عفواً ، هـل أنت " برصيص " !!؟

سلام عليكم جميعـــا :nerd:

:vertag: أعتقـد العنوان شد أنتباهكم شوي =P عسب كلمة برصيص قويه شوي ، بس ليش صدق وايد ناس اتحب اتكـود بيزاتها وخصوصا بسبب الغلاء :k_icon9: عشان البترول ( :whistling: حتى اليهال قاموا يعرفون ان الاسعار مرتفعه بسبة البترول ) :fa43: هوه اصلا في حد ما حس بهالغلاء .. اوه عفوا يالسين نتكلم عن الـ " برصيص " .

زين .. عشان نكتشف اذا انت كنت برصيص ولا لا !! ( فكرت بكذا سؤال ) ولازم تعترفون صراحة .

:crosseyed: هل خصصت قسم من بيزاتك لأمك وأبوك بشكل شهري ؟؟

:whistling: تصرف على اخوانك لصغار ؟؟

:yes: هل اتساهم في شراء احتياجات واغراض البيت ؟؟

:k_icon9: كفلت يتيتم ؟؟

تتصدق على الاقل فالاسبوع مره ؟

يوم اتسوق سيارة اهلك تترس السياره بترول ( :k_special2: وإلا ترجعها البيت " خالية الوفاض ؟ " )

تعزم ربعك ع مطعم ع حسابك ؟؟

:whistling: تعطي بيزات للعامل إلي يدز العربانه في الجمعيه ؟؟

إذا ما كنت اتسوي ولا شي من هالاشيا فأنت " برصيص " 100 % :h_qor9anah: ويبالك مخمه ع راسك .. :8: بس اذ سويتهم كلهم إنته شخص كريم .. بس اذا 50 - 50 :k_special2: أنصحك بأنك تحاول تتوسع وتحاول تكون كريم ( يالبخيل :k_icon28: ) .

طبعا انا هنه اتكلم بشكل عام وما استخدمت أي تفاصيل او معلومات محدده .


:9: حببت اقلل نسبة البخل في المجتمع :fa56: من هالموضوع .. ثانكس عالحضور .

ولا تنسون إن تواجدكم بحلّي الموضوع وبيخلّيه ( حلوى إماراتيه :a014: ) هيهيهي ..

عليكم السلام و رحمة الله وبركاته
من طول الغيبات جاب الغنايم

أنت شكلك منقرص و جاي تفضفض، بس تدري عندنا
و عندكم خير. أنا من الـ list اللي حطيته أسوي خمس أشيا

عن جد أنا أستحي يوم هم يتبرصصون<<عيبتني على عمارهم، صحيح
قال تعالى (إن المبذرين كانوا إخوان الشياطيين) بس قال (و لا تجعل يدك مغلولة إلى عنقك).

تسلم عـ الطرح

:fa47: ختيـــه مزن مشكووووووره عالتواجد والمشاركه .. واكيد هيه قيمه بذكر آيات الله تعالى ..

وتعرفين اتذكرت سالفـــه ..

ربي يطول في عمرج هذا محامي مادري قاضي عربي لكني مش متأكد من ديانته لكــن حاط لافته على يدار المكتب " ادفع بالتي هي أحسن " صاحبنا هذا فاهم الآيه عكس ما هيه مذكوره فالقرآن الكريم .. هوه قصده ان الزباين او إلي يتعاملون وياه يدفعون له بيزات .
بس تفسير الآيه بثلاثة أقوال ( من أقوال العلماء ) :
الأول : ادفع بالإغضاء والصفح إساءة المسيء .
الثاني : ادفع المنكر بالموعظة الحسنة .
الثالث : ادفع سيئتك بالحسنة بعدها .

القصد مثل ما تفضلتي ان الواحد لازم ما يشوف شي ويترك شي آخر (إن المبذرين كانوا إخوان الشياطيين) :14: عشان ما نكون نفس صاحبنا العربي .

:2: وثانكس عالمرور .

:
.

وعليكم السلام جميعا ^_^ ..

اممم حبيت أضيف شغله بسيطه ألا وهي أهمية مقصد طرحك أخي ..
والآيات حيال هذا الموضوع كثييـــــــــــرةُ عظيمه ..

فـ كثر هم من تناسى إثم الاسراف وسوء أثره على المعني نفسه قبل لايكون عالغير بشكل ما .. . !
وكثر هم كذلك من قبض كفه بحجة الاقتصاد مبالغا .. مخافة الاسراف او لحاجة ما بنفس يعقوب يبغيها لأجل مسمى .. . !

هي قضية نقع جميعنا بأحد كفيها بحين أو بآخر .. ولا بد ..
كما أنها علة تتملكنا أحينا نتاج سوء آخر وقعنا به والنفس غافله .. . !

أتمنى ممن مر من هنا استشعار الكلمه وتلبية حاجة الطرح ..
من محاسبة النفس واختبارها ما إن كانت قد رجحت كفة دون الأخرى ..

أم أنها أصابت الموازنة فبارك الرحمن بخيرها ..

:

موفق أخي بوسنيده دوما ..
وجزاك الرحمن طيب المنزل وخيرا فوق ما أكرمك به .. وزياده .. !

احترامي وتقديري ..
اختك أنامل قلب ..

:.

اخ لااااااااااااااااااااه اكره شيء عندي في هالدنيا الخبل !!!


ما اداني هالطبع ابداً ابداً ابداً :k_santa_1::k_santa_1:

ولي مواقف كثيره ويا ناس بخلاااااااااااااااااااااا ااااااا والمشكله اني يوم اكون وياهم في مكان وابا استانس واطلع واكل .... كل شيء يطيح على راسي

بزيدك بعض الحركات اللي ممكن تدلك على البرصيص :5:

يوم توقف عند الكاشير في أي مكان ..أو حتى تكونون في مطعم أو كوفي .... وايي الجرسون مع الفاتوره ... يتم يتعلث .. بأحد العلث

يدور البوك ,,,,,أو ينشغل في تيلفون ....

والعذر السخيف ما عندي كاش .... على بابا يا ماما !!! :k_smartass:


اكره هالطبع وايد ..من الخاطر .... وخل يقولون عني مبذره ما يهمني ....شوخانة الفلوس إذا ما استمتعت فيها ....


بوسنيدة...انا اطبق كل النقاط اللي ذكرتها ولله الحمد ..شاكره لك موضوعك القيم ... :wink:

:12: ختيه أنامل قلب ..

:icecream: ان الاضافه التي قمتي بكتابتها جميله حيث أنها تتصف او تعبر عن معنى وقيمة " الموازنه " بين الإسراف والتبذير .. جميل ان نوازن وجميل ان لا نوازن ايضا !! كيف ؟؟ يعني لا نوازن بين الكرم والبخــــل .. أفضـل ان اكون كريـم جدا جدا جدا بلا حدود على أن تشملني صفة البخل بين بقية الصفات .

:love2: شكرا على التواجد والمشاركه :yes:

وعليكم السلام ورحمة الله وبركاته ..

توني أعرف انه معنى برصيص هو بخيل :biggrin:

معلومه يديده .. يزاك الله خير ..

:fa56:

::

بالنسبه لي .. أكره صفه عندي هي البخل .. :boxed:

ما أدانيها خير شر ..

وقايله لهم أول شي تسألونه عن الريال من عقب أخلاقه .. اذا يا وتقدم

اذا كان بخيل ولالا !!

بالنسبه لأسئلتك .. :h_daleel:

الحمدلله أعطي الوالده مبلغ من راتبي .. وشارين موتر حق أبويه ..

وأدفع نصيبي من القسط حقه ..


ودوم نسير الجمعيه نشتري أغراض حق البيت وجيه .. وما أخليهم يدفعون

يعني اذا كنت وياهم .. أنا اللي ادفع !


بالنسبه لكفالة اليتيم والصدقه .. الواحد ما يعلن .. عسب ما يضيع أجره ..

والله أنا ما أسوق سياره ..

بس يوم اكون مع اخواني وخواتي مثلا .. ويوقفون يعبون بترول ..

أدفع عنهم أحيانا .. :m_9afgah:


وعن العزايم .. حدث ولا حرج

دوم اعزم خواتي واخواني ع العشا ولا الغدا برع ..

وادفع عن الريوق في الدوام كل يوم .. وايد مدلعتنهم :m_afaker:


ودوم أشتري حق اختي واخواني اللي اصغر عني أغراض وجيه ..

اتلوم فيهم يوم اسوي شوبنغ .. :9: لازم آخذ لهم شي .. أحس بالذنب لوووول


:

ف الحمدلله ما أحس عمري مول بخيله ..

بس أحياناً أحس عمري مبذره ..

:9:

يعني أشتري أشيا مالها داعي ..

ما أستخدمها ولا ألبسها ..

واتطيح ف جبدي ..

وأفتقر لين آخر الشهر :biggrin:

بس بحاول ان شاءالله اني أسوي كنترول على عمري ..

خلاص حالتي الماديه زفته لوووووول :biggrin:

^

خيتو ملاك الروح ..
انا متأكده ان المعرس بيعترفلج ابـ بخله في حال كان كذلك ><"

الله يغربل ابليسج ضحكتيني .. قعدت اتخيل الموقف :/

:

أخوي الطيب بوسنيده ..
ومن منا لا يحب أن يكون كريما كما لا موازنة هنا ..

الموازنة بين "ذنب التبذير" و"ذنب البخل" ..
وبرأيي الذنب الأول أسوأ من ناحية عدم استشعار المرء لوقوعه به ..
وبأنه محاسب على ما أنفق وكيف أنفق بيوم ما .. . !
+ على عكس البخيل اللي أحسبه مدرك لعلته ولو بقدر بسيط .. . !


مادري اذا النقطه اوصلت .. لكن أتمنى ذلك ^_^ ..

واحترامي دائم لجهودك أخي ..

:.

:

:

أنامل ..


ما عليج بيسألون عنه وبيفصفصوووونه هلي قبل :biggrin:

كله كوم والبخل كوم ثاني .. :d014:

بس المشكله اني انا ما بتعامل معاه الا عقب الملجه

يعني عقب ما الفاس تكون طايحه في الراس :boxed:

ف اخاف انصدم فيه عقب ..

لا ماااااااااابااااااااااااا اا :shocked:

:


الموازنة بين "ذنب التبذير" و"ذنب البخل" ..
وبرأيي الذنب الأول أسوأ من ناحية عدم استشعار المرء لوقوعه به ..
وبأنه محاسب على ما أنفق وكيف أنفق بيوم ما .. . !
+ على عكس البخيل اللي أحسبه مدرك لعلته ولو بقدر بسيط .. . !



:fa42::fa42::fa42::fa42::fa42::fa42::fa42:

السلام عليكم ورحمة الله وبركاته *_*

الصراحه ما كنت ناويه ارد بس شفت اشياء خلتني ارد *_*


هل خصصت قسم من بيزاتك لأمك وأبوك بشكل شهري ؟؟
طبعا اكيد

تصرف على اخوانك لصغار ؟؟
يس راس مالي آخر العنقود دلوع البيت مطوعنا فديته

هل اتساهم في شراء احتياجات واغراض البيت ؟؟
مصروف الوالده + البيت يعني بشكل عام

كفلت يتيتم ؟؟
عمل الخير ما يتكلمون عنه

تتصدق على الاقل فالاسبوع مره ؟
عمل الخير ما يتكلمون عنه

يوم اتسوق سيارة اهلك تترس السياره بترول ( وإلا ترجعها البيت " خالية الوفاض ؟ " )

ع حسب السياره اذا الصالون فل لكن لو الاستيشن 50 بس *_*

تعزم ربعك ع مطعم ع حسابك ؟؟
يس
تعطي بيزات للعامل إلي يدز العربانه في الجمعيه ؟؟

لا وما اسمح لاي حد اكون وياه يعطيهم لان هذا جزء من شغله مش تبرصص ع قولتك *_*