نبغي مدرسة خاصة لو عندكم فكرة

السلام عليكم

أكيد اللي خلص امتحاناته أمس واللي اليوم واللي بيكون بااجر وحد على تاريخ 25 تقريبا

المدارس تختلف والجامعات والكليات ...

حد يعطي إجازة يوم وامتحان ... وحد لا بدون إجازة ..

أتمنى لكم التوفيق والنجاح جميعا إن شاء الله

وبما إنكم داخلين على إجازة تريحوون طشونة ..

بس هالموضوع ترااه استفسار عند مدرسة خاصة ..

يهال العايلة عندنا .. حد منهم في دبي الوطنية وحد منهم في دبي الدولية

وكل حد له راااي .. حد يقوول لا هالمدرسة مووول مب شي وحد يقول لاااا

وكلن له رايه .. وحد مايستقر على مدرسة وحده .. كل سته ينقل عياله مدرسة غير

ومب شي يوم كل سنة الواحد ينتقل .. وطبعا المنهج البريطاني والمنهج الامريكي له دووور ..

عندنا الصغيروني الله يحفظه يبوون يحدرونه الروضة الحول ... وماشي وقت لانه التسجيل من شهر 5

أظن .. والاهل يتشاورون هل يحدرونه مع اخوانه ... وإلا في مدارس بالهبل فتحوها .. السنة

شو رايكم بالمدارس الخاصة ..

الــDNS "مدرسة دبي الوطنيه" اختربــت مب شرا قبــل ، و الكــل يتشكّى منها أحينه

امممم بنت عمّوه امدخله ولدها مدرسة وايــد زينه و دوم تمدحها
أنا يوم شفتها بعد عيبتني و أعتقد ادارتها بريطانيّــه

أسمها : Star International School ==> مب متأكده من الاسم بس اعتقد صح ، لو غلط لا تلومني تراني إلا مساعه ناشه من الرقاد :fa46: ...

قصايد في فيستفال ستي شي مدرسة ديرة الوطنية وشي مدرسة اميركية اظن

وفي مدارس كذلك في منطقة المحيصنة (ديرة -دبي ) محد يعرف عنهن ؟؟

لأنه حد من العايلة في مدرسة الخليج واونه مب شي ونقولهم ..

هيه محيصنه شي بها وااايد مدااس
لووول وصلوا اهل دبي
خخخخخخخخخخخ
أوكيك جدى محيصنه شي دبي تربيه الحديثه<<<لاتبيعون عيالكم وادخلوونهم

شي الأكادميه للبنات<<أوكي لكن واايد اجانب بها

شي قرين وود"الغابه الخضراء"<<مدري بنت اختيه هناك,,مااشوف اختي تتشكى

لكن دبي دوليه >_< اخوي كان اهناك لمده لكن الحين عالثنويه امايه ظهرته واايد سمعت رمسه مستويه وجذى,,فسحبووه,,

انا احب مواكب احس الرووضه أوكي عندهم=>
وشي uptown ولدنا اهناك و اوكي الصرااحه,,لكن وايد بها اجاانب=q

اتحاد للروضه بعد اوكي
وشي ميتوسوري"قرهود حذال جمعية الإمارات" يعني هي حضاانه لكن يخرجون بروضه أولى وأوكي حنا عيالنا كلهم دخلوا هنااك وتخرجوا من عندهم بدرجه روضة أولى=q

التربية الحديثة وحده من الاهل دخلت عيالها وطلعتهم .. سنة وحده بس ..

الاكاديمية وين مكانها ؟؟

قرين وود يقولون زينة لحد الحين

دبي الدولية ؟؟؟!! ( بلاااااها بعد )

الموااكب ... خير شر مانباها

الاتحاد ... زينة

آب تاوون مادري عنها

تبا الصدق ياخويه ، انا ما أعرف مدارس دبي كلها لأنه افتكينا من طاري المدارس في بيتنا

و اليهال عندنا أغلبهم في الشارجه في الــSBS "مدرسة الشارجه البريطانيه" يهال العايله أغلبهــــــــم في هالمدرسة :14:

وعندنا يهال في الشويفات ، و ويس جرين والوحدة ===> هاييلا اللي اعرفهن في الشارجــة :)

لكن في دبي ==> ستــار والـDNS لكن المدارس اللي تطريهن والله ما اعرف شي عنهن

بس اتخبّروا عن ستار لأني أشوفها زيــنـــه وطبعا الدور الكبير على الأهل شو ما كانت المدرسة:yes:...

قصايد

يبالنا ننشد عن Star International School أكثر

الأكاديميه اظني جدى التربيه الحديثه

وآب تااون أوكي حتى مبنااهم نااايس

ليش مواكب حلوه عسب عيالكم يتعلمون باديك باديك انا مش لعبه بيدك=q قصدي بيعلموونهم فرنسي وآب تاون يعلمون ألماني"والله حاله نحن نتخرج ويا الله نلقط كم كلمه بالهندي والأردو وهذول شبر ونص لغات دنيا"

دبي الدوليه,,مدري شو السالفه

شوف قرين وود أوكي والإدااره اهناك كلهم من أهل البلاد واغلبيتهم من المنطقه التعليميه و الصرااحه صح في اشياا تعيسه عندهم"يعني اونه يعطون امتحان للصغاريه عيال الروضه يختبرونهم وش لقطوا من الكورس"لكن تعاملهم ويا الصغاريه حلو

هزاايم عيل يبالنا نشوف greenwood و uptown

Star International School

داخله عرض
مايخصني بظهر احسليه
بس حبيت اسلم ^_^

مرحبتين .. سلامج وصل ...

شويفات دبي + الامارات الخاصه + المواكب.

الاتحاد دمرانه بس فرع جميره اهون من فرع الممزر. ( الطلاب شياطين وايد )
امممم .. دبي الوطنيه ( الجيل اليديد ) مب شي .. مافي مواطنين وكلهم زلمات وكلحد يتشكى!
دبي الدوليه ( موول مب شي ) اداره ضعيفه واساتذه مب مؤهلين.

شي مدارس يديده .. بس احسن شي على الساحه الامراتيه شويفات و الامارات الخاصه في ام سقيم.

في بوظبي اكادمية الشيخ زايد للبنات - الوردية - الصنوبر .. مادري بعد

اقتباس:

---

المشاركة الأصلية كتبت بواسطة بوظبي

في بوظبي اكادمية الشيخ زايد للبنات

---

ماخفيااا أعظم ياخويتي:fa45:

شويفاات
الإنجليزي أوكي والعربي هيهيهيهي عليه السلام

اقتباس:

---

المشاركة الأصلية كتبت بواسطة هزاايم

ماخفيااا أعظم ياخويتي:fa45:

---

جيـه ؟

اقتباس:

---

شويفاات
الإنجليزي أوكي والعربي هيهيهيهي عليه السلام

---

ألله والعربي الي عند عيال الحكومه الي ندرس كل المواد بالعربي مادري كمن سنه .. وبعدني اغلط و نسيت كل الايات الي حفضتهم مال الدين و الاعراب لو تساليني بخلي كل شي مضاف ومضاف اليه وجار ومجرور :fa46: