انتيرير ديزاين .. ممكن مساعدتكم؟!

السلاام عليكم ورحمة الله وبركاته



شحالكم؟
الموضوع بختصار اني ابا اغير غرفتي 180 درجة..
وابا مساعده منكم !

شغـّلوا لي خيالكم وبعطيكم مقاسات لغرفتي ورسم لها....!

وراورني ابداعاتكم..


:inlove:

انا روحي ابغي اتحول وابغي شي حلو وزين لو الموضوع بيساعدنا مع إنه في موضوع ثاني يتكلم عن البيت

المهم

في موقع بنفس الاسم

www.interiordesign.net

تسلم اخوي المزوحي ع الموقع..
بس احلى لما يكون موضوع مفتوح وأسمع آراء ..
ومثلا ً يعطوني اسماء لمحلات ممكن اتعامل وياها ,,

المهم ها تخطيط لغرفتيه :a068:

http://oasis.bindubai.com/bin/upload...1203855770.jpg

ابا اغيرها كلها..
حتى الحمام "عزكم الله"

نصيييييحه
اذا بتلونين حجرتج.. لاتصبغينها لون غامج.. اختاري ألوان فاتحه..

ماشاء الله راسمه التخطيط بالاوتوكاد

طلعتي خطيره P:

أمطار

لو تشوفين صور غرف نوم الفنادق أحس بتقدرين تكونين فكرة

شوفي هالموقع


http://www.kiwicollection.com/search/WOW=checked/

:fa35:

اختاري البلاد اللى تبينها و عقب بتحصلين عاليمين مكتوب style

ترومين تحددين منه الستايل اللى يعيبج modern ولا traditional .. الخ P:

شمعة أمل ..
أكييييييييييييييد ما بصبغها بغامج!
أصلاً الحينه كلها غامجه ومسببتلي اكتئاب . . .

:k_special2:

راعي الزعامه ..
أي اوتوكاد :a068:..
نحن مستوانا نرسم بالpaint وبس!

وحي قلمي ..
ثـــااانكـــس غلاي ..
وااااااايد حلوة الغرف ، صدق يبتي هالموقع ع العوق ..

:inlove:

يلا شغـّلوا مخيلتكم..
وين أحط الشبرية والكراسي والتسريحة و وو ...إلخ .
شو الألوان اللي أدخلهم في الغرفة....
!

انزين حطي صورتها الحالية ...

عشان نشوف شو لازم يتغير وشو ممكن يتم مثل ما هو

^_^

أنا تخيلت حجرتج جذيه

الشبريه بين إضاءتين النوم

و الدرايش ماشي جدامهن غير الكراسي

بطريقة أنج يوم تيلسين عالكرسي تكون الدريشه على يمينج ولا يسارج

بس المهم أنه الدرايش ما يتغطن بالأثاث عشان تكون الحجره منوره فالنهار.. هذا رايي الشخصي

و التسريحه الصوب الثاني.. الجهة اللى مجابله الدرايش

ولا ترومين تحطينها بعد فالزاوية.. عدال الشبرية

و نصيحه.. خففي الأثاث قد ما تقدرين فالحجرة

الحجرة اللى فيها وايد أغراض تيب الاكتئاب و ما ترومين تمشين فيها بعد :fa46:

.
.

:fa35:

انا في رايي طاولة التسريحه ماتحطينها في الغرفه

حاولي تسوين رفوف على اطراف المغسله في الحمام و مرايا عوده فوق المغسله و تركبيم مرايا الدويريه اللي تتركب على اليدار او اي شي اللي فيها ليت للتكبير و جذا تركبينها بعد حق اونه حق المكياج خخخخخ

انزين و على اساس تحطين العطور و الكريمات و هالسوالف كلها في هالرفوف و بعد تحطين الفوط و سوالف خاصه بعد

و في غرفتج تحطين السرير بين ليتات النوم......و تعلقين فوق السرير لوحه جميله و جدام سريرج تحطين هالكرسي اللي اي طوالي شرات هذا بس هذا شكله جامد شوي ماحصلت صوره ثانيه بس احلى هاللي ايي على شكل منحنى على الاطراف دلع اكثر يعني

http://oasis.bindubai.com/bin/upload...1203954789.jpg



و عالدرايش تسوين ستاره جميله و انيقه و إليقون (^_^) و لو تبين تحطين جدام الستاره مندوس حلو او صندوق تحطين فيه اغراضج الخاصه اي شي و يكون شكله حلو يعني

و التلفزيون او الكمبيوتر او طاولة المكتب تحطينهم على اليدار اللي جدام الدرايش

______________________________________________

عندي فكره ثانيه....

انج تحطين السرير على اليدار اللي جدام الدرايش (و تصبغين الجدار اللي حاطه عليه سريرج لون انتي تحبينه مع تجات حلوه يعني مب صبغ عادي صبغ يكون فيه حركات)

و تحطين هالكرسي الطويل بين الليتين مال النوم و تعلقين لوحه جميله انيقه

و وين جدار الحمام حذا الدرايش مناك تحطين طاوله و تعلقين فوق الطاوله ديكور حلو شرات مكان الشمع و من هالسوالف جذا اثنينه تحطين واحد فوق يمين و الثاني تحته بس على يسار شوي


بس هاللي قدرت عليه

شو رايج ايي عندج مب احسن؟ خخخخخخ

وايد متحمسه

يالله بالتوفيق

و سامحيني عالقصور

و لا تنسين تحطين زوليه حلوه جدام الكرسي الطوالي عسب يوم تسوين منكير و بدكير مناك تحطين الاغراض خخخخخخ اسولف

(^_^)

...

الساحره ..
تسلمين غلاي ، بس صعب أحط صورة لغرفتيه !
اباج تتخيلينها غرفة خــالية من كل شي ويدرانها بيضا..
وأبا أثثها من الزيرو . . .!

وحي قلمي ..
ترتيب غرفتي الحالي نفس الكلام اللي قلتي عليه..
بس ع الزاوية مكتبي اللي فيه الـPC !


عمة العيم
وااااااااااايد حلوه افكاااارج ..
اقووول ترا عازمتنج تعااااالي وياي..
ولا أمر عليج نسير السوق وأشتري ليه أثاث بالمره ^_^

وااايد حبيت فكرة التسريحه وانها تكون ف الحمام..
بس صعب لما يكون حد وياج بالغرفة!!
مثلاً لو بغيت اتعدل قبل دوامي وهو يبا يتسبح قبل ما يطلع لشغله الصبح .. بتستوي عفسه!
بس بشكل عام افكااارج تجنن ..

تسلمين يا قلبي..
وثانكس جميعاً على جهودكم !

بس شكلي لازم امر محلات الاثاث وآخذ لي منهم شوية أفكار بعد ..
^_^


أتريا بعد آرائكم

امطار ياقلبي
عادي سوي مكان الدش و المرحاض مكان مسكر يعني حتى عشان الحمام ماينترس بالماي وقت السبوح
شرات الفنادق جذا الدش و المرحاض روحهم مسكرين

افا عليج انا وياج انت يبس آآآمري خخخ

(^_^)
...