تعديل التقويم الدراسي للعام القادم

السلام عليكم والرحمه




وصلني الخبر من الاخبار وكذلك على اخبار علوم الدار :mf_leia:



التقويم المدرسي الجديد للسنة القادمة.....وزارة التربية والتعليم تعدل التقويم الدراسي للعام القادم إلى 3 فصول دراسية ....الأول من 15 سبتمبر حتى 19 ديسمبر والثاني من 2 يناير حتى 27 مارس والثالث من 3 إبريل إلى 14 يوليو موعد بدء الإجازة الصيفية * برق الإمارات *


وعزائي للموجهين والموجهات المواطنين والوافدين لعدم شمولهم قرار هذا التعديل وبالرغم من التوجية جوهر عملة المدارس ....... وعزائي للموجهين المواطنين عدم ترفيعهم للدرجة الأولى مثل المدراء .....التوجية هو الحلقة المفقودة في الوزارة و المستنزفة طبعا من كثرة الأعمال والأعباء...




هاا شووو شعوركم الحين يا مدرسين ومدرسات:fa56:

الله يستر

مع كل قرار تصدره التربيه أحط إيدي على قلبي وأقول الله يستر ( صورة ويه امويم )

الله يعطينا خير هالقرار ويكفينا شره

شعـوري شعـور أي مواطــن عــادي :4:

هالنظام متبع في دول ثانية مثل السعودية اللي طبقته عقب ما استوت السنة الدراسية طويلـة // يعني بدال لا ناخذ اجازة الربيع و الصيف بس ..

بنـاخذ الربيع 14 يــوم تقريبــا ،، وبعد التقويم الثـاني أسبوع و إجازة الصيف طبعــا ،،

يعنـي أعتـقد قـرار مبشــر ،، إذا كان فهمــي للموضوع صـــح وتوقعي صح .. بيخفف على المعلمين و الطلبـة من الركض ورا المناهج وبنحصل وقت رااحة ..

و القـــــــرار الأجمــــــل // دوام المعلمين بعد إجـازة عيد الفطـر 12 سبتمبر ..... :fa34:

بس مافهمت شو بلاهم التوجيــه ؟! كيف ما شملهم القـرار ؟؟ يعني خلال هالفترة هم بيداومون ؟


أهــم شي انا ما أداااااوم :4:

الغالبيه مستبشره بالقرار .. لان فترات الراحه مهمه .. و الثلاث فصول تعطي انطباع ان المقرر صار قليل .. و في ناس نفس طفله مو فارقه معاها .. (( الكد و الكراف من لوازم العمليه التربويه )) و صامدين مثل المجاهدين عالجبهات .. و بعضهم حساسين كل نسمة تغيير اتخوفهم (( ما بقول شرات حلم )).. الله يستر ما ندري هالتغير البسيط هل بيكون مثل سالفة الـ butterfly effect في المستقبل ..نتمنى التوفيق للجميع .. الي اعرفه عن التوجيه ان نظام اجازاتهم حتى دوامهم مختلف عن المعلمين و الاداره .. هذا و الله أعلم


شكرا عهد الوداع

السلام عليكم..

اتوقع انه الموضوع بشاره خير.. شوي بيخف على الطلاب الضغط.. وشكلهم بيخلون الاجازات نفس اجازات المدارس الخاصه... مثل اجازه الكرسمس...دامهم ما يرومون غيرونهم.. غيروا الحكومي... لانه بصراحه الاهالي قاموا يتشتتون بسبه هالمدارس الخاصه..

..

يلا ... عسى هالتغيير يكون ايجابي :)

التوجيـه جبهـة جهدهـــا يختلف ،،

ع الأقل ما عندهم ديدلاينز و درجات و تدريس من غير المسؤوليات الإدارية ..

عندهم مجموعة مدارس يتابعون المدرسين فيها و يطالبوونهم بأعباء زياادة مثل تجهيز حصص مشاهده و تجهيز ورش عمل .. يعني بيساهمون في التطوير المهني للمعلم بهالطريقة !! ..
بنظري التوجيه المفروض يكون شخص ما يزيد حملي .. شخص أقدر استشيره و أرجع له يوم بحتاي الإستشارة و النصيحة .. و شخص المفروض كل فترة يسألني How can I help you ? أكيد هم مطالبين بإلتزامات معينة للموجه الأول للمادة بس الرحمة حلووة ..

يعني برااايهم لا إيأجزووون شرااتنا .. ( نذااااله تايم )

^
تستآهلـون ..

يعني سوولكم تقريبـاً شرآتنا ، يوم ناخذ اجازه اسبوع عقب الميدتيرم ..

يعني ماشي دراسه فس رمضان ؟

السلام عليكم ..

أول ماسمعت الخبر استغربت وحسيت انهم راح يزيدون المدة ولكن يوم تعمقت لقيت انهم تقريبا مقسمين المده نفسها
والمنهج نفسه على ثلاث فترات واللي يعني انهم بيخففون الضغط في كل فصل وهذا مبدئيا
يعطي انطباع ان الطالب بتكون عليه كمية اقل في امتحانات نهايات
كل فصل وبالتالي ان شاءالله مستوياتهم بتتحسن
وبيطلعون في النهاية بنتايج أفضل
عن السابــق
:yes:

هالتغير ماسووه إلا من أجل مصلحة الطالب في الدرجة الأولى والهيئة التدريسية والإدارية في الدرجة
الثانية، مبروك عليكم مقدما إجازة الصيف المتداخله مع شهر رمضان
كامل وللأمام ان شاءالله دايما
يابلادنا

الاســـطـــوري
أخوكم

الحلو إنه ماشي دوام برمضان :)

والأحلى إنه تقسيم الكتب بيتغير فأتوقع بعد يكون الكتاب ثلاث أجزاء على أساس الوحدات فبيخف الحمل عن الطالب وااايد ...

القرار لحد الحين حلو لأنه ساوى الإجازه بين الخاص والحكومي والجامعه

شكرا عمو قطامي ...ما ننحرم :)

متفاءلين خير إن شاء الله

كل يوم تغيير
وما غيروا الا يوم اتخرجنا
انزين ياليت هذا التغيير من اول
شكلي برد واعيد الدراسه من اول ويديد
:fa34:

صدقت يا فرفوش

نحن داومنا ع زمن الكراف ولكتاب المتين الكامل وإجازة الجمعه اليتيمه وست حصص وامتحانات المعلمة بخط اليد لا كمبيوتر ولا هم يحزنون

بس سبحان الله - كانت من أروع الأيام -

لكل عصر أوانه ورواده .... وإن شاء الله هالنظام يكون فاتحة خير علينا وعلى الطلاب

^
مب جّنه طولـوا لكم الفصل ؟

ختيه تقول بتداومون يلين 14 -7 ، آمس يالسه تتحرطم آوونه مابتقدر تسآفر ..


الحين ماعرفنا هالقرار لصالحكم ولا العكس ؟!



كل يوم احمد ربي اني ماخترت مجال التدريس =) ، كـ تخصص ف الجامعه

الهيئة التدريسية أصلاً يداومون لين شهر 7 يا مهابه
حتى بعد بدأ إجازة الطلاب..

يوم كنت أصغير كنت أحلم أكون ضابط أوني أحب أزخ الحراميه بس في هذا اليوم الصراحه ياليت لو الزمن يرجع للخلف لكنت أخترت أكون مدّرس - الصراحه أحس بستمتع حسيتها وخاصه يوم حطوني أداري في الواحات هههههههه
أما لو حطوني وزير تربية وتعليم
ممممممم
أسلوب الكتب ما تمشي وبيكون أسلوب السي دي
يحضرني موضوع يساعد هنا ويمكن الوزير في يوم يتشرف ويفتح الواحات ويقرأ هذا الموضوع

http://oasis.bindubai.com/bin/showth...0%D9%85-%D8%9F

شكرا
والسموحه