عرض للطباعة
مرات ما نحس بقيمة انفسنا لحد ما نحس شخص ( مــا ) في حياتنا يعيرنا اهتمامه ...
ولو إني ما أشوف راي الناس مهم فيــني، لكن أحيانا افتقد هذا الشي
نــعم ...
أحس بداخلي آهات،،، أريد أعبر عن أشياء اجهلها ...أتمنى أحس بقيمة نفسي، وأدركت هذا الشي بعد ما لاحظت إني لازم أحب
نفسي أولا وأقدر نفسي عشان ألقى
من يقدرني ...
ليش دايما نرد على الغير، قبل نحن مانبتدي في انفسنا ...!
في تغير في الفتره الاخيره، اهتمام لشخصي، لتوافه الأمور في حياتي، خلتني أكون شي كبير ...
عيش حياتك واستانس واضحك واتمصخر على كل حد جدامك
ما بتضايق من شي
مرحبا اخينا مجموعة انسان ...
من ناحية الضحك والمصخره انا هاليومين جيه تراني في الدوام، بس بحدود، يعني مب حلو على كل شي الواحد يتمصخر ..
لكن من ضمن السوالف، اضيف شي من النكت ...
بس احساسي غير .. اللي اطريه ... يعني يوم يحد يهتم منك تحس بعمرك شخص ثاني ونفسيتك تنفتح على كل شي !
بتصير بخير اذا ابتعدت عن نصايح اخوي مجموعه لول P=
اسمحلي بس قلت امشي عـ نصيحته واتمصخر حبه ^_________^ ..
ترى صدق اتغشمر ^^"
,
امممم ،،
تدري اخوي المزوحي ، لمن شفت فحوى الموضوع استغربت !
يمكن لأني افكر بهالامور من مده ، بس بشكل مختلف قليلا ..
نحن كـ بشر دوم نحتاج للغير ، او لبعض هالـ [غير] ولو ماكنا مستشعرين هالشغله ،
نحن كـ بشر الا ونتأثر بالمحيط من حولنا ، لكنا كذلك ما بنكسب كثر ما نكسب
لولا ردات فعلنا [النفسية] تجاه هالمحيط !
*نحتاج كلمه طيبه ، ابحث عنها !
*نحتاج كلمة تفهمنا ، ابحث عنها !
*نحتاج وقفة تسندنا ، ابحث عنها !
نحن اللي نحتاج ، فـ ما بنلاقي غير نفوسنا تهديلنا هالحاجات //
من توافه الامور إلى البشر كلـــــهم ، ولا تستصغر شي ممكن يعنيك أبدا ..
,
يقولولي دوم ، ياكثر ماتنظرين للامور بزوايا واوجه مختلفه ! // يا كثر ماتحطين اسباب وتفسيرات !
[ ماتدري اشكثر انعادت علي هالجمله ، بعدة صيغ !
وسكون تقول ، ليش ما بشوف هالزوايا الثانيه وإهي موجوده ، وانا احتاج لها .... !
* كـ مثال بسيط جدا جدا جدا : ياما تنقال كلمات ونصادف افعال [ يفهمها كلن على هواه !
واهني يكون بيدنا دوم ان نفهم ونستوعب هالمسالك كلها بشكل خيّر ، نحتاجه ، ويريحنا ،
+ اهو بالنهايه احد الاحتمالات للتفسير الصائب ، واللي اكيد وقتها ما بيضر احد ، بالعكس تماما =]
,
فكر بنوع الاهتمام اللي تحتاجه ، فكر بشكل الاهتمام اللي يسعدك ويدفعك للامام ،
فكر بهالامور [ وكل ما تحتاج ] من خلال تواصلك بالناس + تواصل النفس ابـ ذاتها //
ووقتها بتوصل ، لأنك بتبدأ تقلب كل اللي تلقاه من الناس [ من افعال واقوال ]
لهذي الاوجه وهذي الزوايا ، وبتعين ذاتك قبل لا يعينك الغير ،
لأن المتحكم بالنهايه انت [ شخصك ] ، مو اهمه !
,
ممم ، مادري ، احس ابي اتطرق لعدة شغلات ، حابه اتكلم بس ماني عارفه بـ شو !"
او يمكن الوقت مو مساعد ، وجني خذت راحتي بزياده ، والناس ما قامو يفهمون علي :k_special2: .. !
فـ يعني السموحه ، واعذرني عـ ردي المخربط :fa46: !"
,
تمسون عـ خير مقدما ،
ونوم العوافي لنا جميعا ياربي ~
كلمات تنقال لي تدفعني أمشي بطريج السلامه، اشكرج اختي سكون على تواجدج ...
المـزوحي :
نـحن نـحتـاج لـلإهـتمام من أي شخص كـان فـي حيـاتنـا ، يعـني وجـود شخص يعـيرنا اهـتمامنـا
يمكـن يحسـسـنـا بأهـميتنـا ..
ولـكن ! إذا ماحصلـت هالشخص اللي يعيرك اهـتمامه بـتقول انك مالـك أهـميه ؟
مثل ماقلـت واطرقـت أعـرف قيـمة نفسـك أولاً
عسب النـاس تعـرف قـيمتـك
المسألـه ذاتـيه ، يعـني لـو أنـت مقـتنع بنفسـك وعـارف عـمرك أنـت شـو
رأي النـاس فيـك سواء كان إيـجابي أو سلبي مـاراح يأثـر وايـد
كـل واحد فينـآ يـهمه رآي الغـير فـيه ، لكن اهم شي راي الشخص بنفسـه
لأن ثقـة الشخص بنفسه تـولد ثقـة الاشخاص فيه
مهابه كلامج صحيح اللي قلتيه، مب شرط دايما ننتظر راي الغير واهتمامه فينا، لازم نقدر ذاتنا ...
لكن شخص يغير حياتي للأحسن بسبب سؤاله عني، شي كبير ...
مع إني مب محتلج لمليون شخص يهتم، شخص واحد يكفي ...
أحيانا يكون السؤال موجود ، لكن الشخص غير موجود //
وبـ أحيان أخرى يكون العكس ... ~ !
سكون
وأحيانا السؤال يكون موجود ونتعّمد مانبغيه من فلان ونبغي نفس السؤال يكون من فلان ثاني ...
اكيد هالشي في الدنيا مهم
حب الناس يعطيك قوه
الايمان يمدك بالاراده
المال يعتبر وسيله
اتذكر هالثلاث نقاط .. مهمين في تكوين حياتك ( بعد النظ/ضر ) ماعرف كيف يكتبونها لوول
أهلا أختي تحفه ، يسعدني وجودج ...
حب الناس يعطيني قوه .. نــعم
بس تخيلي ( على سبيل المثال ... ) شخص يقولج سوي الشي الفلاني( مب أمر ... لا .. ولكن من باب الاهتمام .. )
وطبعا أكيد تعرفين تفرقين ... بتحبين تسوين الشي ...
لأنه تحسين يبالج الخير
بالعكس انا وايد مستانسه لانك فتحت هالموضوع ... نادرين الناس الي يبيون للغير الخيراقتباس:
المشاركة الأصلية كتبت بواسطة المزوحي
وانت لازم بالمقابل تحافظ على هالناس الي يحبونك .......
بعد اسبوعين من الوورك بليسمنت اقولك اني اعاني في الوورك بليسمنت .... ياااااليت لو اطوف الايام بسرعه وارد للجامعه ... ابدا مب ناويه اشتغل في هالمكان خاصه بعد اليوم .. استوالي موقف واكككككككتئئئئئئبت ( ترا انا دلوعه البابا الي محد يعق لها كلمه ) واليوم مستويلي موقف بايخ ويتني صيحه وغصه بس حمدلله الحين الويكند
مادري وين جو العايله الي سمعت فيه !!!!
تخيل تقضي يومك في الدوام في مكان السوشل لايف فيه صفر! ... مادري كيف قص علي الاستاذ يوم قالي اشتغلي هنييي! :frown:
بس يااااااالللله الحياه تجاااارب .. الواحد يتعلم من هالدنيا مافي انسان حياته بيرفكت =/
عالاقل تعلمت ان هالمكان احط عليه اكس كبير
شكلي بسوي نفس اختي بعد التخرج ... بيلس في البيت وبريح عمري من صدعه الراس ... :fa44:
اففففف متضايجه مادري ليش افكر في هالموقف ... خااااطري في اسكريم يبرد على فوادي و دخووووون يغير مزاجي المتعكر من سبب تافه اففف :pullhair:
أفا عليج اختي تحفه ...
يبالج طلعه خفيفه حلوه تغيرين جو، ولا تشلين هــم ... ! وبردي على فوادج .. وعدلي مزاجج ..