-
<font color='#000000'><span style='color:Blue'>آخر صيحات الزواج الحديث</span>
الله يرحم ايام زمان ...... ايام جدودنا واهالينا قبل ........
كان كل شيء غير .........
حتى الزواج ........
اول يوم يبغي الواحد يتزوج ويتقدم هو واهله حق اهل البنت......
يطلب اهل البنت منهم فترة للتفكير ، واخذ راي البنت ( هذه قوية ايامها البنت محد يسويلها سالفه ......... مسكينة )
واذا كانوا غرب عن المنطقة والديرة طلبوا منهم اسم المعرس وقبيلته حتى يسألون عنه وعن اهله ........
لان غالباً اهل الديرة الوحدة يتواخذون وما يباعدون ........ وبالتالي كل واحد يعرف خويه....
المهم كان والد العروس يسأل الناس المعروفين بصدقهم ...... ويسأل عن المعرس ودينه واخلاقه ( مع العلم انه افسق واحد فيهم يومها يطلع ملاك عند شباب اليوم ......وكان اعظم اثم سواه انه سوا شعره تواليت ؟؟؟؟؟؟)
واحيان كان والد العروس يدز المطاريش منيه ومناك اذا كان حريص .......
المهم بعد هذا كله ياخذون قرارهم ، اما بالموافقة ......
ولا الرفض ( ومسكين يا ناس من قالوا حبيبه عروس ........)
لكن حالنا اليوم غير يالربع ....
اليوم الاهل المساكين يبغيلهم اساليب جديدة علشان يسألون عن المعرس ........
وعلى الرغم من تقدم وسائل الاتصال الا ان الوصول الى اخبار
المعرس واسراره ...... بنفس صعوبة الوصول الى اسرار الCIA
هذا اذا مب اكثر ........
تعرفون ليش ؟؟؟؟؟؟؟؟
لان الشباب ما قاموا يغازلون اشكره عينك عينك مثل قبل .....
ولا قاموا يتصرمحون في الشوارع والاسواق( وما عسى اسوده طايفه الا وشفت الشارع كأنه حلبة مصارعة ثيران من الغبرة والدخان ..
اللي يخمس بسيارته الجي تي 240 ، ولا اللي ينقز دراجته الهوندا 70 سي سي .... وكله صوب والكشيش اللهم يا كافي صوب ...... اتقول كل واحد شال سدره على راسه ويتمشى ........)
لا اليوم شبابنا غير ... شبابنا اليوم شغل عدل ........
المغازل كله عالنت الله وكيلك ........
اللي عالمسنجر ..... ولا البال تولك... ولا الأي سي كيو ....... وغيره وغيره .......
واصبحت العروس واهلها هم المساكين ....... لانهم يناسبون واحد يشوفونه يصلي ويصوم ( وهو ما كمل اسبوع على هذا الحال بس علشان الخطبة ....) ، ويظنونه واحد ( ما فيش زيه ولا في الاحلام ... على قولة فريد الاطرش ....) ، وبعد الزواج تعال وشوف .........
* ملاحظة : ( مرات طفاقة البنات هي اللي ما تخلي الاهل يسألون عن المعرس على راحتهم ...... يا اخواني ما يصدقون ايحصلون ريل ؟؟؟)
المهم زبدة الكلام بعد هذا كله ان الاهل لازم يسألون هالايام عن ID المعرس والنك نيم ماله ..... والمنتديات والرومات اللي مشارك فيها .......
ولازم يسألون السوبر فايزريه مال المنتديات عنه وعن سلوكه اثناء الشاتنج .....
ولازم بين فترة والثانية يطلبون منه ايغير الباسووردات علشان العواذل ( الهكرز ) ........
وما في مانع ايشوفون الCache فايل، بالمره .........
وسامحوني على الاطالة ......
مع تحياتي المنصوري</font>
-
<font color='#000000'>صدق والله ... الله يعينا على هالزمان .... <img src="http://oasis.bindubai.com/emoticons/rock.gif" border="0" valign="absmiddle" alt='???'></font>
-
<font color='#000000'>صدق والله ... الله يعينا على هالزمان .... <img src="http://oasis.bindubai.com/emoticons/rock.gif" border="0" valign="absmiddle" alt='???'></font>
-
<font color='#000000'>من صغرنا و نحن نسمع لكبار يوم يقولون الزواج سنـة الحيـاة .. أحيد عمتي قالتها حق عمي يوم بغته يعرس .. لكن في هـالزمـن .. الزواج مستوي هــم .. هــم كبيــر على قلــب الــبنت و الريــال ..
الريــال .. ما قام يوثـق في بنـات اليوم .. و البنت طايحين من عينها شباب اليوم .. و ما عليك ما بيسير يخــطب من بعيــد لأنه يخـاف تكون صاحبـة سـوابق على أي مدى كان ( عالنت أو الواقع <img src="http://oasis.bindubai.com/emoticons/rock.gif" border="0" valign="absmiddle" alt='???'> ) .. و البنت تفكــر مليون ترليون مرة قبل لا توافــق على أيا كـان .. حتى لو كـان ولد عمهــا ..
أعتقــد إن الثقـة انعدمــت في هـالزمن .. حتى بين الأهـل .. أو يمكــن الخـوف من فشل الزواج .. أو الخــوف من الزواج نفسـه ..
تدري .. الحل إنا ما نتعب أعمارنا بهالتفكيــر و نخليها للقــدر .. موب أحسن؟!! .. أو يمكن الحل يكون في إنا ما نفكر في الزواج موليـــة .. في أشيـاء ثانيـة في الدنيا ممكن ننشغل فيها .. كدراسة .. وظيفـة .. منصب يعني .. عاد كل واحد ينام على الجنب اللي يريحه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
ملاحظــة أخيرة ..
منو كاتب الموضوع بالضبـط .. دقني و بنقع ( أحيده واحد موب وحده) و لاّ المنصورية ( و واضح إنها وحده) ..
المصداقيـة مطلوبـــة رجـاءً
السموحــة</font>
-
<font color='#810541'>مرحبا ..
مشكوره اخويه دقني بنقع على موضوعك ..
انا الي اعرفه و سامعنه انه الله يرزق كل ريال حرمه شراته و العكس بعد يرزق كل بنيه ريال شراتها ... يعني مثل ما قالت اختيه طفله من هذا الزمان نخليها للقدر احسن .. و الواحد قبل لا ياخذ البنيه يستخير ربه و اذا كان فيها الخير الله بيوفقه و اذا ماكانت زينه الا بيبعده عنها ...
السموحه</font>
-
<font color='#000000'>ان النصيب له دور كبير في هذا الأمر ..ولكن ..الإستخارة مطلوبه ..والحديث في وجود المحارم ايضا مطلوب ..انا في رايي لا بد ان تتقق ما يسمى بالمقابلة الشخصية (بوجود المحارمطبعا) وهناك اساله معروفة ..42سؤال ..يسالها الطرفين لبعض ..ومن ثم يتخذون القرار بالموافقة ..اما التحرك من خلف الكواليس ..وحبني وبحبك ..تراه نتائجه غير محمودة ..واسالوا مجرب .....</font>
-
<font color='#000000'>هيه .....
الكلام صح 100%..
الله يسستر من اللي ياي</font>
