عرض للطباعة
السلام عليكم و رحمة الله و بركاته
و بعد انقطاع دام شهرين عن التصوير بسبب بعض الخلافات الشخصية مع كانونوه :fa55:
امس تصالحت ويا كانونوه و قررت اني اسير اصور و آخذلي كمن صورة
و من بين الاشياء الي صورتها زهرة البصل
ان شاء الله تعجبكم
http://oasis.bindubai.com/bin/upload...1176273196.jpg
في انتظار انتقاداتكم و تقطيعكم
:8:
عــليك الســلام والرحمـه يـاخويــه
خـلافــاتك الشخصيـه مع كاميرتك يــابـت نتيجه والله:fa56:
الصورة
وايـد وايــد حلـوه
والخلفيـه ع لون الورده طــالـع حلو بــعد
مميـز دايمـاً
انا مايخصنيه بالتقطيـع والانتقاد
وفي انـتظار الجـديـد منكـ
لقطة مميزة من لقطات الحلوه ،،
تسلم عالصورة :)
الزاويه اللي خذت منها الصوره وايد أوكيه
بس عتبي على background
مادري ليش مب داشه مزاجي
أحس عيوني عورتني منها
بس ككل الصوره حلوه
btw كانونوه كأنه اسم ياباني :k_harhar1:
مهابه
تراني عطيت عمري اجازة من التصوير
عسب ما يصير عندي تشـبـّـع منه
تسلمين على المرور و ردج الطيب
=========
راعي الزعامه
تسلم عزيزي على ردك الطيب
===========
مزايا
انا شوي لعبت بالوايت بالانس و خليتها محمره و ذلك باختيار وايت بالنس بدرجه ساخنة شوي
اتوقع لو خليت الوايت بالانس بلون بارد كان ممكن انها تكون احلى
و كانونوه = كانونـ + ــوه
و هذا لأني كنت زعلان عليها لفتره
بس يوم اكون راضي عليها اسميها كانـّـوونه
في هالصورة اخترت وايت بالانس ابرد و اقرب الى اللون الازرق او الاخضر
و شوي زدت من نسبة الاضاءة
شو رايكم هذه احسن ولا الأولية ؟؟
http://oasis.bindubai.com/bin/upload...1176277714.jpg
عيبتني الصورة الثانيه أكثر .. تسلم ذنيني .. :thumbup1:
الصورتين حلوااااات ..
والحمدلله انكم تصالحتوا .. والا الله يعينا متى بنشوف صور يديده من صوبك خخخخخخ
الصرااااحه .. صور ولا احلى
موفق :)
السلام عليكم...
بصراحه... حبيت الاولى .. و عيبتني...
يمكن اطلبها عنك عقب عشان اتكبرلي اياها و احطها في حجرتي :14:
.
.
و الثانيه طالعه فررررش أكثــــر..
والله باثنينتهم حلوين... ماشاء الله عليك و على كانونوتـــك .. :fa51:
ما يهزك ريح
تسلم الغالي على تواجدك
و زين انها عيبتك
:8:
========
نجمة دبي
كنت استخدمها لتصوير الفعاليات بس
يعني للشغلات الرسميه
بس ما كنت اسولف وياها
:8:
=======
شوق القلوب
و جان استااااااااانس
كلام كبير والله لول
اليوم بتوصلج الصورة، ما طلبتي شي بس خليني ادش من لابتوبي :a049:
اخيرا صورة من صوري بتتعلق على الايدار لول
:woot:
كششششخه الصورتين
والثانيه ظاهره احلى بوايد عن الاولى
معقوله هالورده الحلوه تتحوّل لـ بصله !
عالعموم الصوره الثانيه عيبتني أكثر،، تسلم ايدك
the first one is nice .. great shot which lense ?
حلوااااااااااات الصور ,,,
وحبيت الثانيه اكثر ...
موفق اخوي ...