.. حد يفيدني بين الـ TOEFL و IELTS ..

الســـلام عليـــكم..

محتــاره.. أخذ الـ TOEFL أو IELTS

وشو اللي بتفيدني أكثر..؟؟ اللي اعرفه انه الـ TOEFL ينتهي بعد فتره.. و قالولي انه الـ IELTS اتم الشهاده عادي... مب لفتره معينه..

..


اللي يعرف يخبرني.. :k_special2:

اللي انا عرفه انه الثنينه نفس المشكله .. يعني كل سنتين لازم تمتحنين مرة ثانيه .. :k_smartass:
هذا والله أعلم .. :a116:

لكل امتحان منهم صلاحية لمدة سنتين أظني !
بس أنا أنصحج تسوين الـ توفل :k_icon9: لانها شهادة عالمية وتقدرين تقدمينه حتى حق الوظايف وهو أمريكي طبعا ً والايلتس بريطاني ( بس يقولووون أنه سهل ) لكني أفضّـل التوفل

والتوفل منه نوعين إذا بتسوينه
شي اللي هو Paper-based و شي Computer-based ..

وإذا تبين تعرفين اي شي زيادة
فالج طيب :inlove:

تعالي أنتي تشتغلين وألا تدرسين ؟ لـ شو بتمتحنين ؟

مــا يهـــزك ريـــح

همممم... يعني نفس الشي.. :smile2:

..


اليــاه

الدراسه و خلصناها الحمد الله ..:k_smartass: بس كنت ابا اخذها لانه تقريباً اغلب الوظايف بعد فتره بيطلبون التوفل مثل مال الحين كلهم يطلبون الـ ICDL ..

انا كان عندي خيار اني أخذ الـ IELTS هالايام .. بس احس اني مب مقتنعه فيها.. أحس انه التوفل هو اللي اكثريتهم معترفين فيه.. فمن جي بغيت أخذ شوركم..

هيه زيــن ..
هو في ناس عادي يمتحنون الايلتس للوظايف بس أحس مادري سيده بيعرفون أنتي كيف لانه جوفي
هو من 9 .. أنتي لو يبتي 9 تعتبرين وحده Expert ولو 8 Very Good ولو 7 Good عرفتي ..
يعني كل درجة
يعرفون أنتي كيف وشو اللي مب أوكي في هالمستوى ..


فـ مادري أحس أن التوفل وايد أحسن
ومب معقد ! واصلن كله اختيارات .. هاتي 500 وفكي عمرج لول

التوفل احسن من الايلتس بمليون مره ..

ما في شي اسمه شي احسن من شي

كل واحد منهم له احتياجات معينه
يعني انا مثلا لو اييب توفل للكلية بيقولون لي اجلب ويهك انته و التوفل مالك

لو تسيرين بريطانيا بيفرون شهاده التوفل مالج و بيقولون لج هاتي آيلتس و نفس الكلام ينطبق على استراليا و كندا

التوفل معترف فيه "امريكيا" و الآيلتس معترف فيه في بريطانيا
انا عندي آيلتس و الحمدلله يبت فيه 6
و ناوي آخذ التوفل في الصيف لأني ابغي اكمل في الجامعه من عقب التقنية "غلطة العمر لول"


انزين ليش ما تاخذن آيلتس و توفل D:

انا جربت الاثنين


اذا كنتي تحبي السبيكنج وما تحبي تيلسي تركزي وايد امتحني الايلس

واذا السبيكنج عندج ضعيف احسن لج التوفل

وفي نظري انه الايلس اسهل

وكلهم ينتهون بعد سنتين

الايلس المعدل من 1-9
والتوفل من صفر لين 750

شوق القلوب

انا اليوم سألت السير وقلتله شو احسن الايلس ولا التوفل
قالي الايلس احسن وقالي شرات ما قال ذنيني

وانه الحينه يحاولون يغيرون فالتوفل

يعني قال اذا تبون تاخذون خذو الايلس وحتى الجامعة كانت قبل تبا التوفل الحينه لا تبا الايلس

حسب انتي في شو شاطره واتحسين عمرج قويه فيه
يعني الـ IELTS لازم اتكونين زينه في الـspeaking & writing
واذا اتحسين عمرج ضعيفه في هالاشيا خذي التوفل

ونحن في جامعتنا نحن اخر دفعه نمتحن الـ TOEFL
ومن عقبنا بيكون الـ IELTS اجباري
بس احس ان الاثنين صعبين
وانا للحين ممتحنه التوفل 3 مرات ولا مرة يبت 500 الله يعينا والله

يع يع ..
أنا إتعقد من التوفل .. إمتحنته 5 مرات ولا مره يبت 500 كله 400 وشي ..
وإن شاء الله بمتحن أيلتس تاريخ 21 - 4 أدعولي ..


عن تجربه ربيعتي إمتحنت 8 مرات توفل ولا مرة يابت 500 ويوم إمتحنت أيلتس يابت من أول مرة 6
أحس إن الأيلتس أسهل ..

..
انا امتحنت توفل كذا مره .. طبععا اتعقدت و يلست !!!

لاني دوم كنت آخذ فيه 400 و شي ..

لاعت جبدي منه ..

أنا أنصحج تاخذين الآيلس ..

لان التقنية يعترفون فيه .. و بعدين أفضل دراسة للنجليزي ف التقنية ..

التوفل أمريكي .. و وايد معقد ..

أما الآيلس بريطاني .. و أسهل ..

و اكثر الناس ينجحون ف الآيلس من أول مره ..

أما التوفل يباله كذا مره لين تنجحين فيه !!!!!!!!!

اليوم قاعده اشارو روحي شو اخذ TOEFL و IELTS .. ودخلت الواحه وشفت هالموضوع ،،

شكلي بتوكل على رب العالمين وباخذ IELTS

دعواتكم الطيبة

صبــاح الــود ..

^_^


امممم ..
المطلـوب لـطالبـات جامعـة زايـد .. أي شهـادة .. ؟!

ووو يعنـي هالشهـادة نمتحـن فيهـا في الجامعـة نفسهـا .. بـدايـة الدراسـة ..
ولا في الإجـازة نـاخذهـا بـروحنـا .. ولا كيــف ..؟!


انـزين .. وحـق المنـح وقبـول الوظـائـف .. شـو أحسـن .. التـوفـل ولا الأيلـس .. ؟!



والسمـوحـة منــكم ..!!