شو موتر يديد في حدود 50 ألف

السلام عليكم

مثل ماقريتوا العنوان

ربيعي الله يسلمكم عنده موتر عمره 15 سنة تقريبا وحاليا بدا يليك وكل مايصلحه مامنه فايده،

وهو خايف على موضوع التجديد اللي عندنا إنه مايمشي الموتر كونه جديم ....

المهم هو حصل شراي، في حدود 20 ألف، وهو يبغي يزيد 30 ألف كاش عسب ياخذ له موتر في

حدود 50 ألف ،،، حتى اللي بــخمسين استوت بــ ثمانين ...

يبغي تويوتا يارس .. مادري أحس توو متش صغيره

هو مايقدر ياخذ موتر اكثر عن هالمبلغ، لأنه توه بادي البنيان، يعني يادوب عاطي الاستشاري دفعه

شو رايكم، انا اقترحت عليه هوندا سيفك بس ظهرت 62 كبداية ومن غير 4 سلندر اللي تتعب في

الصيف وسألت عن الكامري قالوا مش موجودة، لأنه ينتظرون دفعة 2009 حتى ماعطاني سعر مبدأي

شو رايكم بهوندا ستي،، وإلا إذا عندكم راي ثاني بارك الله فيكم .. :6:

عليه بـ السوزوكي سويفت .. شكلها مش منه ولا باس .. فيها انسيابية نوعا ما ..

هيه أنا بعد أول ما شفت القيمة يت على بالي السوزوكي سويفت

يمدحها ريل بنت عموه حق الدرب ماخذنها حق الدوام ، و يستخدمها أكثر من الأودي مالته

نفس الشي ولد خالي عنده بي ام و سويفت يستخدمها أكثر =)

سيارة اقتصاادية وتنفع حق الكراف ..

السويفت حلوة و عملية

هوندا جاز .. مريحه اكثر من السويفت .. و اقتصاديه .. و فيها حيل بعد

سعرها 50 الف او اقل

انا جربتها و ما عليها اي كلام الصراحه

وعليكم السلام ..

هو مهم عنده ان السيارة تكون يديده على الزيرو ولا عادي شويه مستعمله؟ السويفت صح حسب اللي مجربينها يقولون انها وايد اوكيه وعملية واقتصادية ولكن عشان يوسع على عمره الاختيارات ليش مايفكر في السيارات اللي شويه اكبر المستعملات بنفس الميزانية تقريبا خاصه لو كانمتزوج يشوف هوندا اكورد 2006 او نيسان التيما او سيارات من نفس فئتهم أحس فيهم سيفتي أكثر وبتنفعه يودي السيراميك للبيت بعد لو اضطر مثلا

أنا هالفترة بعد محتار في الاختيار أبى آخذ سيارة ثانية اقضي فيها المشاوير وحق كراف ومافتكر فيها وتقريبا بنفس الميزانيه مرات أقول باخذ لي يوكون أو تاهو 2002 تنفع للتكسير وللرحلات ولروحات البر خاصه ان العده متوفره وماستهلكتها عدل في السيارة القبلية ومرات أقول باخذ لي أكورد مستعمله ولا شي وسط من نفس الفئه بتعمر وياي أكثر وماوراها مشاكل ومعقوله ومرات أقول ليش ماأدور لي زد وارد (من اللي مايدانيهم شرجاوي) خفيفه وزوينه وشكلها أوكيه ومرات أفكر في السيارات الصغيرة مثل السويفت آخذها على الزيرو وأطلع روحها وفي النهاية تفويله وحده تكفي لآخر الاسبوع ومرات أرجع وأقول أخلي فلوسي عندي وراي خطط مستقبليه لازم أجهز لها أنا مب محتاي سيارة ثانيه وعقب ماأشوف مجلة أوتوتريدر ايدي تحجني وأشوف ان سيارة وحده ماتسد هالايام خاصه اني مرات ابى سيارة للإستخدام الخشن وأرد أتحمس وأفكر في الموضوع من أول ويديد

هل من نصائح تخدم
حرف العلة؟
:k_sadwalk:

الاسطوري .. جيب رانجلر موديل 2000 ف حدود ال20 الف

مب اني ما اداني الزد و ربعها .. الناس من كثر ما تمدح هالسيارات و تنفخها الواحد يكرها .. و انا تستهويني السيارات الامريكيه لانك ب اشيا بسيطه ما تتعدى ال10 آلاف درهم تقدر اتصك الــ500 حصان عكس السيارات اليابانيه ( 30 الف ل 30 حصان ) ..

خربنا موضوع الريال هههههههههه .. السموحه منك يالمزوحي

^
أدري المزوحي قلبه طيب ويحب السوالف
ومابيقول شي افااا نهون
عليك يعني!!

بخصوص الرانجلر والله قالولي عنها بس انا ماعرف ليش ماحب هالسيارة كانت عند واحد من ربعنا قبل وصح انها تمشي ولكن الصدعه اللي اتييك من الهوا اللي يدش السيارة من الربلات يخليك تكره السيارة من الخاطر وقبل فترة ولد عمه بعد عنده رانجلر حليله دش دوار وكان الشارع عليه ماي شوية ماشاف السيارة إلا وهي طايحه على القبه في نص الدوار والحمدلله ماصار فيه شي، يقولك الاخ من الصبح فاضي؛ يالس اجلب في هالجرايد والمجلات والمواقع وحصلت كم تاهو باسعار اوكيه في معارض الشارجه وشكلي باجر بروح اشوف وافحص

خذوا راحتكم شباب مب مشكلة ^_^

سويفت هممم بخبره عنها وبالنسبة لهوندا جاز ويقدر يقارن .. انا قلت عيل هوندا ستي ..

بس احسن عن مستعمل هو مايبغي مستعمل ... تعقد من خذ من فتره نيسان الفتك صرف عليها اكثر عن جيمتها

وباعها ..

انا اول ما شفت الموضوع يت ع بالي السويفت

احسن من اليارس... فنانه وحلوه وايد وتحس فيها كواليتي بس طبعاً التويوتا تكرف اكثر

اسهر معي ليله .. الحين كذا واحد مدحها ... بس اللي مخرب إنها هاتش باك ...

بالعكس


اذا جربت الهاتشباك ما بتحس براحه يوم تسوق غيرها

تحس انك مسيطر عالسياره وتشوف كل شي عدل..

يعني عن تجربه ؟؟؟ زين نقترح عليه