عرض للطباعة
السلام عليكم و رحمة الله و بركاته
شحالكم اخواني و اخواتي،،
عساكم بخير
يا جماعة الخير انا ناوي اكمل دراستي و آخذ البكلوريوس من احد الجامعات
و اليوم ربيعي تم يقنعني بـ كلية الافق الي في الشارجة و تم يقولي انها زينة
و دوامهم مريح بالنسبة للموظفين ( من 7-10 يوميا )
و عندهم التخصص الي انا اباه و الي هو الـ marketing
فـ الحين انا محتار وايد بخصوص هالجامعة :k_no:
ما ادري اذا اكمل فيها ولا اكمل في جامعة عجمان احسن !!
الي يعرف شي عن هالكلية يخبرني و له جزيل الشكر مقدماً
ليش ما تكمل في بولي تكنك؟؟
تـعب علي
ما اتخيل عمري ناش من الفجر عسب اسير الدوام و ارد اسير الكلية و ارد من دبي الين عيمان في الزحمة فليل !!
السالفه وايد مرهقة بالنسبة لي
بصراحه انا ما سمعت عن هالكليه عسب جي أفضل انك اتسير جامعة عيمان دامها معروفه والله يوفقك
انا بس سامعه اسمها بس مافي شخص اعرفه درس فيها
هل جامعه الافق معترف فيها !!
افضــل تسير جامعه عيمــان أقرب لك وبعدين وايد يراعون الطالب والدكاتره تقدر تضمنهم =)
انا اللي اعرفه انه معترف عليها ... اممم بس ما جد سمعت حد درس فيها رغم انها صوبنا جريبه من الحرم الجامعي ..... مره وحده من البنات بس كانت تمدح الدراسه فيها ...
بس موول ما عندي اي خلفيه عن هالجامعه .. :\
زرت الكلية امس و عيبتني وايد و شرحولي عن تخصصاتهم
عندهم اربع تخصصات
بكلريوس ادارة اعمال دولية >> التخصص الي ناوي ادرسه
بكلريوس تسويق marketing
بكلريوس ادارة السياحه و السفر
بكلريوس تقنية المعلومات
بيدرسونا 5 مواد في الكورس
و اذا معدلي كان فوق الـ 2.5 يحقلي اني اخذ من 3-4 مواد في الصيف
و ان شاء الله خير
بالتوفييق =)
وكم المجموع الاجمالي للمواد اللي لازم تدرسهن ؟! يعني لين ماتتخرج ؟!اقتباس:
المشاركة الأصلية كتبت بواسطة ذنـيـنـي
اذا كنت من طلبة الامتيــاز بتستوي طياره وبتخلص بسرعه :fa42:
يالله موفق دامك مستانس عليها ^_^
ولد عمّوه كان يدرس في لندن
و أحينه يدرس في الأفق ، ويمدحها :yes: ...
صل استخاره و اللي فيه الخير ربك بيدلك عليه ..