بسم الله الرحمن الرحيم
:m_mar7ba::2:
واخيرا وليس اخرا انهيت الموضوع
نكمل وياكم الرحلة وهذي اخر محطة
وقفنا اخر مرة عند جزيرة لنكاوي .... واتكلمت عن كل شي فيها بس قبل لا ننتقل الى العاصمة و جنتج حبيت اضيف ملاحظة عن لنكاوي. طبعا الكل يعرف الاعصار سونامي هذي الجزيرة وصلها الاعصارواتأثرت وايد من الاعصار. اليوم راح اكمل عن العاصمة الماليزية (كوالالمبور) ومنطقة جنتج هاي لاند.
صور لجزيرة لنكاوي ونحن طلعين منها:
طبعا رجعنا من جزيرة لنكاوي الى العاصمة وريحنا فيها يوم واحد ( يوم الوصول من الساعة 5 مساء الى 7 صباحا ) ومن الصبح طلعنا على منطقة جنتج هاي لاند.
وهذي صورة من المطار:
نحن وطالعين الصبح من الفندق اقترح علينا راعي التاكسي انه يودينا مكان على دربنا وبعد مانشوف المكان بيخبرنا قصة لين ما نوصل جنتج, قلنا له اوكي ودنا.
المكان هذا عبارة عن معبد حق الهنود , المهم وصلنا لين معبد وهذا المعبد فيه أكبر
صنم أو إله على قولتهم
خلونا نشوف الصورة وبعدين بخبركم عن المكان هذا وقصته:
شفتوا الصورة؟
اول شي بخبركم عن المكان هذا:
هذا المكان معبد حق الهنود , وعندهم يوم واحد في السنة يحتفلون فيه في شهر 4 اذا ماكنت غلطان , شو يسون ( تعرفون اللي يخبقون عمارهم ويحطون حديد في ويوهم وصيخ في لسانهم) المهم الجماعة يخبقون عماره ويمشون (مشي ورقص ويغنون لااااااااا ودق بعد) من العاصمة الى هذا المكان , ويبعد هذا المكان عن العاصمة حوالي 75 كيلوا متر , وطبعا يبتدي الدور الحار من الساعة 12 مساء الى حد ما يوصلون المكان تقريبا 11 الظهر او قبل شوي. وعلى يسار الصورة بتحصلون دري , طول هذا الدري 273 سلم ( يعني 273 خطوة ) وبعد ما توصل فوق في كهف وداخل الكهف بعد شي صنم بس يالس وكبير اكبر عن اللي برع ( بصراحة ماخطرنا ولا سرنا فوق).
الحين دور القصة
القصة يا جماعة الخير هذا المكان سووه على ايام الاستعمار البريطاني سنة 1877 اذا ما خاب ظني , البريطانيين استعمروا المكان وزرعو شجر المطاط والورق ( الورق اللي نكتب عليه) ولما طلبوا البريطانيين من الماليزيين يشتغلون , رفضوا الماليزيين على اساس عزة نفسهم , شو اللي صار راحوا البريطانيين ويابوا هنود على اساس يشتغلون , واتفقوا مع الهنود على اساس يشتغلون وكل ثلاث شهور يحصلون رواتب.
المهم بعد مرور الايام والاشهر وبعد حصولهم على اول راتب (اللي هم الهنود) تجمعوا كل عشر هنود وحطوا بيزاتهم على بعض وقاموا يشترون اراضي في ماليزيا , وعلى هذا الحال لين ما صارة نص ماليزيا حقهم.
الحين بنرجع حق جنتج هاي لاند
جنتج هاي لاند تبعد عن العاصمة تقريبا 1:30 ( بالسيارة ) وهذي المنطقة تقع على قمة جبل , طريقة الوصول لها عبارة عن طريقتين :
1. بالسيارة ( لكن ما تضمن انك تنزل في نفس اليوم ) لانه الجو متغير ( يعني سا عات ضباب وما تشوف شي , وساعات اوكي)
2. الطريقة الثانية هي التل فريك (كيبل كار) وهذي الطريقة الاضمن.
وهذي الصور قبل الوصول:
وجنتج عبارة عن منطقة صغيرونة جدا فيها يمكن خمس فنادق وحديقتين بس لا اكثر ولا اقل ( لكن يوم واحد ما يكفيك) ليش ما يكفيك يوم واحد؟
السبب فيها اكبر كزينو في الشرق الاوسط والحدايق يبالك اكثر من يوم لين ما دور حوليهن وعلى الحسب الجو اذا مطر انسى تلعب بعض الالعاب واذا الجو عادي تراك بتلعب, وفيها عروض طبعا لازم تسير حق الاستعلامات على اساس تسألهم عن كل شي (شو راح يصير اليوم في المنطقة).
وهذي الصور:
وهذي الصور لما نزلنا من فوق:
واخيرا وليس اخرا العاصمة (كوالالمبور) وهي طبعا الاساس.
العاصمة فيها وايد اشياء, من حدايق من سناتر من متاحف كل شي بس اوصلوا الفندق واسألوهم عن اللي عندهم في العاصمة من مناطق سياحية وهم بيخبروكم بكل شي حتى لو تبون تأجرون سيارة , وفيها شارع معروف حق العرب اسمه ( تايمز سكوير) روح هناك وبتحصل كل شي (مطاعم عربية , كم سنتر في نفس الشارع , فنادق )
وسكنا نحن في نفس الشارع في فندق 5 نجوم.
واليكم الصور( ما صورة وايد في العاصمة ):
هذي صورة المطعم الدائري (لازم تحجز قبلها بيوم او يوميين على الاقل):
وهذي صورة لــــ برج التوأم:
وهذي صورة للوحة الارشادية:
وهذي صورة لـ سنتر برج التوأم او كي ال سي سي ( KLCC ):
وفي النهاية رجعنا الى ارض الوطن
وان شاء الله عجبتكم الصور
