مالك إلا الــواحات

أشياء غريبه وإلا غبيه تمر من خلال حياتنا، هل نحن مانعرف نتصرف وإلا نستهبل ونتجاهل ونكابر ..

شو اللي نباه ويبونه ، حد يعرف وحد منا مايعرف

في كل فتره من الزمن يصير شي وتستوي عليه ضجه ، ياليت ضجه عاديه ولكن الضجه اتدمر بيوت للأسف !


موقف مر من سنين


ما الك الا هيفاء ( مدربه يحطونها على القناة اللبنانيه ) تسوي تمرينات رياضيه

الزوجه تدخل غرفة النوم وتزقر زوجها وهو مايرد، ماسك الريموت ويبحلق بالتلفزيون، مره مرتين ثلاث وصرخ بويها

وبعدين وياج، وطبعا هي مب عايبنها الموضوع ، إنه حرمه تلفت انتباهك بــ هالصوره - كلمه من عندها وكلمه من عنده

وصارت خلافات زوجيه بسبب هيفاء وإلا الزوج أو الزوجه !

ومن عقبها أمور وايده مرت


وظهرت فتره موضة المسلسلات التركيه، هي جديمه أساسا ولكن ترجمتها ونقلها على القنوات العربية خلت ملايين الناس

يتابعون هالمسلسل ( نور ومهند وإلا مهند ونور - المهم ) ماتم ياهل ماتمت عيوز ولا 2 مخطوبين وإلا وحده مطلقه تحلم

بواحد مثله وإلا متزوجه طلبت الطلاق من زوجها لأنه مب مثله - الصراحه شي فضيع، شو هالعقليات ...



مابطّول في الموضوع


ومن عقبها أمور وايده مرت




ومع هذا آخر صيحات الموضه في الهواتف النقاله البي بي ، وأظن اغلبكم يعرف شو هو المقصود به


طبعا البلاك بيري ، التقنيه حلوه بس كيف الناس يستخدمون هالشي

الكل يمتلك البلاك بيري، حريه شخصيه، الزوج امتلك البلاك بيري، لا إرادي يستوي ادمان بالرد على المسنجر

الزوج داخل طالع من البيت وعينه امبققه في الجهاز ، الزوجه في خاطري اعرف شو السالفه، وبعدين وياك

( عن واقع صار هالشي ) وبعدين وياك - خلاف بسبب البي بي مب الــ baby وعشان تسكت طلع لها واحد

صار كل واحد لاهي بالبي بي اللي عنده، وكل واحد منهم قام يطرش اشاعات على جهاز الثاني وحتى الياهل

اشتروا له واحد





بس تبون الصدق بدال هالصدعه كلها أنا أقول مالك إلا الــواحات :yes:

السلام عليكم و الله يالمزوحي المشكله مب في هيفا و الا في مسلسل تركي و الا فالـ بي بي ... المشكله فالعقليات الي يجذبها كل تافه و تعتنق كل هجين و تنتهج كل دخيل ليس لما فيه من فائده او ما يثري به حياتنا بل لأنه جديد لأن الناس تتكلم عنه و المقلدين كثر .. اصحاب العقول السطحيه كثر .. رغم ان هناك الكثير ممن يعرفون لكل شيء قدره و يعطون لكل شيء قدره بلا افراط ولا تفريط و السموحه حبوب

مالنا إلا الواحات - هناك اغلاط تحدث في البي بي وهناك تجاوز يصير في التلفاز - اما الواحات فنجد المتنفس والمصداقية - والأخذ والعطاء - والرقيب ^_^

صدقك !..


عني ، ما بتكلم عن البلاك بيري لا بمدح ولا بذم ،
لكن بـ طريقة تدافع الناس على أخذ شيء بهذا الشكل ..

مادري هل هذا حب بالـ شي نفسه ،
ولا بالظهور بـ شكل معين ، ولا حتى باكتساب بعض الصفات !.

لمن تلقى البنات مصففين أساميهم باللسته لـ حجز شنطه ، مثلا ..

وعن هيفاء ، فهذا العيب بالريال قبل لا يكون ابـ هيفاء هذي ،
لمن يعود الشخص ماله احترام لـ نفسه !.

~

العيب ما هو بالأشيا اللي تظهر ، بل مثل ما قلت ابـ وجهة الناس وثوابتهم ،
وكأن النفوس صايره عباره عن "بالون" ملون ، هواء ينفخه ، وضغطه تفضيه ..

~

موضوعك ذكرني ابـ مواقف كثيره ،
بس صدق ربي يعافينا ..

تسلم أخوي المزوحي ..