العيد .. ام .. الكريسمس ؟؟؟

السلام عليكم ورحمة الله وبركاته..

اشحالكم يالاعضاء..:fa41: وحشتوني

ياترى كيف كان العيد وياكم ؟؟؟ والعيديه(تراني حصلت عيديه) رغم اني عيزت :h_negab: بس كان شعور حلو الصراحة (حصلت 100 :k_harhar1:)

المهم ،، يوم العيد انطرح موضوع جدا جميل ومهم في الامارات اليوم :: في هالرابط بتحصلونه واعتقد ان الكل مر عليه ...
[web]http://213.132.44.184/emaratalyoumnew/Default.aspx?selpg=831&selDt=12/19/2007&BMode=100[/web]

حبيت اشارككم بعض المقترحات اللي ان شاء الله يكون لعا صدى كبير وفعال بالنسبه لكيفية الاحتفال بمظاهر العيد في المراكز التجاريه ،، مقارنة بمظاهر الاحتفالات بالكريسمس اللي مايمت الى مجتعنا وديننا بصله :: لكن للاسف الشديد ان الاجانب قدروا يتفوقون علينا ويفرضون عاداتهم علينا وبقوه ... ومايفوتنا ان الاطفال ينجذبون لهالنوع من الاحتفتلات والهدايا لانها تتميز بالالوان الجذابه والهدايا الملفته...


شو هو الاقتراح اللي تقترحه (عشان انحسس عيالنا بجو العيد)::

رمضان::
عيد الفطر::
عيد الاضحى::

عني انا ،، انصح بتكبيرات العيد في المراكز ابتداء من يوم عرفه مثلا.. اتخيلوا الموقف :thumbup1: احس انه حلو على الاقل انعلم عيالنا السنه من خلال التكبيرات.. ونفرض جونا على الاجانب


:k_smile2: حابه اشوف مقترحاتكم :: احس عندكم افكار حلوه ممكن نستفيد منها

صباح الورد اختي لبن



بصراحه اللي نشوفه هاليومين في المراكز شيء ما ينسكت عنه :bash: الكريسمس والnew year اكثر عن أعيادنا


في بعض المراكز ما انكر تكون في فعاليات في شهر رمضان ... بس الاعياد الثانيه ولا شيء


حبيت فكرة ا لتكبير اختي :k_smartass:

وممكن تكون توزيعات مثلاً ورود أو حلاوه على زوار المكان ..عروض في هاليوم واشياء من الثراث مثل الحناء .... ممممم بفكر اكثر وبرد اشارك


تسلمين عزيزتي على هالموضوع

* انا اوافقج الراي صح لازم في المراكز يحطون هالتكبيرات اسمها التلبيه

وايد حلو بيكون و عيالنا بيتعلمون و هالشي بيترسخ في عقولهم و نفوسهم

و* بعد ليش المحلات او الحدائق مايوزعون شي بمسمى (العيديه) هدايا بسيطه جداً ماتكلف

مثل اي شي يكون مثلا نفرض محل شووو ياربي نقول محل شرات (عبدالصمد القرشي) ليش مايوزعون عالصغاريه اللي يدشون المحل او اي مكان يعطونهم سامبل من العطور اللي عندهم او مناديل او حلاوه لانهم اطفال اي شي يكون عيديه... مكتوب عليها اسم المحل (بيفرحون الصغاريه و في نفس الوقت دعايه لهم)

و * يتني فكره لعيد الاضحى.....ليش مايسوون شخصيه كرتونيه لخروف (يسوون خروف مجكنم) و بعد شرات ما يتفننون باشجار الكرسمس.......زليش مايسوون نخل حقنا و بعد مجسم للكعبه بشكل كرتوني حلو و راقي انا في بالي شكل او تصميم بصراحه و الحينه برسم و براويكم.....

* في وااااااااااااايد افكار بس نبا حد يسمعنا و يسووونها لو مررررره


اخخخ يالقهر
عصبت عصبت


يلا بروح ارسم انا

لبنوووه اشكرج عالموضوع الكميل
^_^
...

شو رايكم في السوبر عموووه

تفضلوا

http://oasis.bindubai.com/bin/showth...351#post542351

ما شاء الله عليج عمة العيم ... ما تضيعين وقت ..

يعطيج ألف عافيه حلوه فكرة المجسم ... :inlove:

هاي الشيره المعفنه في الفستفال ستي من قبل العيد بكم يوم مسوينها اسميني مقهوره منها وتمنيت انها تحترق بس قلت حرام الناس الي في المول مايستاهلون ...

المهم الي بدينا انلاحظه وبشكل فضيع الاهتمام باعياد هالكفار ومناسباتهموالسبب بيقولون لج والله هاييل يخدمون بلادنا ومستفيدين من خبراتهم لازم انحسسهم بالحنان والالفه الي في بلادهم وابسط شي انسويه لهم انزين لهم عشان اعيادهم *_* لا بركتن فيهم

بس تدرون العيب والغلط ع اصحاب هالمراكز المسلمين الي كل واحد مستانس ع الملايين الي تتكود عليه وما افتكر بانه يخدم دينه بجزء بسيط او بلاده

اللهم لك الحمد والشكر

بالفعــل .. نحن نفتقــد المظاهر الاحتفالية في أعيادنـا ، ويمكن الأطفال هم اللي يفتقدون هالمظاهر أكثر ..

في هالعيد ... أقـارب لنـا يـوا زيـارة عندنا ، فكـانت وحدة من الضيوف تروينـي صـور للي سـوه في أول يوم ، فكـان شي من الاشياء إنهم مسويين مجسم للكعبـة ، وملبسين الصغارية إحرامـات ومخلينهم يسوون معظم الشعائر اللي تصير في الحج ، ومن بينها الطواف مثلا وذبح الهدي ...

عيبنـي اللي مسوينه ، أو يمكن صورة اليهال عيبتني ...
http://oasis.bindubai.com/bin/upload...1198700985.jpg

تغديـنـا ، ويلسنـا ، والصورة بعدها في بالي ....
وخليتهـا تنقل لي الصــور ....

ههه ما رمـت أسكـت

قلتلها ليش انتوا مسويين جي ؟ شو عندكم ؟
تبين تنزلين الخبر في الجريدة ؟ ( تراها صحفية )

قالـت بس ، عشـان نحسس اليهـال إن هذا عيد الاضحى ، وإن المسلمين يسوون جي في مكة ، يعني نفهمهم اللي يصير بأسلوب بسيط ، عشان ما يعرفون إن عيد الاضحى يعني هات الخروف وإذبحه ...


تقول ، شوفي الكرسمس بعد كم يوم ، ليش هم يسوون شجـرة ويزينـون بيوتهم ويحتفلون من الخاطر، لدرجة إن البعض يلبسون الابيض والاحمر ، هم عيدهم يوم واحد ولكنهم ما يفوتونه ... حتى في أفلامهم مرسخين فكرة العيد ...


صـدقهــا ... هالشي مب بس يحسس الاطفال بالعيد ، بالعكس ينمي فيهم أشياء ويعرفهم على أشياء ، العيد مب ملابس يديدة وفلوس وطلعات وخلاص !! العيد فرحة للمسلمين ولازم الحكومة تتعـاون ويانا أصلا ما دام نحن في دولة مسلمة ، لازم نشوف مظاهر احتفالية ....

شو المانع لو الحكومة سـوت مجسم الكعبة في أكثر من مكان لعيد الاضحى مثلا ؟
شو اللي يمنع إنهم يسوون احتفالات بأي طريقة كانت ، احتفالات اسلامية بطابع اجتماعي بما إنها مناسبة إسلامية ...

مب يترسون الفنادق والمسارح بالحفلات الغنائية التافهة ...

شو اللي يمنع إن نشـوف في شوارعنا " امباركن عيدكم" في لوحة ؟!!! :icecream:

في واحد من فنادق أبوظبي ، ما اذكر شو اسمه ، ويمكن أكثر من فندق سايرين على نفس هالنهج ، مسويين صور حيوانات الايل مع عربات بابا نويل بالليتات على بوابة الفندق .... وأكيد مليون بالمية مسويين شجرتهم ومزينينها داخل الفندق ...


نحن مسلمين ونفتخـر ... طيّـب ليش ما نراويهم احتفالاتنـا ونحسسهم إنهم في بلاد مسلمة ؟!! يمكن هالشي يخليهم يحترمون دينــّـا الاسلامي أكثر ....



يقولكم كل سنة يقولون إن الحجاج الماليزيين هم أكثر الحجاج تنظيمـا وترتيبا وأقل الوفيات والاصابات تصير عندهم .. ليش ؟ تعرفون ليش ؟

ماليزيا مسوية وزارة خاصة اسمها على ما اعتقد وزارة الحج ، أي حد يبا يروح الحج ، يتم تأهيله وتدريبه في كورسات ودروس نظرية وعملية في سنة كاملة قبل ما يروح ، لدرجة ان هذه الوزارة تحتوي على مجسم كبير للكعبة بحجمها الاصلي وكل الامـاكن تقريبـا ، وهالشيء يخلي الحاج الماليزي يوم يروح ما يستغرب المكـان ولا يسوي شيء غلط !!

تخيلــو إذا نحن نهيئ أطفالنـا على معرفة هذي الشعائر من صغرهم ... كيف يوم يكبرون ...
الحين عـادي تحصل شباب ومراهقين ما يعرفون شو يصير في الحج !! مع انهم دارسين هالشي في المدارس ، لكن بيقولون نسينـا ....


شكلي طوّلت .. صحيح ؟!

خلاص بسكـت :blush:


شكــرا اختي ع الموضوع ....

السلام عليكم يالبنوتات :h_mar7aba:

اشكركن على التفاعل وعلى فكره تراني جادة في الموضوع وناويه اكلم الجريدة واعطيهم المقترحات على اساس انهم يفعلون الموضوع :: بما انهم عرضوا المشكله فلازم يحلونها وهي خطوه ان شاء الله تكون ايجابيه

الخنساء:: الظاهر اني مب بس انا اللي :bash: من الاحتفالات اللي نشوفها في المراكز لا والمشكله انهم يحطون الشيره هاي فتره طويله .. المهم فكره الحنه وايد حلوه وجذابه :h_hadeyah:

عموه:: انتي وبس والباقي خس :fa38: الصراحة اشكرج على ابداعج العفوي والسريع والالهام العجيب ماشاء الله عليج عن نحسدج بس :laugh: فكره حلوة ،، حبيت شخصيةالخروف وااايد مفيدة حق اليهال اعتقد انهم بيحبونها وايد

الجنيه:: تراها خطوه اولى عشان يكون لنا دور وصوت ضد هالاحتفالات الغربيه والنصرانيه وان شاء الله نقدر نسوي شي


العجيبه:: فكرتج عجيبه :5: وهالنشاط يسونه في المدارس حق اليهال عشان يتعلمون المناسك ... وةكلامج صح مليون % :: والعتب علينا نحن اذا سكانتا عن الموضوع وبس فالحين ننقهر ونسكت مع ان البلاد بلادنا وديننا فوق كل الاديان :m_9afgah:

تدرون امسات شفت برنامج في قناه اسمها luxe،، اتصوروا مدى اهتمام الغرب بالكرسمس :fa52: كل ماركة تجاريه في فرنسا مقدمه شيره هدية وبمنجاتها حق دائره الثقافة .. مثل ديور وشانيل ولاكروا وغيرهم .. الصراحة انصدمت تجهيزات مب طبيعيه ... :a116: