تعليم الصغار .. ساعدوني بالأفكار

السلام عليكم ورحمة الله وبركاته

باديء ذي بدء ..
أحب أنوّه إني أعلـّم الصفوف من الأول إلى الخامس ..!
وهذا اللي مسبب ليــه شوية لخبطة !

يعني بنات صف أول يايين وزايغين من المدرسة والمدرسات وكثرة الكتب والمتطلبات اللي عليهم .. ونص الحصة يضيع لأني أحاول اسكـّتهم وأهديهم .. هاي تصيح وهاي تبا أمها وهاييج مسببة مشاكل ويا زميلاتها (تشل أغراضهم وتشخبط في كتبهم) :3:...!

ومن الصوب الثاني .. بنات صف خامس.. إذا استخدمت وياهم أسلوب الهداوة والترغيب ،، يقولولي يا مس نحن مش يهّال!!
:birgits_giggle:
^
^
فـ حوّلت لأسلوب التهديد و الترهيب (بالدرجات أو حتى الطرد من الحصة) .. لكن لا حياة لمن تنادى ، غير جي .. لما تخلـّص الحصـّة.. أكره عمري وودي اسير لهم للصف وأعتذر لهم!

الصف الثاني أحسّهم يهال .. ثالث ورابع .. يهّال بس يحاولون يثبتون وجودهم واستقلاليتهم (مش استقلاليتهم عن الأهل والبيت .. لكن يبون يحسسوني انهم مستقلين بأفكارهم وأسلوب دراستهم وحلّهم للمسائل) :inlove:


يعني أقدر اختصر الكلام اللي فوق بـ هالطريقة:

((يهال)) << أول << ثاني <<ثالث>> رابع>> خامس ((يهال بس مكبـّرين عمارهم وعقولهم توزن بلد :fa56:))

فـ عسب جي أبا أفكار تساعدني في تدريس هالخمس مراحل..

الأول:

الثاني:

الثالث:

الرابع:

الخامس:

:k_blush-anim-cl:

وأكـــون لكم شااااااااااكرة!

وعليكم السلام ورحمة الله وبركاته

:

والله كان ودي أفيدج وأساعدج حبيبتي

بس ما عندي أي خلفية عن مهارات تدريس هالمراحل ّ!:Oo:

اختي تدرس اديوكيشن .. ويوم ترد من المدرسه

أحس جنه شوي وتطلع روحها !

على كثر ما هالمهنه ساميه ونبيله << شو يبيعون هييل لووول :biggrin: إلا انها

متعبه وايد .. واتحسين انه شغلج ما يخلص

في المدرسه وبس .. لكن اتييبينه معاج البيت

من تحضير وتصحيح امتحانات وغيره .. :smile2:

<< بلاج تزيغين البنت :3:


عساج عالقوه حبيبتي ..

ويعطيج ربي ألف عافيه ..

وان شاء الله اتصيرين مدرسه قد الدنيا ..

:a070:

عليكم السلام و الرحمه

أنا ما عندي خبره فهالموضوع بس مقدرة معاناتج يا أمطار :birgits_giggle:

.
.

عندي اقتراح واحد

لو تسويلهم مسابقة

تقوليليهم البنيه الهاديه فالحصه بعطيها بطاقه

و لازم ايمعون هالبطاقات لين آخر الكورس

و اللى تيمع أكبر عدد من البطاقات تكرمينها فالطابور

.
.

إن شا الله أكون قدرت أفيدج بشي :fa46:

حيــّاالله خيته ملاك الروووح ..
تدرين ،، انا العام كنت أدرّس المرحلة الإعدادية من 7 إلى 9 + 4 و 5
فـ عندي شوي خلفية عن التدريس والتحضير واللعوزة..

بس هالسنة غيــر ..
أدرّس يهّال.. وأحس اني مب عارفه اتعامل وياهم!
يعني أحاول أشجـّعهم.. بس أحسهم حشــــرة ومب طايعين يصخـّون!
ومن الله الحصة هالأيام بس 35 دقيقة فـ موول ما ألحّق أدرسهم شي..

بس يالله..
ما نقول غير الله يكون في العووون ..

مشكوره فديتج ع المآزرة..

وحي قلمي..
يا قلبي ،، مشكورة ع المآزرة<< متعلمة كلمة يديدة لوول!

الغلا،،
أنا مسوّية لوحة كبيرة باسماء الطالبات..
وعلى كل شي تسويه في الحصة من نشاط أو إجابات أو أنها تكون يالسة بهدوء وتسايرني بالدرس.. أحط لها نقاط عدّال اسمهاا..

ووعدتهم أنه على نهاية كل شهر ،، أشوف اللي جمّعوا أكبر عدد نقاط..
أعطيهم هدية (بس ما فكرت في التكريم في الطابور) ..

شكّلي بطبـّق فكرتج وأكرّمهم في الطابور وأسوي لهم شهايد تقدير + هدايا


..

مشكورة يا قلبي ع الرد التحفة!
ما أنسى لج صنيعج..


ويلااا شغـّلي مخج وزيديني من هالأفكار

عن بنات أول و ثاني

الرسوم وايد يشدهم

لو كنتي تستخدمين الباوربوينت فالشرح

دخليلهم فيه شخصيات الرسوم :fa46:

و إذا عيبتهم الفكره هدديهم بانه إذا سووا حشره ما بتشرحين بهالطريقه مره ثانيه :4:

مادري ليش أحس أنه اللى يدرسون هالصفوف المفروض يبسطون كل شي

و يتعاملون ويا اليهال باسلوب قريب منهم... صدق الله يعينج :image005: