روضه ...ردت من العمره.....انشالله اتروحون كلكم...

السلام عليكم ورحمة الله وبركاته:fa34:،،،،

الحمدلله اعتمرنا ورحنا المدينه ...وزرت قبر الرسول صلى الله وعليه وسلم ..والله سهل علينا ...في كل خطوه ،،ولا شي زحمه،ولا حسينا بتعب والحمدلله اكثر اللي شفتهم من الامارات ماشالله عليهم ،،،،وكلهم عائلات .
رحنا المدينه اول مره اشوف قبر الرسول(صلى الله وعليه وسلم)والحمدلله قالولنا صلن ركعتين هذا الروضه.وبهدها رحنا مسجد قباء وصلينا هناك ...وشفت جبل أحد ومقبرة الشهداء..والله اني اذكرت كل اللي درسته بالمدرسه عن جبل احد وغزوة احد ..ويوم خالفوا امر الرسول (صلى الله وعليه وسلم ).ورجعت لي كل معلوماتي ..وتخيلتهم جدامي ،،،الله يرحم كل الشهداء..
السايق(محمد) اللي معانا كان ماشالله مثل المرشد السياحي ،،ماخلى مكان ماودانا له ،ويخبرنا عن كل شي والاحداث المهمه اللي حصلت فيه..وعنده معلومات عن اي شي.
وان جبل أحد من جبال الجنه ..
اعتمرنا اول ماوصلنا كان الجو وااايد حلو..ولا حسينا باي تعب ...وفي موقف حصل لي هناك طريف!!
((كنت اشرب ماي زمزم وانا مجابله الكعبه ،مر عليه واحد : غطي وجهك يامره!:Oo:
التفت واستغربت منه قلتله : ليش ؟؟:m_afaker:
عصب عليه مادري ليش وشحقه!!!
قلتله مب مغطيه ويهي ماتشوفني قاعده أشرب ماي زمزم وادعي ربي وانت تقاطعني..وماتخليني؟؟
انا من زمان ماشفت الكعبه ،وجايه من الامارات وخاطري اشبع من منظر الكعبه .:1:
كيف تباني اغطي وجهي ..؟؟ مستحيل خاطري اصلى في الصحن بس ما خليتونا .. استحى مني وراح)):redface:
احلى شي صلاة الفجر في الكعبه ...والعشاء جو شاعري ورهيب اتحس انك في عالم روحاني وديني بعيد عن كل شي ..وتنسى العالم كله..
الحمدلله ادعيت لكل اللي وصاني..:a033:
ويبت لكل هل الواحات ..شي حلو..تعرفون شوه ؟؟؟
كيمره مالت أول...للشباب
والبنات ...قلاده. فيها صورة الكعبه..
من الحين اقولكم عن الازدحام والحشره والصراخ كل واحد بعطيه اللي له ..ترا مانسيت أحد.:a068:
خنفروشووووووه وينك :icon_rr: ؟؟؟
خل الربع يصفون عدل جدام بوابة الواحات عشان اوزع الصوغه...

عمرة مقبووله وذنبن مغفور
وتقبل الله طاعتكم
روووضه مايخصني اريد ارووح خلاص راح ادبر ليه احد يوديني
الله تذكرت وقت الإشراق وصلاة الفير
صدق صدق هالأوقاات أحلى ماتكون وانتي قاعده عالدري إللي ينزلج على الصحن:fa35:

الحمدلله عالسلامه

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

1/الحمدالله على السلامة وتقبل الله منكم سائر الاعمال والعائلة ايضا عمرة مقبولة.

2/من الامور الجميلة ان الانسان يقف على قبر الحبيب محمد صل الله عليه واله وسلم ويستشعر
ما فعل النبي محمد صل الله عليه واله وسلم للاسلام وكيف ضحي بماله ونفسه من اجل الاسلام
فهنئا لك.

3/هنيئا لك على الركعتين فى الروضة حيث تعتبر روضة من رياض الجنة ---- حيث نادرة ما ان تكون الروضة فاضية حيث الازدحام عليها منذ الساعة الثالثة صباحا.

4/جبل احد فعلا ومقبرة الشهداء لها صدى فى نفس الانسان والوقوف على التضحيات التى ضحوا من اجل الاسلام.

5/اهل الامارات : فعلا يعتبر اهل الامارات من اشد الناس على الذهاب للعمرة ولاحظت هذا الشي من زمان وحتى لوتكون اجازة 4 ايام ما يخلى اهل الامارات من الديار المقدسة فهينئا لهم.

6/سمعت حديث عن الكعبة ((النظر الى الكعبة عبادة)) فهنيئا لكِ النظر اليها .

7/فى كل صلاة يكون الجو روحانيا فى الحرم المكي او المدني.

8/مسجد قباء : انا كثيرا احب مسجد قباء وارتاح نفسيا فيه حيث الحديث الشريف ما مضمونة
صلاة ركعتين فى مسجد قباء تعدل عمرة.

9/وبالنسبة للصوغات عنواني على البريد هو 111111111111111 دبي اتريا.

الحمدالله على السلامة مرة ثانية
والسموحة على التعقيب الطويل

والله الموفق
اخوك المفتاح

عمرة مقبووله وذنبن مغفور
وتقبل الله طاعتكم


بس انتي طلعتي قبل ما تقري الرد عشان جي لازم تردي مره ثانيه وتدعيلي

والحمدلله على سلامتج

تقبل الله طاعتج يا رواضي

و الحمدلله عالسلامه

الله بحصل كيمره

يالله بالدور القصار جدام و الطوال ورى

البنات عاليمين و الشباب عاليسار

اقول روضه مازاد عندج شي من هالسياييد الي فيهن بوصله

اختي هزااايم ..شكرا الغاليه ...
الله يسهل عليج وتلاقين من يوديج...
اخوي المفتاح ...شكرا لك ....وعقبال الجميع انشالله ... في البريد غالي وااايد --> اقصد بتتأخر الهديه ..تعالوا كلكم عند بوابة الواحات اترياااااكم هناك...
بوزااايد..الله يسلمك،،، فااالك طيب خاطري اروح الحين وباسرع وقت..بس عليك تحجز لي ....
المره الثانيه انشالله .
خنفرووووشوه الحلو..!!!
الله يسلمك وعقبالك ...شي رهيييييب والله ..شفت اماكن وااايده وسافرت لكن مثل الكعبه والمدينه ماشفت..
والله يبت اشكال واايد حلوه بس فيها بوصله نسيت !!!والله عندي وحده فيها أسفنج وفخمه وااايد شورايك تباها؟؟؟

وعليكم السلام ورحمة الله وبركاته

روضه .. الحمدلله على السلامه ومبروك عليج بزيارة البيت وتقبل الله منج طاعتج

وربى يرزق الكل يروحون العمره ان شاء الله وانا وياهم بعد لوووووول

والحمدلله على السلامه مره ثانيه

مرحبا اخوي بحر الموده
...والله يسلمك ...وتقبل الله منا ومنكم انشالله وعقبالك

عمرة مقبولة روضة

و الله يتقبل طاعتكم ان شاالله

ما شا الله رحلتكم حلوة و شي وايد حلو أنج تزورين هاذي الأماكن

ما سرتوا محطة القطار اللي في المدينة؟

أنا هذا الصيف اكتشفت أنه المدينة فيها قطار كانوا مسوينه أيام الدولة العثمانية يوصل بينها و بين الشام

للأسف ما صارتلي فرصة أشوفه ! بس مرينا على مبنى المحطة من برع "عجيب" و حلو :heart:

روضه

عمره مقبوله

أنــــا أبـى أســيــر :fa35:

بس زين ما شالله يوم رمتوا توصلون الروضه

آخر مرة سرت ما رمت أوصل الروضه من الزحمه :bye2:

صاكين صكه عالحريم :glare:

.
.

و الله ففوادي أسير :inlove:

..

بسم الله الرحمن الرحيم ..

هلا اختي روضه :14: ..

الحمدلله ع السلامه ياختي وتقبل الله طاعتكمم ..

بحفظ الرحمن :fa35: ..

عمره مقبوله ان شاء الله :)

عمرة مقبولة يا روضة
حمدالله على سلامة الوصول
ان شاء الله ربي يرزقني و أروح العمرة قريب

عمرة مقبولة ان شاء الله روضه...

تعرفين انا ما جد تعرضت لموقف مثل الي ذكرتيه عن الي غطي ويهج...بس وايدات يخبروني انهم صار لهم...حتى اذكر وحده ضربها مطوع بعصا لابسه بنطول هذا ايام الثانوية...بس اختي هالمرة يوم سارت جنهم حد قالهم يتغشون.

:heart: الســـلام عليــــكم ..:heart:
شكرا اخواني وخواتي ...انشودة المطر/وحي القلم/الجديده/طير الحب/الم ترى/خيال الحب/ :heart:
وعقبال الجميع انشالله ...اللي يروحلها مستحيل مايشتاقلها مره ثانيه ..:fa34: