فريج وماادراك مافرررررريج؟؟؟؟

السلام عليكم

مبروك عليكم الشهر ولوانها متاخرة :5:



من المؤسف والمحزن والمبكي جدا ان عيال البلاد ينتجون برنامج يهين الدين الاسلامي ..

الكل شاف البرنامج اليوم ومااعتقد حد راضي عن اللي انعرض ...

هل هكذا يكون احترام الدين يامحمد؟؟؟؟

عمر الدين ماكان محل استهزاء وسخريه وفي برنامج كرتوني مثل اللي يشاهدونه فئة الاطفال اللي يتاثرون بمضمون البرنامج بحذافيره ...

ودي افهم شو مضمون الحلقة الاستهزاء بالتدين والمتدينين ،، والا الاستهزاء بالفتاوى الشرعية ؟؟؟

لو كان الكرتون مستورد كلنا بنقول الغرب يبون يخربون عقول اليهال .. لكنه محلي ومن انتاج شباب مسلمين ؟؟؟؟

شو تم بعد هالاستهزاء // وليش تزعلون يوم الغرب يهينون الرسول عليه الصلاة والسلام ؟؟؟ انتوا حابين هالشي وبكل ثقة تعرضونه على التلفزيون وفي هالشهر؟؟؟

هل المشاهدين ناقصين ضحك ووناسه ،، عشان انضحكهم على امور تغضب رب العالمين وتهين العقيدة ..

عيل كلام حريه ينقال ... والعياذ بالله من كلامه اللي ماينطرى وكله جراة على رب العالمبن ( ولارب يحفظك) استغفر الله العظيم من هالجهل ... وين عيل اسماء الله الحسنى وصفاته ،، وين التوحيد ووين العقيدة الصحيحة وحب رب العالمين اللي خلقه واللي بايده يخليه عدم... هذا هو الدين ؟؟

يانس الواحد يحافظ على الفاظه الان الالفاظ هاي تخلي الواحد يشرك والعياذ بالله...

الدين مب مصخره ولا قدره انه يكون في مسلسل كرتوني تافه ماله هدف الا الشهرة على حساب الاستهزاء بالشريعة الاسلامية...

حسبي الله ونعم الوكيل ،، مادري كيف عرضوا هالبرنامج وكيف سمحتلهم نفوسهم بانهم يتفوهون يهالكلام ...

ولا عمر الافتاء كان في ثياب بوتيله ... هل الدين تافه لهدرجة ؟؟؟؟؟؟؟؟؟
سبحان الله العظيم ،، في حديث عن الرسول عليه الصلاة والسلام وبما معناه ،، يقول اجراكم على الافتاء ، اجراكم على النار ... ومنوا يكونون هذيل عشان يغيريون حكم رب العالمين في الحج والافتاء ..

لا حول ولاقوة الا بالله العظيم ،، ضاربين القران والسنه بعرض الحائط عشان يضحكون الناس وعشان الشهرة اللي على حساب دينهم ..

والله الواحد وده يصيح على الحاله اللي وصلنالها من الجهل ...

وايد انقهرت من حلقة اليوم .. وعقبها كرهت الفريج .. !!

شو صار ؟ أنا ما شفت الحلقة ...


بس أصلا فريج هالسنة مب مثل السنة اللي طافت .. شفت منه كمن حلقة .. ما عيبتني بعض الحلقات .. مملة وما فيها شي حلو ..

للاسف يالمقاتل ناس تحمل شهادات من امريكا

وهم قمة في الجهل بامور الدين ،، شو فايدة الشهادة ،،

ولا هذا شكر للنعمة!!!!

احسلج يالعجيبة يوم ماشفتي لان اللي يشارك في الاستهزاء بالدين يكون مشارك في الاثم .. مصخوها والمفروض البرنامج هذا ماينسكت عنه..

والله اني اتوقعت ان الناس بتفهمها غلط

يا جماعه تراهم يتطنزون على بعض الناس اللي يفتون على كيفهم و اللي يعيبهم ( و انتوا فاهمين قصدي )
على سبيل المثال .. الهندي اللي ياخذ قياس او ان الحجاب
للأسف عندنا في البلاد .. يوم يدشون محلات عاااااادي و لا جنه الهندي اللي واقف ريال .. لكن إن دش مواطن عدلوا الحجاب و اتغشوا !!!! بصراحه شي يقهر والله ..
على الاقل ولد البلاد ما بيسوا شي .. والهندي تراه الله يعلم شو يطالع ..


عيل فتره اجازوا الارضاع !! شو انقول عيل ؟!؟!

الحين كل من هب و دب قام يفتي للأسف .. و انا اعتقد اللي من هالنوع بيشوف هاي الحلقة بيستح ع ويهه شوي

لبن مثلج أول شي أشكرج على غيرتج

بس مادري.. أنا اللى فهمته من الحلقه أنهم ينتقدون الناس اللى يفتون و هم ما يعرفون شي فالدين

و بينوا نتيجة هالتصرف باللى سوته أم خماس أنها جلبت الحلال حرام و الحرام حلال

و هالشي موجود في مجتمعنا

.
.

سامحيني يا لبن مثلج

أنا ماأدافع عن حد.. بس كتبت اللى فهمته

حتى انا قلت الناس بتفهمها غلط ..

بالعكس الحلقه كانت اتفطس من الضحك ... خاصه يوم يقولون تكبير كيكيكي

يا جماعة خلوا نظرتكم لبعيد حلقة فريج اليوم أفضل حلقة لأن لها هدف ومغزى يبون يوصلونه لنا
مب كل من طول اللحية وقصر ثوبه صار يقدر يفتي وتكلموا عن سالفة السحر والشعوذة والإستغلال عن طريق القنوات وكثير كثير من الأفكار إللي هالحلقة رمز لها
لا تحكمون ع الظاهر خلوا نظرتكم لبعيد

مجرد رأي

ما شفت الحلقة جيه شو صار ؟؟!! O_O

^يابو طاري الي *يدعون الدينّ* لولز

في قلوبهم مرض

:a046:


عـنــد الـعـيـايـز كـل شـي يـايـز


:a046:

:fa56:

وجهات النظر تكون مختلفة ومتباينة في كثير من الأحيان ،،، فكل له نظرة وحدود تفكير تختلف عن الآخر ،،، لكن اتمنى أن لا يفسد ذلك للود قضية ،،،

في نظري كمشاهد (ولو ما عيبني الفريج هذي السنة) أرى أنهم قد أوصلوا رسالة جدا مهمة للمشاهدين بغض النظر عن كونهم (عياييز) ،،،

هذه الرسالة تتلخص في فئة معينة وشريحة من المجتمع ممن تأخذهم حماسة الإلتزام فيتصدرون بذلك مجالس الفتوى ،،، فيلحون ما حرم الله ويحرمون ما أحل الله ،،، فضلا عن سوء طريقة الدعوة التي ينتهجونها والطريقة البشعة التي يعاملونها الناس بها ،،، (يا تلتزم يا تكون من المغضوب عليهم) ،،، وكل ذلك لأنهم لم يكلفوا أنفسهم عناء تعلم أحكام الشريعة السامية ،،،

أعتقد في نظري أنهم أوصلوا هذه الفكرة للمشاهدين ،،، واستخدامهم للأفلام (الكرتونية) كان أيضا جيدا لما فيه من وقع أكبر على نفوس الناس وخروجهم عن المألوف ،،، فانظري كم من الناس الآن عرفوا خطأ هذا السلوك والمنهج ،،،

مجرد وجهة نظر ،،،



وردة روز ،،،

نفس ماقالوا اللي فـوق يعني كان هدف الحلقة في رأيي إنهم ينتقدون اللي يفتون على كيفهم ، هذا اللي فهمته من الحلقة ،
كل واحـد ونيـتـه :)