السلام عليكم
خذتها بالعدسة اليديده على الـ 10mm :thumbup1:
على صيغة الـ RAW و ضبطتها عن طريق معالج صور الـ RAW في الفوتوشوب CS2
http://oasis.bindubai.com/bin/upload...1191239803.jpg
للي ما يعرف شو معنى RAW
صيغه RAW متوفره في كاميرات الـ SLR
و في هالصيغه الصورة تتخزن على الميموري بكامل حجمها بدون اي تدخل من الكاميرا
لأنه الكاميرا غالبا تقوم بعمل عملية معالجه للصورة قبل تخزينها في الميموري
و اثناء استعمال الصيغه هذه المصور بيكون عنده تحكم كااااااامل بالصورة من جميع النواحي
انصحكم تستعملون RAW+Jpeg اذا كنتوا ناوين تاخذون صور مهمه،، صح انها بتاخذ حجم كبير
لكن يوم بتفتحونها عسب تعدلونها بتحسون بالفرق و في نفس الوقت الصورة بتتخزن مرتين مره بصيغه Jpeg للعرض السريع و التعديل السريع
و مره بصيغه RAW اذا كنتوا تبغون تتفيجون للصورة :fa42:
اذا تصويركم كان مال عبط و جي،،
ما يحتاي تستعملون هالصيغه لأنها بتاخذ مساحه كبيرة
