.. زينــة الحياة الدنيا ..

الســـلام عليـــكم...


أول شي.. بجد بجد بجد.. اشتقتلكم وااااااااااايــــد.. :)

..

في هاليـومين ودعنا سنة.. و طلة علينا سنه يديده.. حامله وياها وااايد من المفاجآت اللي ما نتوقعها.. منها اللي بتسعدنا.. و منها اللي بتخيب أملنا.. بس المهم انه ربي يعطينا الصحه و العافيه .. و يزرع الطمأنينه و الرضا و القناعه في قلوبنا..

في هالسنوات اللي مرت.. اتغيرت حياتي وااايد.. اتغير تفكيري.. حسيت اني كبرت بتصرفاتي.. بقراراتي.. حتى بدمعاتي.. و خصه في الايام اللي طافت .. حسيت اني لبست نظاره يديده.. خلتني أشوف أشياء .. بطريقه يديده.. بشعور يديد.. بامتنان أكثر.. للحياه اللي عطانا اياها رب العالمين..
كان ودي أكتب .. و اسجل مشاعري و مخاوفي في كل فتره.. كون الواحات أجمل أرشيف لحياتنا .. لكن للاسف.. كنت وايد اتغاضى عن هالشي.. لكن هالمره ..مستحيل..!

كان الموضوع.. مثل الحلم.. واقع مب قادره اتخيله.. ولا استوعبه.. رغم الشهور الطويله.. رغم العلامات.. و سوالف الناس.. رغم النتايج.. و البشارات.. الا في ذاك اليوم..
يوم.. أصبحت فيه الشمس بألم.. ألم أجذبه كل ما احس فيه.. معقوووله..! يعني الموضوع جد..! و صار الوقت..!!
وما مضت الا ساعات..بين ذكر الله و مخاوف اللي حواليني.. و آلااااااااام.. ما اعرف شو مصدرها.. و هل عندي القدره أتحملها ..!! كانت المشاعر مختلطه.. ألم.. و تخدير.. و حشره في الغرفه..
و ما هدى الوضع.. الا و انا أسمع.. " صرخه ".. وشي صغير بدت الايادي تتلقاه.. يااااااااا الله ..! وصل .. أخيراً..

وصـــل نور عيــوني.. اللي خلاني أحلـــى " مـــامـــا " في الدنيا..

كنت أتأمل تفاصيل جسمه الصغيرونه.. صبوعه.. عيونه اللي ما اتركز الا علي.. سبحانك ربي.. معجزه..! معجزه ما يحس فيها الا من عاش هالتجربه..
في هاللحظه بس.. عرفت غلا يديد.. لأمـــي..
يالله .. هالكثر امهاتنا عانوا.. و اتعبوا.. وبرغم تقدينا لهم.. حسيت انا ما عطيناهم ولا ربع من حقهم..
استحمــلوا تعب الحمل.. 9 شهــور طويـــــــله.. عانوا من آلام.. ما يعلم بها غير رب العالمين أثناء الولاده.. و صبروا و اتحملوا السهر .. و الزعيج.. و الارهاق النفسي قبل الجسدي ..

يالله .. ما أغلاج يا الام..

و انا في المستشفى.. يتني النيرس.. ويلست اتسولف شوي.. و اتقولي يا حظج بوجود امج وياج هالايام.. انا امي اتوفت و كان الموضوع عادي.. يعني ما حسيت بحاجتها وايد.. بس في حزه الولاده.. ما بغيت في هاللحظه غير امـــــي.. احتجتلها وااااايد .. لاني حسيت فيها و بمعاناتها..
مسكينه.. غمضتني.. كانت تتكلم و عيونها كلها دموع.


حتى الابو.. ما انكر فضله.. وقفته و محاتاته.. و فرحه عيونه بشوفة عياله..
و سبحان الله .. برغم معاناة الام.. الا انه هم الاب أكبر.. ولو انه ما يبين عليهم..

وصيه ..!

هالله هالله في أمهاتكم.. ولو ضايقوكم.. ولا حسيتوا انهم مب متفاهمين وياهم.. ولو شو ما سواو فيكم.. يكفي.. يكفي انها اتعب.. عشانك
هالله هالله في أبهاتكم.. مهما أحبطوكم.. ظلموكم.. اتحكموا فيكم.. ترى أفضالهم مالها مثيل..
..

سبحان الله..
العيال نعمه.. نعمه حلوه من رب العالمين.. التعب و السهر.. يهوووووون .. بشوفه بسمه عيونهم.. غلاهم غيييير.. و حبهم غييير.. كم يسوى يوم اتشوف هالصغيروني ما يرتاح الا بين ايديني..

..

ربي يبارك في الجميـــع..


..
همممم.. و هذي أخباري.. :fa51:
و انتو..؟ شخباركم ؟
:14:

عليكم السلام



مبرووووووووووك يا شووق مبروووووووووووووووووووووو وووووووك
الله يحفظه لكم و يتربى بعزكم ان شالله

فرحتيني بهالخبر واييييد ^_^

شو سميتووه ؟

ماشاء الله ^__^ خبررر حلوو على بداية السنه


يتربى في عزكم خيتوو :)

والحمدلله على السلامه ..


ومشكوره على النصائح الذهبيه :)

والله يجعل ايامكم كلها افراح بأفراح

^

حبييييييييييييييييييييييي يبتي شواقه

وعليكم السلام ورحمة الله وبركاته


والله جاستني غصه وانا أقرا موضوعج ..

يا ف وقته !!!!

:inlove:

:

حبيبتي مبروووووووووووووووووووووو وك ماياج ..

عساه يكون من مواليد السعاده ..وعساه يكون من الذريه الصالحه

يتربى ف عزكم وعز يدته ويده ان شاء الله ..


:

فعلاً لو شو ما سوينا بنظل مقصرين ف حقهم ..

:fa41:

وكل وحده تجرب احساس الأمومه .. تقول شرات هالرمسه :h_daleel:

لأنها تحس باللي حسته أمها ..!

الله يحفظهم لنا ..

ويعل عينّا ما تبجيهم ..

:

نبي نشوف صورة البيييييييييييييييييييييي بي :inlove:

ما شاء الله ما شاء الله

والله أحلى خبر سمعته

صدق فرحني لدرجه كبيره يا شووق

ماعرف شو بقوول


مبروووك

والف مبرووك

يتربى بعزج وعز أبوه
وان شاء الله من الذرية الصالحه ان شاء الله
ويكون ذخر لكم

والله صدق ماعرف شبقوول!!

آلـف مبــروك ختـيه شـوق

تـستـآهلين كــل خيــر والله ..

ألف الـحمدالله عـ الســلامه ، يــتربـى فـي عـزج وعـز آبـوه إن شاء الله . . .

فـرحت لـج من الخـآطر واللـه


نـبـآ نشـوف البيبي ..

والله يحفـظ لـنـآ آمهـآتنـآ يــــارب

مبروك ما جاكم، يتربى بـ عز والديه ان شاء الله
الحمدلله عـ سلامتج أختي شوق القلوب

أقرا الموضوع و أنا :blush:، عن جد فرحت لج

ربي يخلي لنا امهاتنا و ابهاتنا و يخليكم لـ عيالكم

عليكم السلام

:fa41:

الحمدلله عالسلامه يا شوق

و مبروك عليكم الصغيروني يا أم ...؟ :laugh:

يآآآآآآآآآآآآآي

استآآآآنســت بـ الخبر وااااااااااااااااايد

مول ما توقعت اني اقرا شي جييييييييييييييييه ..

.
.

احلى خبر صدق اني اسمعه وصول مولود يديد واهم شي يكون بـ صحة وعآفية :)

خبريني عآد شو سميتوه ؟
ونبآ نشوفه :)
.
.

ويتربى فـ عزكم ان شاء الله .. انتي وابوه :)

الحمدالله على السلاااااااااامه:biggrin::biggrin: تولهنا علييييج:fa35:
والف مبروك على الكتكوووت.. يتربى في عزكم ان شاء الله:heart:

الحمدلله على سلامتج
والف مبروك على ما ياكم // يتربى في عزكم ان شاء الله

الله ... حلووووووووووووو ^_^


الحمدلله على سلامتــــــــــج ....



ومبــروك ما يــاج ، يتربى بعزج وعز أبوه ... وان شاء الله يكون من الذرية الصالحة يارب .....


فرحتيـنا بهالخبـر الحلـــو .... بس شو سميتوه ؟

آبيييييه شوووووووووق!!!!! الللللللف الحمدلللللله علسلاااااااااامه ... :inlove::inlove::inlove:


اوييييه وايد استاننننننننننننسسسسسسسسس سسسستتتتتتتتتتتت !!!!!!!.. احس اني بررررررققص لانج رديتييييييييييييييييييييي يي هيهيهيهيهيهيييييييي :a036:


كلامج وايد مؤثر مادري ليش بغيت اصيح :a050:

:heart: نووووووورت الواااحااااات :heart: انتي شمس في الواحات :biggrin:!!

يتربا في عزج ان شاء الله !!


اويه تدرين شوق ولدج عنده وايد خالات و عمام من الواحاااااات هيهيهييي مب سهل وراه قبايل :fa38:








وناسه :biggrin:







الف الحمددددلله علسلاااامه :heart: فدييييته

الحمدلله على الســلامه
ويتربى ف عزج :)
ويعله خير عليج

الله!!!!!!! الحمدالله على السلامه ماما شوق القلوب :heart: ونحنا نقول وينها البنت ..

صدق ان الأم ما تتعوّض 3>
انا صدق احس بحاجتها في مثل هالاشيا *يوم اكون مريضه ومحمومه* مابا ألا امي .. اتم اذكر يوم كنت ياهل وامرض
وترقدني على ريلها عقل اتم طول الليل راقده وهي يالسه :fa35: ياحبيبتي يا امي


الله يخليلج البيبي واهلج
ويتربى في عزج ويكون من الذريه الصالحه يارب ...

وايد فرحت لج :a070: