عيون قمر

:fa35: أحم أحم
بسم الله الرحمن الرحيم

هاذي أول مشاركة لي في ها القسم ...ويارب المشاركه تعيبكم.....بس أسمحولي كل أسبوع بحط جزء جديد ...ما بحطها كلها مرة وحده...
عيون قمر


الشخصيات:
بيت بوخليفه الرميثي:
بوخليفه
أم خليفه
خليفه
سعيد
حمد
والبنت الوحيده:قمر

بيت بو جاسم الكتبي
بوجاسم
أم جاسم (أخت بو خليفه)
جاسم
ميرة مرة جاااسم
علي
مريم
سيف
مهره
أحمد

بيت بو هزاع الرميثي (الولد الكبير في عايلة الرميثي)
بو هزاع
أم هزاع
هزاع
محمد
سعيد
حسن
مايد

بيت العايله الكبير(بيت بو راشد الرميثي)
بو راشد
أم راشد
محمد


الجزء الاول:
في بيت بو خليفه على الساعه وحدة ونص الظهر خليفه وسعيد وحمد يايين من دوامتهم من أبوظبي...وألحين هم في بيتهم في العين...دخلوا البيت حطوا سييايرهم في الكراج...وكل واااحد شل نعاله وركض البيت...فتحوا الباب على السريع ودخلوا
خليفه.....سعيد....وحمد...مرة وحدة :السلام عليكم ورحمة الله وبركاته
بوخليفه وأم خليفه وعليكم السلام والرحمة
بوخليفه:يضحك....أنتوا عمركم ما بتعقلون وبتبطلون ها العادة اللي فيكم....بل عليكم مب جنه الواحد منكم طوله طول النخله...
أم خليفه::::ما تسوا عليهم ....بسم الله عليهم عيالي...الله يديم عليهم الفرحه يارب(الأم من أصل لبناني).
خليفه يجرب صوب أبوة ويبوسه على راسه ونفس الشي سعيد...وباسوا أمهم بعد على راسها وجلسوا...وأستاذ حمد لين ألحين واقف عند الباب وشال نعاله......وين قمر ما اشوفها؟
أم خليفه:الناس تسلم قبل
حمد وهو يضحك :فديتج والله يا أمايه سار صوبها ولوى عليها .. وعقب باس أبوه على راسه وجلس.
خليفه:أنت ياااهل حموووود.جان جلست في حضن أمايه بعد
قاام حمد وهو يستهبل ساير صوب أمه وبيجلس في حضنها ...ليش ما يقوم له سعوووود ويسحبه من شعره على الأرض.....الكل يضحك
في ها الوقت تدخل قمر من الباب.
قمر السلام عليكم .مرحبا
حمد:مرحبا ملايين ولا يسدن هلا والله بقمر دنيتي
قمر تركض صوب حمد وتلوي عليه فديتك والله ياحمود والله لك وحشه يالسبال.
سعيد :ههههههه ولهت عليه وتقوله سباااااال
خليفه:ما يسوى علينا ها الوله جااان بي من وراه مسبه.
قمر :تصدقون عااااد :أنتو ا غيرانين من حموووود حبيبي عسب جي تسون ها الحركات .بس ما عليه موتوا قهر ما بلوي عليكم ...يالله مناك.
بوخليفه:الله يهديكم ويخليكم لبعض يارب
الكل::::أمـــــــــــــــــ ـــــــــــين.
أم خليفه:يالله قوموا بدلوا ثيابكم ونزلوا عسب بحط الغدى
خليفه وحمد وسعيد وقمر يتراكضون على الدي.كلن بيروح يبدل ثيابه وبينزل.


على طاولة الأكل:
الشباب جالسين يستهبلون على بعض....وأستاذ حمد يكلم قمر من تحت لتحت يسأل عن حبيبت القلب مهروووووه
المهم خلصوا اكل وكلن سار غرفته....
قمر جالسه تفكر في سيف ولد عمتها ...كيف بتكون حياتها وياه ...كيف بيعيشون مع بعض...فكرة توديها وفكرة تدرها...ماحست بعمرها إلا على صلاة المغرب....قامت سبحت وصلت العصر والمغرب ونزلت تحت عسب أنه بتسير بيت يدها هيه والشباب أخوانها. طلعت ما شاااافت حد دخلت على حمد بحكم أنه أجرب واااحد لغرفتها جان تشوفه راااقد وسعيد وخليفه نفس الحال....فصخت عباتها على السريع ونزلت المطبخ يابت ثلاث دبااات ماي من الثلاجه ورجعت فوق وجان تدخل عليهم واحد واحد من خليفه لسعيد لحمد .وما بخبركم عن اللي صاااار فيها زخوها وجان يصبون عليها ماي بثلاثتهم وهيه تضحك.ولا عليها.
المهم تموا يلعبون بالماي لين ما وصخوا الدنيا بالماي ...بييت أبو خليفه من صلاة المغرب ...سمع صوت حشرة في البيت .
سااار فوق جان يشوف البحيرة اللي مسوينها فوق ...وعطى كل وااحد فيهم هزبه محترمه ونزل عنهم ...المهم الكل سااار بدل ثيااابه وكشخ وظهروا ماشاء الله عليهم ربي يحفظهم .كل واحد فيهم أكشخ من الثاني ....قمر كانت لابسه بدله عنابيه ومتجحله وحاطه جلووووس وطالعه جنا ن بحكم لون بشرتها الأبيض وعيونها الملونات ...يايه على خضار ما أعرف كيف بصراحه..وحمد كان لابس كندوره عربيه ومتغتر وطبعا كان متحلق في أبوظبي لأن مايحب يخلي مهرة تشوفه متبهدل وكان واااايد يشبه قمر...وخليفه ما شاء الله عليه ريال جنتل وما عليه كلام غترة وعقال وحركات.وسعيد كان لابس كندورة عربيه لونها بيج وطالع روعه بليا غتره ولا خرابيط شعره أسود وناعم وجماله جمال عربي صح؟...
المهم الكل طلع بسياااره وحده...ما عادا بوخليفه وأم خليفه ...قالوا حق العيال أنتوا ظهرواا ونحن بنظهر وراكم.

وصلوا بيت بو راشد ونزلوا ...كانواا عيال بو هزاع الشباب وعيال بو جاسم كلهم هناك وعيال عمتهم بالرضاع بعد...
دخلوا الصاله وكان الكل جالس شباب وبنات وحريم وريييايل ...دخلت قمر أول وحده ...وما شاء الله عليها ...الكل كان يطالع ها الأنسانه كل ما كبرت تحلو زيادة والشباب يكلمون بعض من تحت لتحت .بس هيه ما أهتمت ودخلت وسلمت على الكل وجلست وخليفه وسعيد بعد....

أووووه نسينا حمد....حمد كان بعده صوب السياره يتعطر ويعدل الغترة وما أعرف شو ....وصل حذال باب الصاله
حمد:أحم أحم:السلام عليكم....سلام خاص للبنات والغراشيب
الكل يضحك على خباله...
ومهروه كثر ما هيه فرحانه بشوفته ..كثر ما هيه متغيضه من رمسته ..لأنها وايد تغار عليه وكانوا عيال خالتها بالرضاع موجودين وكلهم بنات ...ما عندهم غير ولد واحد.
هو حس فيها ؟؟؟وتم يطالعها ويسويلها حركات ؟
وفي ها الوقت كانت عيون سيف معلقه في قمر.. من دخلت وهو ما نزل عيونه من عليها ...كانت ها البنت بالنسبه له دنياه وعالمه الخاص...
جان يوقف ويسير صوب حمد ويلس يكلمه شوي شوي .وبعدين ظهروا برع في الحوي.
ساروا صوب السياااارات وحطولهم هاذيج الأغنيه الحلوه وعلو عليها على الأخر ...عسب الكل يسمع الصوت ويظهر ؟؟؟الكل من سمع الصوت ظهر وفي ها الوقت كااان بوخليفه بعد ياي وقف السياره ونزل....
سيف وحمد قالوا بصوت عالي ...ها اليوله إهداء حق نااااس غراشيب موجودين جدامنا...كانوا يقصدون قمر ومهره.
كان سيف لابس كندوره سوداء ومتغتر بشال بيج وكان طالع شكله عذااااااااااااااااااااااا ب وطبعا حمد مب أقل عنه في الكشخه....وبدوا الشباب واحد ورى واحد ينزلون أيولون ...كان يوم صدق كشخه ...
سيف كا يردد كلمات الأغنيه ويأشر بأيده على قمر والكل كان فاهم ها الشي؟ويعرفون أنه قمر لسيف وسيف لقمر.
خلصو ا وتعشوا وعقب تموا الحريم والرياييل داخل ...وجان يظهرن البنات برع في الحوي...والشباب طبعا ما صدقوا لحقوهم .....مب شايفين خير؟؟؟؟
جلسوا كلهم تحت المظله اللي في الحوي ..وتموا جي ضحك وسوالف...وما شي أحسن عنهم.قامت قمر عسب تسير تشرب ماي جان يقوم سيف وراها ...
خليفه: ويييييييييييييييييييييييي يييين سايرين .
قمر: أنا سايرة أشرب ماي وبرجع
سعيد: وأنت وين ساااااير سيفوه
سيف: أنا بعد شراتها ...في ها الوقت قمر خلتهم وسارت
وهم يبون يأخرون سيف عسب ما يلحق على قمر ... بس هو فاااهم حركاتهم فطنش وساااار وراها؟
قمر في المطبخ :::واقفه وحاطه أيدها وحده في خصرها والأيد الثانيه ميوده فيها الكوب وتشرب؟
سيف:أحم أحم
قمر عدلت وقفتها ومستعده أنه تظهر.
سيف: قمووووور غنااتي أنتي وين سايرة .
قمر :بظهر خلاص مالي حايه في المطبخ
سيف يضحك:وليش ماخذه الكوب وياج ؟
قمر :بكمل شربه في الطريج.
سيف خذ الكوب من أيدها وشرب منه شوي ورده حقها
قمر:لا والله
سيف: يالله كملي الكوب جدامي وإلا ما بتظهرين من المطبخ .
قمر: شوووووووووووووووووو
سيف: شو بلاج؟
قمر ساكته ومنزله راسها.
سيف :أختاري بتشربين الماي وإلا ترى بعطيج بوسه غصب
قمر متوترة ما تعرف شو تسوي
سارت شربت الماي وحطت الكوب عسب تظهر....
جان يذخها سيف ويبوسها؟؟؟؟؟؟؟؟؟؟؟؟؟؟؟؟؟؟ ؟؟ وين تتوقعون؟؟؟؟؟؟


أحم أحم لا تفكرون وايد باس كف أيها....

المهم أنا ما بطول في ها الجزء لأنها أول مرة وأخاف تملون من أسلوبي بكمل ألكم بالجزء الثاني.


أختكم...ليــــــــــــــــ� �ــــــــــــــش

بأسم أعضاء المنتدى بقول حياج الله و اسلوبج ما ينمل.....

و للي عنده اي مشاركه مفروض ما يستحي و يقدمها

و مع الوقت بيتطور أسلوب كتابته و ذلك طبعا بفضل الله ثم

بحسب المجهود الفردي و النقد البناء من قبل أخواني و أخواتي الأعضاء

أتمنى لج التوفيق

اختيه ليش
مرحبابج معنا
ونحن سعيدين بوجودج
اختيه ليش
حق ليش تستصغرين مجهوودج
انا هب قااريه
لكن ان شااء الله ليه عوده
والسموحه

مشكورين خوااااني نجم سهيل, هزاااايم ,على مروركم الكريم ...أتا بكتب بس أنتوا عاااد أنتقدوا وقولوا شو رايكم...
ترى القصه واااقعيه وأحداثها مازالت ساريه وما أعرف كيف بتكون نهااايتها؟
تسلمون...
ليــــــــــــــــــــــــش؟

اختيه ليش
تريدين الحقيقه
ولا رمسة المجاامله:tounge:

قصتج تفتقر الحوار
كنه إللي تقولينه سرد يوميات هب قصه
وتحتاج لتنظيم
:14: نتوقف لبريك

نعوود:a070:
أظني في اشياا لازم ماتنذكر,,اظني عرفتيها:yes:
وفي مصطلحات يبيلها تغيير لأن هب متوالمه مع أهل المنطقه إللي بها الأحداث

تقبلي هالشي برحاابة صدر ولاتزعلين منيه
لكن والله اريد لج الخير
ولو ردي أو وجودي تحسيب به محبط
خبرينيه وماراح تلقينيه موجوده
انتظر ردج واضافتج للجزء الثاني
والسمووحه

بصيح؟؟؟؟؟؟
لا أفا عليج أمزح؟؟اللوااااحد يعيش عسب يتعلم؟؟؟وعلى فكره ؟؟أنا أحد شخصياااات القصه؟؟؟وأعرف شو الكلمات اللي أنقالت بالضبط؟؟؟ فيعني الكلمااات مالها خص وما تأثر على مضمون القصه وإلا أحدااااثها وإلا أنا غلطااانه؟
وبالنسبه للسرد وقلت الحوار في الخصه...ها يعتمد على أسلوب الكاتب وطريقة عرضه للقصه...وأنا أعتقد أني كفيت وفيت ورديت على كلامج كله؟؟؟أنا أكتب عسب أحصل رد وتشيع ونقد في نفس الوقت مب نقد وبس؟
السموحه منج ...ومشكورة على رايج...؟
أختج ليش

والله اختيه ليش
لاتزعلين
والله هب قصدي

انا هب كااتبه ولا اني احكم على قصتج
هو مجرد رااي
وتابعي يا الشيخه
وحلو الواحد يسمع لغيره:love2:

آسفه والله هب قصدي,,أكره أول انطبااع لا يكون اعتبرتيني وغده ولاشريره