نوكيا 6110 navigator

السلام عليكم

شحالكم جميعا :woot:

عندي نوكيا 6110 النافيجيتر ..
http://www.mobile-review.com/review/...p_image010.jpg

وكل شي فيه اوكيه .. لكن خاصية النافيجيتر ما يشتغل عندي .. سويت كل اللي مطلوب لكن مافي فايده .. تطلع لي خريطة الدوله وفيها اسماء الامارات .. لكن الشوارع والطرق ما تظهرلي .. ويوم اسوي تكبير لـ مدينة دبي .. يقول لي ( لا تتوفر هذه الخريطه الامارات العربيه المتحده . الذهاب الى Route 66 store ) ويوم ادق ( متجر ) يقول لي ( خطأ في الاتصال ) :sad:

شو السالفه؟؟؟

ممكن مساعده ؟؟ :7:

اختكم
نجمة دبي

الحل إنج تسيرين أقرب شيشة بترول وتصبين عليه شوي وتولعيين فييه لوول

والله ما دري شو سالفته تيلفونج .. بس لو توديينه الضمااان أحسن ...
يمكن يباله سوفت وير يديد ولا شي من هالقبيل ...

لأن عندنا وااحد وما شاء الله عليه شغاال وما يقول لاا ... وحركاات ف البر عااد .. نسييف البقعة إلي نيلس فيها عسب ما نضيييع ... اونه عااد ...

بسألج ختيه عدها شراته
دومها مشغلتنه يوم نطلع
برع دبي

حتى يظهر لج اي شي قريب عليج
شرات المسايد و الا الاستراحات

المشكله ان التلفون يديد ما كمل 5 ايام :(

الخريطه مش كامله عندج في التيلفون لازم تنزلين الخريطه كامله .. لو عندج وايرليس بالبيت اشبكيه بالواير ليس ونزلي الخريطه كامله..

بوضح لج اكثر.. افتحي الخريطه وعقب روحي عند شبكات واختاري الواير ليس وعقب افتحي الخريطه وطلعي كل الشوارع وجي

نجمة اهو لين يحدد لج الموقع اللي انتِ
فيه او اللي حددتيه ياخذ وقت شوي

يمكن ما يظهر المكان لأنه الموقع
يمكن مش الامارات، ماعرف شلون
اوضح، ختيه كان يصير لها نفس
الشي لأنه كان الموقع اول ما تفتح
الخريطه السعوديه لين كان تختار
دبي ما يظهر لها شي لين ما خلته الامارات

اخوي خيال الحب:
بجرب طريقتك الحينه ^_^




الغاليه مزن هتان:
يوم اسوي سيرج عالشوارع والمطاعم ..الخ .. الاحظ ان هالامكان كلها في السعوديه


لي عوده بعد قليل

يقول لي لازم انزل الخريطه من ( الخرائط )
ويوم اسير هناك .. يقول لي لازم انزل الخريطه من المتجر ( Route 66 store ) لكن يوم ادق عليه يقول لي خطأ في الاتصال
هل لازم يكون ظاهر لي 3g عسب اروم انزل الخرائط؟؟

لما اشتريتي التيلفون ما كان وياه cd route 66

سيري عند المحل وبضمانه عدليه خيوو احيانا هذول يوم ايطلعون تيلفون في السوق السوفت وير مب مضبوط فعسب جيه يطلع فيه خلل
روحي الدكان وخله يعدله لج

اقتباس:

---

المشاركة الأصلية كتبت بواسطة خيال الحب

لما اشتريتي التيلفون ما كان وياه cd route 66

---

امبلى موجود وشغلت السي دي .. لكن ما استوى شي .. بس نزل لي برنامج نوكيا :wow:

اقتباس:

---

المشاركة الأصلية كتبت بواسطة ايه احبك

سيري عند المحل وبضمانه عدليه خيوو احيانا هذول يوم ايطلعون تيلفون في السوق السوفت وير مب مضبوط فعسب جيه يطلع فيه خلل
روحي الدكان وخله يعدله لج

---

وانا بعد جي افكر .. اني اوديه المحل وهم يسوونه لي :fa56:

البارحه بالغلط دقيت على فص النافيجيتر
وجان اكتشف انه شغال
كيف جي يشتغل بروحه لووووول

والله ان هالتلفون مينون خخخخخ