ابا ادرس ماجستير... بس كيف!

السلام عليـــكم جميعاً

اشحــالكم؟

بعد طول غياب . . عدنا لكم لانه ما إلنا غنى عنكم :k_no:

بغيت مساعدتكم في موضوعي هذا وإن شالله الي عنده العلم ما يبخل عليّه

حالياً افكر اني آخذ الماستر ولكن مش م البلاد. . يعني ابا آخذه من خارج البلاد، سواء عربية او أجنبية ويفضل الإجنبية لانه المغزى اني اقوي شهادتي واللغة الانجليزية عندي

لكن ظروفي ما تسمحلي اني اعيش خارج البلاد، لذا فكرت بالإنتساب او بما يسمى بالدراسه عن بعد او اي طريقة اخرى اتكون معتمده

فهل حد فيكم عنده فكره، من وين اقدر آخذ الماستر وبأي طريقة . . .

ساعدوني دخيـلكم لانه الوقت يمر وما ابا اضيعه

ومشكووووريــــن :fa51:

وعليكم السلام ورحمة الله وبركاته

اقتباس:

---

المشاركة الأصلية كتبت بواسطة عيون الليل

فكرت بالإنتساب او بما يسمى بالدراسه عن بعد او اي طريقة اخرى اتكون معتمده

---

غير معترف بنظام الانتساب في دولة الإمارات العربية المتحدة من قبل وزارة التعليم العالي والبحث العلمي

موفقة خير

والسموحه

بالفعل اخويـــه

قالوا خلاص ماشي انتساب

لكن يقولون انه فيه الدراسه عن بعد او الي هي الـ online learning

او اني احضر محاضرات هنيه وامتحن هناك. .

بس مش عارفه كيف ووين؟

ما قصـــرت يا خويه. . .

وجميعاً إن شالله

بإنتظار الحــل يا جماعة الخيــر

مانصحج بالأونلاين ليرنيغ.. لانه الشهاده تكون وايد وايد واااااااااااااااااااااااا اااااااااااايد ظعيفه!! لانه ولا جنج تعلمتي شي..

شي جامعات وايد زينه في البلاد .. london business school فـاتح في DIFC
وعندج برامج قيادية ممتازه بـ حسبة المجاستيـر

ما خبرتينا شو التخصص اللي تبين تدرسين به

اختيــه شمعة أمل . . هممم سمعت عن الـDIFC بس مادري . . اذا عندكم حد يدرس عندهم لا تبخلين عليه اختيه
واقتراحج حلو . . لانه شويه شويه اشووف بيبان الدراسه ف الخارج تتسكر ف ويهي
اتريا ردج عليه اختيه



اخويه المنصوري. . بصراحه افكر ف اي شي يخص الإعلام أو العلوم السياسية أو ادارة الموارد البشرية الي الكل يمدح لي هالتخصص