دبي الرياضيه .. اشكركم

السلام عليــكم

قبل شوي شفت الدعايات و الحملات الاعلانيه اللي مستونها دبي الرياضيه للمنتخب لدعمهم في كأس آسيا ..

الصراحه شي فظيييع و يحرك المشاعر .. يخليك غصبن عنك اتابع ..

دعايات و شعارات روعه .. اول مره اشوف قناة اماراتيه تقوم بحمله دعائيه للمنتخب في بطولة آسيا مثل هالحمله اللي مسوتنها دبي الرياضيه الحين

نصيحه لكم ..

لا تفوتونها .. ايلسو و تابعو دبي الرياضيه و شوفو شو يحطون ..

ســلام
كـلـكـلـووش

حتى امارات اف ام مسوين دعايااات

مع ان البطولة باجي عليها نص شهر تقريبا .. إلا ان وسائل الاعلام كلها خلف المنتخب و تقوم بواجبها ..

ان شاء الله المنتخب بيقدم اداء يفرح الجمهور الاماراتي

بس شفت ميتسو شو قال ...

اونه بطولة اسيا مو من اهتماماتي !!
هذا اللي قريته في الأمارات اليوم

هيه والله انهم هب مقصرين

هممم تبى الصراحه .. ادري ان الكل يحلم بآسيا .. بس منتخبنا بعده مش مؤهل .. خصوصا ان داخلين بتشكيله نصها شباب .. الهدف هو الوصول لكأس العالم 2010 .. و هو الهدف الاساسي ..

منتخبنا الحين نبى منه التشريف في كأس آسيا .. و اذا وصلو دور الثمانيه انا اعتبره انجاز .. لإنك لازم تقارن المنتخبات الموجوده .. استراليا و اليابان و كوريا .. و كلهم طايفينا بمراحل ..

و نتمنى التوفيج للمنتخب ..

الله يوفقهم ان شاء الله ..

ومشكوور كلكلوووش

الحين بسير احط دبي الرياضيه

حمستني ابا اشوف

والله يوفق منتخبنا يارب

وثانكس ع الموضوع ..

يبـــالج ..

............

صدقج .. بس الدعايات هالمره غير .. مب شرات كل مره ..

يحطون حوار يصير بين اللعيبه و يحطون لاعب لاعب يرمس و يقول اسمه و يقول انا اماراتي .. ادعو للمنتخب ..

عن جد شي يحمس ..

دبي الرياضية دومهــا سباقــة ومتمـيزة

ودايمـا نشكـرهـا على الحماس اللي تبثه في الجماهـير ..،

وشكراا كلكلوووش