آخر صيحات بطاقات الاعراس لعام 2010

[align=center]السلام عليكم و رحمة الله و بركاته
حبيت انقل لكم موضوع عجبني
___________________________________________
تعتبر بطاقات الأفراح من العناصر المهمة والمكملة لأي حفل زفاف، وهي التي تنقل الفكرة الأولى عن المتوقع سواء لألوان أو موضوع العرس، وفي عصر التكنولوجيا مازالت البطاقات المطبوعة مطلوبة، والناس بعدها تقدر استلام البطاقة من العائلة والأحبة لأنها تحسسهم بقيمتهم وأهمية حضورهم لاكتمال فرحة العرسان.
من الشائع بين الناس إن البطاقة شغلتها بس تخبر المعازيم بموعد العرس وبعدها تنرمي في سلة المهملات، وطبعاً هالشي يعتمد على تأثر الشخص بالبطاقة اللي توصله، فالحلو أن العروس تتلقى المديح من المدعوات على تصميم بطاقتها وتعليق مثل “بطاقتج روعة وتعبر 100% عن شخصيتج” أو “التصميم أكثر من رائع وبحتفظ بالبطاقة كعمل فني”..الخ، فالتصميم يعتمد غالباً على ذوق العروس والمعرس ومعظم الوقت على موضوع الزفاف وألوان الكوشة.
http://www.yebab.com/images/blog/201...f-new-card.jpg
بالنسبة للمقبلين على الزواج خلال 2010 هالسنة فيها ألوان زاهية ومتنوعة، على حسب التقرير الصادر من مؤسسة “بانتون PANTONE” اللون الرئيسي لـ 2010 بيكون اللون التركوازي (Turquise15-5519) ،وكذلك استعرضت مجموعة من الألوان واللي بتظهر بشكل مكثف من خلال دور عرض الأزياء ومنها (الأصفر والبنفسجي والأحمر والمرجاني والوردي…):
http://www.yebab.com/images/blog/201...olors-2010.jpg
من الأشكال الي نتوقع الناس تقبل عليها بشكل كبير بتطبيقها في التصميم: استخدام القصات المبتكرة (die-cuts) مع البطاقة، مثل إبراز تاريخ الزفاف بدل أسماء العوايل، أو دمج اسم المعرس والعروس بطريقة فنية، واستخدام الألوان الجريئة مثل ألوان 2010 المذكورة أو مثل الأحمر والأسود اللي تعطي انطباع قوي عند المعازيم وطبعاً الألوان التقليدية بتكون دايماً موجودة بس يتم دمجها ويا الطرق الحديثة.
بعيد عن الألوان، البطاقة ممكن تكون شي خارج عن المألوف تعبر عن اهتمام وهوايات العروس أو المعرس، وفي مثال رائع عن بطاقة تعبر عن حب العروس لقراية الكتب والروايات فتم تصميم البطاقة على شكل كتاب وكان عمل يدوي مع طباعة، والبطاقة أبهرت جميع المدعوين والكل حب الفكرة وتم نشر الصور في كل المدونات وصفحات الانترنت:
http://www.yebab.com/images/blog/201...invitation.jpg
و التذكير الدايم لكل المقبلين على تجهيز حفل زفافهم إن يخصصون وقت كافي لتصميم بطاقتهم خاصةً اذا بغوا شي مميز يبقى كذكرى ويحتفظ فيه، أولا وأخيراً البطاقة راح تعبر عن مناسبتهم و تعطي انطباع عن شخصيتهم للعالم.
بقلم: مريم بن نتوف
المصدر: يباب دوت كوم
___________________________________________
أتمنى أن تستفيدون من هذا الموضوع
تحياتي
عمة العيم
...[/align]

صباح الخير! بطايق الاعراس من اهم الاشياء! الي يعيبني يوم تكون البطاقه مثل ستايل الاستيج

بس اخر صيحات ٢٠١٠ شكلها وايد جديم مافي شي مبتكر بس غرافيك و نقشات و كتب :S .. الواحد يوم يسمع ٢٠١٠ يتخيل اشياء احلى ايدد و ارقى ..

انا اقول يا الواحد يسوي شي بسيط وحلو و كلاسك .... ولا انه يسوي شي كبير مستهلك وفيه الوان .. يعني يا يخسر على شي محترم يا يطرش شي بسيط وراقي!

ماله داعي نلوث البيئه P=

صباح النووور تحوووفه


انزين عيل شو افكارج انتي ..... هاتي ابداعاتج (^_^)

يوم بعرس ;)

يالدوووووووبه طلعي فلسفاتج يالله

مسج mms وانت والخييييييير رباااعة ....


واحتمال مسج عالبلاك بيري وخلاص ....

هالاشياء ولو انها تعجبني بس من افكـر فيها بشكـل جدّي أشوفها اسراف وتبذير ...

فكـرة انهم يحطون اسم العروس من زمااااااااان عايبتني بس للحين ما وصلتنـا ولا مـرة بطاقة فيها اسم العروس ... ما ادري متى بنتعرف على ناس متفتحين خخخ


ثانكس عمة العيم عالنقـل الحلـو ....

أنا بعد توقعت أشوف أشياء غير !!

نحن لعرس أخوي لمن حطينا اسم حرمته في حد ما عيبه، لا يكون حاطين صورتها و نحن مو دارين
و الحين حق عرس أخوي الثاني ان شاء الله بنحط اسم ماما حرم فلان و اسم خالوه حرم فلان
يعني اسم أم المعرس و أم العروس صح حركه جديمه شوي بس مو وايد سووها

كـرت العـرس من الآشيـآ المهمه اللي انا اقول حبذا انهـا تكون ممـيزه وغير

لآنهـآ بـتم ذكرى :inlove:


آحنـآ للحين نحتفظ بكرت عـرس خـوآتي ، رغم انهـا مر ع زواجهم فـتره ، 2001 ، 2003 ، 2009


ويوم يشوفون عيـآل ختيه بطـآقة عرس آمهم ، يقولون : الله امنـآ عرست :10:

يعـني شي حلـو ، مـآيكمل العـرس بدونه ~ ! . .


.

.

سـآلفه يحطون اسم العـروس ع البطـآقه تصير عندنـآ ف العـآيله واااايد ، آما في بيتنا ماقد صـآرت


بس ان شاء الله بتصير ( أحب اكسر القـوآعد في كل شي انا =p )


واللي مابيعيبه ، بيتحرطم شويه وبيسكت :tounge:


الكـرت حلـو يوم يكون شي بسيط لـكن فخم ، ومميـز ، وراقي:fa41:




عقـبـآل مـآتوصلنـآ كروت عرس بنـآت وشبـآب الواحات



{ بنت العيم } :


ثـآنكس ع الموضوع

أنا وحدة ما أحب خرابيط العرس بشكل عام:a100:


أحب كل شي يكون ناااااااعم و هادي =)


حلوة الأفكار الغريبة بس بشرط ما تكون ثجييييلة و دفشة


و عن اسم العروس .. من كم يوم واصل كرت عرس ربيعتي

جهة بالعربي و جهة بالانجليزي .. لكن مب مكتوب اسم العروس :glare:

قلت حق أميه لو أنااااا بحرّج و ما بوزّع الكرت لوووول .. لااااااااااززززم اسمي يكون موجود في الكرت:h_daleel:


سوّوا اشيا شوي غريبة في أعراسنا

حد كان حاط عطر كبر كف اليد و كان الكرت على شكل بوكس و العطر حلوة ريحته ==> بس ما عيبني وايد


و حد كان مسوّنه على أساس دفتر أشعار ==> و فيه حوالي 10 قصايد عن المعرس و العروس من شعراء معروفييين :thumbup1:

امممم انا عن نفسي احب الفكرة يوم تكون غير بس بنفس الوقت راقية وبسيييطة

ما احب الشي المبالغ فيه لانه بينعق فالزبـآلة عقب ..

وعن اسم العروس فالبطاقة نحن حسب ساعات جيه توصلنا وساعات بدوون اسم =)

وانا وحدة ما تفرق وياي ..~ لول =)

رمش : نحن ما نعق الكروت المهمة .. يعني كرت عرس أبويه و أميه لين أحيييييينه موجود :icecream:

و أنا أحين ميودة 4 كروت مهمة لووول

أهم واحد حاطتنه ويا ذهبي بعد من غلاة راعيته :tounge:

صبايا عندي سؤال .. شو سالفه اسم العروس في البطاقه؟ ليش مهتمين في هالنقطه؟

الصراحه ماحب القصايد الي يوزعونها سواء في الكروت او سي ديات

يعني هالقصايد للعروس و المعرس.... المعازيم شو يخصهم ههههه

المهم

ولكم للي حدروا

(^_^)
...

^ بالنسبة لي وايد مهم يكون اسم العروس موجود .. يوم يقولون فلان بياخذ فلانة بنت فلان :fa41:

و هالشي يعطي فرصة إنه نسوي حركة حلوة بالأسامي ...إلخ



==============

و عن القصايد .. بالعكس أنا أشوفه شي حلو خاصة يوم تكون القصايد إهدااااء من شخص للمعرس و العروس :yes: