اشتقتلك يدي ..

السلام عليكم



في
25\6\1995

رحلت عنا يا يدي

اذكر للحين لما رن التلفون العصر و احنا نلعب
و اذكر عدل صوت خالي و هو يقول عطيني ابوج
اذكر اني حسيت ان في شي
و تميت واقفة عند بابا احاول اسمع شو السالفة
فهمت ان في حد اتوفى
بس ما عرفت منو

.
.

اذكره عدل
اذكر شاله اللي كان يلبسه دوم
و ساعته اللي كانت وياه دوم
و الحلاوة البنية اللي كان يعطينا ياها دووم

.
.

اذكر صوته لما ينادينا
و كنا ما نعبره
و نننخش
و نلعوزه

.
.

رحلت عنا قبل لا نعرف قيمة اليد
ااااااه يا يدي
ياريت لو اقدر ارد الزمن لورا
و اجوفك
و اسولف وياك
و اقولك احبك يا يدي

.
.

اللهم لا اعتراض
بس اشتقتلك حيييل يا يدي
اشتقتلك حييل

صدق الانسان ما يعرف قيمة الشي الا لما يفقده

ما املك شي الا ان ادعيلك
الله يرحمك و يغفر لك يا رب
الله يرحمك

الله يرحمه ويرحم جمييع أمواتنا وأموات المسلميين

صدق يووم حد يروح عنا نحس بقيمته ومكانته !!


الله يرحمه ويصبركم دووم على فراقه






تعرفين متى أصعب وقت في كل سنه يمر علينا ,,؟!

يوم العيد الصبح ,, لما نشووف أبوي وهو طالع بروحه من المسيد !

ونحن ندعي له بالرحمه والمغفره ...

انا ماشفت يداني ... لا من صوب الأم ولا الأبو ... واحد اتوفى قبل ما انولد والثاني اتوفى يوم كنت صغير ومع هذا

ما اذكره ...

:

الله يرحمه .. ويغفر له ..

وعسى مثواه الجنه ..

:

حتى لو غاب عنكم ..

بتم ذكراه ف قلوبكم ..


جان زين لو نقدر نرد الزمن ورا .. !

جان وايد أشيا بنغيرها .. وبنسويها .. وبنقولها !

:fa41:

:

الواحد ما يملك غير انه يدعي لهم بالرحمه ..

=(

هيه والله يا لـــيـــت الزمان يرد

ودّي أشوف يدّاني (أبو و أم أميـه) + (أبـو أبويه)

و أستاااااانس يوم الكل يمدحهم .. و دوم أشوف ناس غرب يصيحون عليهم يوم حد يطريهم

استغرب "لأنهم مب من أهلنا و يصيحون عليهم" و أسألهم ليش تصيحون ؟
يقولون لأنه ما لهم مثيــل ، الكل يمدح طيبتهم و أتمنى لو تمّوا ليــن الحين عشان أشوفهم و أعرف ليش الناس حبّوهم هالكثر :)


الله يرحم يدّج أختيه عفاريتووو و يغفر له و يسكنه فسيح جنّاته

الله يرحمك يا يدّي أحمد و يدّتي شيخة و يدّي علي ='(

الله يرحم أموات المسلمين أجمعين و يسكنهم فسيح جنّــاته ...

عفاريتووو ..

دائما ندعي لمن نحب ..



الله يرحمـه ويغمد روحه الجنة ..

عسى الرحمن يجمعج وياه في الفردوس .. بإذنه ..

اللهـ يرحمهمـ


...

لازم في يوم بنفقد شخص عزيز علينا ..!!

وما أصعب هالشي !!ّ

...

أنا يدي ويدتي (أبوو وأم أبويهـ )

ماعرفهم ولا شايفتنهم

لانهم متوفين يوم أبويهـ كان صغير يعني .. أبويه تيتم وهو صغير !!


...

أما يدي ويدو (أم وأبو أمي ) الله يطول فأعمارهم ,,

ما أتخيل أفقدهم يوووم ^^

اللهـ يحفظهم من كل شر .,

دعيني ألملم الجراح لعلي أستطيع أن أمتلك بعض القوة لأكتب

قالوا [ حزن الموت ] مجرد أزمهـ وتعدي \ ...

وآاانـا .. إلين اليـوم .. أح ـــس الدنيـأآأآأ شي ناقص ـهـا ..

/
\

ربي يرحمه ويجعل مثواه الجنهـ ..
مب بإيدج إلا تدعيله وتتصدقين عنه ..
مرت سنين .. وكل ماتزيد يزيد الشوق .. عكس ما الناس يقولون انه مع الأيام ننسى !
الله يصبرج و يع ـينج ..

وانا مثلج ..
شوقـي لأبويهـ .. ماتتصورينهـ ..
واللي يعور القلب اكثر انهـ توفى فـ أيام العيـد اللي طاف ..
وفـ فترة .. يمكن حوالي 5 من اهلي توفوا !
صدق حزني كان غير .. وصدمتي كانت غير !!
للحين مش مستوعبهـ ان هالانسـأأآأن ماعاد مبينـا ..
صدق الموت شي غريب أكبر من إن "بني آدم" يستوعبهـ ..
ربي يرحمهم جميعـا .. ويكتبلهم الجنهـ ..

الموت راحهـ لأمثالهم .. صدقيني ..

الله يرحمه ويغفر له ..

عليكم السلام

فقد الغالي مو بالشي السهل علينا
أخاف من الموت بطريقه فضيعه

خلال السنه اللي طافت فقدت 4
و ما كان بالشي السهل، كل شهر
و الا اربع شهور فتره صعبه مرت علينا.

ربي يرحم امواتنا و يغفر لهم، و يثبتنا على فرقاهم

يمه فقدتج

قلبتي علينا المواجع