتيه وصرت انا ما اسوى ظفرة
هديل : من زماااااااان وانت ما تسوى شيء
ريم : اقول بطلو هواش انتو الاثنين
احمد خف حركاتك هاذي شوي صرت اتفشل منك
احمد : يا شيخه ما عليك من احد خليني اعيش حياتي
هديل : الله يخلف عليك يا خالد من البيت للشغل ومن الشغل للبيت
احمد : ياما تحت السواهي دواهي
ريم : بس كلنا عارفين ان خالد مو راعي ذا الحركات
ومو من اهتماماته من الاصل
<يقاطع حديثهم صوت جوال هديل >
هديل : يا ربي ذا محمد ريم ارد ولا لا ؟
ريم : طبعا ردي
هديل : ما راح ارد بسوي كاني في محاضرة وما اقدر ارد
احمد : مو هذا اللي انا ما اسوى ظفرة؟
ورا ما تردين عليه ؟
ريم : احمد بس خلاص صدعتوني انتو الاثنين
صرت اكره اركب وياكم
احمد : يلا سحيله وصلنا بيتكم يلا انزلي ههههههههههههههههههههه
هديل : سحيله ام عيالك مو انا
احمد : لحووووووووول بتدعين على مرتي من قبل ما تجي
بس يلا روحي
هديل : ريم لا وصلتي دقي علي
باااااااااي شكرا على التوصيله احمدوووه
احمد : شدعوووه سحيله هذا واجبنا
......................................
اول ما دخلت قابلتني امي وهي متقطعه من الحماس كان مبين عليها انها تبي تقول شيء وهذا الشيء ميه بالميه له دخل بمحمد
ما في موضوع بالدنيا يخليها تنبسط زي محمد
يا بختك يا محمد نازل عليك الرضا من ست الحبايب
ام هديل : هديل دقت ام محمد وعازمتنا بكرا على العشا عندهم بالبيت وش رايك
هديل : عندي اختبار
ام هديل : معليش روحي جمليهم شوي بعدين ارجعي
هديل : ما اقدر اختباري صعب
ام هديل : المره جامعه حريم وتبي توريهم خطيبة وليدها
هديل : مره ثانيه ان شاء الله
ام هديل: الله يهداك بس انا الحين وشو اقول لها
هديل : قولي لها الصدق وان عندي اختبار
طلعت من الصاله وامي لا زالت تلح وتحاول تغصبني على الروحه انا طنشت كلامها
طلعت على غرفتي اللي من وصلت لها دخلت وراي اختي دانه وهي تهاوش كالعاده دفاعاً عن محمد
....................................
دانه: طبعا سالفة الاختبار كذب × كذب
هديل : والله مالي خلق شيء ذا الايام
لا محمد ولا ام محمد صحيح عمتي على عيني وراسي بس مالي خلق حريم
دانة: مسكين ذا المحمد لو انه ماخذني كان ابرك له
هديل: وانتي كل شيء بتاخذينه مني ؟
حتي رجلي ؟ يمه منك
دانة : انا مو عارفه افهم عليك اللي يسمع كلامك يقول منتيب طايقته خلاص عطيني اياه ونفتك
هديل : لو تموتين ما اعطيك اياه
( ينفتح باب الغرفه ويدخل فارس)
فارس : هديل تعالي ساعديني عندي واجب علوم ما عرفت احله
هديل : شوي وجايه لك
( يرن التيلافون وترد دانه وتطلع ريم )
هديل : فارس حبيبي رح لدانة تساعدك انا عندي مكالمه
فارس : دانه ما تعرف تفهم
هديل : طيب بس اخلص اجي اساعدك
..............................................
ريم : الو هلا هديل اخبارك ؟
هديل : بخير اسمعي ريم بكرا ابيك تجين عندي بحجة ان عندنا اختبا
ر وان احنا بندرس طيب ؟
ريم : وليه
هديل: بس ابي اتهرب من عزيمة ام محمد
ريم : لحوووووووووول
لين متى بتقعدين تتهربين منهم؟
هديل: لين الله يفتح علي واتقبلهم
ريم : طيب يلا عندك شيء ثاني تبينه؟
هديل : ايه تعالي وشو كان يقصد احمد اليوم لما قال عن خالد ان ياما تحت السواهي دواهي؟
ريم : ما اتوقع انه كان يقصد شيء بس كان يمزح
هديل: تصدقين انا بعد اتوقع ان خالد وراه شيء
ريم: لا خالد ما يهتم بذا الاشياء جدي بطريقة جدا سخيفه
هديل: صراحه ما ادري يمكن .........
طيب يلا ما اطول عليك ابي اروح ادرس فارس اشوفك بكرا
ريم : يلا مع السلامه
..............................................
بعد ما درست فارس قعدت في البيت زهقانه ما عندي لا شغله ولا مشغله
ريم كانت مشغوله مع امها يدورون اثاث جديد لغرفة طارق ( اخوهم الصغير)
وانا من كثر الزهق قلت لامي اني بطلع للسوق
وطبعا لاني خوافه وما احب اروح لوحدي ولان دانه كانت مشغوله اخذت معاي فارس !!
المهم اول ما دخلنا السوق خفت اشوف محمد بالصدفه فقلت خليني احترم نفسي واتغطى احسن ما يصير لي موقف سخيف
شريت لي شوية اغراض انا ابدا ما احتاجها بس من الزهق شريتهم
وانا طالعه من السوق تحرش فيني مجموعة شباب وفارس جا يقال بيستقوي عليهم وصارت هوشه جدا سخيفه
تدخل فيها واحد ابدا ما كنت اتمنى اشوفه بذيك اللحظه { خالد} ولان خالد انسان عبارة عن جدار جداً مخيف العيال هجو اول ما شافوه تدخل
خالد : فارس تعورت؟
فارس : لا ما تعورت اصلا لو ما جيت انا كنت اقدر ابعدهم
هديل :...........( يعني منت ناوي تسالني انا اذا تعورت يا اخ خالد ؟)
خالد : مره ثانيه لا عاد تطلعين بروحك خذي معك دانه ولا امك
ولا خلي خطيبك يطلعك
هديل :............(هذا اللي الله فتح عليك تقوله عناد بوجهك منيب راده عليك)
فارس: شكرا خالد
هديل : يلا فارس تاخرنا
خالد : عفوا هديل ما يحتاج تشكريني
هديل : ...........( امقتك انت وسخافتك وثقل طينتك..... عناد ماني راده ).....فارس يلا تاخرنا
< الموقف كان جدا سخيف وخالد كان رده علي اسخف
وشو قصده خلي خطيبك يطلعك يعني انا ما اعرف ادافع عن نفسي واسخف شيء لما قال عفوا وشو يعني بيمن علي لانه دافع عني ؟...
ليته ما تدخل افف اكرهه ذا الخالد عندي اتفشل مع احمد ولا مع خالد.........
بس الغريب في الموضوع ايش اللي جاب خالد في ذاك السوق
هو مو راعي حركات الدوران ؟... صراحه غريبه انه كان هناك ولا حتى كان معاه احد من خوانه ولا ريم وشو اللي موديه هناك؟
.......................
ريم :[ كنت استنى يجي بكرا بس عشان اقول لهديل على اللي صار اليوم بالليل كنت رايحه اجيب شيء من الصالة
وبطريقي مريت من غرفة خالد شفت النور مشغل والباب مفتوح شوي استغربت ان في احد صاحي بالبيت وخاصة خالد لانه من النوع اللي ينام بدري
سمعت خالد وهو يتكلم وكان صوته مــره واطي قربت من الباب ابي اسمع وشو يقول من اللقافه الزيادة فيني وسمعت كلامه !!!!
وعلى حسب ما فهمته انه كان يكلم بنت !!!!!!
وقفت مدة عند الباب ابي افهم وشو يقول بس ما قدرت اتاكد اذا هي بنت ولا لا
طردت الفكرة السخيفه من مخي وجيت بكمل طريقي للصاله ....
فجأة احمد طلع من غرفته وشافني وانا واقفه اتصنت على خالد
طالعني وغمز لي وقال:
ياما تحت السواهي دواهي
ومشا بطريقة وانا رحت للصاله
وشو كان يقصد احمد مااااااااا ادري ؟؟؟]
.................................................. ......
( في اليوم اللي بعده في بيت هديل )
هديل : كذااااااااااااااااااااااب ه ما اصدق
ريم: اسكتي ويوم جيت بكمل طريقي للصاله طلع احمد وشافني وانا اتسمع
راح غمز لي وقال ياما تحت السواهي دواهي ومشى بطريقة وراح
هديل: وشو قصده احمد ؟...
اتوقع ما عنده سالفة بس يبي يشوه سمعت خالد عندكم
ريم : اتوقع لان امي تقارن بينهم بطريقة مو طبيبعه
تعرفين احمد وتعرفين خالد
احمد مجنون وخالد قمة الثقل والسقامه
هديل: اسكتي بعد سالفة الفيصليه الي صارت لي مع اخوك
اثبت انه اسقم انسان على وجه الارض
ريم: صراحه قمت اشك بخالد رايح الفيصليه لوحده ويكلم وحده شبه بنت بآخر اليل ؟؟؟...
الموضوع فيه إن
هديل: صراحه فكري فيها بالعقل مين الخبله اللي بتكلم خالد ؟
بتحوم كبدها من ثقل طينته
ريم: حرام عليك اخوي خفيف دم بس ثقل
هديل: يا شيخه روحي من ايام ما كنت بزرة وكنا جيرانكم وهو ثقيل دم وسخيف
ريم:اتركينا بس من خالد وخلينا نتكلم بالجد
هديل: وشو ؟
ريم :لين متى بتتهربين من محمد ؟ ....
احكي الصدق انتي تحبينه ولا لا؟
هديل : تبين الصدق لا...
بس مو هذا اللي يخليني اتهرب منه
ريم : اجل وشو؟
هديل: بس انا ما تعودت على فكرة اني مخطوبه له ..
لسا يبغى لي اتعود على الفكرة شوي
ريم: وبعدين بتحبينه ؟
هديل : لا طبعا انا احب !!
ريم : ونسينا ايام احمد ؟؟
هديل: أي احمد كانت خرابيط
ريم : واللي يقولك انك لسا تحبين احمد ؟
هديل: منتب صااااااااااااااحيه احمد !!!!!
لو خلت الدنيا من الرجال ما حبيت احمد
ريم : هديل ترا من ايام ما كنا بالمتوسط وانا ابي اعرف وشو اللي صار بينك وبين احمد لا انتي قلتي لي ولا هو قال لي
وانا ما فكرت اسال ... والحين انا اسالك وش اللي صار ؟
هديل: انا اقولك
يا شيخه اخوك جات فترة كان ساحرني وانتي تعرفين ذا الشيء
هو لسا حلو ما انكر ذا الشيء بس ما عاد يهمني....... المهم طبعا انتي تذكرين سالقة الرساله اللي كتبتها له
ريم : ههههههههههههه كل ما اذكر ذيك الرساله فطست من الضحك ........
لا تقولين لي قصة الرساله قولي لي وشو صار بعد ما رد على الرساله
هديل: طيب اصبري هذا انا جايتك بالحكي
بعد الرساله يوم شفت انه تحمس وجازت له الفكرة
ويقال ان احنا بنعيش قصة حب بعدين بنتزوج هونت وقلت ما ابي
ريم : وليش هونتي ؟
هديل: بس اول شيء كنت صغيره وما افكر
بس برضو ما كنت ابي اعيش قصة حب
ريم : خبلللله............... وايش قلتي لاحمد بعدها ؟
هديل: قلت: له انا ما ابي احب أي احد بالدنيا..... راح قال لي: وليش كتبتي الرساله ؟...قلت: بس اجرب
ريم : وبس ؟؟؟
هديل: وبس من يومها وانا ناسيه السالفه واظن حتى هو
ريم : على العموم الله يوفقك مع محمد
هديل: قولي يا رب تعدي ذا الخطبه على خير
...................................
قعدنا نسولف انا وريم طول الليل لين جا احمد وأخذها .....
اليوم فتح ريم لسالفة احمد مره ثانيه.... مره نرفزني وقهرني صحيح اني ما بينت لها ذا الشيء بس شيء سخيف منها انها تعتقد اني لسا احب احمد !!
كأن ما بقى الا اخوها بالبلد عشان احبه !!.... ولا كأني انا من النوع اللي يحب عشان تفكر بذا الشيء ......
بس الشيء الاغرب من اللي صار اليوم سالفة خالد .
.معقوله خالد يكلم بنت ؟ او له علاقة مع بنات ؟ ودي اعرف وشو القصه بالضبط
.................................................. ........................................
..
مرت الايام بدون حدوث أي احداث تذكر ... علاقتي وتعاملي مع محمد ما تقدم ولا خطوة.......
بشاير واحمد ما انفصلو ...
خالد ما عرفنا وشو بقية قصته ...
ريم اليوم عندها عزيمة بنات
وانا قاعده استعد لها دانه ما راح تجي معاي لانها تعبانه وانا بروح بدري عشان اساعد ريم بالترتيب .
(في بيت ريم )
ريم : هديل معليش تروحين تشغلين انوار السور
هديل: ما اعرف من وين ؟
مرام : انا اعرف من وين
(مرام تصير بنت خالة ريم اصغر مني انا وريم بسنه البنت طيبه وما عليها استلطفها في بعض الاحيان
وبعض الاحيان تستفزني انوثتها ودلعها الزايد يعني علاقتي بها شبه سطحيه
بعد ما خلصنا ترتيب المكان لبسنا ثيابنا وتزينا وجلسنا نستنى جية الضيوف )
ريم : اذا كانو البنات دقيقين بالمواعيد مفروض بعد عشر دقايق يجون
هديل: مرام كيف الدراسه معك ؟ ( ابي الطف الجو معها)
مرام: والله ماشيه عندي اختبار صعب يوم الاحد
وهاذي الماده بالذات ما اعرف فيها ولا شيء
ريم : مو قلتي ان خالد بيساعدك في دراستها
مرام: ايه قال لي يوم السبت ان شاء الله بيجيني البيت
هديل: ...... (خالد يدرسها ؟؟ وليه ان شاء الله تجيب مدرسه) ....طيب مرام ليش ما تجيبين مدرسه احسن لك
مرام : والله هذا اللي كان ودي بس يوم درا خالد قال ما في داعي انا ادرسك وقلت اوكي
هديل: .....(طيب حبيبتي زبدة لا تذوبين وانتي تحكين .. )
مرام: على طاري خالد كيفه بعد يوم الحادث ؟؟؟
هديل: حاااادث ؟؟؟ .............
خالد سوا حادث متى ما قلتي لي ريم
ريم : ما كان له داعي اقولك لان ما صار شيء طلع منه زي الشعره من العجين بس السيارة انعجنت وخالد حتى خدش ما جاه
مرام : الحمد الله ربي حفظه ....
بس يقول اكثر شيء متحسف عليه ان ثوبة انشق هههههههههه
هديل : ......(اقول بس وقفي ضحك لا الوحك بعلبة الكلينكس اكره النعومه المصطنعه)...
مرام ما قد احد قالك انك تشبهين حليمة بولند؟
مرام : تسدقين كثير بنات قالو لي حتى خالد قال
بس انا ما اشوف فيه شبه ابدا يمكن نفس طريقة اللبس ؟
هديل : ...... (الا طريقة المصاله وانتي الصادقه)
ذاك اليوم حتى بعد ما جو البنات الاخت مرام ما بطلت حكي عن خالد شكلها وهي تحكي عنه كانها تعرف كل تفاصيل حياته اشياء كثيره انا ما اعرفها ...
كيف ما اعرف ذا الاشياء وانا معاهم من يومي صغيره ... بالنسبه لي كان شيء غريب انها فجاءة صارت تعرف كل ذا الاشياء اول ما كانت تجيب طاريه بالمره .....
.ذاك اليوم مر بسلام بدون ما اضرب مرام........ العزيمة خلصت وكانت جدا
رائعة وراحت مرام بدري لان لازم تنام عشان بكرا عندها اختبار...... استغليت فرصة عدم وجودها وقمت احكي مع ريم عنها
هديل: ريم انتي صديقتي على عيني وراسي بس انا بنت خالتك ذي ما اطيقها بعيشة الله
ريم : تصدقين انا في الفترة الاخيرة صارت تقهرني بزياده من يوم ما طبت الجامعه
وهي النعومه طاقتها بشكل مقرف
هديل: تصدقين هذا حال كل البنات ايام المدرسه تشوفينهم انواع العربجه
بس تطب الجامعه من اول يوم انواااااااااااع الرقه
ريم : بس مرام مو بس صارت ناعمه ما شاء الله صارت حلوه
حتى اخوي خالد اللي ما يحس انتبه انها تغيرت
هديل : خالد ؟ ......( عشان كذا ما بطلت حكي عنه ).... ليه وش قال خالد عنها ؟
ريم : قال انها كبرت وتغيرت....
و لما سالناه كيف تغيرت؟ قال صارت فاتنه على قولته
هديل : الله فاتنه مره وحده ...... غريبه انا اللي اعرفه ان خالد ما ينتبه للاشكال
ريم : بس مرام انتبه لها......
اقول هديل وش رايك اليوم تنامين عندي الوقت تاخر وحرام تطلعين ابوك بذا الوقت يرجعك البيت
هديل : ما اتوقع امي توافق
ريم : اخلي امي تحاكيها
بعد اقناع طويل تم بين امي وام ريم.. امي وافقت على النوم عند ريم بشرط انها آخر مره.....
امي ما تحبني اقعد في بيت ريم دايم بحكم ان بيتهم كله عيال و ان اثنين منهم اكبر مني...... كان شيء غريب منها انها توافق بس هذا اللي صار.......
رتبنا المكان بعد العزيمه....بعدها ريم عطتني وحده من بيجاماتها وجلسنا نسولف بالغرفه عن البنات واشكالهم وبعدها رديت فتحت موضوع مرام
هديل: ريم وشو قصة مرام مع خالد
ريم : قصة ايش ؟
هديل: وشو اللي بينهم ؟
ريم : ما بينهم شيء ليش تقولين كذا ؟
هديل: ما ادري مرام ما بطلت حكي عن خالد وهي تحكي عنه كانها تعرف كل تفاصيل يومياته
وانتي تقولين ان هو قايل انها صارت حلوه
ريم : لا ما اتوقع بينهم شيء ....
وحتى لو كان بينهم شيء وشو اللي يخليك متضايقه ؟
هديل: لا متضايقه ولا شيء بس ابي اعرف ........... لقافه
ريم : لا تخافين اذا عرفت أي شيء اول وحده بقول لها انتي
هديل :اكيييييد مو تنسين ؟.............
.اقول ابي اروح افرش اسناني
ريم : لا تروحين حمامي مقوطعه المويه فيها روحي حمام احمد
هديل: لا فشله و انا لابسه بيجاما
ريم : اصلا احمد ما يرجع بذا الوقت وخالد نايم من بدري واخواني كلهم نايمين يعني منتيب شايفه احد
طلعت من غرفة ريم وانا رايحه لحمام احمد مريت من غرفة خالد كان الباب مفتوح والنور مولع وكان صوت خالد طالع كانه كاني يحكي بالتيلافون
تذكرت قصة ريم لما قالت انها سمعته يحكي مع بنت على التيلافون بآخر الليل قربت من الباب عشان اتسمع واتاكد من صحة ذاك الكلام ..لكن اول ما قربت من الباب خالد سكت
وفجاءة طلع من الباب .
خالد ( وعيونه مفتوحه اوسعها): هديل ؟؟؟!!!!
هديل : آآآسس .... آسفه ......كنت بطريقي للحمام ....( وشو اللي طلعك من غرفتك يا الملقوف )
خالد : لا عادي وش فيك مرتاعه؟
هديل : روعتني........
حمد الله على سلامتك
خالد : الله يسلمك بس على أيش؟
هديل: قالو لي انك سويت حادثه
خالد : يالله من ذا الريم ما يبقى شيء ما تقوله لك
هديل: مرام اللي قالت لي مو ريم
خالد : آآآآه مرام اللي قالت لك ...
لا الحمد الله ما تعورت بالحادث ابد ربي ستر
هديل: وش فيك وجهك تقلب لونه يوم حكيت عن مرام ؟
خالد : ما فيني شيء انت اللي وش فيك
هديل (وهي تطالعه بطرف عيونها ): ما فيني......... شيء
تركت خالد بعد ما عطيته نظرة سخيفه ان دلت على شيء دلت على تميلح فيني
ومشيت لين غرفة ريم بعد ذا الموقف........... نسيت اروح للحمام
دخلت الغرفه وقلت لريم الي صار رحت صرخت وقالت باعلى صوتها .....
خالد شافك وانتي بدون حجااااااااب وبالبيجاااااااااماااااااا اااا ........
صرخت ريم هاذي ذكرتني بشيء طالعت ملابسي
ومسكت راسي ولمست شعري ابي اتاكد من صحة كلام ريم اني مو لابسه حجاب
وتذكرت كيف انا طلعت له بذا المنظر الحين وشو بيقول عني ؟؟؟
طالعة لي بنص الليل قدام باب غرفتي!!!!! والبيجاااما ؟؟؟؟
موقف اسخف من سخيف!!!!
ولا بعد وقفت اسولف معاه!!!!
وآخر شيء عطيته نظرة سقيمه ومشيت!!!! ...
.يا سخفي
...........................................
بعد عزيمة ريم والموقف السخيف اللي صار لي بالليل مع خالد ما عاد صارت تجيني الجرأة اني اروح بيتهم
اليوم دق علي محمد يبي يوشفني وكالعاده قام يتشره اني ما ادق ولا اسال عنه
ما ادري ليه خطيبي هو آخر اهتماماتي ما ادري متى راح يصير من اولوياتي ...
بس ما اتوقع انه من القريب
قرب موعد جيت محمد رحت وجهزت له شوية كيك وشاي واستعديت لجيته ولاول مره اتزين لخطيبي المبجل
(اول ما دخلت المجلس محمد وقف)
محمد : اهلا حبيبتي نورتي المكان
هديل : .......( نفس الكلام كل مره غير شوي)
محمد: ما شاء الله قمر دايم قمر بس اليوم صراحه شيء ثاني
هديل(وهي تصطنع الابتسامه): .......( بسرعه اللي بعده بديت ازهق)
محمد : كيف زوجتي اليوم.؟
هديل:....( لا تقول زوجتي الكلمه شوي كبيرة عليك )... بخير الله يسلمك انت اخبارك ؟
محمد : دامي جمبك فانا باحسن حال
هديل: .........(افففففف متى بتروح محمد ؟) ....كيف عمتي ؟
محمد : بخير وتسلم عليك
جلس محمد يحكي عن سوالف الشغل واخوانه الصغار وامه و الجيران وانا سرحانه واهز راسي واتصنع الابتسامات كالعاده
واخيرا خلصت السوالف اللي عند محمد وسكتنا لثواني............
بعدها محمد فجر القنبله !!
محمد : هديل انا احبك من يوم واحنا صغار
هديل : ...............(بدينا بالإعترافات الله يستر )
محمد : هديل انتي ما تعرفين انتي ايش تعنين لي
اتمنى بس اني اكون اعنيلك لو الشيء القليل
هديل :.................( الصمت الرهيب........ وشو المفروض اقوله الحين )
محمد : هل انا ............؟
هديل : ...........( هل وشو كمل ؟؟؟).....
محمد : هديل انتي تحبيني ؟
هل تبادليني الشعور ولا وافقتي علي كرهاً ؟
هديل جاوبني الله يخليك
لا تحرقيني بسكوتك
ليش انا اشوفك باردة وجافه في تعاملك معاي ؟
هديل : .....................( الرجال سكت على كثير واليوم انفجر وشو اقول له ذا الحين ؟ )...
محمد انتي ولد عمتي قبل لا تكون خطيبي
اكيد انت عزيز وغالي من قبل لا تكون خطيبي
محمد : والله ؟ .... اشوا طمنيتيني
للحظه حسيت انك ما تبيني
هديل : انا ما عمره احد بالدنيا يقدر يغصبني على شيء
امشي كلمتي لو على جثتي ....( يعني لا تفكر يوم تتأمر علي فاهمني ؟!)
محمد : طيب انا كأني اليوم طولت عليك وانتي شكلك مشغوله ....
استاذن واشوفك على خير
هديل : ............( يلا روح بللي ما يحفظك... نشفت دمي الله ينشف دمك )
محمد وهو طالع من البيت : اتمنى مع الوقت اني اكون اكثر من عزيز وغالي
هديل : (وهي تصطنع الابتسامه كالعاده): .........مع السلامه
.............................
تفجير محمد اليوم للقنبله خبصني ونكد علي يومي حاولت الهي نفسي باشياء كثيرة بس ما قدرت
قعدت افكر هل بيجي يوم بيصير محمد فيه اكثر من ولد عمتي اللي ما يعرف يلعب كورة ؟
هل بصير يوم زي بقية البنات .....
احب !........
الفكرة بحد ذاتها سخيفه وما يقبلها عقل ... او بالأصح عقلي
مر اليوم كله وانا بس افكر وما وصلت لنتيجة نمت وانا راسي مليان بالافكار صحيت ما اقدر ارفع راسي
يمكن من كثر الافكار اللي مرت في بالي
ما في شيء يعدل مزاجي ويصحصحني الا ....
ريم
........................................
(ركبت السيارة متجهه لبيت ريم في الطريق انتبهت ان الوقت مره بدري كانت الساعه ما تجاوزت التسعه ونص بس قلت معليش انا في حاجه لصديقتي الحين
وصلت البيت وكان الباب مفتوح دخلت بدون ما ارن الجرس بحكم اني صاحبة بيت !
بس اول ما دخلت صادفت جبل طويل لابس قماشة بيضا فوقها شيء احمر يسمونه شماغ.....
خالد !
خالد : اهلا هديل صباح الخير
هديل : صباح النور......( الله يخليك اخ خالد بعد عني شوي بديت احس اني قزمه)
خالد: غريبه صاحيه بدري وجايتنا خبري فيك نوم لين الظهر
هديل : ........(خبرك فيني ؟؟ ليه وحضرتك ساكن معانا ؟)....اصلا انا اصحى قبل العصافير لا تصحى
خالد: ما شاء الله عليك نشطيه
قعدت اتامل في ملامحه ......تصدقون اول مره اشوف فيها وجه خالد بذا الدقه ما عمري في يوم فكرت اشوفه
عيونه كبيرة ومكحله زي عيون احمد ........ فيه شبه كثير من احمد
وبعد هو احلى من احمد ......... اخس يا خالد والله طلعت منتب سهل
خشمه نحيف ودقيق حواجبه جدا عريضه وغامقه
ما احب الحواجب العريضه!
بس على خالد طالعه شيء ثاني................
سرحت بافكار جدا سخيفه وانا بس اتامل في وجه خالد
قاطعني صوته وهو يقول
خالد : هديل مضيعه شيء في وجهي ؟
هديل : .....هاه ؟( الله من العربجه في بنت بالدنيا تقول هاه ؟؟!)..... لا ...ايش لا كنت اطالع الشجر ما شاء الله طول....(حتى ترقيع زي العالم والناس ما اعرف ارقع !)
خالد : ايه حديقتنا واجد تغيرت خبرك فيها من ايام ما كنا جيران
هديل : ايه من زمان ما طلعت حديقتكم
خالد: الله يرحم ايام اول ايام ما كنت اوصلك انتي وريم للمدرسه
كنتي جدا مزعجه !!
ولازم تخلينا نمر على سيارات الايسكريم
من جد كنتي مزعجه !!!
هديل: .....(هذا اللي الله فتح عليك تقوله لي ؟).....انا من يومي عنيده وما امشي الا اللي براسي
خالد : هذا مو شيء تفخرين بيه ابد
هديل: كلن وطبعه.... وعن اذنك انا داخله
نرفزني كلامه عن عنادي .........انا افحر اني عنيده ......والله احسن ما اكون طرطورة
واللي ما يطول العنب حامض عنه يقول.........
ما ادري وشو دخل ذا المثل بس هو ما يطولني
مشيت لغرفة ريم وانا جد معصبه
............................
ريم : هلا هديل وش فيك طولتي ؟
هديل : قعدت اسولف مع خالد تحت
ريم : والله لك وجه تحاكينه بعد اللي صار يوم العزيمه
هديل : اسكتي لا تذكريني بذاك اليوم الله يخليك
ابي انساه وكأن ولا شي صار
قعدت احكي لريم على اللي صار مع محمد ...... وكالعاده قعدت تعيد علي نفس الاسطوانه
ان محد غصبني عليه وزي ما وافقت عليه اقدر ارفضه واني لسا بأول الطريق ولا اعلق الولد فيني اكثر من كذا
وختمت كلامها بــ
[حرام عليك اللي تسوينه بالرجال !!]
مرالوقت بسرعه جدا كبيرة وجا وقت الغدا ...طلبت مني ام ريم اني انزل واتغدى وياهم
واصرت على اني انزل آكل مع بقية العائله على نفس الطاولة موقفي كان جدا محرج
انا ما عدت بنت جيرانهم البزرة اللي اقدر اقعد معهم على نفس الطاوله حاولت في ريم انها تجيب الاكل وناكل بالغرفه بروحنا بس اصرار امها احرجني كثير
لبست عباتي ولفيت طرحتي كالعاده.....صحيح اني امون على اخوان ريم بس هذا ما يخليني اقدر اقعد معهم بدون حجاب!
...................................
على طاولة الاكل جلسنا انا وكل افراد العائله عدا احمد اللي كان لسا ما صحى من النوم بعد سهرته الطويلة امس
ليت احمد كان موجود عشان يلطف الجو هو الوحيد اللي يمون علي
الكل كان ياكل ويحكي في مواضيع بعضها يحمس وبعضها يجيب النوم
وانا بس قاعده اتامل في ملامح خالد اللي من قريب فقط انتبهت لها
شكلي كان ملفت للنظر تاركه الاكل ومسرحه بوجه خالد !
قاطع كلام الجميع صوت خالد اللي كانت عيونه موجهه لي وهو يقول
خالد : الناس بالناس وعبله بالغنم !!!!!!!
هديل: .................(هذا يقصدني ولا قاعد يسولف !!!)
خالد (وهو يبتسم ابتسامه خبيثه): صح يا هديل ولا انا غلطان ؟
هديل: ..........( انا عبله وهو غنم ؟؟!! وشو قاعد يقول ذا ما فهمت )....ايه صح
ريم (ونظرات الاستغراب تعلو وجهها): وش القصه ؟
خالد : هديل فاهمتني ..... صح يا هديل ولا منتي فاهمه ؟
هديل :.....(فاهمه وشو يا شيخ يا روح )... ايه فاهمتك
بعدها خالد قال باعلى صوته ...الحمد الله وقام من على الطاوله وقبل لا يقوم عطاني نظرة ......
ما فهمت وشو معناها !!!!
(الناس بالناس و عبلة بالغنم ؟؟؟)
خالد انت اغبي واسخف واسذج انسان شفته بحياتي
الشره موب عليك الشره على اللي يتامل بوجهك
بس تبون الصدق ........خالد حلــــــــــــــــــــو !!!
--------------------------------------------------------------------------------</font>
-
<font color='#000000'>بس تبون الصدق ........خالد حلــــــــــــــــــــو !!!
بس احمد ................احلى
............................................
مر اسبوعين من يوم ما تغديت ببيت ريم انشغلت باختبارتي عن الكل
اهلي اللي كنت اقعد معهم على كل الوجبات صرت اشوفهم الصبح فقط!
محمد اللي كل يوم يدق علي واصرفه بحجة اني ابي ادرس!
ريم اللي كانت تجيني بشكل شبه يومي ما عاد صارت تجي!
خالد ........بس خالد! ما شفته من اسبوعين
كلهم وحشوني
باستثناء محمد................مسكين محمد
مظلوم معاي .......بس محظوظ.... يكفيه انه خطيبي
ويقعد معي متى ما بغى ......غيره يطلب الرضى
..........................................
اليوم بمناسبة ان احنا خلصنا اختبارات اتفقنا انا وريم اني ارجع معها من الجامعه على مطعم او قهوة ثم على بيتهم
اول ما طلعنا من الاختبار جاتني ريم وهي تقول ان المخطط حق اليوم تغير !!
هديل : لييييه ؟
ريم : مرام ما في احد يرجعها بيتهم راحت قالت لي ارجعها معاي على الطريق وصدفت ان اليوم ما في سواق يقدر يرجعني وخالد تبرع ان هو بيجي ياخذنا كلنا !!!
هديل: يا ربي ما صدقت على الله نخلص نبي نطلع
ريم : اعوضك عنها الاسبوع الجاي
هديل : نشوف مو تنسين
..........................
قعدنا ساعه نستنى الاخت مرام تقبل بطلتها البهية لبسنا عبايتنا وطلعنا وركبنا بسيارة خالد اللي لأول مره اركبها بحياتي
على كثر ما رجعت مع ريم ما عمري رجعت معها مع خالد دايم مع احمد ولا مع اخونها الصغار
اول مره انتبه لذا الشيء على كثر ارتباطي بعيلة ريم علاقتي بخالد جدا سطحية ما اعرف عنه شيء........... اول مره اركب سيارته............ من اسبوعين فقط اكتشفت انه حلو
عجيب امرك يا خالد !
ركبنا السيارة وكانت مرام في المقعد اللي ورا خالد بالضبط
من اول ما ركبنا والبنت ما سكتت تحكي لخالد عن دكاترتها واختباراتها ودروسها وانا ريم ساكتين وهم يحكون ويضحكون وانا في قمة الاستغراب !!!!
مرام +خالد = سوالف كثيرة وضحك !!!
في شيء غلط بالمعادلة شخصين مختلفين تماما بالسن وبالتفكير وبالعقل
خالد مستبزرها وبس ما يبي يحرجها زي لما احنا نسال الاطفال كيف الروضه
يعني خالد له يشتغل تقريبا 3 سنوات ومرام باول جامعه تقريبا بينهم 7 سنين !!!.......
لا اكيد هو مستبزرها
بعد ما خلصت الاخت مرام سوالف عم الهدوء السيارة لمدة خمس دقايق
بحكم من خطيبي العزيز انا صرت اتغطي
قطع الصمت اللي كنا فيه صوت خالد وهو يقول
خالد : ما شاء الله يا هديل صرتي تتغطين الله يوفقك .....
هديل: الحمد الله .....الغطا ستر
خالد : ما شاء الله عقبال ريم ومرام ان شاء الله
مرام : انا شاء الله قريب راح اصير اتغطي واذا تعودت على الغطا راح احاول البس عباة راس
هديل : .........( مراموه اسكتي لا ادوس ببطنك خليني انبسط لو دقايق )... بس يا مرام انتي حتى لثام ما اظنك تقدرين تصبرين عليه
مرام : لا ان شاء الله بحاول
هديل : انا اقول بالاول وقفي تحطين ميك اب وتلبسين عباة مخصرة بعدين ابدي تغطي
مرام : ..........................
خالد : الله يهديكم كلكم
احسن تستاهل محد قال لها تسرق مني الانظار
وخلي خالد يعرف ان هذا شكلها كله ميك اب ولا هي شيفه
تستاهل يا ربي اكرهها متى نوصل بيتها وتنزل ونفتك
خالد: مرام اروح على بيتكم ولا بترجعين معنا عالبيت
مرام : اذا تبوني رجعت معكم
هديل : .........(لا ما نبيك يلا طسي بيتكم )
ريم : كيفك اذا تبين ارجعي معنا هديل راجعه على بيتنا
مرام : ايه والله من زمان ما تغديت مع خالتي خلاص برجع معكم
هديل :.........(يا ربي اللهم طولك يا روح ... انا اليوم يا قاتل يا مقتول)
اخيرا وصلنا بيت ريم بعد ما تحملت مصالة مرام لمدة نصف ساعه !!!
يا ربي ليش جامعتنا بعيدة ؟؟؟ كله من الجامعه الطريق طويل وزهقت من ذا الآدميه!!
الله ياخذ جامعتنا اللي خلتن اتحمل مرام
وصنا بيت ريم قعدنا شوي بالصاله مع ام ريم لين ما نزل احمد واتاذنا انا وريم وطلعنا فوق بقت مرام تحت مع احمد وام ريم
..........................
(غرفة ريم)
هديل: بنت خالتك ان ما وخرتيها عن وجهي ترا برتكب فيها جريمه
ريم : انتي لاحظتي المصاله اللي كانت فيها بالسيارة
اول مره انتبه انها تحتك باخوي خالد
صادقه فيه بينهم سالفة اموت واعرف وشو هي
هديل : ما اتوقع انه فيه سالفه
خالد بس يجملها هي اللي تحتك وتتلصق فيه
ريم : لا حتى خالد ترا كان يحكي عن شغله واصدقائه وناس انا ما اعرفها !!
وشو يعرف مرام بذا الناس ؟
وكانت لما يحكي عنهم كأنها تعرفهم زين
هديل : مشتهيه اضربها قاهرتني
ريم : طيب انا قاهرتني لانها تلصق بأخوي...........
انتي ليه قاهرتك؟
هديل : هاه ........ قاهرتني لانها تقهر وتتنعيم بطريقة مقرفه
ريم سكتت دقيقه وطالعتني ثم صدقت انها بس قاهرتني عشانها تتميلح او.................. حاولت تصدق
صراحه انا غلطت باني تفاعلت مع الموضوع بذا الطريقة الحين البنت وشو بتقول عني ؟
دقايق الا طق باب غرفة ريم ودخلت مرام وقعدت
وقمنا نسوللف باشياء سخيفه
او بالاحرى ريم ومرام كانو يسولفون انا كنت بس اطالع بمرام
وشو الللي عاجب خالد فيها ؟
شعرها مو مره طويل ؟ انا شعري اطول وانعم !!
وهاذي مو طبيعة لون شعرها صابغته ولا هي اصلا مو شقرة
انا اصلا افخر بشعري الاسود ولا افكر اصبغه
بس هي بيضا وما شاء الله جسمها حلو و منسق
حتى انا نحيفه وطويله وجسمي ما يعتبر شين صحيح اني حنطية
بس لوني احلى من لونها
ويا بخت اللي يحب سمرة
واذا هي نعامه ورقيقه انا بعد اقدر اتنعيم
والعب بشعري وانا احكي مو شيء صعب ولا يبغى له فن
قعدت لمدة نصف ساعه بس اقارن بيني وبين مرام
واكتشفت انها مو احلى مني بكثير انا الملح وهي الجمال!
الجمال فتان بس ما يدوم ومع السنين يروح
والملح يجذب بس يبقى مع السنين
يعني انا اللي فزت
قاطع حبل افكاري صوت مرام وهي تقول انا استاذن الحين بروح بيتنا عشان وراي اليوم عرس ولازم اروح اتجهز لبست عباتها وطلعت ولغير رجعه ان شاء الله
..............................
جلسنا انا وريم لساعات سولفنا... حشينا.... رقصنا ....غنينا..... ما بقى شيء ما سوينه
قعدنا طول النهار واحنا نحوس الين ما تعبنا
قررنا بعدها نشوف فلم لأن ما عاد فينا نسوي أي شيء يحتاج لأي مجهود
رحنا انا وريم نختار لنا فلم من غرفة احمد اللي كان طبعا طالع
اليوم الاربعاء ومستحيل يكون قاعد في البيت
دخل علينا خالد اللي كان داخل ياخذ غرض ما من غرفة احمد
خالد : وشو تسوون هنا .؟
ريم : نبغى نشوف فلم ...... وشو احلى شيء وما يحتاج تركيز
خالد : وشو تبون نوعه قصة ولا آكشن ولا رومنسي ولا خيال
ريم : لا الله يخليك نبي أي شيء ما يحتاج تفكير لان حيلنا منهد
خالد : وانتي يا هديل وشو تبين ؟
هديل : أي شيء ما تفرق معاي
خالد : احسك راعية افلام رومنسيه
ريم : لا رومنسيه .......هدييل وييييييييين والرومنسيه وين
هديل : ......(يا سخفك يا ريم هذا وقتك تقولين ذا الكلام)....اصلا ما تفرق معاي
خالد : خذو هذا الفلم قصته مره حلو
ورومنسي لراعية الرومنسيه هديل
طلع خالد من الغرفه بعد رمى جملته اللي ذوبتني
وناسه انا رومنسيه !!!
اخس والله اني منيب سهله اذا خالد اللي هو خالد اللي ما ينتبه لشيء قال اني رومنسيه !
اجل الناس الطبيعيه وشو بتقول ؟
والله وجا اليوم الناس اللي تقدر رومنسيتي فيه
والله محد فاهمني الا انت يا خالد
خلص الفلم اللي اختاره لنا خالد بعد ساعتين ونص
واللي كان خالي من أي نوع من انواع الرومنسيه!
مالت عليك يا خويلد تقول رومنسي لراعية الرومنسيه واخرتها ما يصير فيه ولا شيء ؟
ليكون كان يقصد شيء بذا الحركه ؟
صراحه انا تعانه ومالي خلق افكر واحلل وشو كان يقصد بذا الحركه
رجعت لبيتنا ومن حطيت راسي على السرير الا انا في سابع نومه
اليوم استنزفت كل طاقتي في بيت ريم
.................................................. ......
[ريم ]: اليوم طريقة خالد اخوي ومرام بالسيارة كانت غريبه جدا قرررت اني راح اسال خالد عنها اليوم !
بعد ما راحت هديل قررت اني اروح احاكي خالد في الموضوع ورحت لغرفته
دخلت لقيته يكلم تيلافون اول ما شافني بسرعه صرف الشخص اللي كان يكلمه
ما امداني فيها اعرف جنس الشخص اللي كان يكلمه
طالعني باستغراب وخوف وقال خير ؟ فيه شيء ؟
طمنته اني ما فيه شيء واني بس جايه اسولف معه قعدت احكي له عن الدراسه وصاحباتي وهو بدوره حكا عن شغله ومشاكله فيه............
لحظة صمت اخيرا
استغليت هاذي الللحظه ودخلت في صلب الموضوع مباشرة
ريم : خالد انتا ايش قصتك مع مرام ؟
خالد (وعيونه مفتوحه اوسعها):مرام ؟!!!!...........ايش فيها مرام
ريم : انت عارف ايش فيها قول القصه وريحني لا تلف وتدور
خالد : تدرين مين اللي سكرت التيلافون منها من شوي ؟
ريم : مين ؟
خالد : هاذي كانت مرام
ريم : مرام ؟؟.....وشو تبي منك بعد ؟
خالد : ما تبي من شيء .........بنت خالتي وتحبني واحبها فيها شيء ؟
جملة خالد هاذي صعقتني
مرام !!!!! ما بقى الا مرام عشان تحبها ؟
البنت حليله وطيبه وما عليها وبنت خالتي واولى من غيرها
بس شخصياتهم ابدا ما تتفق
سكت لدقايق وما عرفت وشو اقول رد خالد وقال
خالد : مرام هي الانسانه اللي ابي ارتبط فيها
وان شاء الله كلها كم اسبوع واتقدم لها رسمي من ابوها
امي وحاكيتها في الموضوع و موافقه
ريم : وانا آخر من يعلم ؟
خالد : مو حكاية آخر من يعلم السالفه لسا ما صارت رسمي
ريم : بس مفروض اعرف مو اركب معكم بنفس السيارة زي الطرطورة
خالد : انتي معارضه على مرام ؟
شايفه فيها شيء انا ما اعرفه
عليها كلام ولا شيء ؟
ريم : البنت ما فيها شيء بس ما اشوف انها تناسبك بالمره
خالد : بس انا اشوف العكس
مره عصبني كلام خالد طلعت من الغرفه بدون ما انطق بولا كلمة ورحت لغرفتي وانا في قمة العصبيه
فكرت اكلم هديل واقولها على اللي صار بس كانت نايمه
بعدها قررت اني ما اقولها الا اذا صارت السالفه رسمي لان اكتشفت ان الموضوع ما يعني هديل بالمره
.......................................
[احمد ]: بحكم ان اذاني كبيرة وغرفتي جمب غرفة خالد واني انا ملقوف سمعت الحكي اللي دار بينه وبين ريم
واكتشفت اني انا لازم اتدخل بالموضوع
رحت لغرفة خالد وفتحت معه سالفة خطبة مرام
احمد : طيب وهديل ؟
خالد : وش فيها هديل ؟
احمد :ايش راح تسوي على موضوعها
خالد : الله يوفقها مع خطيبها
هديل فترة وعدت من حياتي
احمد : خالد انت لسا تحبها لا تستهبل على عمرك
خالد : واذا كنت في يوم احبها
البنت خلاص انخطبت واللي صار صار
وحتى لو ما انخطبت هديل انسانه قلبها زي الحجر لا تحب ولا حتى تحرك ساكن
والحين الحمد الله ربي اعطاني مرام تعوضني عنها
البنت تحبني وشاريتني ليش اتركها عشان وحده زي هديل ؟
احمد : واللي يقولك ان هديل تحبك ؟
خالد : يا شيخ خلها تحب نفسها بالاول خلها تحب اللي حولها خلاص انا ياست منها
ويا احمد تكفى انسى موضوع هديل ولا عاد تفتحه انا على وشك اني اخطب مرام لا تخرب علي
ولو سمحت تفضل من غير مطرود
احمد : يا خالد انت تحب هديل ومرام فترة وراح تعدي من حياتك انت ما تحبها
مرام مو الانسانه اللي تناسبك
خالد : مرام موب فترة وتعدي
انا بكرة ان شاء الله رايح لابوها وبخطبها رسمي
عاجبك مو عاجبك رايح اخطبها ولو سمحت تفضل اطلع برا
.......................
انطردت طردة محترمه من غرفة خالد
ما في شيء ينرزفه في الدنيا قد موضوع هديل
خالد مستحيل يتزوج مرام
طلعت من غرفة خالد وانا جد معصب وعلى طول على غرفة ريم
..........
[ريم ] : اول ما طلعت من غرفة خالد كنت مقهورة ومعصبه نوعا ما
مرام ما تستاهل اخوي خالد يستاهل وحده احسن منها
كنت معصبه
بس بعد فترة هديت وفكرت بالموضوع بجديه
واقتنعت بالموضوع
الله يوفقهم انا مبسوطه لهم
وعلى ما يقولون دهنا في مكبتنا
بنت خالتي اولى من الغريبه باخوي
ولو انها ماصله شوي
لحظات الا باب غرفتي ينصفق بالجدار ويدخل احمد وهو جد معصب ويصرخ
احمد :خالد راح يخطب مــــــــــــــــــــرام !!!!
للحظه فكرت ان اخوي احمد كان يحب مرام وانه ناوي يخطبها بس خالد سبقه عليها
بس بعد دقايق اكتشفت انه معارض على الخطبه لسبب ثاني
سبب مخيف !!!
وله علاقه بانسانه عزيزه علي
ريم : نعـــــــــــم !!! خالد يحب هديل !!!!!!!!!! !!
احمد : يحبها من قبل لا تنولدين
حرام اللي قاعد يصير اخوي يتزوج ذيك المصاله ما يصير
ريم : يعني خالد وهديل يحبون بعض ؟
وانا آخر من يعلم كالعاده ؟
عشان كذا تصرفات هديل صايرة جدا غريبه مع خالد
وبينهم كلام ما ينفهم
وعشان كذا هي تغار من مرام
الحين بديت افهم اللي قاعد يصير من حولي
احمد : لحظه شوي شوي
انت وشو قاعده تقولين ؟
انا ما قلت انهم يحبون بعض
انا قلت ان خالد يحب هديل...........
انتي وشو تقصدين ان حتى هديل تحب خالد بس هم ما درو عن بعض ؟
ريم : اكيد ما في تفسير لتصرفاتهم الغريبه الا ان هي تحبه
انا متاكده من هديل صديقتي واعرفها
بس كيف ما نتبهت من الاول
يالله .......انا غبيه
انا وشو اسوي الحين هديل راح تتزوج ولد عمتها اللي ما تطيقه
واخوي راح ينتهي مع بنت خالتي الماصله
حرام اللي قاعد يصير
احمد : بكرا تروحين لها وتفهمينها كل اللي قاعد يصير
.................................................. .......
بعد ما طلع احمد من غرفتي استسلمت للنوم على طول لاني كنت جد منهكه من يومي الطويل
صحيت الصبح ونزلت للصاله عشان افطر مع امي
وكان وجها مبسوط وملامحها تبتسم بشكل ينذر ان فيه شيء صاير بالعائله
ريم : اشوفك مبسوطه ووجهك منور
وش اللي صاير بالبلد وانا ما ادري
ام ريم : اخوك اليوم بيخطب مرام بنت خالتك
الله يوفقهم
عقبال ما افرح بيك انتي واحمد وبقية اخوانك يا رب
بعد ما قلت امي جملتها المشؤومه تغيرت ملامح وجهي
ابدا مو هذا الخبر اللي كنت ابي اسمعه
شكل كلامي امس مع خالد خلاه يعند ويخطب مرام على طول
انا لازم اروح لهديل اليوم وافهمها
.................................................. ........................................
صحيت اليوم الصبح بقمة النشاط بعد النومه الغير طبيعيه اللي نمتها امس
شكلي تعبت مره في بيت ريم اللي خلاني انام لين العصر
شفت جوالي لقيت 22 ميسد كول من ريم !!!
غريبه وشو فيها ؟
نزلت الصاله قابلتني امي وهي وتقول دقي على ريم تراها دقت عليك اكثر من مره
مما زاد من استغرابي وش فيها ريم
رحت اكلم ريم من تيلافون المجلس قابلتني دانه في طريقي
وقالت دقي على ريم تراها ازعجتنا تبيك
اكيييد فيه مصيبه صايرة !!!
دقيت على ريم ... مكلمتنا كانت جدا قصيرة انتهت بانها راح تجيني بعد دقايق لان فيه موضوع تبي تحاكيني فيه
انا اول ما خطر ببالي انها مخطوبه
الله يوفقها يا رب
ويا رب يكون اللي فبالي صحيح
البنت ما كذبت خبر كلها كانت دقايق وهي بيتنا طلعنا على غرفتي
وبعدها ريم صعقتني بالخبر المريع
هديل : خـــــــــــالد بيخطب مرام !!!!!!!!!! !!!!!!!
ريم : ايه
واليوم بيروح لابوها واللي العن من كذا ان ...
هديل : اصبري اسكتي شوي خليني استوعب
خالد بيخطب مرام
مرام هذيك بنت خالتك ؟
مرام اللي انا ما احبها بتتزوج اخوك خالد !
لييييه ؟ ليييه يا خالد تسوي كذا؟
عشان كذا هي كانت تتميلح عليه!
عشان كذا كانت تعرف كل شيء عنه؟
ريم : طلعو يكلمون بعض ومتفقين على الزواج بس الاهم من كذا يا هديل ان خالد ...
هديل : اسكتييييييي لا تحكين خليني افهم اللي قاعد يصير من حولي
لا شعوريا سرحت بعالم ثاني لوحدي ريم كانت قاعده تحاول تقول شيء من الاول بس انا ما اعطيتها فرصه من صراخي
انا ليش قاعده اصرخ ؟
ولو خطب خالد ؟ انا ايش اللي يمسني بذا الموضوع
عيوني بدت تمدع !!
ليش انا قاعده اصيح !!!
هديل ؟ وشو اللي قاعد يصير لك انتي اقوى من كذا ؟
ولو خالد خطب مرام اللي ما تحبينها مرام الماصله
مرام اللي ما تستاهل خالد
خالد اللي انتي تحبينه !
عيوني اللي كانت والافكار الغريبه اللي كانت تدور بمخي
منعتني من اني احس بللي حولي
نسيت مين كان معاي بالغرفه ؟
صح تذكرت ريم معاي بالغرفه
يالله وشو راح تقول عني الحين ؟
وشو راح تفكر فيني بعد ما شافتني اصيح عشان اخوها خطب ؟
ايش موقفي منها كيف راح اوريها وجهي ؟
كيف؟
قاطع افكاري صوت ريم وهي على وشك انها تنفجر باكيه معاي
ريم : لا تخافين يا هديل حتى هو يحبك
حتى هو يتمناك
يا هديل اكيد راح نلقى حل اكيد
لازم انتي وخالد تتزوجون بعض
دموعي منعتني من اني اركز بالكلام اللي قالته ريم !
ريم انتي ايش قلتي خالد يحبني ؟
خالد يحبني انا ؟
هديل : ايش قلتي ؟
خالد يحبني ؟ يحبني انا ؟
ريم : ايه يحبك يا هديل
يحبك من يوم احنا صغار
يحبك بس ما قدر يقولك............ يحبك حيل يا هديل يحبك
هديل : يحبني انا ؟ خالد يحبني انا ؟
اكيد تمزحين؟
طيب وانا ؟ ..... هل انا احب خالد ؟
ريم : ايه انتي تحبينه لا تكابرين على عمرك يا هديل
انتي تحبينه
لازم تسترجعين من تحبين من مرام
هديل : طيب ومحمد ؟
جملتي هاذي خلت ريم تسكت وتجمد بمكانها
كأني ذكرتها بشيء كان لازم تذكره.. كأني ذكرتها باني مخطوبه لواحد يقولون انه ولد عمتي اللي يحبني مني يومي صغيره
ليش انا ما اكتشف ان الناس تحبني الا بعد فوات الاوان ؟
ظلينا انا وريم ساكتين لمدة طويلة انا ابكي بحرقه وهي ساكته ما تعرف وشو تقول
بعدها وقفت من مكانها معلنة الرحيل وقبل لا تطلع من غرفتي قالت
ريم : هديل انتي ادرى بمصلحتك
يا اما تتزوجين واحد تحبينه او لا
انتي لازم تقررين وشو تسوين
انا سويت وقلت اللي علي الباقي عليك انتي
انتي يا هديل
الباقي علي انا !! ؟
انا ايش اسوي الحين
هل انا احب خالد ؟
ها انا ابي اتزوج وانهي حياتي كلها مع محمد
جلست اليوم كله وانا حبيسة غرفتي شوي ابكي شوي افكر واشوف ارتاح من الاثنين
انتهى يومي بقرارين
1_ انا احب خالد
2_ كلمت محمد وطلبت منه انه يجيني بكرا
.................................................. ........................................
..
وجا اليوم الموعود
صحيت من النوم تعبانه حيل جلست بالصاله انتظر جية محمد
وجا محمد
استقبلته امي ودخلته بالمجلس وجت نادتني
ودخلت عليه
محمد : هلا حبيبتي نورتي المكان كله
هديل :.........( نفس الكلام يا رب يكون اليوم آخر مره اسمعه ).... هلا فيك
محمد : اخبارك حياتي عساك بخير ؟
هديل : .......( لو سمحت لا تقول حياتي عشان تسهل على الكلام اللي راح اقوله لك اليوم )...... انا بخير انت شخبارك ؟
محمد : انا بالف صحه وعافيه دامي جمبك واسمع صوتك
انا مره مبسوط هاذي اول مره انتي اللي تطلبين فيها انك تشوفيني
العاده انا اللي اقعد اترجي فيك
اكيد انا وحشت حبيبتي ولا عندها شيء تبي تقوله لي
هديل : ..........( محمد انت ابدا مو قاعد تسهل علي )......... ايه انا بغيتك بسالفة
محمد : قولي حياتي
حددتو موعد الملكه ؟
هديل : لا
محمد : اجل وشو ؟
هديل :................( بسم الله توكلنا على الله ).......... محمد انا ابغى افك الخطبه اللي بينا..............
محمد انا ما استهالك
محمد انت تستاهل وحده احسن وحده تقدر حبك لها
وحده تبادلك المشاعر
انا يا محمد اعتبرك زي اخوي ما اقدر اني في اعتبرك زوج لي ما اقدر والله مقدر
محمد حاول تفهمني
يا محمد حرام تضيع مشاعرك على وحده زيي
محمد...................انا آسفه انا ما اقدر اكمل وياك
نزلت كلماتي على محمد زي الثلج
تجمد بمكانه ولا عاد نطق بكلمه
وانا ما قدرت ارفع عيني عن الارض واحطها بعينه
جلسنا ساكتين لمدة خمس دقايق بعدها محمد نطق
ويا ليته ما نطق
محمد: انا كنت متوقع هالشيء
على العموم الله يوفقك مع من بتاخذين بعدي
والله يعينيه على وحده زيك ما تقدر المشاعر وتجرحها
حسبي الله ونعم الوكيل فيك كانك سبب عذابي
حسبي الله ونعم الوكيل
تنرد لك بعيالك يا هديل يا بنت عبد الله
بعدها قام ومشى لين الباب وطول ما هو في طريقه يتحسب علي
.................................................. ........................................
...
مر اسبوعين من بعد ما انفكت خطبتي من محمد انقطعت فيها عن الناس والدنيا
كلمات محمد اثرت فيني واجد وهدتني بالحيل
يا رب تسامحني على اللي سويته بمحمد
يا رب توفقه مع وحده غيري تنسيه الللي سويته فيه
يا رب تغفر لي وترحمني
يا رب يا خالد تستاهل اللي سويته في محمد عشانك
.........................
انا لازم ارجع لحياتي الطبيعيه بعد ما انقطعت عن الناس
لازم ارجع لدراستي
لازم ارجع لاهلي وصديقاتي
ولازم استرجع ما هو ملكي من مرام
خــــــــــــــالد
.................................................. ...........
كلمت ريم وطلبت منها انها تخليني اقابل خالد باي طريقة كانت
لو بالشارع قدام باب بيتهم
ريم ما استساغت الفكرة بالاول ولكن مع اصراري الشديد وافقت
ولكن بعدها قالت
ريم : بس ما يصير اليوم راح تجي مرام هي وامها عندنا اليوم واكيد خالد راح يقعد معهم
هديل : احسن عشان يفك خطبته منها على طول
خالد لي انا وما راح اسمح لوحده زي مرام تاخذه مني
كلامي وتهديدي خوف ريم ولكن وافقت
.................................................. .........................
انا في طريقي لبيت ريم
في طريقي عشان ارد حقي .... ارد ما هو ملكي .... ارد حبي ودنيتي
ارد حبيبي
حبيبي ! اول مره بعمري اقول فيها حبيبي
انا احب !
الفكرة مخيفه
انا ما اقدر احب
انا ما ابي اعيش قصة حب
لا يا هديل لا ..... مو هذا وقته عشان تخافين
لا يا هديل تعيدين اللي سويتيه مع احمد
لا تخافين
كل البنات تحب كل الناس تحب
خالد مو زي احمد
خالد ما ينخاف منه خالد يقدر ...... خالد ما يجرح
خالد يحبني
.................................
وصلت بيت ريم دخلت وجلست بالحديقة استني خالد على حسب اتفاقي مع ريم
جلست انتظر
وطال انتظاري
جلست انتظر مدة طويلة
خمس دقايق
عشرة
ربع ساعه
ثلث ساعه
نص ساعه
وخالد ولا جا
تعبت وانا انتظر
وبعد ساعه الا ربع
اقبل خالد
مشيت باتجاهه واول ما شافني قال بطريقة غريبه
خالد : خير هديل فيه شيء ؟
صاير شيء ؟
هديل : لا ما في شيء بس كنت ابغى احكي معاك بموضوع
خالد : طيب بسرعه لان مرام جايه وما ابي اطول عليها
هديل : خالد انا فكيت خطبتي من محمد
خالد : ايه سمعت ..... خيره
ربي يوفقك مع واحد غيره ويسعدك ان شاء الله
ويهديك ويهدي الجميع
نصيب ومحمد ما كان نصيبك والله يوفقك مع اللي هو احسن منه ان شاء الله
هديل : انت احسن منه...........
خالد : .............نعم ؟
هديل : انت اللي احسن انت اللي انا ابغاه
انت اللي انا تركت محمد عشانه ........... انت اللي انا احبه
خالد انا احبك
خالد انا ...........
خالد : بس يا هديل لا تكملين ..........
هديل انا خاطب مرام واحبها
وانتي الله يوفقك مع واحد غيري
هديل : بس يا خالد انا احبك .......... وانتا تحبني انا اعرف انك تحبني
عارفه انك تحبني من يوم ما احنا صغار
خالد انا حلمك من يومك صغير
خالد انت تبغاني وتحبني وانت عارف هالشيء
خالد لا تنكر لا تكابر
خالد : وتو ما فكرتي تحبيني ؟ .............
تو ما فكرتي تعترفين ؟
تو ما فضيتي ؟........
مو انتي اللي عنيده وتفخرين بعنادك ؟
دامك عارفه اني احبك من زمان ليش انخطبتي لمحمد ؟
هديل للاسف انتي في يوم كنتي تعنين لي شيء
بس الحين انتي فترة وعدت من حياتي
خلاص شمسك غابت
خذتي فرصتك وزياده
وعن اذنك انا تاخرت على مرام
هديل : يا خالد دقيقه بس اسمعني
خالد : وفري كلامك ..... لان انا ما عندي كلام ثاني
مشا خالد وتركني بعد ما هدني بكلماته
مشا وخلاني واقفه بروحي
مشا وراح داخل البيت يبي يشوفها يبي يشوف اللي سرقته مني
وقفت ما اعرف ايش اسوي جلست ابكي من الحره
ابكي من القهر
اتهواني يا خالد ؟
بربك كيف تاذيني ؟
كيف تجرحني ؟
انا انهزمت ؟ انا خالد تركني وفضل علي مرام ؟
كذا يا خالد تسوي فيني ؟
وانا واقفه ابكي لمحت من الشباك اللي قدامي المجلس اللي كان خالد قاعد فيه مع مرام
شفتهم وهم يضحكون ؟
يضحكون علي ؟ ولا يضحكون مبسوطين انهم اجمتعو اخيرا
خالد يحبها هي مو انا ؟
خالد حبها عشان قدرته وقدرت حبه اما انا لا ؟
خانتني دموعي وخانتني قوتي وشجاعتي
وانهزمت
~* جلست اذكر امانينا ودمعي جرح اجفاني تذبحني اغانينا وهو قاعد مع ثاني
تضم ايدينه ايديها كان اليوم ذا عيده وانا دمعي على خدي وهمي والزمن ضدي *~
منقووووووووووووووول</font>
