كيف اتصرف مع هالنوع من البشر

بدخل بالموضوع على طوول



ممم
انا الحين منظم مع تكاتف .. وهذي تكاتف تختص بالعمل التطوعي
يمكن لين الحين هذا 3 تطوع معاهم بس انا اثبت وجودي بشغلي
وعلى كثر ما اكرف في الشغل ما اتذمر ولا اقول لا
وبالعكس اقول هل من مزييييد

والحين انا من 3 تطوع امسك ليدر على شباب اقدم عني في تكاتف

والحين تفاجأت ان اكثر الشباب اللي بيكونون معاي باجر واللي انا ليدر عليهم زعلانين
وقاعدين يدورون علي زله عسب يوهقوني
وانا اعرف ان باجر بيسون شي عسب اغلط
بس ثقة الإدارة تخليني اتفائل بشغلي وتخلي ثقتي تزيد

تخيلوا انهم يقولون كييف تخلون واحد بعده ما كمل 3 شهور منظم ليدر ,,
مع ان وانا ليدر بس اشتغل اكثر عنهم
وهم اللي يقعدون ريل على ريل

انا ما يهمني شي دام اني اشتغل صح
بس انهم يشوهون سمعتي جدام الكل
هذا اللي انا ما احبه !!

اصلا اول ما اختاروني ليدر قالولي محمد اتحمل من الشباب
لا تقولهم اي شي ترا وايد مغيضييين ليش انت ليدر !!


والله ان الشغل مع البنات اريح واحسن وانظم من الشغل مع الشباب !!



قولولي
كيف بتصرف مع هالنوع من الشباب !!


................

السلام عليكم والرحمه ..

انا من راييي انك تعطيهم بولابس ما علييييييييييك منهم وكون اقوى منهم وخلك واثق من نفسك ...

ترا هاي الاشكال ما تنعطى ويه مووووووووووووول

والله يوفقك يا محمد ....

والله ان الشغل مع البنات اريح واحسن وانظم من الشغل مع الشباب !!

^
اول مره تقول شي عدل خخ

...

محمد ..

لو تفكر فيها شوي .. بتجوف انه السالفه ماتستاهل ابد والله ..

صح قهر وغصه.. بس خلك انته اقوى .. خلك قد الثقه ..
دامك واثق من عمرك .. لا تخلي هالنوعيه تهزك .. ولو بكلمه او موقف ..!!

هالشي طبيعي عادي .. متعودين عليه نحن بكل مكان وبكل حال ..
لازم يكون شي اكشن .من ( الغيورين ) *
كمل ولا تحاتي .. بالعكس ..اهني لازم تفرض نفسك اكثر بشغلك ..
ولو تكلمهم بعد يكون احسن ..
او انك تكلم احد من الاداره ويتصرف ..
"
"
ليدر ولا غيره .. اهم شي الشغل .. الانتاج ..

لو ماتكون ليدر بعد عادي دامك ثابت عمرك بشغلك ..^

..


لا تكدر عمرك ولا شي .. خلك كوول .. كمل شغلك ولا تهتم ابد .. السالفه عاديه .. فكر فيها شوي وبتعرف هالشي .. وانه هالشي ولا شي بالنسبه للقادم ...



موفق اخوي ..

عــادي تصيــــــر وايــــــــــد ...

شفـت وضع المتطوعين أكثر من مرة، ما يبالهم الا واحد حازم ياي يشتغل ... ما عليك منهم مغيضيين ولا منقهرين ... بالعكس حاول تكسبهم عشان يسمعون كلامك واصلا هم ف الاول والاخير بيسمعون الكلام غصبا عنهم لان هاي شغلتهم ...


وبعدين حلاة تكاتف في الصداقات اللي تصير ... يعني تعرف ناس واايد من خلال شغلك وياهم ، اذا انتوا مب مرتاحين لبعض كيف بيكون شغلكم اصلا !!!! احس كل واحد قاعد يشتغل بدون نفس وانه خلاص انا سويت اللي علي شو تبون أكثر ....

اثبـت وجودك ولا عليــك من حد .... على فكــرة وايـد يهتمـون بالمجتهدين ويقدرونهم والدليل الحين انهم خلوك ليدر مع انك يديد وياهم ....

أهم شيء لا تخلي حد يكرهـك .... مب من صالحـك أصلا ... انت بروحك ما بتكون مرتاح ... يعني اذا كانوا يحبونك ويقدرونك انت بتحب المكان اكثر وبيكون عطاءك أحسن وأفضل ..


وربي يوفقكم ...

الله يعينك

حاول تكسبـهم ومن هناك بيحترمونك وبيعرفون انك انت فعلا تستحق تكون ليدر.. واذا ماشي فايده سولهم طاف.. لانه ماتروم ترضي الكل

السلام عليكم..

الله يكون في عونك ان شاء الله ..

وبقولك شي.. ارضاء الناس غايه لا تدرك..

اللي عليك انك اتأدي شغلك على أكمل ويه.. ولا تضغط على حد منهم عشان لا يكرهونك زياده..

كون دايماً مبتسم و حافظ على أعصابك..

حاول تمدح شغلهم و تشكرهم بين كل فتره ..

و اتذكر انه شغلك تطوعي.. و أجرك على الله .. فلا تخسر الاجر على ناس حقوده..

..

و ان شاء الله .. بيونك و كلهم احترام لشخصك..

موفق ان شاء الله .. والله يجزيك كل خير..

السلام عليكم ..

"مجموعة إنسان"

عشان تعرف الفرق بين شباب بوظبي وشباب باقي الامارات اللي تعاملت وياهم قبل (جست
سوالف) مابزيد على كلام الاخوات بس حاول تكون مرن يعني
لاتكون يابس فتكسر ولا تكون
لين فتعصر

الاســـطـــوري
أخوكم

السلام عـليكم ؛

شرات ما قال الأسطوري لا تكون لين فتعصر ولا يابس فتـكسـر ؛ كـمل أداء شغلك بنفس الهمـه والنشاط وحاول اتركـز الحين أكـثر بعد ما استويت ليدر وما علـيك من الكلام والافعال المهبطـه ؛ سوو اللي عليك بكل تفانـي ولا تخلي رمستهم اتأثر على عزيمـتك وكون معاهم دايماً وبعدين روحهم راح يعرفون انك تستاهل هالمنصب وكنت جدير فـيه لو هم أقـدم منك :k_smile2:

لا تقهر عمرك ولا اتحاتي دام شي ناس اتـقدر حواليك وانت اتسو هذا كله لأجل الخير وكسب الأجر ربك ما بيضيع اجرك ودومه معاك :thumbup1:

دووسهم في بطوونهم

الله يسلمك


مااقول غير: انا ما احتمل النتايج
حط في بالك انك في عمل تطوعي و ربك فوق ,,هو ادرى بالنفوس و النوايا

^
^

عفواً اخوي الفارس
تدخل بسيط عشان ما يصير سوء فهم ان شاء الله

الاخ مجموعة انسان
تكلم في الفقرة الاخيره عن "شباب ابوظبي" لكن انا مسحتها
عشان كذا اخونا الاسطوري تطرق للموضوع ..

عوااافي
أختكم :smile:

.
.

شي طبيعي مابتروم تواجهم!

هم مب متقبلينك كـ ليدر لانهم عاطين اولوية القياده للي انضمو فالبدايه "حتى لو هم مايشتغلون" !

لوكنت في مكانك جان جاريتهم في طلعاتهم ووناستهم علشان يودونك
صدقني اول مابيعزونك وبيحبونك مابيغارون منك ان شاء الله :) بالعكس بيكونون وياك

الشطاره بتكون عاد في كيف بتتقرب منهم :)

شوف شو اهتماماتهم ..........

بعدما تعاملت وياهم في التطوع الأخير حسيتهم عادي وياي كوني ماحتك فيهم وايد، يمكن هي فئة
بس اللي انت تحس بحساسيه في التعامل وياهم (بو الاحمر) اما الباقين ماشاء الله
عليهم سوالف كلهم وحتى لو صار سوء تفاهم ممكن ينحل في
نفس اللحظة دام النفوس صافيه، أتمنى لك
أيام حلوه وياهم في الصيف
:yes: