ماذا تفعل اذا وحده مدت أيدها تبغي تسليم عليك أو العكس ؟؟؟؟؟؟؟

السلام عليكم

شخباركم وشمسوين

اليوم يايب موضوع للنقاش

شو بيكون موقفكم لو:


وحده مدت ايدها تبى اتسلم عليك ، يعني يمكن اتكون زميلة في الشغل او مديرة الجامعه او دكتوره او ا و الخ ،


هل راح اتمد ايدك واتسلم عليها وله تكتفي بالسلام بدون مااتمد ايدك ؟


وللبنات اذا مد واحد اييده بتسلمين عليه ولا؟؟


؟؟؟؟؟؟


سواء من الاقارب ... بس ما يكونون من المحارم
<< ولد العمه وولد العم والخال ...

او


زملاء العمل


والسمووووووحه:k_smile2:

سؤال مهم ..

لو في الشغل او اي وحده غريبة علي مدت ايدها ..
امممممممممممم ..

طبعا فشله يعني وحده اتمد ايدها وانا اقفطها .. مش حلوه ..
بس ممكن اني اشل تلفوني ابسرعه وانسحب بسرعه بعذر اني ابا ارمس تلفون .. وبتجاهل ايدها وهي على ما اظن بتقدر الموقف بدون اي تعقيد .. ^__^

شكرا على السؤال .. ^__^

والله عني انا مابسلم عليه

شو يعني زميل عمل اصلا هو المفروض مايسلم علي
بس ان سلم مابسلم عليه عسب مره ثانيه يفهم ومايرد ايمد يده

واذا حد من اهليه ( وانا دوم الظحيه في ها الشي ^^)

وخاصة الكبار فالسن يعني اللي فال30 واكبر
يعتبروني صغيره اونه ( معقديني فهالسالفه خخخخ)

بس مرات احاول اني اتجنب ها الشي بس عسب مايسلمون عليه

وتسلمين عالموضوع

هل الموضوع جميل جداً وانا بكون متواجد للقراءه =)

شكر خاص لطارح الموضوع

وللردود الطيبه

محاق

:h_mar7aba:

مـوضــوع حـلوو ..
انــا وبكـل صرااحــه من اللي يعانوون مـن هـ السلام .. وخـاصـه ويا الاهــل
يمكـن لانـه الكـل متعود عليــه ! ومـب منقـود عندنا مـثـل الباقـي :boxed:
مـثلا يـوم أشـووف عيـال خـالتي وأكون بين جمــاعه .. الكـل يسلــم سواء بالايد أو الخشـوم الخ .. ! فـ اضطر اني أســلم ..
وأحـيد مـره مـا مديت ايدي حـق ولد خـالتي اللي أكـبر عني .. يدوتي قالت بلاج ! ما بيااكـلج :fa46: فـ مديت ايدي غصب
بس الحـين .. ومـن فتره تعــودت انـي مـن أشـوفــهــم يايين ويبوون يسلمـون أنشغل بأي شي يداامي عـشان ما يتقفطــون :fa44:

ووووبس
.
.

أنا الصراحه ضد اني امد يدي واسلم واذا كنت بموقف محرج احط الوقاية على يديد واسلم


اذكر مرة في الجامعه من باب التمثيل مد الدكتور يده يسلم كان يبا يشرح شغله وانا كنت بويهه مديت يدي بس عقبها ما حسيت بيدي وتضايقت فترة طويله اني ما فكرت بس عقب سامحت نفسي:)

حاليا ما اسمح لحد يمد يده ويسلم...حتى بالعيد مرة انا ما انتبهت يقوليلي انه خال ريلي مد يده بيسلم وانا طنشته بس انا فعلا ما انتبهت زين من الله.


وبصراحه اتضايق من انه المصافحه باليد صارت عادي في وقتنا الحالي في اكثر الدوائر والاجتماعات

شكرا لطرح مثل هالموضوع ..



سأكتفي بالمتابعه ..

:thumbup1: .. ببساطه ووايد حصلت لي هالمواقف وحتى مع الأهل .. اسلم بالكلام بس ما امد ايدي لإي حرمه غير المحارم .. !!

وحصلت لي وايد مواقف .. ومواقف جدام الناس الحرمه تمد لي إيدها وتكون جنسيتها غربيه = اقولها انا آسف بس إسلامي ما يسمح لي إني المس حرمه .. وساعات يصادف إنهن يسألني انتوا ليش دينكم جذه ؟؟ اقولهم .. نحن ديننا دين تعامل .. يحافظ على شعور الحرمه ويحافظ على شعور الرجل وأيضا دين يحافظ على مكانة المرأه والرجل .. !!

احيد واحد من الربع ( سعودي ) قالي إنته جرئ .. قلته جرئ ؟؟ بالعكس انا طبقت الدين وهاي هب جرأه .

.. المقاتل ..

اذا كان شيخ كبير مب صغير عادي بسلم عليه :tounge: .. بس ولد عمي وولد خالتي .. زميل في العمل ع قولتكم اشحقه اسلم عليهم :a032: ليكون على راسهم ريشه ونا مادري :icecream:

المشكلـه ..
إنـا نفكر فـ الشي ع شكل عـاده .. مب أنه حرام والا حـلال وأغلب الأهالي جي يفكرون ..

صح مايكون قصدهم ! .. وهالاشيا تستوي بنية وايد زينـة لكـن بعد مايستوي شرعا ً .. وللأسف نحن عنـّا هالشي إنا نسلم بالأيـد مبين الأهل - عيال خوالي عيال عمومتي - ( بس مب زملاء العمل )

وهالشي اسويه حق قوم الثلاثينات
لكن الحشاكل اللي من عمري وطالع ماسويلهم سالفـــه XP .. لكن مرات فـ الأعياد وهالمناسبات أسلم غصبننننن عني

اصلن نحن ما عنـّا وايد أن البنت تاخذ ولد عمها وألا فلان لـ فلانـه .. نادرا ً مايستوي زواج جي
ممكن يكون من الأهل بس مب ولد عم وألا ولد خال ( لأنـه وايد قريبين من بعض فـ كل واحد يجوف الثاني ع اساس أنه أخ أو أخت مب أكـثر ) ..

لكــن بعــد ( غـلـط وحــرام ) اللي نسويــه .. وأن شاء الله أحاول أعدل هالشي من صوبـي

اذا مد ايده انا بابتعد
وبرد عليه بالكلام
عشان مره ثانيه يعرف ان هالشي غلط ومايكرره

وحصلت لي مواقف ان حد كبير يسلم علي
بس احيانا من القفطه الوحده ماتعرف شو اتسوي


موضوع حلو
نستمر في القراءه ^_^

عــليك الســلام والرحمه

اممم أنـا واعـوذ بالله من كلمة أنا ، وبما ان نحن عايشين مع عيال عمتيه ، واغـلب اوقاتهـم هم ف بيــتنا ، واعــتبرهم شرات اخواني واكثر ، فكنت أسلم وأسولف واضحك وجيه، يـعني كـ أنهم أخواني
وكنـت دايمـاً أسلم عـليه بالأيد وكـأن الأمر طبــيعــي



ولكـن !!..


الحين أحاول اني ما أســـلم ، يـعني كــذا مره ولد عمتيه مد ايده يسلم ، قلــت له ، لاتمد ، حرام
حـاولـت أييبها له بطريقـة سوالف وجيه ، !! وأحاول ادخل الصـاله لو كانوا موجودين ، يوم الكل ملـتم بحيث اني ما أسلم ع حد ، مجرد أقول السلام عليكم وادخــل

والحـين أبد ما اسلم على أي حد من عـيال عمتيه أو خالـتيه بالأيد

يمكن يداتنـا وجيه ، يقولون ليش ماتـسلمون وجيه ؟ بحكم انهم كبار وياخذون السلام من نظرة عاداتنـا وتقاليدنا مش من الناحيـه الإســلاميـة

ولكـن يبقـى شـرع الله ، فـوق العـادات والتـقاليد ، وفوق حشرة يدتيييه يوم تشوفني ما أسلم:fa56:

بالنســبه للبــلاد .. بصــراحه الله يعين اللي بتمد ايدها تسلم علي .. لانه بتوايه نـظرة جدا حقيره مني .

بالنسبه للخارج وبالذات الثقافه الانجليزية تعلـمنا شــي انه الريـال ما يمد ايده يسـلم على وحده .. الا اذا هي مدت ايدها فلازم تبادرها بالمثل .

من مد لي يمناه مديـت لـه خمــس.. ومـن صـد عني عفـت شيـفت بــلاده :whistling:

مشكور عالموضوع،،

المفروض انه الريّال من نفسه ما يمد ايده لـ بنت وهالشي تعودنا عليه
بس احياناً تكون البنت فيها جرأه وتمد!

عشان جيه،، اذا الواحد فينا يبا يتجنب هالأشياء،، قبل لا يمد الطرف الثاني
ايده احرك راسي يوم اسلم.. وايدي اخليها بعيد شوي.. ويفهمها الطرف الثاني بدون احراج

موضوح حلوو
وبالنسبه لي اذا حد مد ايده
من عيال عمومتي وماشابه اكيد ما امد ايدي
عادي عندي لو اقفطهم
وبس ارد عليهم بالكلام

بس كبار السن مثل ماقالت الدلوعه فوق الثلاثين يعتبرونا صغار
ولازم انسلم عليهم
مثل ريل خالتي العوده ريلها كبير في السن
ويوم كنا صغار كان يشلنا ويلعبنا
ويوم ايسلم لازم انسلم عليه لانه شرات ابونا
بس انا ماحب جي

شكرا مره ثانيه ع الموضوع