جي أم سي أكاديا ~ GMC Acadia

السلام عليكم ورحمة الله وبركاته
جماعة الخير ابا رايكم واحد من الربع بياخذ موتر يديد ويباه فورويل ومحتار بين الأكاديا واللكزسRX350
بشو تنصحونه وبسرعة ربي يسلمكم لانه حجز الجمس بس انا قلت له لا تستعيل ...

الجمس و هو مغمض .. قول له ياخذ 4x4 و رقم واحد .. سواقته احلى عن اللكزس و الموتر له هيبه اكثر عن اللكزس .. قبل ما ياخذ .. خله يجرب الموتر .. بيعطونه اياه لمدة ساعتين اعتقد

انا ما اقول ياخذ جمس لأني ماعرف عنه

بس بعد اقول لا ياخذ اللكزس وينساها.. لأسباب:

- اول شي شكلها بنوتي
- ثاني شي يوم غيّروا مكينتها ما غيروا فيها شي ثاني
غير الرنقات.. والصراحه اللي قبل كانوا أحلى
- شكلها استوى ممل وشبعنا منه.. والدليل ما تشوفها انتشرت شرات الـ 330

والجمس اشوفها عائليه اكثر من شبابيه.. والله يوفقه فالإختيار

طبعا الاكاديا ،، من ناحية الشكل والقوة

كفاية 4 اجزوزات ورا ،، وشكلها مثل ماشوفه شبابية اكثر عن اللكزس ،،

والفل اوبشن اللي وياه شاشات ودي في دي 140 على ماعتقد ،،

مشكورين اخواني وانا رمسته بس الحبيب ما حجز الفوريول لانها بتتأخر وهو مستعيل أنا قلت له صلي استخارة وقرر ومشكورين

الفورويل رقم واحد ويالنافيجيشن ب 165 الف ..

و حرام ربيعك ياخذ السنقل

بالبركة مقدما .. ومالك غير الجمس

عند وحده من الأهـل .. فنااانه ووااايد أحلى عن اللكزس ..

شرجاوي الريال ما يقدر يتريا قالوا له اذا يبا فورويل يصبر شهرين وهو مب راعي عراقيب وهالسوالف بيستخدمها عالقار

كلهن حلوات .. لكن للكزس ضيجة من وراء وآخر مره سعرها كان 185 ألف والاكاديا 165 ألف

اللكزس اسمها فيها وسعرها، غير عن الامريكي ...

لكن الامريكي هالمويل ايدد ... وخله يجرب سواقة الهنتين ...

ولد الشحوح ماشي خيار ثالث ؟

ررمسته بس هو يبا موتر كبير قلت له عن اللكزس ES بس ما يباها ... تعرف يوم الواحد يكون خاطره فموتر خلاص ما يشيله من راسه مثلي خذيت اكورد وخاطري فاللومينا بس يالله الحمدلله الاكورد حلوة بعد ومب كل شي نباه بنحصله