عرض للطباعة
السلام عليكم...
يا جماعه... انا وايد صايبني احباط من الواحات.. ماشي في اليوم غير اضافه ولا اثنين... والله شي يضيق البارض...
اكبر غلطه صارت انه الواحات اتسكرت و استوا الدخول بس للاعضاء.. يعني مافي اعضاء يدد يجددون الروح في المكان...
و المشكله الاكبر... انه مب بس الاعضاء استواو ما يكتبون... استوا الحين قله منهم من يدخل...
..
جدا حزينه... و ابا من ياخذ بخاطري
وعليكم السلام
والله يا شواقه حالي من حالج
احباط من الوضع إلي صارت فيه الواحات
عالأقل انتي دخولج متقطع أحيانا وأنا أدش دوووم وأحس بصخه فضيعه
معقوله أهل الواحات نسوها !!
معقوله إلي ارتبط بهالمكان يدش حاله حال أي زاير يوايج ويطلع !!
وين خنفروش والمنصوري ؟
وين الحاضر وعايش ؟
الأوفياء إلي أشوفهم للحين مزن هتان والمزوحي وما يهزك ريح والباجي أسماء بدون إضافات
والله أنا ودي حد ياخذ بخاطري وياج :(
سلآمة خآطرج آم حمودي ..
تـدرين ~ !
مثل ماقلتي ، المشكله انه الاعضـاء من قبل 5 آو 6 سنين هم نفسهم ، ماحد يشترك يديد إلا قّله ..
بخصوص الآعضاء ف اللي شآغلنهم عن الواحات آكيد مسؤوليـات بـرع وجيـه ..
قد مآ آقدر آحاول آني آكون متواجده ، وآشارك الروحي ، والعب الروحي ، بس مآكو فآيده ><
.. انا بعد اشوف المكان دايما خالي .. احاول اشارك في اكثر من مكان عشان ارفع المواضيع .. !!!
مادري شو صار علينا
:k_sadwalk:
يبالنا انسمي عمارنا... .. الحزمه الصامدون ..
..
حلم الطفوله..
غياب الحاضر و عايش و خنفروش و المنصوري.. له اثر كبير في تواجد الاعضاء و غيابهم...
ليتهم يعرفون قدرهم عشان يردولنا...
..
وصح كلامج.. انا بروحي مقصره.. بس مستحيل اخلي الواحات
...
تدرين يا مهابه... يوم ادخل منتديات ثانيه.. اغبطهم.. ماشاء الله من زود الاعضاء ما اتلحقين شو تقرين من مواضيع
الله يعطيج العافيه.. وترانا وياج.. كل حد يشارك بروحه
...
و انت مب مقصر يا مايد.. دايما تحطلنا اليديد و الحلو.. و الواحات مالها غنى عنك... ربي يعطيك العافيه يا اخوي :)
...
صح انه كل له حياته.. و اشغاله.. بس ما ادري احس هالمكان في يمعه اهل .. اخوان عرفناهم و حسينابهم بدون لا انعرف اشخاصهم... فكيف نصبر عنهم..
ان شاء الله الوضع يتغير يا مزن
هوب هوب هوب
انا هنيه وصلت
السلام عليكم
اشحالكم ؟؟؟ من ياينه احباط ؟؟؟ :sad:
صح مانصبر عن الواحات، بس مثل مايقول البعض إنه ممكن ننشغل، ومع هذا
الواحات على البال .. انا توني رديت من الدوام قلت بدخل اسلم :fa56:
وإلا في الدوام النت مب مسموح للكل ومع هذا النت بطئ عندنا
فأفضل دخول الواحات من البيت، ويوم ارجع البيت ماحصل وقت شرات أول
بس بحاول ما اقطع
وصح إنه نحن أهل .. تعودنا عليكم بدون استثناء
ولاتزعلون
يامرحبا بكم :m_m7tar:
وعليكم السلام ورحمة الله وبركاته
شوق القلوب ريدتى الروح شوى فى القسم لوووول
والله الواحات بكبرها مغامرات وذكريات جميله ونباها تستمر مثل ماكانت ...يغمضنى المنتدى يوم ادش واشوفه كل يوم لا جديد
ليش وين راحووو وين المواضيع وين المشاركات وين الضحك والسوالف ..كان موضوع تحطه تحصل ردود ماشاء الله كثيره واليوم ماميش مصفر المنتدى
الله يحفظكم جميعاً ..اخوكم/ بحر الموده
:m_m7tar:السلام عليكم
والله يا ام حمود الدنيا تشغل الواحد وكل واحد وعذره ومشاغله
الي تشوفين دوامه من 8 لين 4 العصر وخلاف يرجع البيت
بيجابل اهله ولا بيجابل النت ولا بيجابل ربعه
وبالويكند يبي يعوض ويطلع ويا فلان ويزور علان
والبلاك بيري الحين والاي فون ماكلين الجو :whistling:
فتشوفين المنتديات كلها شبه قاحله
وفي شي اخير بس بخليه لنفسي عشان محد يزعل :tongue:
واتمنــى نشوف اعضاء واحات بن دبي بنشاطهم
صدقت يالمزوحي... كل ما كبرنا كل ما زادت مسؤولياتنا و انشغالنا... قبل كنا غير.. كان همنا الدراسه.. و نشرد منها عشان ندخل النت و انشارك...
..
لا اتذكرني بالواحات قبل يا بحر الموده.. اشحلات مواضيعها و اشخلات درورها.. بس شو انقول غير ربك كريم
..
كلامك هو الواقع اللي حاصل يا سعود.. ما وده الواحد يقطع... وصدقك البلاك بيري شغلوا الناس اكثر.. بس شو السبب ااخير،، خبرني
i am here :9:
^
me too
السلام عليكم
هاي هييييييه الواحات ..من يومها ...لازم تمر بفترات ركود :fa48:
شخصياً ..اعترف اغيب شهور ..وممكن سنه ...بس لازم تكون لي طله بين فتره وفتره .. :love2:
ما نصبر عن هالمكان .... بس مشاغل الحياه .. والمسؤوليات تشغل الواحات احياناً ...
الله يجمعنا دايماً على خير ..
ويبعد الإحباط ... :a074:
اظن من اسباب الركود إنه مافي موضوع يديد الواحد بيطرحه، واكيد ماتبون موضوع منقول
وإن الواحد طرح موضوع، يمكن كذا عضو يبغي يطرح نفس الموضوع، فمستحيل بيكررون المواضيع
لو انطرحت نفس المواضيع بعد بيكون احباااط
نتمنى نغير ستايل الواحات، اقصد نرد بحماس بطريقه ثانيه تخلي الواحد غصب يدخل من البلاك بيري والآيفون بعد