حملة التبرع بالدم....

السلام عليكم ورحمة الله وبركاته،،،
اسمع عن حملات التبرع بالدم داخل دولتنا بين فترة واخرى،،،وعن تسهيلات تقدمها هذه الحملات للمتبرعين وهم في مكاتب عملهم او مدارسهم .
يعني يروحون لين شغلهم ،،،وااايد متعاونين....
ويعطون محاضرات مكثفة يشرف عليها متخصصون للتوعية الافراد بأهمية التبرع بالدم،( ويقدمون اشياء مجانية مثل فحص الدم -ومعرفة نسبة الهيموجلوبين في الدم).
وهناك والحمدلله ...تعاون من كل الجهات والهيئات بالمجتمع من أجل تحقيق الوقاية من الامراض.
وهذا مفيد وصحي بدولتنا...واكيد الكل سمع عنه....وزارة الصحة وبنك الدم مايقصرون في هذه النواحي..:m_bye: :m_bye: :m_bye: :m_bye:
ولازم نهتم بأهمية التثقيف الصحي ،،،عشان يكون بلدنا خالي من الاوبئه والامراض المعدية..بلدنا مليانه جنسيات مختلفة..الحمدلله والشكر...:glare: :glare:
ويجب غرس القيم الدينية والاخلاقية والاجتماعية والثقافية بين افراد مجتمعنا من البيت والمدارس والمراكز الاجتماعية والنوادي ....ولاننسا المنتديات...والصحف المحلية والمجلات....الخ.
وخاصة في المدارس من خلال التوجيهات والارشادات الهادفة...
الكل يجب ان يشارك ويدعم هذه الحملات...ونحن في مدارسنا داخل مدينة العين دايماً نرحب بهذه الحملات...وانشارك فيها ....والفايده للجميع من المتبرع والمتبرع له...
اتمنى للي يحب يضيف اي معلومه جديده يدخل ويشارك فيها ما عندي مانع...عشان كلنا نستفيد،،،،:fa34: :fa34:

نحن كل كوورس بجامعة الامارات ايوناا هذيلا مال التبرع بالدم..

تقريباا يقعدون لمدة اسبووع..

وزين الواحد يتبرع بالدم .. يجدد الدورة الدمويه ..

هيه حتى نحن في مدرستنا في بوظبي زارونا
بس لأسف ما يقبلون اللي تحت 18
كان خاطري اتبرع وانشالله في المستقبل
تسلمين اختي على طرح الموضوع

السلام عليكم ..

بصراحه دايما أشوف الناس يتبرعون بالدم وخاصة للبنك المتنقل اللي رمس عنه خيال الحب يمر
الجامعه والسكن وغير باقي الأماكن بس للأسف أنا ماقدر أتبرع دمي مب أوكيه
يعني بس آخذ وأذكر مره كان في شخص صاير له نزيف
او شي جيه ويحتاي لـ 11
شخص يتبرعون له بالدم فصيلة O - مادري O + وناقصنهم 4 وإذا ماتبروعوله خلال 6 ساعات
بيموت بس عقب حصلوا يعني اللي يتبرع لا يظن أن الدم محد بيستفيد منه
بالعكس يمكن ينفذ حياة ناس بالكمية
البسيطة هاي
:smile2:

الاســـطـــوري
أخوكم

صدقت اخويه الاسطووري يا ما ناس عاشوا والسبه دم متبرع .. مب شرط دم لكن حتى الاعضاء مثل الكلى يعني ..

انا احيد كانوا ربعنا عندهم بروجكت ويايبين مال التبرع بالدم في الجامعه ..
وانا تبرعت الحمدلله .. لكن عقب ما تبرعت تميت طول اليوم تعبانه ..
لكن خاطري الحين ارد اتبرع من اول ويديد ..
على فكرة اي واحد يبغي يتبرع بالدم يقدر يسير مستشفى الوصل ..
لكن بشرط ان المتبرع اذاكان متبرع بالدم من فترة لازم تتعدى الثلاث شهور عشان يقدر يتبرع مرة ثانية ..

تسلمين الغاليه على طرح الموضوع

شكرا يا اخواني ع المرور...
احيانا نساعد انسان ع وشك الموت ....وتصورا انكم انقذتوه ...
هذا بروحه له اجر عظيم عند رب العالمين...