يمه في غيابج شكلي يكسر الخاطر ودمعي مثل المزن منهمر ودايم يسيل أسهى وتخنقني العبرة وانكسر مثل طفل صغير ........
أحضن الصورة القديمة وأجلس بدارج وحيد أجمع شتاتي منذهل مدري وين ألقى مثلج بديل وأنتي دنيا فيها دنيا أكبر من العالم الكبير .......
شفتي ذاك الفرح يوم موتج أصبح بداخلي مثل الأسير القيد يذبحه واللقاء ما لي به نصيب ودي أركض لآخر سنين العمر وأحضن الوجه الضحوك .......
ودي أتكلم ودي أقول ودي لج أعبر عن مدى شوقي وحبي وذاك الحنين ودي يا يمه أصرخ بأعلى صوتي وأقول وينها أمي وين راحت عني وشلون أمي تتركني وحيد .......
ودي يا يمه أصدق واستوعب الغياب اللي جرى بس أنا لازال عندي أمل ودي مثل أول تسألني وأحلف لج والله يايمه صليت اسألي خالد رفجي اسألي عثمان أو عمر .......
وأنتي والله فدوة لهم تروحين أنتي أمي يا بعد عيني وعيني شوقها لج شوق الضرير للنور وللسماء للطير وللغصن الرطيب أحلم وحلمي ساعة فيها أجلس عند رجلج والخفوق اللي تعرفين .......
يمه يمه يمه والله ضايق وفيني تعب ودي أحضن أحلامي وأطير يمه يمه يمه حالتي في خطر وضيقتي في تزايد مستمر ......
يمه تدرين من يغطيني وتدرين من يدرسني وحدي يا يمه وأسمي من بعد عينج يتيم أسمي هذا اسمي الجديد وعنواني الحزن شارع الكآبة منزل اليتيم .
يمه في صلاتي أذكرج في دعائي في منامي في حياتي يمه يمه يمه ما يرد إلا الصدى يمه يمه يمه ......
