حمـــــااار الشيطـــــااان ياكـــم .. ويا ويلــكم !!

الســـلاام عليـــكم ورحمـــة الله وبركــاتــه

تحيــه طيبـــه .. وعيـــدكم مبـــارك وعســـاكم من عواادة العيـــد ولو إنهـــا اشويــه ( اي اشويــه اي خرابيــط .. خلص العيـــد وتوه ياي يبارك لنـــا :boxed: ) وعســى أيـــام أحبــاب المنصـــوري كلهــا سعــادة ووناســة ..
شكراً من أعماق القـلـب لأحبــاب ( ألبــي ) اللي نشــدوا عنـي في غيــابــي .. شو ( بحبــكم :fa41: )

الغيـــاب ولو طـــال .. لابــد من العودة والحنــان لموطــن الأصــالة .. الواحــة التراثيـــة ’’

لمــة العيــد ماشي أخيــر عنـهــا .. اتزور فلان واتعايــد على فلااان .. ومن هالزيـــارات تظهــر السوالف ( التراثيــة العبـقــة ) من أفواه ( العيــايـــيــز __ Ladies first __ والشــوّااب )

يــقــولون الشـوّاب .. بإنــهــم أول ما شافوا الطيــارة في الحــرب العالميـة الأولى أو الثانيــة ( ما اذكر بالضبـــط ) .. سارعوا بالركــض باتجـــاه محاضــرهــم وديــارهم تخوفــاً من قيام القيامــة .. مساكيــن عيل لو شافوا الصواريــخ اللي توصل للقمــر شو بيصيــر ابهــم :k_icon9:

طبعــاً متعوديــن الشوّاب والعيــاييز ( سوري على تقديم الجنس الذكري .. طبعاً كل واحد يحــن أكثــر لجنســه :m_atmasha: ) يستخدمون بشكــل يومي اللوموزيــن والبوش الكايين .. قصــدي الحميــر ( الله يعزكــم ) والبوش والثيران في حياتــهم اليوميــة .. سواء في التنقــل من مكان لآخــر أو في الحراث في الزراعــة .. وكذلك كمصــدر من مصــادر الرزق في الأكــل .. فأول ما ظهــر ( السيــكــل أو كما يسمى في بلاد الغرب بالـ Bicycle ) استغربوا الأوادم .. هل كيف الواحد يحرك ريلــه ويمشي في الهوااا .. فاطلقوا على السيــكــل اسم ( حمــار الشيطـــان ) لأنه هذا الاختراع كان ( مخبــل ابهم ) .. بصراحة بصراحة حد منكم ومنكن كذلك يالبنــات ما ركــب حمار الشيطــان :woot:

ننتقــل لفاصــل إعلاني ونعود بعــدهم لمواصلـة الحديــث



طبعاً العودة لمحور التراث الجميــل من جديد بعيداً عن ضوضاء الحداثــة والتطور :fa55:

من المعروف .. ومن العادات والتقاليــد .. ومن العـُـرف القــديمـة .. بإنــه إذا ربــت الحرمــة ( يابت نونو ) .. لابــد لهــا أن تقطــن ( قصدي اتروح تسكــن )في بيــت أبوهــا عند أمهـــا خلال فتــرة الـ أربعيـن يوم الأولى .. ومن بعــد انتهــاء هذه الفتــرة .. تقوم اليــده ( الجدة .. ام البــنــت ) بحمــل المولود مع ابنتهــا والذهاب بهــا إلى بيــت الزوج .. وحيــن طرح المنصوري سؤلاً على (( أبـــاه ,, قصــدي ابيــه .. اوووه اطري ابوووه ) .. ما عقــاب من يخالف هذا العـُــرف ويكســر هذه العادة من التقاليــد .. رد عليــه بجواب //
مستحيــل حد يكســر هذا العرف ( حشى صحــن هب عاده )وما صارت ابــد
( هب شرات بنــات هالأيــام .. من أول يوم في بيت ريلهــا .. امحق وليــف ومحبــه .. وشو هالتطور الغبـــي ( يبـّــــه )) .. نحن عايشــن في عالم ثاني غير عن اللي كانوا عايشــيــن بــه ( يبـّـــه )

وعلى طاري هذا العرف .. لابــد لي أن اذكر لكم سالفــة ( يبـّــور _ جــابــر ) مع حرمتـــه ..

يقولون وفي ذمـة مصــدر وكالة ( مناصــيــر ) بأن يبــّـور كان مخلول عقلاً اشويه ( يعني عقله خفيف اشويه طشووونه ) .. وكانت حرمـتــه في بــيــت أهلــهــا تقضـي الأربعيــن يوم الأولى من ولادة ابنــهم ( أحمــد ) .. فبعــد انتهــاء الأربعيــن يوم ذهب ( يبـّـور ) الى بيــت ابو الحرمــة يــبغــى يرجــع حرمتـــه لأنهم ما يابوها لــه ( عشقااان الريــال :a049: ) .. فيوم راح فاذا بــه يواجــه أم الحرمــة اللي كانوا يقولون عنها ( دكتاتوريــة الطبـــع .. حشى ولا هتلــر :a046: ) .. فما طاعت اتخلي بنتهــا اتروح مع ريلهــا .. فقال لهم اذا ما خليتوها اتيي معايــه بسرق الولــد .. قالوا هذا خبــلــه وما يروم يسوويها وخاصة بانه ام الطفل والطفل دائماً ما كان معاهم اربع من الحريم .. فقالوا بانه بيخــاف ومستحيــل ايي يسرق الياااهل ..

اتريـا عليهــم كذا يوم وما رجعت حرمتــه .. وذيك الأيــام كانت أيــام قيــض والجو حاااار .. فكانوا يرقدون فوق البيوووت .. استغـّـل يبــّـور فرصة النوم فوق البيت ليــلاً وراح وسرق الياهل مع المنــز ( سرير الياهل ) ورااااااح لبيـتــه .. وعت الحرمة في نص الليل وما لقت الياااهل .. فعرفوا بانه ابو الياهل يا وسرقه تنفيذاً لتهديده ووعيــده :a049:

لجوء أهل البــنــت لـ ( يدي علي الأول :k_harhar1: ) كونه كبيــر المحضــر والكل يسمع كلامه واعتبروه القاضي وسألوه عن الحالة القانونيــة لسرقــة الأب لولده فقال لهم :
يحق له سرقــة الياهــل دام ان الحرمــة خلصت الأربعيــن يوم ولازم ترجع لبيــت ريلهـــا ,,

فحالياً كل ما راحت حرمة على طول لبيــت ريلهــا من دون الذهاب لقضاء الأربعيــن يوم في بيت امها طروا يبـّــور وسوالفه :woot:

ويقولون بأن الحرمة لازم اتروح بيت امها ( يعني الزامي ) في حالة كون المولود هو الأول .. اما في حالة باقي العيال فليس بالإلزامي وهو اختياري :thumbup1:


شكراً لكل من وصل إلى نهايــة هذا الموضوع

وحقوق الطبع ( منصوريــه )

والسموحه

أخوكم
المنصوري

حقا استمتعت بالقراءه .. تسلم المنصوري .. وعساك من العايدين والسالمين ..

لوووووووول

المنصوري ...

والله اذكر اني كنت اركب السيكل اقصد ( حمار الشيطان ) ..لووول .. وكنت اسوق وهياته بالفريج .. فشششششششله والله ... هع .. ولا جان زين سيكلي .. يا مال المزارع ..( اخيه وصخه كنت ) او اساحل عيال عمتي ولا عمي .. اول عادي اي واحد من الشباب اشوفه ..( كنت مصبنجيه لا ) هعع .. اسمي اني كنت العب كوره .. وكله حارس يخلوني .. واول ما تيي الكوره اشرد .. ويطيحون فيني طيح .. خخخ فضيحه والله ..

حركات والله يالمناصير ...

وايد استانست وانا اقرى .. واتخيلت يبور .. وسالفته .. هع وناسه ..

ياليت ايام قبل ترجع والله .."

تسلم يالمنصوري .....

وزيدنا من ابداع المناصير زيد ..

عيـــــــدك مباااركـ ،،، وعساك من العايدين والفايزين

الله حيها ذيك الايام كنا دوم نركب السيكل ونروح به للدكاكين صدق ايام حلوه

ودوم كانوا يفاتنون علينا (( البنات ما يركبن هالسوالف منقود )) هههه ونحن لا حياه لمن تنادي


وعلى سالفه المولود اليديد اجباري البنيه تيلس عند امها اليم ما تخلص الاربعين

واهتمام الام غيـــــــــــــــر

تسلم ع الموضوع الشيق

يا مرحبا بالمناااصير
وينك طولت الغيبه هذي المره
ولا كنت تتغلى ؟

فكرة موضوعك وايد عيبتنيه
واسلوب الطرح مشوّق مثل مايقولون

صدقك هالزمن الحرمه من تربي ماتظهر من بيت ريلها "مب الكل"
بس اعرف حاله من الحالات "الشائعه"
الام من يابت اول ولد قالت ما بسير بيت امي
جيه ؟ الام بتداريج وبتباريج وتمسك عنج الياهل وبتعلمج

اغلب العادات فروها بحر
وماقامو يهتمون بها
الله يعين من الياي

لول عجيب هذا يبّور مالكم
ماتوهق بالياهل يوم شلاه نص الليل ؟
ههههـ

ويا مرحباني p=

حــي اللـه هـ المواضـيع
وحــي الله الـمنـصوري
عسـاك من العايـديـن والسالمــين
:cool:
\\

يــاابويه ذااك ماال أول الحرمـه تروح بيت أهلها يوم تربـي ، هالأيـام تلقاها ملقووفه إمره أول ماتظهر تربع لبيت ريالهـا
//

ومــش الكل طبعا ً الأغلبيـة يتمن في بيت أهاليهـن
\\

والا خلـك من حماار الشطان محد مااجربـه وجرب المغامراات ، انتوا ريايل عاادي عندكو ألا نحن والله من تحت لتحت نلعبـه ، وألا يوووم تشوفنا وحده من العيايز هههه الله لا يسمعكم ولا يرويكم يوم تهزبنـا
فديتهـن والله
:fa41:
//


وايـد هذربت
سمحلنـا يالمنصوري
ويامرحبـانـي

و عليكم السلام و رحمة الله و بركاته

عساك من العايدين و الفايزين

ما شاالله عليك المنصوري

مو(ظـ)ـوعك فنان الصراحة نقلتنا لأجواء "أتمنى" أعيشها :fa35:

اقتباس:

---

بعيداً عن ضوضاء الحداثــة والتطور

---

تعرفون إذا حد حصل آلة الزمن مالت عنابة و ربعها؟!

مب مغيرة الزمن ... أبغي "بوايج" بس :k_harhar1:

تسلم يا بش مهندس

لا تحرمنا من إبداعاتك

:laugh:

وعليكم السلام والرحمــه ..

ياحيه المنـصوووري .. ! ولكم السااع .. نورت الواحـه التراثيــه بهـ الموضوع .
و احمم .. عـفـوا << سألت عنـك ترانـي D=

استانست وانا أقرا الموضوع .. تسـلم انامـلك الذهبـيـه على ( هيـك حكـي ) ..
ولا تطـول علينــا واايد وكـثر من هـ السوالف والمواضييع الحلوة ..

الكهربجيه قرموشة

=)

:: ما يهــزك ريـــح ::

بأسلوبك اللبــق .. تجبــر الآخريــن على احترام شخصك الكريــم .. دمـــت لنـــا بصحــة وعافيـــه ( اخويـــه )

وشكراً على المرور

والسموحه

اخوك
المنصوري

:: إلا أنـــــــااا ::

وانتــي بعـــد .. زيدينـــا من هالمرور اللي يونـّــس القـلــب .. وما شاء الله عليـــج .. ثرج تلعبيــن شرات الشبــاب يوم كنتــي صغيـــرة .. أحلى شي في قاموس الصغـــار (( ماشي فرق بين ألعــاب الأولاد والبنـــات .. إلى أن يوصل الولد والبنت لســن معيـّــن .. خلاف تنفصل كل الأشيــاء عن الذكر والأنثــى ))

تواصلج جميـــل
شكراً من صميم ( ألبــي ) على المرور
ولا عدمنــاه يا الثلاثيــة الأحرف :a018:

والسموحه

أخوج
المنصوري

:: المنصــوريـــه ::

ونــاســة أيــام الجاهليــة ,, قصــدي أيــام الصغاريـــة .. كلامج عيــن الصواب بخصوص اهتمام أم البــنـــت فيهــا ., ويالله حيــهـــا منصوريتنـــــا

ربي لا هااانج

وشكراً على المرور الخفيف على القلب

والسموحه

أخوج
المنصوري

حياالله من طول الغيبات وياب لنا الغنايم XD
وعليكم السلام والرحمة يالمنصوري
---
عن حمار شيطان لوووووول ضحكت لين ما قلت بس خساره لو يدووه واعيه جان سألتها ^^;
بنسبة للأربعين احس الحين البنت فاهمة وبعدين شي كتب وقنوات خاصه عسب تعلم الحرمة كيف تربي وتتعلم اول مراحل التربيه للطفل
فمالله داعي تيلس لين الأربعين في بيت امها و خاصه الحين محد ييلس في بيت اهله وكلن له بيته
يعني اتكون الحرمه ساكنة ويا ريلها في شقة واتودره اربعين يوم لا بالله لعب لعبته XD
خلاصة الكلام الزمن تغير وصار لس سيف XP
--
استمتعت من القراءه ولا تحرمنا من هالأسلوب D=

[ المنصوري ] ...~

جداً استَمتعتَ وأنـَا أقرا موضووعكـَ ..

في هالزمن نادر ما تشوف الحرمه يالسه فتره الاربعين في بيت اهلها .. واذا يلست ما تيلس غير اسبوع وان كثرت يلست اسبوعين * أونه عن الحلال والحرام بس *

طرح مميز واسلووب يجذب الاعضاء طبعاً شي مب يديد عليكـ ..

:fa35:

دائــمـاً مميز فـ الطــرح

"

يالله حيه المنصوري ..


أول شي تسلم لنا على هالطرح المميز .. والرائع

وثاني شي ..

أنا رايي من راي ايه أحبك ..

يعني قبل الوضع كان غير والحين غير ..!


نحن في البيت مثلا عندنا ..

خواتي بس في عيالهم .. الأول والثاني .. يو عند أمي ..

وفي الباجين ردوا بيت رياييلهم ..

لأنه الحرمه ف أول مولود لها .. ما يكون عندها خلفيه عن كيفية التعامل معاه :biggrin:

يعني كيف تسبحه .. وتأكله وتغير له .. وتحسنه ..

ف الوالده تساعدها ف هالسوالف

وعقب خلاص تقدر تعتمد على نفسها ..

ف ما أشوف انه له داعي اتم عند امها بعد :boxed:

خل تسير تجابل ريلها أحسن لها .. حرام بعد تودره في البيت روحه

و ع قولة ايه أحبك .. بيهيت وبياخذ راحته الحبيب :biggrin:


أني ويي .. هو يعتمد عالوضع في البيت بعد ..

:biggrin:



سانكيووووو المنصوري على هالموضوع الحلو

ونرقب يديدك