ابي الونها من أخلص امتحانات .. لكن محتاجة لرايكم قبل .. ] شي عقدي فاتحملوني .. !

اممم ..
السلام عليكم ورحمة الله وبركاته ..

بصراحة وايد ترددت أحط الطرح لأنها مب رسمه رسمه ولاني طارحتها كلوحة ..
إهي عبارة عن فكره كنت اشغل نفسي ابها من فترة قصير قبل ضغط الامتحانات ..
تعجلت بتنفيذها جدا .. يعني لمن الواحد يبي يفضي باللي بنفسه بشي جامد جدامه ..
يكون كل همه متى بوصل للمراد وبخلصها .. وأخيرا يتمنى لو كان يملك الوصف والافضاء حقا .. !

امممم .. مثل مالاحظتو ماجد حطيت رسمه ملونه (( غير اللي بموضوع ذكرياتي القديمه واللي كان يفضح لول ))
المهم ..
وايد بخاطري اسولي قعده للرسم (( التلوين بالاخص )) .. خاصه ان صارلي مده عنه ..
وبنفس الوقت ابي ابدأ من الاول شوي شوي (( خطوه خطوه )) عساس أوصل لمستوى مقبول بالتلوين ..
لاني صدق ماعرفله وايد .. بس مادري دق براسي اني ارسم لوحة بغية تلوينها ..
وفعلا رسمت .. وظهرت الرسمه خرط كالعاده .. لكنها مجرد تحديد لفحوا الفكره مع افتقارها لبعض التغييرات اللي ناوية اسويها ..
يعني بتشوفونها مب واضحه .. لأني مسويتنها عساس ان التفاصيل ببرزها وبحددها وبزيد عليها أثناء التلوين ..

بس لمن قعدت افكر (( اتخيل الونها واخرب خاطرتي )) طبعا وقتها بعصب لول ..
جان أقول .. امممم يا انامل قلب .. شو بتسوين .. وما دق ابـ راسي غير فريج العيال إإإإإإ أقصد عيال الفريج .! فريج الواحات ما بيقصرون .. ^_^ ..

بما إني بفترة امتحانات ليوم الخميس المقبل آخر يوم .. طبعا مابقدر الونها بهذي الفترة ..
فقلت ليمن إيي الخميس بكون طارحتلهم الفكره ويمكن يوصلهم شي منه ويفيدوني شرات ماتعودت منهم ..
والطلب هو الآتي >>> طلب ها مب أمر احم .. ^_^ ..

أي انتقاد على شي من الفكره ولو انها عساس مب كامله ..
أي رأي تراه ملائما للاضافه لتوضيح أو ابراز المعنى (( المعنى اللي يشوفه كل منكم ))
الاهم .. احم .. كيـــــــــــــــــــــــ ــف ألونها .. وبأي ألوان تنصحوني .. !
واذا شفتوا انها بتكون أجمل لو كانت بنوع معين من الالوان .. أو اكملها بالرصاص .. !

وووو يعني قلت اللي فيه الخير بيفيد واللي مابيفيد هم فيه الخير بوجوده سواء دخل ولا مادخل الطرح .. ^_^ ..

انننننزين .. ونسيت أقول ..
من الخاطر ابي الون لول .. وان شاء الله يمكن ابدأ بالخميس ولا اليمعه ولا عقبه باسبوع !

بس حبيت اطرح الموضوع قبل عشان الافاده توصلني من وقت .. ^_______^ ..

:::

سوري وايد حشرتكم بهذري الزايد .. وطلباتي المعتاده .. والتشرط ..
بس صدق أحسني مب قادره ابدأ ألونها .. أو بالاحرى ينقصني القدره على التعبير بالالوان .. واجادة استخدامها بيسر ..
مب من زينها صح .. !
بس كنت حابه اكمل الخاطره .. واتمم الفكره .. بالطريقة اللي أبغيها بالالوان ..
وانا راسمتها عهالاساس .. يعني بدون ترتيب .. مجرد تحديد .. ولازلت ناوية اغير ابها وايد اشيا ( اذا تفيجت ) من الاطار للتموجات ..
و لأنها أوريدي بتخترب .. إإإ قصدي بتتلون ماهتميت بتجميلها بالرصاص ..

^_^ .. والسموحة ..

:::

كاهي الفكره .......:.


http://www.up.00op.com/data/4862/497...1786852097.jpg


http://www.up.00op.com/data/4862/497...1000572532.jpg


:::

:ohboy:

السلام عليكم يا فنانة

في البدايه

احيي فيج هاي الروح الفنيه

وهالخيال الرائع إلي خلاني اسبح في مخيلة فنان آخر

فنان تميز بأفكار جميله افكار ساحرة

بلا مجاملة عندما رأيتها رأيت عمقاً جميلاً فيهاً

من عمق ٍ فني

ومن عمق ٍ آخر أو بعدٍ محسوس في ذلك المكعب

شعرت ان ذلك الفراغ كما اردتِ ان نستشعره

شعرت به وهو كحوض اسماك الزينه

الصراحة فكرة وايد جميلة ونالت اعجابي وايد

واذا بغيتي النقد على اللوحة خبريني لأنها ما وضعت للأنتقاد

اما عن التلوين

فلج انج تختارين الألوان إلي تبينها

طبعاً اذا على ورقة ( خشبيه , فلوماستر , واذا أوراق

الألوان المائيه بيستوي بألالوان المائيه )

واذا فكرتي اطورين الفكرة على اوراق ملونه ( عليج بالباستيل )

........

اذا حبيتي اتلونين بالخشبيه

عليج بالتروي

لا تلونينها ابسرعه

حاولي ماتخلين فراغات بيضا بي خطوط الألوان

واتخلين الخطوط متناسقه وفي مستوى واحد

وحاولي تدمجين الألوان بخفه خليج دقيقه في هاي النقطه

يعني بين تكثيف الالوان وبين تخفيفها انج اتوازنين في الدمج والتلوين

بيطلع عندج العمل روعه.

ونقطتي الثانيه

في المرات اليايه

اذا بغيتي تبتدين رسمه عشان تلونينها سوي التالي:-

أختاري من الألوان الخشبيه اللون البرتقالي

وخطي لوحتج ابهالقلم ... احزري ليش :icecream:

جربيها وردي عليه خبر ... بتعرفين شو اقصد :happybday:

هاي نقاطي وان شالله تعجبج

تقديري الدائم لروعة هذا الاداء

محاق

هلا أستاذنا المحاق المشتعل ..

اممم ..
لك جل شكري عالرد السريع .. ما شاء الله عليك ..
صدق مراقب من الخاطر لول ..

::

أشكرك عثناءك وتحفيزك الطيب .. !!
وووو بالنسبة للانتقاد وعبارتك >> (( واذا بغيتي النقد على اللوحة خبريني لأنها ما وضعت للأنتقاد )) >>
>> طاع !
احليلي .. من أول مادخت هالساحة لي اليوم وانا طايحه فيكم بهالانتقاد اللاذع :fa43: ..
ياخي انتقد عراحتك .. بالعكس .. لمن ماشوف انتقاد قوي اكتئب .. !!

مب جني وايد اتشرط .. :mf_leia:

انننزين المهم ..
بالنسبة للرسمه .. فهي عورقة الالوان المائية .. يعني سميكة شوي ..
وبالنسبة للألوان .. حابة استخدم الفحم والباستيل ..
بس مادري بيركب مع نوع الورق ولا .. !
ويبالي أمر عالمكتبه .. لأن المخزن عندي فضا ( جنطتي انباقت بكل الخرط اللي فيها خخخ ) >> صدق فالحه .. :ohboy:

وعن نقطة التخطيط بالبرتقالي ..
جيه ماقتلي قبل .. :d014:
احليلي .. دوم اقعد امش الرصاص واخفف منه بالمساحه .. !! >> :oh:
صح انا جني قارية هالنقطة قبل واللي يتم عشان الخطوط ماتظهر بعد التلوين ( او شي جي ) ..
بس يالله عقولتك بالمرات اليايه ..

واذا ممكن تفيدني بنقطة التلوين بعد ..
يعني بالعاده والمعروف ان نلون الخلفية قبل ..
بس مادري .. احس لمن تلون العناصر قبل احسن .. عساس تلاحظ الالوان وشوللي بيركب معاه كخلفية .. !
وان شاء الله عمي ما بننسى الدمج .. ^_^ ..

::

اممم .. وصدق آسفة ..
بالعاده اشيا مثل هذي مااعرضها ليمن احس اني مكملتنها .. أو يئست من اكمالها لول ..
بس مادري حسيت اني بستفيد اكثر وبهتم اكثر بهذي الطريقة ..

وأكرر شكري لطيب لفظك أخوي ..
وسعدت لكون الرسمه وصلت لك تعبير معين ..

::

احترامي .. والسموحه ..

ما شاء الله

والله ابدااااااااااااااااع ابداااااااااااع

ما اتوقعتج جي !!

اللهم لا حــــــــــــســــــــــد

ابهرتيني فنااانه

تعيبني هاي الرسمات اللي جي ^__^

وااايد كشخه كشخه

اتمنالج كل التوفيق

كـل الود

عديم الشوق

انامل الفن

اسمعيني زين وركزي ويايه عيل :tounge:

أولاً هاي خواطر والخواطر ما اقدر اعقب عليها او انتقدها في شي لأنها من نسج الخيال الحر

بس إلي بسألج عنه الخطوط إلي مثل الرصيف إلي نازله من يمين اللوحة

شو قصدتي فيها لأنها مش واضحه عندي ؟

جاوبيني على هالسؤال والنقد إلي تبينه بيكون جاهز :icecream:

والشي الثاني

عادي اذا تبين ترسمين على هاي الورقة بالألوان إلي تبينها

يستوي ليش ما يستوي

بس بتبذلين مجهود اكبر

وبتخسرين ألوان أكثر

وبتخيسين الدنيا

وفي النهاية النتيجه يمكن ما تعجبج

لأنه كراسات الباستيل لها ملامس مختلفه

لأداء افضل

والاوراق المائيه اساساً سووها للألوان المائيه

وبتاخذ كميات كبيرة من الالوان الاخرى :k_no:

وتعاي باسألج ابكم خذتي الورقة المائيه هذي ؟

وشو حجمها ؟ ( لازم اسمع الاجابه عشان اعرف نوعيتها )


اذا كان قرارج اتلونين هاي اللوحة خلاص

فاقتراحي لج انج اتلونينها بالفحم ( العيدان + القلم الغامج ) القلم هذا

موجود في المكتبات الفنيه واداءه وايد حلو جربيه ( شكله مثل قلم الجحال )

واذا حبيتي اتضيفين دوري الفحم ( الاقلام البنيه ) وهي درجات ليست بكثيرة

بتفي بالغرض ان شالله .

انزين وليش اتخفين الرصاص بالمساحه

اسميج انتي :eek:

خذي قلم رصاص اخف درجة إلي هي درجة 8h

وهاي الدرجة خربي ورقتج فيها وماعتقد الخطوط بتبين يوم بتلونين :tongue:

دامنج سايرة المكتبه جيكي على هالقلم بيفيدج :icecream:

وللفايده خذي المساحه الطينيه بتفيدج وايد في هاي اللوحة في وضع

بقع الضوء المشعه :m_mar7ba:

انتظر ردج من جديد

:d014: :11: :d014:

السلام عليكم والرحمه أخوي الكريم عديم الشوق ..
لحظه لحظه .. شوي شوي علي ..
انت متأكد مب مخربط بالصفحه .. !

اممم .. ليش كيف توقعت رسمي .. :mf_leia:
و ما شاء الله عليك أخوي .. عفويتك طيبه ..
اللهم لا حسد عليك .. ^_^ ..
وزين يوم إن الرسمه نالت شي من رضاك ..
بس ترى اي انتقاد تبي تطرحه ولا راي حياك .. تشرف وتنور .. :11:

وربي يحفظك أخوي من شر الدنيا ..
ويعينك عطيب صراطه .. وقربه .. برحمته .. ^_^ ..
والسموحه .. !!

أخوي واستاذي المحاق المشتعل ..

تدري شلون ..
أتخيل شكلج من الرد السابق لك ..
أستاذ معصب وشايل عصايه .. شوي وبطقني :d014: .. >> ما اسولف من صدقي لول
كله بسبة الرصاص اللي أمشه .. ههه

::

انزين .. كاني اسمع و مركزه ..
لكن قبل تراني مب راقده اليوم فأي عبارة ممكن تمر عليك مابتفهما اعذرني .. ^_^ ..

امممم .. بالنسبة لأولا ..
عقولتك اللي نفس الرصيف .. هي عبارة عن تموجات صغيره ملاحظ طبعا وجودها موزعه بالاطراف ..
وعن الجزء اللي حددته .. فمثل ماقلت بالطرح الاول .. رسمتي مب كامله ..
وحاطه ابها وايد اشيا كرموز تذكرني بشغلات حابة اسويها كافكار ..
مثلا .. بما إني اخطأت بوضع القياس وظهرت الرسمه مب متوسطه اللوحه .. كنت حابة أظيف خلفية لها تظبط وتبرز الشكل اكثر ..
تموجات تسربت من احد اطراف اللوحه .. تمازجت وما يسمى بالمحيط السائب ..
هي مابتم بهالشكل .. ومادري اذا بعرف اربطها بالخارج بالطريقة المطلبوه ..
منها اللي يخترق اللوحه .. ومنها اللي بدأ يتسرب سواء منها او إليها .. وهي حتما لن تكون بهذا الشكل ..
وأكيد لست واثقة بمقدرتي على اداء الفكره .. !
عندك ايضا الورقة المتدلية ..المنسابة .. مب حابه أسرد الخاطره .. ولا ني أحبذ أشرح اللوحه..
لكن مثلا حد الورقة من الاسفل واطار الرسمه بتلاحظ ان القاعده ( اسفل الورقه ) مب مستوية ..
ايضا حاطتها كعلامه لشغله ناوية اطبقها اثناء التلوين .. فقد بدأ الاطار بهذه البقعه بالذوبان .. !

وكلها أمور تعتمد عكيفية ترجمة الفكره رسما .. وان كنت سأضيف خلفية لها .. !

مادري اذا وصلتلك شي من اللي بغيت تعرفه ..
لكن طبعا اذا كنت تملك الوقت ( وماكو اي ضغط عليك ) .. تقدر توجه أي انتقاد صريح .. عادي تراني مب من النوع اللي يضايق ..
بالعكس والله .. سواء بتنتقد بشي من الفكره ولا الاداء .. خذ راحتك اخوي ..
وكيف بتعلم بدون مالاقيلي من ينتقد .. !!

:

وعن الكراسة ..
مادري بس مالقيت بالمكتبه ( لمن سرت لها قبل ) شي من دفاتر الباستيل ولا الفحم بالحجم اللي بغيته ..
من جي اكتفيت بالمائي والزيتي ..
وعن الورقه المائية فهو بدفتر سعره ما أذكر بالضبط .. إما 86 أو 96 .. واحد من السعرين ..
بحجم 30 في 40 ( طبعا سانتي .. ^_^) .. coton 100% .. 25 sheets >> بعد آمر : )

وانا شكلي خلاص بستقر عالفحم والباستيل .. لأنهم يظلون اسهل علي لأداء هذي الرسمه بالأخص ..
سواء بتحديد التفاصيل .. ولا التلوين ..
لكوني احس ( مادري راي ) ان المائي والزيتي برسمه مثل هذي بتكون صعبه علي .. !!

وبغيت اسألك أخوي عن االألوان .. لو تسميلي شي منه عشان اسأل الريال عنه لأني ماعرف بهذي الأمور بزود ..
عندي قلم اعتبره فحم اسود كنت استخدمه .. وهو نفس الجحال بس مادري اذا كنت تقصده .. !
وبالنسبة للراي اهني .. تشوف الانسب اني احدد عناصر الرسمه بالاسود ولا اخلي التحديد بلون العنصر نفسه .. !!

اممم .. وبعد .. تراني وحده هاوية ..
فيعني لا تتوقع مني ادراك كل الامور اللي تقصدها بالرسم من ادوات لطرق بالرسم .. :blush: >>
>> للعلم يعني عشان اذا لقيتني مصطله وانت تذكر شي من النقاط .. !

وعن الرصاص وكوني امسحه .. ترى قالتلي مره وحده خذيلج قلم رصاص من النوع اللي ذكرته او مشابه..
وعندي شي من هالقلامه متين .. ولونه خفيف .. بس مادري عنه لشو يستخدمونه لول ..
احليلي عقدي .. ^_^ ..
لكن فيني طبع بالرسم لازم تكون الرسمه محدده بالغامج .. حتى لو بلونها ..
يعني ماستسيغ منظر الرسمه لو كانت محدده بالفاتح .. !! >> يعني العله اهني فيني : )
اممم .. بس شكلي بجرب فكره القلم البرتقالي ولا الرصاص الخفيف ..

امممم ..
وصدق السموحه منك أخوي ..
أحسني جي وايد أتشرط ..
بس من صدقي لاترد الا بوقت تكون رايق وفاضي فيه .. ^_^ ..

والسموحه منك من الخاطر .. !!

اختي انامل

لا افا عليج اسولف انا وياج بس يبالج اشويه :d014:

فنانتنا القديرة

أولاً للأوراق المائيه 3 انواع من الاوراق

الاوراق إلي يصنعونها بالمكاين

وفي اوراق من نوعيه ثانيه ماذكر شو هي

والنوعيه الثالثه هي نوعية الهاند مييد ( مصنوعه يدوياً )

وهاي وايد غاليه الورقه إلي ابحجم الوسيله قيمتها 45 درهم ( هاي ورقه وحده )

وهاي الاسعار بس امسوايه حق الالوان المائيه

يعني النتيجه ما بتكون مناسبه للألوان الاخرى لأنها خصصت للألوان المائيه

و لو ترسمين على وسيله افضل من انج ترسمين على هاي الورقه

...

بالنسبه للتموجات هي كفكرة وايد فكرة حلوة

بس ما كانت واضحه بالنسبه لي

واذا بتخلينها كتموجات واقعيه بتكون احلى واحلى

وانا واثق انج شاطرة في هالشي

وما بقول اي شي لين ما تنتهي اللوحة عقب باحكم عليها

لأني ماعرف شو الاضافات إلي باتضيفينها لاحقاً

وانا اعرف انج بتتقنين الاضافات بإذن الله لأنج متذوقه ماهره ماشالله عليج =)

القلم هذا فحم انا عن نفسي ما احصله إلا نادراً وفي مكتبات الرسم

بتشوفين شكله مثل قلم الجحال

واذا حصلتيه حددي فيه الرسمه وبلون التحديد نفسه ظللي أو لاشي التتحديد

عشان ما تبين الحدود بخط بل اتبين ابتدرج لوني غامج

والكراسات مكوده في مؤسسة الامارات إلي امجابل نادي النصر

سيري هناك ما بتظهرين من المكتبه :oh:

واذا ما حصلتي هناك سيري مؤسسة الحثبور بعد في نفس المنطقه

عندهم اشيا حلوة وكراسات بالهبل

اكبر غلطه ترسمين بالباستيل الملون عالورقه البيضا

بتضيع لوحتج بألوان فاتحه زياده عن اللزوم

ولو دخلتي الفحم وياهم يمكن يستوي تناقض كبير لو ما تلاحقتي على لوحتج

أووووووووو تعالي اتذكرت شي

في الاألوان الشمعيه الزيتيه وايد فنانه ترسمين فيها

وعقب اتمثينها ابخلقه تستوي مثل الالوان الزيتيه يبالج اتجربينها

وتنفع عالاوراق بعد

بس مب الشمعيه العاديه

اسمها ( أويل باستيل )

جربيها وشوفي

وبالعكس انا في كل الاوقات متفيج حق الفن وملحقاته :a018:

وانا في الخدمه في اي وقت واسف جداً على اسلوبي القاصر في توصيل المعلومه

بالشكل المطلوبه

تقبلي المعذرة مني بشدة أختي الطيبه

دمتي بحفظ الرحمن

محاق

برد على هالفن الرائع
بس عندي دوام احينه
اسمحولي
كل اللي بقوله صدق ظهر عنا فنان ومتميز في فنه
لي عوده اتريوووني

ما شاالله تعابير محاق وانامل ,,,




حبيبتي انامل ,.,,, شقولج ,,


لا تعـــــــــــــــــــــــ ـــــــــــــــــــــــــ ــــــــــــــليق ,,,


لأني لوتكلمت ما بوفيج حقج ,,,


محاق ,,, كفى ووفى ,,,




الله يحفظج ,,,,,,

عزيزتي الشوق ..
حياج الله بأي وقت .. والفن مابان لج إلا لطيب نفسج .. وسموها ..
ربي يحفظج من كل عين ويوفقج بدوامج وحياتج يارب ..
فقد سعدت بطيب طلتك صدقا .. ^_^ ..

:

عنوني الدافيه ..
انا اللي شقولج .. !!
صدق وجودج فرحني .. وعساج دوم بقرب الرحمن .. بفضله ..
اممم .. وبالعكس .. نحن اللي لو تكلمنا عن طيب خلقج مابنوفيج ..
وادري اني جدا مقصره بحقج .. فجل السموحه لذلك .. !
وربي لج حافظ .. ^_^ ..

:

كل الود لكم ..

السلام عليكم ..
عدنا .. ^_^ ..

بعد .. هذا اللي قاصر .. :d014: >> هم آنا أسولف .. :fa32:

أستاذي وأخوي الكريم المحاق المشتعل ..
بالنسبة للأوراق المائية .. امممم .. اي فهمت ..
والنوع الثالث هم أعرفه أحيدني مستخدمتنه .. جنه .. !! >> اذا مب مغلطه ..
بس طبعا مب لرسوم شرات هذي .. هييج كانت لشغله جدية أكثر أعرضها لسين من الناس ..

اممم ..
انزين الحينه بالنسبة للاوراق والالوان اللي نصحتي ابهم ..
الأويل باستيل .. عورق الالوان المائية نفسه اللي عندي .. ولا ورقه شرات الوسيلة العاديه ولا شو .. ! >> بس اذ اممكن توضحلي هاي النقطه ..
وتراني اوريدي ناوية اطبع الرسمه بعد ماشفهه بالفوتوشوب لتلوينها عقب .. ( يعني الخطوط بتكون خفيفة ومابتبين اثناء التلوين .. )
مافيني الون النسخه الاصلية كتدريب وتجربة واخربها ..
صراحه قلبي بيعورني .. :ohboy:
وبعدين لحظة لحظة .. أحيد الزيتي روحه والشمعي روحه ..
متى تناسبوا مادري .. :k_no: >> احليلي عقدي ..

ووو بعد .. بالنسبة للتموجات والانتقاد اللي تهربت منه لول .. >> اسولف .. ^_^ ..
مادري الصراحه اذا بعرف ارسم تموجات واقعية وواربطها بدمج طيب بالرسمه ..
يعني الواحد لمن يستصعب شي .. يتجه لمسلك ثاني لنفس الهدف ..
وانا حطيت التموجات الرمزيه ( اللي بالشكل اللي ظهر ) كمعنى ودلاله .. لكونه اسهل لي ..
ويمكن ليش لاء .. اذا دق براسي بغيرها : )
وان شاء الله اقدر اطبق الفكره اللي ابـ بالي .. لأني مب لهناك بالأمور التخيلية .. ولو عندي عينه
لصورة جاهزة مشابهه للفكره جان نقلت .. !!
وبعدين لحظه تعال أخبرك أخوي .. من قال إني بحط الرسمه لمن بكملها .. :glare:
اذا ( مع وضع مليون الف عشر مليون خط تحت الإذا ) لقيتها مقبوله وماتفشل كمحاوله بحطها ..
مب ناقصه فضايح :a018: ..

والقلم هذا الصراحه هم انا ماشفته .. بس عطتني اياه ابلة الرسم مره لأداء لوحه ..
ومن رسمت اللوحه لين الحين القلم موجود عندي ( طبعا صغر وتعفن ) بس ربطته بوصفك وأظني أهو نفسه ..
والله أعلم .. ^_^ .. >> بس ماله اسم محدد يشذه .. !

أما عن كلامك عن التحديد والتظليل وكيفية اداء هاي النقطه فوصل ..
وان شاء الله يكون التطبيق شرات الفهم .. !

:

اممم وحاليا مستعيلة ومب ياي ابـ بالي استفسار أحطه زياده ..
لكن بما إنك متفيج حق الفن وملحقاته .. فاسمحلي بنربطك بهالساحه ليمن تقول بس ..
أفرجو عني .. :k_devil2: >> وانطر استفسارات اخرى إن وجدت .. :blush:

وبالعكس أخوي .. إذا اسلوبك انت قاصر عيل احنا شو نقول .. :3:

كل المعذرة والأسف على اشغالي لك ..
وجل الاحترام والتقدير الخالص لك دوما ..

ربي لك حافظ ..
ويعينك لطيب دربه .. برحمته ..

والسموحه .. !

انامل الفن

:fa32: :a058:

:d014: :d014: :d014:

هلا فيج أختي المبدعه

استمتع يوم اقرا ردودج :11:

بالنسبه لسالفة الخامة ( الورقة )

اذا عندج جزء صغير من نفس خامة الورقة المائية إلي رسمتي عليها

حاولي تلونين عليها بالأويل باستيل ( الألوان الشمعيه الزيتيه )

سوي مثل البروجكت حق هاي الالوان منها اتعرفين كل شي عن الورقة والالوان

وبهاي الدراسه السريعه تكتسبين خبرات فنانه تعزز من ادائج ( إلي يسمع اداء

يقول مكينة 300 حصان كيكيكي ) :oh:

جربي الالوان هاي في هاي الورقه والثانيه ( الوسيله )

وانا يوم ابا ارسم لوحة قويه بتاخذ مجهود كبير مني

اخترع خلطات الألوان برع الموضوع وابتكر اي طريقه عشان

ابتكر اللون الملائم حق الرسمة

فجربي هاي الطريقه وردي عليه خبر

وربي يوفقج بس لا تبردين نبغي انشوف دراستج كيف بتكون

وحتى لو تعرضين هاي الدراسه في موضوع يمكن انه نقترح عليج

شو الاشياء إلي تقدرين اتزيدينها على هاي الدراسه

وان شالله خير

يلا في انتظار تعقيبج :a018:

أشوفهم تكاثروا :pullhair: >> :d014:

:

امممم .. المهم ..
بالبداية نسيت اشكرك عمشورتك لي بخصوص مؤسسة الامارات اللي مجابل نادي النصر .. ^_^ .. >>
>> عن يسمعك الوالد مافينا يردني ولا يوديني .. >> معقدتنهم من أدخل المكتبه ما اظهر :fa36: ..
شو نسو .. ما يقدرون الفنان لازم ياخذ راحته بانتقاءه للأدوات >> قال فنان قال :fa56:

اننننزين .. وبعد شو بغيت أقول ..
إي .. بخصوص الوان الاويل باستيل .. بجربه طبعا لمن الحق اشتريه بعد ما أفج من الامتحانات ..
بس تراني ماعرفه لا شكلا ولا أداءً .. واذا خبصت فيه ترى برد الموضوع عليك :d014:
ووقتها بنزل موضوع كامل متكامل في ذم هالنوع من الألوان لول ..
وإي أكيد عندي ورق .. توه الدفتر يديد مامداني ارسم فيه هالرسمه .. والصحن اللي بط جبدي للمسابقه : (
وما بنسى أجرب ورق الوسيلة بعد ..

ووووو طبعا مابقصر باللي أقدر عليه .. خاصه ان خلاص الاجازة عالابواب .. وناسه من الخاطر ..
فليمن تشرف الاجازة واروح المكتبه وارد وافكر اسو لي قعده ودراسه وتجارب وقعدات وجلسات
و تفنن من الخاطر على رواق .. عقبها برد للموضوع اهني نفسه عشان ارد احشركم باستفساراتي .. >>
>> جدا جدا جدا مشتاقه لهذي القعده .. واستخدام الالوان ..
أحس جي شرات المجاعه من زود ما اني متولهه لول .. :icecream:

يمكن لأن الرسمه ابها افكار بزود .. وتلوينها عشان يظبط ويبرز الافكار محتاج لجهد وتفصيل وقعدات طويلة نسبيا ..
وبما إني مثل ماقلت هاوية .. وما جربت اسير حتى دوره وحده .. واعتبر جاهله بخصوص الالوان والرسم عامه ..
من جي نزلت هالطرح كبداية جدية شوي للتعلم ..
فيعني لا تتفاجأ إذا لقيت نتيجه سيئة دون المستوى اللي تتوقعه >> يعني اذا لقيت الرسمه مقبولة كبداية بعرضها ان شاء الله ..

عاد متى مادري .. :a018:

وحاليا لازلت بجو امتحانات ومب قادره اركز عالموضوع بالشكل المطلوب ..
لكن ان شاء الله ما بنقصر لمن نخلص .. ^_^ ..

أخونا الكريم واستاذنا القدير المحاق المشتعل ..
جدا شاكره لك حرصك عالافاده .. وكونك ماقصرت معاي بخصوص الرسمه .. بطيب نصايحك وتوجيهاتك ..
صدقا .. من الخاطر أشكرك .. ^_^ ..

وكالعاده .. ترى أي نصيحه ولا تعقيب .. نقد مر بفكرك .. لا تتردد بطرحه ..
يعني احيانا الواحد ما يستشعر قيمه الكلمه اللي يقولها .. ومدى الفايده اللي ينالها غيره منها ..
وعني أنا .. مافوت حريف ( تصغير حرف ! ) ألاقيه منكم ..

وعلى فكره هذي الرسمه وانا اشتغل عليها استوابي نفس حركه عمو يوم ترسم شغله وتغيرها بلحظه ..
كانت عبارة عن شرفه بغرفه .. مطله عمنظر طبيعي ( بحر ) .. لكن اللي كان بخاطري شي مختلف تماما .. فمالقيتني إلا وانا اغيرها بالكامل ..
وكنت وانا أرسم أتذكر كلمه قلتها مره يمكن تشوفها بسيطه لكنها ثبتت براسي شرات غيرها .. >>
>> (( يوم قتلي حاولي تكثرين أفكار باللوحه )) ..

وهذي محاوله .. بخاطره .. !!

:

ولكم مني جل الشكر والامتنان ..
وطيب احترامي .. وتقديري الدائم لكم ..

:

والسموحه .. !!

::

والله مادري شقول ولا أقول ..

بس رسمتج ..

it's Just .. Dont Know what 2 SAy wallah

U Blow Me Awaaaaaaaaaaaaaaaaay !!

:k_nono: :k_nono: :k_nono: :k_nono:

::

الرسمه روووووووووووووووووووووعه رووووووووووووعه

ماشاءالله عليج

ما أعرف شو أقول

ومحاقنا ماشاءالله ما قصر بنصايحه

وأنا لو عندي شي بفيدج .. بس المشكله انه ما عندي خلفيه عن التلوين بصراحه

:k_no:

:

نترياها وهي ملووووونه

:11:

وتسلم ايديج يا مبدعتنــــــــا