إدارة الذات والوقت

كانت عندي دورة بعنوان

إدارة الذات والوقت ... كيف نتحكم بأنفسنا .. كيف نتصرف ... نستغل الوقت بالمفيد ..

ودورة جميلة الصراحة ... ووضحنا لنا المدرب كيف لنا نستفيد من الدورة .. يعني مب مجرد

دورة وشهادة وخلاااص .. انتهى كل شي .. حاول اتطبق هالشي في حياتك ..

وفعلا .. الحين السبوع الثاني، لكن اليوم وفي الويك اند .. حسيت بنفسي رديت مثل قبل

كيف أضبط نفسي وأدير ذاتي ...

يعني لازم أراجع اللي خذته .. مب امتحان قدمته ونجحت وماعرف شي بالمره ..

ومع هذا نبهنا المدرب ... على الاستفاده من اللي خذناااااه ... وأتمنى لو تتصلون بي

لو في استفسار ...

بديت اتنرفز من كل شي ... والحين خلال طرحي للموضوع .. أتمنى إني ما أرد ... مثل أول

انصحوني يانااااس ... يا عالم .. وقبل ما أرقد .. أتمنى أشوف لو رد واحد ..

ارتحت نفسيا بالدورة حسيت في تغير ... والحين عقب البوفيه الحلووو ...

انسى كل شي .. مب معقوله .. بسنا عااااااد زعل وكدر ونرفزه وعواااار راس ...

الصراحه هالنوع من الدورات وااايد مفيده .. وتكثيف هالدورات بين فتره وفتره .. خطوه وااايد ناجحه وحلوه ..

انته بالفعل استفدت من الدوره .. والدليل ان الاسبوع الاول كان منظم وحلو ..

لكن احيانا .. الظروف اللي تمر بنا .. والضغوطات اللي علينا .. تخلينا ننسى كل اللي تعلمناه .. يعني ( طفح الكيل بنا ) ..

الواحد .. اذا تم يفكر بالسلبيات .. والمشاكل .. والضغوطات .. والاعمال العالقه ..

نفسيته بتتعب .. اموره بتتلخبط .. بيخل توازنه ..

نصيحه مني لك يالمزوحي ..

ارمي احزانك وافكارك السلبيه خلف ظهرك .. وانظر للحياه بنظره ايجابيه ..

و دايما ارسم البسمه على وجهك :)

وريح افكارك ..

وان حبيت .. اعمل جدول مرتب ليومك :)


نجمة دبي

اخوي المزوحي ..

حط في موبايلك منبه .. على الاقل ينبهك كل ساعه او مدة معينة ..
عشان اتعرف وتنتبه للوقت واتنظمها .. وخل منبهك مرتبط بجدولك اليومي ..

حاول اتكون اقوى من الضغوطات والظروف ..
عيد الخطة وطبقها في حياتك ولا تتكاسل ..
واولا واخيرا اقولك الزم الصبر .. الصبر .. الصبر

وادعي ربك وايد .. والرب لا يخذل داعيا ..

وفقك الله لكل خير وسعادة .. ^__^

نجمة دبي ... مرات يوم اكون مهموم .. وأسير الدوام .. أقول بنسى المشاكل ..

خلني ابتسم في ويه الغير ... أحيانا أقلى ملاحظات اليوم انته وااااايد مبسوط ..

مع إنه اكون أكثر متضااايج .. بس أحاول اتغير ...

وفعلا ارتحت نفسيا يوم خذت هالدورة .. قلت وين انا من زمان ووين الدورة من زمان ...

إذا كل فترة خذت دورة .. أو هالدورة نفسها جدديتها ... إن شاء الله أكون غيييير ...

الملهم

هيه .. أبغي أكون أقوى وأقوى وأقوى ... والتزمت شويه .. لكن ما استمريت ...

حاولت انجح ... في البداية ... اضبط اعصابي ... الصبر زين ..

لأنه يوم تطلع عن طورك .. تصدر منك تصرفااات ... تجرح الغير ...

ووفقك انته كذلك ..

................................... مابزيد على كلام اخواني وخواتي .....


نجمة دبي كفة ووفت .......


بس اخوي في كتب ووووووووووااااااايد حلوه ومفيده عن التنظيم والوقت بتستفيد والله ..


موفق الغالي