..::و عسى ان تكرهوا شيئاً وهو خيرٌ لكم::..

السلام عليكم ورحمة الله وبركاته

هل صادفكم مره انكم شي ما اتحبوووه وعقب طلع هو الافضل لكم

انا اعرف وحده واايد تياس وبسرعه من كل شي :k_devil2:
عندي ربيعتي كانت اتحب تخصص وكملت فيه 3 سنوات بس نزلت درجاتها واضطرت اتغير
واتخبلت البنت انه حلمها وضاااع مثل ما اتقول:a0360:

انا صارت لي مواقف وايد وقلت لو كلنا نتشارك عشان اذا حد شاف عمره في هالموقف
يعرف انه مب شرط يتعقد ويكره حياته:fa36:

عن نفسي دخلت تخصص ما احبه بس الحين الحمدالله اشوفه واايد حلوو
فقدت ربيعه كنت اظنها كل شي ربي عوضني بوااايدااات وكل وحده اعز عن الثانيه عندي:a074:
وصارت عندي صديقه صدوقه ما ابدلها بالدنيا كلها:inlove:

وايد اشياء شرات جيه

وبس:a042:

وعليكم السلام ورحمة الله وبركاته

الصراحه حاليـا ماتذكر شي.. انه في شي ماعيبني طلع احسن لي.. يمكن هيه اذا من ناحية الاشياء البسيطة جداً.. بس اذا شي كبيـر ومهم لا الحمدالله.. لانه أفكر في الشي ألف مره قبـل لأسويـه.. خصوصاً اذا شي ممكن أندم عليه..

بس عادةً العكس يستوي.. انه شي كنت أتحراه زين لي.. يطلع العكس! واذا من هالناحيـه فـ عندي مئة موقف

ممم عن نفسي صارت لي وايد اشياءات جذه اولها القبول في كلية الجودة الالكترونية الشامله طبعا حضراتهم ما قبلوني مع اني كنت بموت واسجل عندهم زعلت وتحطمت وايد تضايجت بس عقب اتصلوبي جامعة ما كنت حاطتنهم ف البال واستانست وااااااااااااايد

في ايام الوورك بليسمنت كنت مقدم على ثلاث بنوك

ابوظبي الاسلامي
الامارات الاسلامي
الشارقة الاسلامي


و كل هالثلاث بنوك كانت فلللللللل
و انا اصلا كان هدفي اني اشتغل في مجال البنوك

فـ الكلية حطتني في البريد،، و سبحان الله طلع مدير مديري ولد عمي لول
و الحمدلله من خلصت الوورك بليسمنت توظفت عندهم،، طبعا مب في نفس الاداره ويا ولد عمي

و براتب الحمدلله الحمدلله اكثر من الي عرضوه علي في البنك بـ 70% تقريبا


و فعلا عسى ان تكرهوا شيء و هو خير لكم
سالفة البريد وايد كنت مضايج منها و الحين صدددق مستانس هناك

:
.

السلام عليكم ..

ماحبيت أمر عالموضوع من غير تعقيب ..
فـ يزاج الرحمن خير على هالطرح الطيب اختي دانة الواحات ^_^ ..

اممم المواقف كثيره فعلا .. لكن ما يحضرني شيء حاليا ..
ووو باذن الرحمن يكون لي عوده إن شاء ربي ..

:

يزاكم الرحمن خير جميعا ..
وطرح طيب فعلا ..

تقديري ..

:.