خبراء ألمانيا

السلام عليكم

كيف الحال ؟؟

بما إنه الصيف قرب .. اكيد الواحد بدأ يفكر وين يسافر، وفي ناس ماشاء الله، يسيرون بلدان

معينه كل سنه ... بس ربيعي اليوم قال أبغي أزور ألمانيا، ماتعرف شي عنها، أو عن الشقق ..

ويبغي يعرف كل شي، يبغي يودي هله ... لمدة اسبوعين ... :k_blush-anim-cl:


قلت له فالك طيب وبسأل لك، لأنه تذكرت الواحات يوم كان يكلمني :a049:

يعني تقدرون تقولون رحلة اقتصاديه، بس هاي ما تركب رحلة اقتصاديه ..

بمعنى أصح .. يبغي يزورها ويخاف من المصرف، فيبغي ترتيب حلو، وهيه صح كان ينشد عن اسعار

التذاكر، بس هنيه يقدر يسأل السفريات ..

عن اسعار التذاكر
جان يبا يسافر الحين سعر التذكره من 3500 لين 4000
اما في الصيف الاسعار بترتفع لين 6500- 7000

بنت الدلع يعني التذاكر بس يباله 20 ألف على جيه ...

على العموم أنا مابقوله لاتسير، بس أقوله عن الأسعار، وعقب هو يقرر

انزين خله يحجز من الحين ارخص

صح كلامج في ناس تحجز قبل بشهرين عسب فرق السعر، لكن أتريا ردود أكثر عسب أخبره،

ده كان زمان .. :biggrin:
انك تحجز من قبل ويكون ارخص الحين لأ .. :smile2:
نفس السعر على اساس انته تاخذ تذكره في الـ High Season .. :d014:
بس الفرق انك في الصيف صعب اتحصل حجز .. والحين اتحصل بسرعه ..
وعندك وقت تضرب ويزه لأنه الويزه هاي روحها سالفه ..
( تأمين صحي + كشف حسابك + حجوزات مدفوعه للتذاكر والسكن ) وتاخذ وقت لين تطلع :whistling:
قبل كان على الأقل تاخذ اسبوعين احين ما اعرف .. :k_icon9:

مشكور مايهزك ريح، هو اليوم رد فتح الموضوع، بس انا مابغي اعطيه كاش في الويه، وأقوله شو تبابها ولاتسير

مب حلوه الواحد يتدخل، حتى لو هو طلب مني فكره عنها ...

هيه صح مايهزك ريح
الفيزه يباااالها وقت الله يبحصهم
اخر شي الي سمعته انها تاخذ شهر !!!!

لو الواحد مقرر من قبل إنه بيسير، يقدر من الحين يزهب الويزه ...

وشي ويزة اوربا ...

هيه ياخذ الشنجن فيزا .. يقدر يحوط في اوروبا كلها ( 11 دوله تقريبا بدون سويسرا و بريطانيا )

وتختار المدة اللي تباها أظن :look:

^ عن الفيزا هم غالبا يعطون حق 5 سنوات بس انه ماتم اكثر عن 3 شهور

و سويسرا بعد يقدرون يدخلونها بالشنجن دام انها مب اول محطة
كل سنة اسيرلها بالشنجن ما كانوا يقولون شي

محد يعرف عنها،

لأنه رد يسألني،، مادري ليش مصر يسألني، قلت له شوف مكاتب السياحة

بس لو عندكم فكره لاتبخلون علينا

وين بيسيرون في المانيا ؟ ميونخ ؟

و يبون شقة في المدينة ولا في القرى ؟

هو روحه مايعرف ميونخ وإلا غيرها، بس هو قال مايبغي يسكن في فندق، ولو ميونخ ومنطقة ثانيه

سهل إنه ينتقل لها، مب مشكلة ..

أو إذا في ترتيب، من ميونخ ويرد ميونخ مافي مشكلة، بس يبغي يعرف وين يسير، وشو المناطق المعروفة

واللي الواحد يستاهل يزورها ...