-] * فــنــدق مــيــركــور.. جـبـل حـفـيـت * [ -
رد: -] * فــنــدق مــيــركــور.. جـبـل حـفـيـت * [ -
تصدق ,,
اول مره اشوفه مع اني وايد صعدت فوق !!
شكله حلو
رد: -] * فــنــدق مــيــركــور.. جـبـل حـفـيـت * [ -
انا بعد اول مره اشوفه واسير له ..
قبل لا توصل راس اليبل تيك لفه على اليمين ..
لوحة اصغيره مكتوب عليها فندق ميركور .. ما تبين وايد ..
رد: -] * فــنــدق مــيــركــور.. جـبـل حـفـيـت * [ -
حلو شكل ..الفندق .. أما كل مره اسير العين نسكن في العين روتانا..
بس ما صورت لنا اللوبي ..ومدخل الفندق هاشيء وايد مهم بالنسبه لي ... وشو الغرف ؟؟ والأسعار إذا ممكن تعطينا نبذه ... :love:
شكراً على الموضوع ... وعلى الصور
رد: -] * فــنــدق مــيــركــور.. جـبـل حـفـيـت * [ -
::
واااااااااااااااااو
نايس !!
خاطري أسير العين وأغير جو !
:fa56:
حلو شكله الفندق .. أحس به هادي ..
مب وايد ناس فيه .. كشخـــــه !
:fa34:
::
http://oasis.bindubai.com/bin/upload...1197444228.jpg
واااااااااو
نايس .. حبيتها وايد !
شكلها عجيب !
شو هاه انزين ؟ أطلال قلعه ؟ :biggrin:
ثانكسيوووو:biggrin: مايد عالصور
رد: -] * فــنــدق مــيــركــور.. جـبـل حـفـيـت * [ -
هاي الصوره مب واضحه للوبي ..
http://oasis.bindubai.com/bin/upload...1197446183.jpg
هو عود و الكوفي شوب على اليمين ..
وفي النص نزله تودي على حوض السباحة .. والمحلات ..
اسعار الغرف عاديه .. يعني في ايام الأسبوع .. 400 ..والويك اند 600 تقريبا ..
انا ما سكنت في الفندق .. بس الجماعه اللي عازيمنا كانوا يمدحونه .. مادري عاد ..
رد: -] * فــنــدق مــيــركــور.. جـبـل حـفـيـت * [ -
مرحبا ملاك الروح ..
صح الفندق هادي .. وماكانوا وايدين اللي فيه ..
والجو فوق كان وااااااااايد بارد .. فإذا بتسيرين شلي وياج شال .. او سويتر ..عن البرد ..
ما اعرف شو هالحصاه .. لها درب اتسيرين لها .. بس شكله ما ايساعد .. وهلي يبوني ..
مب بايع عمري انا خخخخخ
رد: -] * فــنــدق مــيــركــور.. جـبـل حـفـيـت * [ -
ما قصرت اخويه..
وشرات ما قلت اهم شيء الكوفي شوب .. :14: والكابتشينو
رد: -] * فــنــدق مــيــركــور.. جـبـل حـفـيـت * [ -
هلا مايهزك ريح ..
شو من محلات عندهم انزين ؟ :biggrin:
والله أسعارهم وااااااااايد اوكي ..
واذا عالجو .. انا من زمان مستعده ..
شاده حيلي غلفز .. وشال وجاكيت وحاله :biggrin:
ف أبا أروح عشان ألبس شي منهم .. :m_9afgah: لووووول
لا والله خاطري أسير العين ,, أحبها وأحب اهلها .. وأحب ناديها :inlove:
:
هيه أحس المكان حوله يزيغ .. لا تسير ..
مب مستغنين عن مصور من مصورينا :m_9afgah:
رد: -] * فــنــدق مــيــركــور.. جـبـل حـفـيـت * [ -
الفعو اختي .. وصح اهم شي الكوفي شوب .. حق اليلسه وفيه نت بعد ^_^
رد: -] * فــنــدق مــيــركــور.. جـبـل حـفـيـت * [ -
زرت الفندق قبل فتره ، وسكنت فيه ، بصراحة ندمت عليه .
صحيح الغرفة كانت مرتبة وأنيقة ، لكن أنا كشخص أهم شي عندي (الحمام) "كرمكم الله" ، كان الحمام تعيس وما يسوى ، المغسل ايمع ماي ، وتعبت وياهم لين صلحوه (مع إني طلبت تغيير الغرفة) ، والبانيو بهدلني ، صغير وضيق ، لا أقدر ألف يمين ولا شمال .
يعني الواحد لين يسبح تطلع روحه ، حتى الوقفة فيه غلط ، تخيلوا واحد يوقف في البانيو ريل ورا وريل جدام !!
وغير عن جذه ، خدمة الغرف كانت سيئة جدا ، وقدمت شكوى عليهم ، ولبسوني ولا جني اشتكيت !!
الأكل في المطعم ، وبالتحديد الإفطار ، نفسه وما يتغير !!!
المرافق بشكل عام كانت جيدة ، ولو إني ما استخدمتها .
بعدها بفترة قلت بجرب فندق روتانا العين ، وحرمت أروحه لسبب إن النادل سرقني !!! والخدمة كانت الأسوء من مجموعة الفنادق اللي رحتها .
ـــــــــــــــــــــــــ ـــــــــــــــــ
في مجموعة فنادق عجبتني من اللي رحتها (في الإمارات) منها شينغريلا في دبي ، وأبراج الإمارات ، وغيرهم ، لكن أروعهن كان (تاج بالاس) في شارع الرقة .
بصراحة قمة في الروعة والأناقة ، والخدمة كانت متميزة ، وعندهم سلسلة مطاعم منها المطعم الهندي والإيطالي والعربي والياباني والتركي ، والمرافق ولا أروع .
مممممم
شكلي وايد رمست ، لكني أحب أجرب السكن في الفنادق :)
رد: -] * فــنــدق مــيــركــور.. جـبـل حـفـيـت * [ -
ملاك الروح .. ما اتذكر عدل المحلات اللي فيه !!!
لأنه كنا انهذرب ونحنا نمشي .. ما اتنبهت لهن عدل ..
اخويه حصان طرواده .. اشكرك على الملاحظات .. على الفندق زين يوم قلتلنا .. مادري عيل هاذيلاك ليش مدحوه وعلى شوه !!!
مشلكتنا انا نحنا من دبي .. والأهل ما يحبون يسكنون في فنادق في دبي .. يقولون لي ماسوينا شي .. جنه ما طلعنا !!
فلازم انسير مكان بعيد ..
انا جربت فندق القعه .. لوميريديان .. كان روعه والخدمه ممتازه والفندق بعد .. ما كانت فيه اي مشاكل ..
وبعد رويال بيتش شاليهات وكانن اوكيه ..
في دبي نحنا انسير الكوفي شوب مال الفندق ونطلع بس !!!!
رد: -] * فــنــدق مــيــركــور.. جـبـل حـفـيـت * [ -
وأنا من دبي أخوي ، لكن اللي أسويه ولو سكنت في فنادق دبي ، إني أحاول استرخي فيهن وما أطلع ، وأحاول قدر المستطاع إني استخدم المرافق المتوفرة ، لأن الهدف من التغيير هو الإسترخاء (بالنسبة لي) . أما إن طلعت من دبي فالوضع يختلف .
والملاحظات اللي ذكرتها هي من وجهة نظري أنا ، ويمكن تلقى حد ثاني ما واجه هذي المشاكل .
إذا تحب ، جرب قصر الإمارات ، أو نادي الضباط في بوظبي .
والأخير أنا جدا استمتعت فيه .
رد: -] * فــنــدق مــيــركــور.. جـبـل حـفـيـت * [ -
انته شرات نسيبي .. :biggrin:
هو بعد يوم ايسير فندق ما يطلع منه .. يحب يستمتع في المكان .. :14:
عكسنا نحنا اللي ما نرد الفندق إلا عشان نرقد .. :10:
لا ونحتشر بعد لازم يكون خمس نجوم .. وعلى قولة اخويه انتوا وايد عليكم نجمتين وغطاه بيبسي .. :4:
ما نحلل جيمة الفندق اللي نيلس فيه :3:
انا في خاطري اسير قصر الإمارات .. عشان اصور .. كانوا مسوين عروض لشهر ديسمبر حق الكريسماس ..
وكانت اسعار الغرف اللي 4000 وصلوها 2000 تقريبا .. بس ما حجزت لأنه الأهل كانوا مفكرين ايسافرون في العيد وعقب غيروا رايهم .. :fa55:
رد: -] * فــنــدق مــيــركــور.. جـبـل حـفـيـت * [ -
لازم نطلع جيمة الفلوس اللي دفعناها :m_9afgah:
ولا شو الفايدة أدفع 1000 أو 2000 أو أكثر على فندق خمس نجوم ومن الصبح لين الليل أنا برع !!! :k_smartass:
اتوقع بتحصل غرف في قصر الإمارات ، اتصل وجرب
