بسم الله الرحمن الرحيم
~
للاسف إختي هالنوعية وهالفئة من البنات قمنا انشوف امثالهن واايد هالفترة وفي كل مكان
في الدوائر والمؤسسات ، في الجامعات والكليات ، في السوق والمركز
على سبيل المثال طال عمرج ، قبل رمضان بـ اسبوعين تقريبا كنت في حفل تكريم طلبة الصيفي المتدربين تابع لإحدى الدوائر الحكومية ، وكان الحفل مقام في أحد الفنادق ، وعدد كبير من الشباب والبنات كانوا منتسبين لهالدائرة في فترة الصيف للتدريب
طبعا معروف إنه فترة التدريب الصيفي شهر ونص لين شهرين ، بس إلي أنا شفته هناك
اتوقعت إنهم متربين مع بعض ، وأم فلانه مرضعه فلان ، وهو أخوها بالرضاعة ، أو نحن عايشين في دولة أجنبية
قلة حيا ، وعدم احترام ، وضحك وسوالف لدرجة إني والله استحيت أيلس هناك واطالع هالنوعية من الناس
والله إني ما أبالغ يا إختي إذا قتلج إنه كل البنات المتدربات من الفئة إلي ما تشرفنا ولا تشرف بلادنا ، ما عدا وحدة كانت حاشمة عمرها ... طبعا الحاضرين والحاضرات موضوعهم غير ، أتكلمن عن المتدربين والمتدربات ..
يعني نفس الحالة إلي ذكرتيها ، ميك اب فلل جنهن في عرس ، الكشخة حدثي ولا حرج ، الميوعة والدلع في الحركات مع الشباب .. بصرااحة حزت في خاطري واايد ، وكالعادة ما قدرت اسكت ، كلمت أحد الإخوان ، وقالي إلي شفته كله بالنسبة لأهل دبي شي عادي .. قالي أنا وياك في الي تقوله ، لكن صدقني هم ما حسوا بـ شي ، ويشوفون الموضوع كله عادي ، مع إنه صدق كان زياادة عن الحد لأي إنسان صاحب مبدأ وأخلاق ودين ويعرف ربه ..
~
من المواقف إلي تمر علينا في الجامعة ..
عندنا بنات ويانا في الكلاس ، والدكتور مسيحي ، شوفي الضحك والسوالف وياه ، وكلهن أشكالهن مواطنات
والله إنه شي صدق يحز ف الخاطر ، يعني لهالدرجة عاد !! أخاف ارتكب فيهن جريمة والله آخر شي ..
ولا شكلي بحذف المادة بسبـة هالتصرفات ، ناهيج عن الضحك وقلة الحيا إلي نشوفها .. جنه الدكتور محرم ..
وبسبة قلة حياءهن ، وما خذات راحتهن مع الدكتور ، الدكتور قام ياخذ راحته وياهم في الضحك وهالامور ، ليش !! لأنهم عطوه ويه وعبروه من البداية ، بس تعالي شوفي تصرفه ويانا ، العكس تماما ..
والمشكلة إنه في هالكلاس ما شي غير 7 شباب ، 5 زلمات وربيعي سعودي وانا ..
ما نقول غير الله المستعان والله لا يبلينا
~
شكرا على الإضافة إختي
ربما تكون لي عودة أخرى ..
