عرض للطباعة
بسم الله الرحمن الرحيم ..
كيف الحال ؟ ..
اخواني عندي طلب ومن الله اسأل إن اتوفق من خلال هالطرح ..
طلبي جامه امامية لـ oldsmobile tornado موديل 1967 ! ..
http://www.hubcaps.org/blog/wp-conte...7oldsdelta.png
انا دورت الجامه الامامية لكن بدون اي فايده والموتر صارله فتره واقف ..
ف رجاء من اللي يعرف وله خبره ف هالأمور يدلني على حد سواء داخل او خارج الدولة ..
يزاكم الله خير ..
بيعه يا ريال ... ما بتحصل .. تراني شراي
سر الشارجه .. اتوقع يفصلون جامات .. جامه اصليه صعب تحصلها
بسم الله الرحمن الرحيم ..
ها اشوف الطمع قام ياكلني هههه ! ..
يا ريال واحد موصني ع الجامه لئن الموتر واقف من فتره ومتبهدل وياه وبخصوص بيع مابيبيع ..
عنيد وانا حاولت وياه وبدون فايده ..
انزين شيخي وين يفصلون بالضبط عشان انشل الموتر بونج وانوديه طوالي ..
خلك متواصل لئن فيه كذا سؤال حقي بدال ازعاج الخاص خخ خ ..
شكرآ لك ..
هههههههههههههه .. اعتقد البطريق يفصل جامات .. شارع BMW .. مكانه بيكون عقب محل ماجلان ب شوي
قول له بنبدل وياه ب زد 74 و بنزيده
بسم الله الرحمن الرحيم ..
هلا اخوي ..
خبرته وقالي رحت له ولكن بدون فايده ! ..
وعن التبديل مستبعد الفكره حاليآ لين ما ايسوي اللي ف راسه هههه ..
إن حصلت حد منه ولا مناك خبرنا بارك الله فيك ..
برد لك بعدين إن شاء الله ..
ردينا ياخي ..
شرجاوي انا ف خاطري حاجتين مهمين بالنسبه لي ! ..
الحاجة الاولى هي ابي محل يفصل لي ربلات لـ الابواب والجامات لئن موتري موديل 77 ومش محصل له لـ اللحين ..
والحاجة الثانية هي إن الشبك الامامي طاير لونه وابي افصل شبك حديد وارشه بكروم ..
طبعآ الطلبين انا سألت عنهم وقالولي ف صناعية الشارجة لكن وين ما اعرف ! ..
ف هالله هالله فيني حبوب ..
عندنا فالدوام .. يفصلون ربلات عند شركة ( بندك الامارات ) .. و ماشاءالله عليهم .. شغلهم ما عليه غبار
و عن سالفة الشبك .. والله ما اعرف مكان عسب يفصلونه .. بس رش الكروم .. شي ف صناعية الشارجه .. بتأكد من اسم المكان و بخبرك
هلا شرجاوي ..
بخصوص الربلات كيف يتم الترتيب وكم سعرهم ؟ ..
ولا تنسى إن حصلت مجال عن تفصيل الشبك لئن الشبك اللي عندي ما اقدر اضربه بكروم لئنه بلاستك ! ..
وشكرآ لك ..
نحن دايماً نوديلهم عينات من الربلات .. و هم يفصلون على حسب العينات .. او انك اتودي موترك عندهم و هم بيقيسون و بيعطونك السعر
و استفسرت ب خصوص الشبك .. المشكله كل اللي يفصلون بلاستيك او فيبر .. اعتقد و ما اعتقد ان الحدادين يفصلون شبك ..
شبك الجمس بلاستك و مرشوش ب كروم من الوكاله !!!
ليش ما تركب جلاد عالشبك ؟؟
هلا حبوب ..
بخصوص الربلات كنت عند الكابري اليوم وقالي قيمتهم بـ 800 درهم تقريبآ ..
طبعآ بيكونون لـ البابين والجامات والدبه ! ..
اما بخصوص الشبك ف الجلاد مايودي ويباله تجديد بين فتره وفتره ..
هالمعلومه يديده ويبالي اسآلهم ف الوكاله باجر إن شاء الله ..
او صح نسيت اقولك بأني يوم كنت عند الكابري قالي كل اللي تبيه لـ موترك موجود ومتوفر ولكن قرقش مخباتك ..
مشكور اخوي شرجاوي واشهد انك ماتقصر باللي تقدر عليه ..
بارك الله فيك ..
الكابري حرامي .. ما انصحك تتعامل وياه
كل حد يقولي كنجوس وحرامي لكن يغريك باللي تبيه ! ..
شغايل انا متوهق اللحين ..
شكرآ عزيزي ..
جرب اتسير الشركه اللي خبرتك عنها .. بندك الامارات .. ف صناعية الراشديه ف دبي .. اتصل بهم .. اسئلهم يفصلون بدون عينه ولا لازم عينه ..