عرض للطباعة
السلام عليكم ورحمة الله وبركاته
رسمه مائيه جديده ... شديت حيلي فيها اشويه
بس باختصار .. يبالي وايد لين ما اتقن هاي الالوان .. صح احيانناً احس باحباط
لكن ما اقول إلا ان شالله تعجبكم رسمتي المتواضعه
مترقب لردودكم الطيبه
:k_smile2:
.
.
.
.
.
.
.
.
.
http://oasis.bindubai.com/bin/upload...1224032773.jpg
محاق
وعليكم السلام ورحمة الله وبركاته ..
,
أول ما شفتها تذكرت رسوم علاء الدين !
بس مش المطور ،، لالا القديم أو القريب من اسلوب رسوم أيام أول
كـ (( في جعبتي حكايه + ما أذكره بس الاغنيه فيها شي بخصوص قصص الشعوب =# ))
مادري إذا فاهمين علي ،، بس أشوفها جميله جدا !
وإذا انتو تنحبطون عيل نحن شو نقول !
,
وايد عيبتني الخلفيه البنيه اللي دور مادير اللوحه كـ إطار ..
وكيف النافذه صايره تراثيه كرتونيه كما وصل لـ خيالي الصغير !
بس وايد عيبني التداخل بالالوان // خاصه بالاطار البني مثل ما وصفتها + السما ^^
وعن فكرة اللوحه كذلك ماعليها كلام أبد ..
بـ تفاصيلها ،، والبيوت من بعيد // ضافت تعبير لطيف جدا ..
,
يشرفنا ان لوحاتك وأي تجربة تقوم ابها تظهر باسم قروب المافيا ..
وربي يجزاك الخير اخوي ،، نستفيد صدقا ولو ما كنا نبدي الكثير ..
فـ دمت بـ ذلك ..
ودامت لوحاتك ~
وتقديري لـ شخصك !
اختك سكـــون ..
,
الله .. محاق ..^
وايد حبيتها ..*
تلعب لعب بالالوان انته ..^
لمساتك غير ياخي ..>< انقهر يوم ماعرف اسوي جي ...لوول
..
عيبتني وايد ...
احسها جي تراثيه ع كرتونيه ..
يعني تذكرني بقصص علي بابا وسندباد .. جي يعني ...^
...
كل الود لشخصك الكريم ..
وبانتظار المزيد محاق ...
..
متعطشين للمزيد .. من ابداعك ..^_^
سكون
تشرفت جداً بهذا المرور اللطيف
احس انه في هاي اللوحة خذت اكثر عليها
بس احس انها ما طلعت ذاك الزود :glare:
يبالي انسق واعدل وايد في ادائي التعبان :k_icon9:
هاي الايام ثاني شي افتقر للأفكار وايد ... شكلي شيبت :k_wheelchair:
سكون الابداع
شكراً جزيلاً لمرورج الطيب
واتمنى ما تحرميني من الانتقاد ابداً :a100:
وان شاء الله برجع بالجديد بإذن الله تعالى :k_smile2:
كل التقدير
محاق
الا انا
ردج حلو بس ما تستحقه لوحتي ابصراحه لاني مش مقتنع من ادائي فيها :k_santa_1:
حاولت اسوي السما ابطريقه احلى وألوان اجمل بس خاني التعبير :rolleyes:
جداً شاكر لمرورج الرائع وان شالله في المزيد في الدرب ان شالله :laugh:
تقبلي ثنائي
محاق
حبيت النجوم الي في السماء ,,كأنها حقيقه ,,,يا حلالات الالوان في الرسمه ,,,
والبيوت البعيده وايد جذبوا انتباهي ,,,
بختصار ...
رسمه رائــــــــــــــــــــــ ــعه ,,,
كل التوفييييييق لك ...
عهد الوداع
سعدت فعلاً لوجود هذه الاضافه
وانتي احدى هذي النجوم في الواحات :redface:
اشكر لج اضافتج الطيبه جداً
تقبلي كل كلمة شكر من لوحتي ومني
محاق
هممم تبي انتقاد !
انزين ،، ما طلبت استاذي :mf_leia: // السما من ناحيتي عايبتني جدا والله ،، بس حبيت الاطار أكثر لول ..
المهم ،، مادري بس حسيت إن القمر فيه شي غلط !
يعني تحديدك للقمر بهذا الشكل // او يمكن لأن بالنسبه لي مب واضحه الاضاءة // أو مادري :shutup: !
+ صدق ماعرف كيف أشرح =# // بس ضوء القمر مع مرور السحب وسط السما يكون بتداخل أكبر من التحديد اللي لمسته ،،
يعني أحس التحديد مبين وكأن في إطار دور ما داير القمر يفصله عن السما وتلاعب السحاب !
مع ملاحظه إن هذا رايي أنا ،، أنامل قلب عضوه فقيره بالواحات ^^"
وخارج الشاشه ومن ناحية الفن // يدوب توصل لمستوى المبتدئة بالرسم =$
ووو بس ،،
أو لحظه // ماله داعي أقول مره ثانيه لا تغضون النظر من كوني فاشله بالرسم وبالتلوين خاصه ،،
بس هممم ،، ماكان ينفع تخلي النخله بحيث نص الجذع السفلي ما يظهر !
إما إن تكون بين التلال أو يعني مادري ،، بس أحس في شي بالجذع ! + كالعاده التعبير ما يسعفني للإيضاح :surrender: !
:
وفيما عدا ذلك ،، ما أحتاج أكرر إني فعلا وربي شاهد ماجاملت بمدحي للإطار + السماء ..
صدق =(
,
حلوه وايد حبيت ملمس الرخام
بس ليش فتحة الدريشه مب سيده؟ يعني مب متقنه؟؟؟ هل انت تعمدت هالشي ولا؟
و ليش حددت الدريشه بالاسود؟؟؟
و بعد مب المفروض تلال الرمل تكون فاتحه من القمه و غامجه من تحت على اساس ضوء القمر يظرب عالقمه و يظهر الظل من تحت؟؟؟؟ و الاشياء البعيده تكون غامجه و كلما قربنا المسافه فتحنا اللون؟
مادري انا قلت لك عن اللي حسيته انت شو رايك؟
(^_^)
...
محال أن ينكر أي متذوق
أن هذه اللوحات لفنان موهوب متفرد ..
ما شاء الله :smile:
الالوان المائية اعتبرها من اصعب الالوان
و تعتمد بشكل رئيسي على الشفافيه و الدمج
لوحتك رائعه و لها طابع اسلامي بسبب الاطار و المنظر
لكن اعمالك السابقة بالمائي اعجبتني شخصياً اكثر
يمكن لاني شفت فيها دمج و شفافيه اكثر
انتظر القادم بشغف ..
يسعدك ربي :smile:
.
.
سكون
انا مادري بس صدق احس في شي غلط
واكبر غلطه ارتكبتها التصوير ( مب عشان ادافع عن لوحتي لكن )
اليوم يالس اروي اربيعي ( رسام ) اللوحة نفسها بس ابتصوير الموبايل
وقالي اكثر شي عيبه في اللوحة الهلال ... وانا عن نفسي ما عيبني الفريم كثر ماعيبني الهلال
لكن مادري شوالغريب في هاي اللوحة المعروضه :fa55:
بس ما بدافع اللوحة يبالها وايد لأني مازلت مبتدأ في هالمجال :m_afaker:
على فكرة بسج تنقيص في مكانتج ... لأنه مكانتج غاليه عند الكل ... :a046:
شكراً على آرائج الطيبه سعدت جداً لوجودك المزهر الدائم
كل التقدير
محاق
هلا عموتيييي
شكرا عالمرور الجميل إلي كنت انتظره عشان اسمع رايه
وصدقج الدريشه تعمدتها لأني رسمتها ابسرعه من غير مسطره ومن غير دقه متناهيه ( مب متفيج )
عن التحديد فعلا انا هني اضم صوتي لصوتج ( ما حددت إلا لأنها قبل التحديد كانت ما تتشاهد وبعد التحديد طلعت اخس )
عن التلال بعد صدقتي ... كنت المفروض اسوي مثل ما قلتي لكن يوم لونت التلال اختلطت الامور عليه فسويتها بنفس الي شفتيه
بس صدق احس الارتباك في المائي يدمر كل الافكار
واييد اشكرج على النقاط عمو وايد سعيد بإضافتج الطيبه :fa37:
ولا تبخلين علينا بآرائج دائماً :k_smile2:
كل الشكر
محاق
اتمنى
شكراً جزيلاً على إطلالتك وزيارتك الجميلة لنا
وشكراً على كل تعبير صدر من ذوقج الكبير والطيب في ابداء التعبير اللطيف لتلك القراطيس البسيطه
اعمالي مهما تعددت اشكالها ومستوياتها فهي شاكرةً لحضورك وسعيدة جداً لأن بعضاً منها نالت رضاكم
ورضاك اختي الكريمه اتمنى
وان شاء الله
ارسم ما يبهج ناظريك وذوقك المبدع وانظار الطيبين مثلك واذواقهم
اتشرف دائماً بهذا الوجود
خالص تحياتي
محاق